Untitled Story : Uncertainty & Confusion !!!

" Soniya ! tum kaun se shaher se ho waise ? " 
" Main Gorakhpur se hun , 12th ke baad waha admission nahi mila toh idhar form bhara aur seat mill gayi . " 
Main kitna bhi koshish kar lun par jab tak Soniya mere paas hogi main usse door nahi jaa sakta . Soniya aur  Kabir baat kar rahe hai . Yeh break-time hai  aur hum sab canteen me hai . Soniya new hai par usme khasiyat hai ki woh sabse jaldi gel-up ho jaati hai . Abhi bhi woh sabse has - has ke baat kar rahi hai . Main Aarav ke saath baitha hun . Uska saara concentration samose pe hai aur mera saara concentration Soniya pe . Waise Kabir humare batch ka Topper hai . Pehle internals me isne itna high score kiya kee professors bhi iske shaageer ho gaye hai . Kabir har cheej me aage rehta hai , ab chahe wo padhai ho yaa flirting . Mujhe usse tips leni chayiye shayad . Uff ! kitni pyaari muskaan hai Soniya . Hamesha uska haste huwe baat karna . Uske smile se gaalo pe wo dimples uski cuteness ke ratings aur badha dete hai . Usne mujhe abhi tak notice nahi kiya par koi baat nahi , main bhi taiyyar nahi hun uska saamna karne ke liye . Itne der se apne ko rok ke rakha hun , shayad mujhe uske paas jaana chayiye , usse milna chayiye . Jab se Soniya aayi hai tab se ajeeb si khushi mehsoos ho rahi hai . Charo taraf love-birds hi dikh rahe hai . Hawa me romance ghul gaya hai . Kaano me jaise violens baj rahe hai , aur gaane bhi filmy - fully romantic . Har jagah sitaare aur har sitaara chamakta huwa . Aate hi poore college pe jaadu chala diya ho jaise . Ek jagah Aarav aur Priya ek-doosre ke saath baithe hai . Ek jagah Nishita mere khayaalon me khoyi huwi hai . Sameer aur Vicky ek-doosre ke aankhon me aankhein daale huwe khoye hai , bhale hi unconventional love hai yeh . Kaheen koi toh kaheen koi aur , par har taraf sirf  pyaar hi nazar aa raha hai . Par main Soniya se itne door kyu baitha hun ? Ab bahut ho gaya , ab time for some face off . Chal beta Vishnu , ab Kabir ko side karne ka waqt aa gaya . Par main chahke bhi uske paas nahi jaa paa raha . Mujhe yaad hai dhai saal pehle hum jaise alag huwe aur uske baad kabhi mile bhi nahi . Wo tab bhi mujhse naaraaz thi aur shayad aaj bhi hai . Agar usne mujhe pehchaanne se inkaar kar diya toh ? Abhi itne saare log hai aas-paas , abhi jaana theek nahi hoga . Shayad mujhe dispersal tak rukna chayiye . Woh mere saamne hai par main uske saath nahi . Mujhe ab Kabir ko dekhke gussa aa raha hai . Woh kursi pe baithke ishtyle maar raha hai . Soniya ka chehra dekhke pata chalta hai ki wo Kabir ki baaton se bore ho rahi hai . Uska chehra padh sakta hun main kyuki uske sabse kareeb bhi toh tha kabhi .  Soniya ko bahut jyada act karne wale ladke pasand nahi aate . Woh bhale hi extra-ordinary hai par usse hamesha se simple log hi acche lagte hai  , jaise ki main . " Vishnu ! class ka time ho gaya hai . Chale  ? " Nishita shayad mere liye hi ruki huwi hai ab tak . Wo  mujhe chahti hai , main uske mann ki baat padh sakta hun . Par jab usko pata chalega ki main sirf Soniya ka hun toh wo toot jaayegi . Yeh kyun ho raha hai  ? Haan ! chalo , class ka time ho gaya . Hum class ke liye chal pade . Main saath to Nishita ke hun par paas Soniya ke . Main Soniya ko chahta hun , Soniya pata nahi kise chahti hai , Nishita mujhe chahti hai aur Kabir Soniya ke piche pada hai . Yeh sab aage ke confusion ko dikha raha hai . 

Untitled Story : Return of Te Amo !

" Toh Baccho ! apne dimaag ke gyaan-kacchu ko khol do aur humare saath gyaan ki sair karo . Safar lamba hone wala hai par agar hum saath rahenge toh khushi se gyaan ko grahad kar lenge . Kya aap humare saath hai ? Kya aapka haath humare haathon me hai  ?Boliye ! " Yess sir ! Hum aapke sath hai . Waise yeh humare Professor  hai , kyuki yeh Bihaar se hai isiliye hamesha bhojpuri touch dete rehte hai . Inka naam hai , kaafi chota hai par ajeeb hai - Mr. SRK . Ji SRK ! , matlab Shahrukh Khan nahi , Sooraj Ravishankar Kripal . Ab shayad sabka doubt clear ho gaya hoga. Shuddh hindi aur ashauddh padhai , yehi inka motto hai . Aaj tak inka padhaya kisi ko bhi zara sa bhi samajh nahi aaya hai phir bhi yeh iss college ke main professors me se ek hai .Kabhi kabhi kuch cheeje kyun hoti hai , koi samajh nahi pata . Shayad inka subject Physical Physics hai , pata nahi kyuki poora samay toh yeh philosophy jhaadhte rehte hai . Itihaas ke panno se hote huwe yeh bhugol pe aate hai aur phir hindi lipi pe khatam ho jaate hai , ab isme science kaha se aayega . Par inhone pucha ki hum inke sath hai ki nahi , toh humne haan kar dee. Class me bheedh par bheedh me main har baar ki tarah akela nahi hun aaj . Kal raat ke baad main apne piche baithi Nishita ko pehchaan gaya hun ab . Sach me yeh sirf mujhe hi dekhti rehti hai . Shayad yeh mujhe like bhi karti hai , par yeh nahi jaanti ki maine apna dill Soniya ko kayi saal pehle hi de diya tha aur ab bhi mera dill wahi Soniya ke paas hai . Mood accha hai toh socha ki kuch kiya jaaye . SRK toh padhate rahenge , par padhta kaun hai inke bell me . " Haan toh baccha ! hum keh rahe the ki Akbar bhi chahte toh engineer ban sakte the . Par .." Sir ke lecture ko interrupt karne ke liye humne ek ladka book kiya huwa hai , Raju . Raju har baar sir ko jawaab deta hai aur jawaab aisa ki poori class maja le le . Raju phir se bola -" Par uss zamaane me engineering colleges nahi the isliye . " Waah ! kya logic diya hai Raju ne . Poori class aur main phir se hass pade , aur koi option bhi nahi hai . Sir thoda gussate hai par Raju ke saamne toh unki bhi nahi chalti - " Baccha Raju , tumne theek kaha . Tumhara uttar prabhaavshaali hai par utteed nahi hai . Dekho baccho ! Akbar bachpan me ghodo ka bahut shauk rakhte the . Unke hi kaaran aaj hum gaadiyon - motor cycles me horse - power paate hai . Bolo Akbar ki jai ho ! " Jai ho ! Jai ho ! . Yeh hai SRK ki physics class . Piche kya haal hai ,dekhte hai . Nishita kya soch rahi hai , main sun sakta hun - " Vishnu , OMGee ! tum piche se bhi awesome lagte ho "  Baap re ! aisa kya . Koi piche se awesome kaise lag sakta hai bhala . Chehra toh mera saamne hai , phie yeh kis part ko awesome keh rahi hai ? Ohh ! main thoda uncomfortable mehsoos karne laga ab . " Vishnu , tumhare baal toh kisi hero ki hair-ishtyl  jaisi hai . " Maine bhi yeh jaanke apne baalon pe haath phiraya . Wo sirf mujhe hi dekh rahi hai piche se . " Ek baar ghum ke dekhlo piche , main har din tumhari ek nazar ke liye baithi rehti hun . Bhagwan ! please aap Vishnu se kaho na ki wo piche dekhe , mujhe dekhein . "  Bhagwan se vinti kar rahi hai . Chalo , bhagwan ne iski sun li . Main bhi piche ghum hi gaya . Hiiieee ! kaisi ho ? " Wao ! main bilkul theek hun." Itna sunke main waapis aage dekhne laga warna sir hume pakad lete . Ab kya sochogi tum ? " He bhagwan ! tumne meri sun li. I luv u Vishnu ! " Arre baap re ! yeh toh kuch jyada hi khush ho gayi . Ab piche nahi mudne wala . Main yeh sab soch hi raha tha ki sab khade ho gaye , principal ji aa rahe hai . Mr SRK kinaare chale gaye . Humare principal sahab - " Students ! aaj  humare college ka koi hissa banne wala hai . Koi naya player hai jo pitch pe utarega . " Woh kya hai na ki humare principal ko cricket bahut pasand hai . Sirf dekhte hi nahi , yeh cricket bolte bhi hai . Jaise hum students inke liye team players hai , yeh college inki franchise hai . Franchise isliye kyuki jabse IPl shuru huwa hai ywh IPL ke bhi deewane ho gaye . Waise principal sahab ka naam , i mean humare coach ka naam hai - ORKUT . Funny hai na ? Waise orkut ka matlab -Om Rishikesh Tripathi . Par saara shaher inhe orkut ke naam se jaanta hai . Orkut isliye kyuki hum sabne apna - apna account inhi ke college me banaya hai . Dekhte hai aaj ka naya player kaun hai . " Team apna naya member ka swaagat karo , hum inhe opening ke liye chunte hai . Give a warm welcome to Mis. Soniya Srivastava . " Darwaaze se ek pari andar aayi . Apne lambe kaale baal , gore - gore gaal aur  madmast chaal ke saath , Soniya class me enter ki . Yeh Soniya hai , meri Soniya . Kitna saalo baad ? Main abhi kya mehsoos kar raha hun , main bilkul nahi samajh paa raha ab . Meri aankhen vishwas nahi kar paa rahi ki Soniya saamne hai . Sab kuch out-of-focus sa ho gaya . Soniya ke alawa aur koi nahi dikh raha . Meri aankhon pe aate hi kabja kar liya . Sab kuch tham gaya . Bas main aur Soniya aur koi nahi . Aaj hawa me khushi ki lehar beh rahi hai , taazgi mere chehre ko chhu rahi hai . Main usse dekh raha hun , dekhen jaa raha hun  aur dekhta rahunga . " Toh Soniya Tendulkar , aap pehli seat pe baith jao kyuki opening aap ne hi karni hai . Okay , i will take ur leave now . "  Main ab bhi hosh me nahi . Meri  toh batti hi gul ho gayi ho jaise . Phir se wohi nazaara , main aur Soniya itne paas . Wo aayi aur seedhe mere thik saamne baithi hai . Yeh kya ho raha hai mere saath , sab kuch mere liye khaas hota jaa raha hai . Jo chayiye mill raha hai . Soniya sab kuch tha bas ek tum nahi thi . Par aaj tum bhi aa gayi . Main toh mann hi mann ucchal raha hun . Agar aas-paas koi nahi hota toh main zaroor khushi se jump karta . She is here now . The love never leaves you if it is yours . Aaj mujhe yakeen ho gaya iss baat par . Yeh mere liye sabse khushi ka pal hai , meri zindagi ka doosra sabse sunahra pal , pehla toh jab maine Soniya ko dekha tha tab . Sach kahun toh Soniya ki surat me har ghum ko fanaa karne ka raaz chupa hai . Abhi tak har raah me uska ehsaas juda tha par ab wo khud mere saamne hai . Aaj tak mera har khwaab usi se juda raha aur ab aage bhi rahega . Zindagi ka har pal toh pehle se hi uske naam hai . Aaj meri khushi ka koi kinaara nahi . Main  , mere aage Soniya aur humari zindagi . Bhale hi Soniya mujhse baat na kare par pehchaan to sakti hai . Pehchaana toh chayiye hi yaar . I loved her and will always do .

Untitled Story - Vishnu-Nishita - The Romance in the Moonlight !

Mujhe neend nahi aa rahi hai . Bed par leta huwa ceiling fan ko dheere-dheere gol - gol ghumta dekh pak chuka hun . Kitna der yuhi khaali leta rahun . Jab se kuch shaktiyan mili hai , main ruka hi nahi hun . Sirf apne dimaag ko charo-ore chala raha hun par kahi manzil nahi soch ki . Abhi toh sirf kuwe ke paani ko naapa hai , kudna toh baaki hai . Abhi toh sirf zeher kharida hai , peena abhi baaki hai . Soniya ki itni yaad 5 mahine me pehli baar aayi. Kabhi - kabhi aisa hota tha par tab main school me tha , jab se college join kiya hun tab se Soniya ka zikr kisi ne nahi kiya par aaj Aarav ne photo wali baat ki toh khud ke emotions se main haar gaya . Ab uub chuka hun toh bed se uthke main wahi apne khidhki wali jagah pe chala gaya . Khidhki bandh hai toh kholna bhi mujhe hi hai . Khidhki kholte hi chaand ki tez roshni kamre ke andhere ko dhak dee. Yeh waqt chaand ka hai kyuki sirf sitaare hi hai jo abhi usse aakaash me saath de rahe hai . Maine ek baar phir apne wallet me rakhi tasveer ko chuwa , lekin  poore 2 saal baad . Jab school me tha tab Soniya ki tasveer school magazine se kaat kar apne purse me rakh li thi . Tab se lekar ab tak uski tasveer hai mere purse me . Na kabhi tasveer badalne ki sochi aur na kabhi phekne ki . Sach kahun toh 10th pass karne ke baad se tasveer ko haath tak nahi lagaya maine . Aaj woh tasveer dekhne ka mann kar raha hai . Wallet ko khola aur ek chain ke andar bandh Soniya ki yaad baahar nikaali . Mere haath kaap rahe hai , darr lag raha hai ki kaheen phir poorani saari baatein na yaad aa jaaye. Tasveer ke baahar nikalte hi mere aansun bhi baahar nikal gaye . Emotional hona bhi ek gunaah hai . Sochta hun ki main Aarav yaa Sanchit ki tarah kyun nahi hun . Woh hamesha khush rehte hai aur kisi cheej ki fikar nahi  karte . Main hi aisa kyu hun ? Tasveer me usne School dress pehani hain . Chehre pe ek chamak jo hamesha hi rehti hai . Baal bandhe huwe aur ek latt kaano ke upar se hote huwe chehre pe saamne aata huwa . Aankhen aisi jisme kho jaaye har bandaa . Phir socha apne andar ke naye badlaav ko . Kya hai aage ? Mera future kaha hai  ? College me yaa phir duniya ke kisi anjaan jagah pe ? Soniya ki saari baatein  aaj bhi mere dimaag me baithi huwi hai . Woh bolti thi toh mann karta hai ki sirf usse hi sunta rahu . Main apne khayaalon me khoya hun aur darwaje par koi khada hai shayad . Main dekh sakta hun ki baahar koi hai bhale hi darwaja bandh hai . Dekhne me toh koi ladki hai , darwaaje ka kavach bhi usse meri nayi nazron se nahi chupa sakta . Kaun hai woh ? Maine socha ki bolne yaa puchne ki bajay main darwaja khol ke dekh loon .Yeh kaun ladki hai , pehle kabhi toh nahi dekha isse  ?


Darwaja khola aur dekha ki haan ek ladki hai . Isne night suit me hi yaha aane ka kasht kaise kar diya ? Iss ladki se jyada sharm toh mujhe aa rahi hai isko aise haal me dekhke . Pakka yeh Aarav ka chakkar hain . Main usko dekh raha hun kyuki bolu kya yeh mujhe samajh nahi aa raha . Wo hai ki mujhe ghurte hi jaa rahi hai . Thandi - thandi hawaayein bekhabar chalte huwe na - jaane kya kehna chah rahi hai . Chaand bhi apni roshni hum par nahi bikher raha hai . Wo apni nazrein ek tak mere chehre pe gadhaayi huwe hai . Na kuch shabd aur na koi sawaal . Sirf aankhen hi kaam kar rahi hai . Main thoda sa peeche hata aur raat ki chaandani me pehla shor ghol diya . Tum Aarav se milne aayi ho na ? Wo ladki jaise iss duniya me hai hi nahi . Bekhabar khadi hai aur apne kaam me khoi huwi hai . Kaam hai sirf mujhe dekhte rehna . Hello ! tum bol nahi sakti kya  ?Sawaal thoda sa harsh hai par maine pyaar se kiya kyuki main usko sad nahi hote dekhna chahta . Jab kisi ki koi baat buri lagti hai toh dill dukhtaa hai , aur mere se accha aur kaun jaanta hai yeh baat . Raat ki pari ki tarah mere saamne khadi sirf khwaab jaise lag rahi hai  woh . Main ab aur kuch puchta toh shayad wo gir hi jaati . Par maine pucha hi - Tum kaun ho ? Mere ek sawaal ne toh jaise usko heart-attack hi de diya . Sunte hi mere upar gir gayi . Hello ! kya huwa ? Are you fine ? Ab main kya karu? Isse kaise uthaau . Mere kandhe pe uske lambe baal  bikharne lage . Uska chehra mere T-shirt se dhak gaya. Main aur woh bahut kareeb hai aur mujhe ajeeb si uljhan hone lagi . Usko uthaayu yaa chodh dun ? Agar main hat gaya toh wo gir jaayegi aur shayad chot bhi lag jaaye usko  . Par iska kya karu ? Hello ! kya huwa tumhe ? Kaha se aayi ho tum ? " Aahh ...hmm...Sha....shayad girls hostel se . " Woh itna kehne me kitna samay lagadi . Bolne me itni pareshaani hai usko jaise uske hothon pe bhaari bag rakha huwa hai . Shayad yeh mujhse darr rahi hai . Toh ab mujhe thoda friendly hona chayiye warna yeh behosh bhi ho sakti hai . Accha ! accha ! tum yaha akeli kaise aa gayi ? " Hmm...ma...mujhe neend me chalne ki bimaari hai shayad . "  Baatein bana kar bol rahi hain aur main samajh gaya ki yeh jhooth bol rahi hai . Main jaan kar bhi anjaan bana raha aur pucha - Toh koi baat nahi , yeh bahut logon ko hota hai . Ab kya kare ? Hum baat to kar rahe hai par chuppi ke saath kyuki koi aur sun leta toh bawaal ho jaata . " Please , kya tum mujhe mere kamre tak chodh doge ? Mujhe andhere se darr lagta hai . " Maasumiyat se bolkar , adaa me lapetkar woh apni baatein mujh par madhne lagi . Mujhe thoda - thoda samajh aane laga ki  yeh kyu aayi hai . Shayad yeh iska koi majaak hai aur bakra banane ke liye main hi isko mila hun . Maine socha ki isko chalta karu . Tum khud chali jaao , mujhe bhi andhere se darr lagta hai  , byee . Itna kehne ke baad main ghum gaya aur darwaja bandh kar raha hun par usne rok liya " Hey ! please meri friends bhi chali gayi aur main akele wapis jaane se darti hun . Suno toh ! " Waapis ghumna toh meri fitrat hai . Uski aankhon ko pehli baar dekha aur laga ki yeh sach bol rahi hai. Iski aankhon me sacchayi dikhi toh mujhe yehi behtar laga ki main room tak isko chodh dun . Thik hai main tumhe chodh deta hun . Chalo - chalte hai . Maine ek upkaar kya kiya wo phir se mere upar gir gayi . Uska chehra mere kandho se takraaya .Wo  Mere saanson ke kareeb aa gayi . Uski zulfein ab mere upar shaan se udne lagi . Hawa me bhi teji aa gayi . Mausam badalna aur uska girna , dono me samaanta hai . Tum phir kyun gir gayi ? " Main behosh ho rahi hun . Ohhhh ! bachao mujhe ! "  Ek aur jhooth zubaan se nikaal kar usne mere bante vishwas ko tod diya ek aur baar. Ab yeh aage kuch bolti usse pehle maine isko apni baahon me utha liya . Wo bahut hi weighty hai , pehla khayaal toh yehi aaya. Par pehli baar kisi ladki ko apni god me uthaya , ajeeb lag raha hai . Kya feel hai yeh toh nahi samjha sakta ab . Wo mere dono haatho me leti huwi hai . Uska chehra neeche  jhool raha hai . Aankhen bandh hai , na naam jaanta hun aur na isse khud jaanta hun par phir bhi yeh meri baahon me bikhri huwi hai . Ab hosh me aa jao , main tumhe room tak chodh dunga . Its okay . Mere itna bolte hi wo hosh me aa gayi , apna sar utha kar meri aankhon ko phir se dekhne lagi . Chale tumhare room ? Wo na toh kuch boli aur na hi sar hilaake koi ishaara di . Bas apni muskaan se haan ka jawaab de diya . Uski muskaan bahut hi meethi hai . Gaalo pe dimples bhi hai par mujhe ab iski khoobsurati ko side me rakh-kar ,room tak le jaane ka kaam karna chayiye . Mere room se uske room tak ak safar ab shuru . Mahaul kaafi serious ho gaya toh maine thoda sa humour daalne ka socha . Tumhara weight kitna hai , by the way ? " We..wei...weight ? Kyu kya huwa ?" Kya huwa ? Tumhe utha ke le jaa raha hun , bahut bhaari ho tum sach me . Sunkar gussane ki bajaav , woh aur bhi sharmaane lagi . Iss sawaal ka bhi jawaab dene lagi - " Wo yeh week kuch chipps kha liye the , aaj subah thoda sa rice jyada kha liya . Bas ! sorry , main weight kam kar lungi kal se . " Uska jawaab bahut hi ajeeb hai . Par sunke hasi aa gayi . Apne chehre pe choti si muskaan laake maine bola ki - Arre ! main majaak kar raha tha . " Ohh ! main bhi majaak kar rahi thi . " Wo phir se gaalo pe dimplea lake hasne lagi par bina aawaaz ke . Uski muskaan kisi ko bhi uske kareeb laa sakti hai par main toh pehle se kaheen aur hi khoya huwa hun . Tumhari smile bahut sundar hai aur tum bhi . Wo hasi , phir sharmaayi . Bhool gayi ki uska sar abhi-bhi hawa me hai  . Uske dono haath mere gale pe saje huwe hai . Jaise phulon ka haar gale ko shobha deta hai waise uske dono haath mere gale ko ghere huwe hai . " Thank you . Woh kya hai na maine bahut practice ki yeh dimples laane ke liye . Tumhe yeh acche lagte hai na ? " Sawaal toh bahut simple hai par maine jawaab dene se behtar ek smile dena jyada sahi samjha . Wo sirf do hi kaam kar rahi hai , yaa toh mujhe dekhne yaa phir bolna . Jo bhi hai woh bahut pyaara bol rahi hai . Mere kaano ko wahi old - boys ki aawaaz se thoda alag  milla . Tumhara naam puch sakta hun main ? " Mera naam ? Main hamesha tumhare piche hi baithti hun class me . I m Nishita by the way ." Ohh ! toh yeh Nishita hai . Yeh  hai Priya ki dost jisko leke sab mujhe chedha karte hai . Waise yeh hai toh bahut sundar . Ab main bhi samajh gaya ki shayad yeh ladki mujhe pasand karti hai . Tum hi mere jawaab dene par taali bajati ho , rite  ? Wo phir sharmaayi , par iss baar ek vishwas ke sath aur dosti ki muskaan leke ,  " Accha toh tumhe pata hai ki main hi tumhe pasand karti hun ? " Bolte hi usne apni jeebh apni zubaan  se baahar nikaali , jaise ki kuch galat bol diya ho aur apne bole huwe shabd waapis lena chahti ho . Aise question mere saamne aaj tak nahi  aaye . Wo phir se muskuraane lagi . Apni dheemi-dheemi muskaan se wo mera dhyaan apni ore khich rahi hai . " Tum single ho ki committed ? " Yeh kaisa sawaal hai , Nishita ? " Sorry ! bas aise hi  puch liya . Hmm ....batao na . " Filhaal single hun . Aage ka nahi pata . Maine yeh jawaab thoda banke diya . Wo dheere-dheere bahut friendly hote jaa rahi hai . Uski aankhon me ab darr nahi dikh raha par dosti aur khushi ka pal mehsoos kar sakta hun main . Hume koi dekh raha hai shayad . " Kaun ? kaheen koi wardon toh nahi ? " Wo thoda gambhir ho gayi , uski muskaan bhi udd gayi . Par main hoon na sab thik karne ke liye . Nahi woh jo hume dekh rahe hai wo koi wardon nahi , balki tumhari friends hai . Wo tumhare saath hi aaye the na  ? Uska jhooth pakda gaya , usse ab pata chala . Wo apne jhooth ke baare me bura feel karne lagi -" Actually maine jhooth bola tumse . Hum aaye the tumhe dekhne , actually main tumhe dekhne aayi thi apne doston ke saath . Wo toh chhup gayi par main tumhe dekhna chahti thi toh ...Sorry for telling a lie to you . I promise yeh mera aakhiri jhooth hai tumse . " Wo itni sachchayi se sab kuch bolti jaa rahi hai . Apni har galti  ko ek sach se maaf karti huwi , jitni uski baatein pyaari hai utni hi uske jhooth . Accha kiya jo mujhse mill liya par tumhari timing galat hai . " Nahi toh , bilkul sahi timing hai meri . Seedhe tumhare kandho pe giri hun . " Bolne ke baad phir usne apni jeebh baahar kee . Jo kuch bhi kehne ko hai uske paas , wo sab wo keh rahi hai . Jaise ki kitne sadiyon se chup thi aur aaj bolne ko mila hain . Tum majaak bhi kar leti ho , nice ! " Thanks once again "  Nishita ! tumhara room aa gaya . " Ohh ! itne jaldi " Main phir se has pada . Itni bholi baatein jo mann halka kar de . Wo shayad itne jaldi room tak pahuch jaayegi , usne socha na tha . Ab mujhe intezaar hai sirf uske neeche utarne ka . Par woh toh sirf khoyi huwi hai meri baahon me . Shayad yeh tumhara room hai ? " Hmm...Haan , yehi hai . " Mujhe laga ki woh ab utar jaayegi khud se par abhi bhi woh jami huwi hai . Ab shayad tumhe jaana chayiye . Thoda sa hichkichate huwe par maine bol hi diya usse jaane ko . " Haan ! ......abhi toh hum mile hai . Anyway thanks for the lift . " Yaa , my pleasure forsure . But do loose some weight quickly . Hum phir se hasne lage . Hum dono hi apni hasi ko daba rahe hai kyuki ab hume kya bolna chayiye hume nahi pata .Accha to ab main chalta hun . Tum bhi jao soo jao . Bye. " Ruko ! " Wo apna haath uthate huwe boli . Wo mujhe rokna chahti hai . Raat bhi ab kam ho rahi hai . Kya huwa , abhi bhi darr lag raha hai kya ? Main abhi bhi apne humour ko saath liya huwa hun . Serious hona zaroori nahi hai . " Nahi ! woh baat nahi . Tum abhi jaaoge ? " Uske sawaal se laga ki woh mujhe rokna chahti hai par ab mera rukna bhi sahi nahi hoga . Haan , jaana hai room me . Waha Aarav akela hoga , usko bhi darr lagta hai andhere se , so kompany dena padega mujhe . " Ohh ! okay . Par kal class toh aaoge na ? Tum toh roz aate ho waise . " Haan aaunga , aayenge nahi toh jaayenge kaha ? Ab bye , ok . "  Thik hai bye . Lift ke liye phir se thanks . " Wo apni baaton ka end nahi karna chahti , har ek shabd ke saath ek shabd muft hai . Lekin agar main gaya nahi toh raat aise hi beet jaayegi . Ok ! Bye now . Itna kehke main peeche hata aur apne hostel ki taraf kadam badhaane laga . Wo abhi bhi mujhe jaate dekh rahi hai . " Byee Vishnu ! " Iss baar toh maine uski buland aawaaz suni . Main kuch doorie par hun par uski cheenkh mujh tak aaraam se pahuch gayi . Main ek baar peeche muda aur haath ka ishaara karte huwe chal diya waapis . Yeh kuch alag hi cheej hai par accha laga . Mann ko thodi shaanti aur dill ko sukoon mila . Agar main peeche ghumta toh woh abhi bhi wahi khadi dikhayi deti . Par main muda nahi . Waise bhaari toh wo sach me thi . Main bhale hi aage chal raha hun par mujhe peeche kya ho raha hai sab dikhayi de raha hai .Uski dono friend bhi aa gayi . Phir teeno apne room me chali gayi . Yeh raat toh har raat se alag nikli . Soniya ko yaad kiya par Nishita ne sab bhoola diya . Acchi ladki hai par mujhse door hi rahe toh behtar hoga .   

Untitled Story - Nishita and her allies' Embassy !!

[ In this part of the story , I m going to narrate the scene being Nishita and not the Lead Vishnu himself . So the lines  of mine will represent Nishita and her dialogues in usual way without double quotes . Her friends and group 's dialogue will be conversing with me i.e. Nishita and those lines will be in double quotes . Have a interesting hour ! ] 


" Nishi , tumhara aaj dimaag kharaab ho gaya tha kya ? " Yeh meri dost Priya hai aur yeh aaj class ke baare me baat kar rahi hai . Aap sab mujhe nahi jaante , Main Nishita . Iss college me yeh mera first year hai aur pehle hi din main Vishnu se mili aur pyaar kar baithi . Woh auro se alag hai , na toh kabhi galat shabd apne muuh se nikaalta hai aur na hi kisi galat kaam me uska koi haath hai . He is perfect for me . Main pehli nazar me usko kuch aur hi samajh lee thi par yeh real world hai yaha sab kuch dheere-dheere track par aata hai . Jab class me usko dekha aur college campus me usko apne doston se baatein karte suna toh pata chala ki woh kitna cute aur humble guy hai . Main usse pyaar karne lagi hun . Wo hamesha mere sapno ke rajkumar jaise mere saamne aata hai par kabhi mujhpe apni nazar nahi daalta . Baaki sab uske dost - log ladkiyon pe line maarte hai par ek woh hi hai jisne kabhi kisi ladki se galat baat nahi kee hai aaj tak aur kabhi karega bhi nahi . Main hamesha class me uske piche wali bench pe baithti hun par usne kabhi mujhe piche mudke dekha hi nahi . Itne paas hote huwe bhi main usse bahut door hun . Aaj maine Vishnu ke liye taali bajaayi thi class me , kya karu woh hai hi mera super hero . Woh meri dill ki dhadhkan hai , dhadhkan kya woh mera dill hai . Main waise toh college me padhne aayi thi par kya karu iss dill pe sabka kaabu thode hi hota hai . Jab pyaar hota hai toh duniya ki koi bhi cheej aapke pyaar se jyada anmol nahi hoti . Jab pyaar hota hai toh aapka pyaar hi aapki duniya ban jaata hai . Aapki duniya usi se shuru hoti hai aur usi ke sath khatam . Main Vishnu se aaj tak baat nahi kar paayi kyuki uski personality ke aage main bhilkul seham jaati hun . Woh itna serious dikhta hai ki uske samne zubaan kat si jaati hai . Bhale hi woh Shahid ya Shahrukh jaisa nahi hai par mere liye woh mera Ishtaar hai  aur main uski fan . " Nishi , kaha kho gayi ? Phir se apne Ishtaar ke baare me toh nahi na soch rahi ho ? "  Nahi woh kuch soch rahi thi . Aise hi kuch . " Kaise hi kuch ? Hume bhi toh batao . " Please Priya , no leg-pulling ok . " Aji , main kaha tumhara leg-pull karungi , woh to kisi aur hi fielder ke liye hai . Kyu Simmy ? " Simmy aur Priya meri best buddies hai , Priya jo hai woh Aarav ki girlfriend hai aur Aarav se puch-puch ke woh mujhe Vishnu ke baare me batati rehti hai . All about Vishnu . Simmy humare gang  ki  Miss. Naugty hai . Uske liye fun aur game top level ke hote hai . Usne hi class me mujhe Vishnu ki piche wali bench dilaayi . Woh mere liye ladko tak se panga le sakti hai . Ek baar toh le bhi chuki hai . Simmy ! tum mere pe ek favour kar do na . Simmy thoda muskurayi aur boli - " Aji deewano ko hum favour kar dete hai , aapke liye kya kare hum ? " Hum apne room me hai , bhale hi yeh samay hume soo jaana chayiye par hum girls raat me late night gossip karte hai . Yeh humara daily routine hai . Main Simmy ko kuch bolti usse pehle Priya bol padi - " Aji ! aap nahi jaanti  , Simmy madam . Wahi Raja ji se mulakaat wali baat . Kyun Nishita ji ? "  Ab tum dono toh jaanti hi ho kee maine itni koshish ki Vishnu se ek baar baat karne ki par uske samne aate hi meri bolti off ho jaati hai . 4 mahine se uske theek piche baith rahi hun par woh ek baar bhi mujhe notice nahi kiya . Agar yeh semister ke end tak woh mujhe nahi dekha toh main mar jaaungi haan . "  Arre - arre ! Nishita ji jab humare jaise dost hai aapke sath toh darne ka nahi madam . Aapko Vishnu se milna hai na  ? "Arre baba haan . Priya kitna bolu tumhe haan ? " Toh abhi milne hai kya ? " Abhi ? Par abhi kaise yaar ? Itne raat me , Wo girls hostel me nahi rehta hai jo abhi mill lun . " Tujhe milna hai ki nahi ? Haan ya naa ? " Haan par abhi kaise Priya ? Raat ke 10 baj rahe hai . Kisi ne dekh liya hume baahar jaate huwe toh problem ho sakti hai . " Koi problem nahi hogi . Simmy tu samjhana isko ." Simmy toh Priya ki baatein sunkar waise hi hairan ho gayi thi aur jab usko bolne ko kaha gaya toh - " Priya ! Nishi sahi keh rahi hai yaar . 10 baje agar room se baahar nikle toh pakka pakde jaayenge . " Par Priya ne toh jaise saara plan bana liya ho , woh toh jhakkas idea dene lagi - " Dekh hum room se baahar nikalte hi girls hostel ke back-door se hote huwe college ke outer campus me pahuch jaayenge . Waha koi nahi hoga , not even watchman . Phir campus se hote huwe boys hostel . " Main sunke bahut khush huwi par darr lag raha hai ki kaheen pakdi na jaaun . Priya tum ek baar aur soch lo . " Are yaar ! jyada important kya hai , Vishnu yaa punishment ? " Mere liye jawaab sochne ki zaroorat bhi nahi . Vishnu se pehli mulakat , main bahut excited hun abhi . Maine bhagwan ji ka naam liya aur kaha chalo girls . Hum room se baahar aa gaye . " Shhhhhhh ! koi aawaaz nahi girls . " Priya is sab kaamo me master hai . Par Simmy ko in sab kaamo me jyada experience hai  , aur main ? Mere paas sirf pyaar hai . Hum bachte-bachate boys hostel me pahuch gaye . Kisi ki nazrein humpar nahi padi . Shayad koi hai hi nahi yahaan par . Ab aage kya kare Priya ? " Ruko ! dekho woh raha Vishnu aur Aarav ka room . Lets go girls ! " Priya ne haath uthake Vishnu ke room ki taraf ishaara kiya . Par Priya ko kaise pata ki yeh Vishnu ka room hai ? Priya , tujhe kaise pata haan  ?" Wo yeh Aarav ka bhi toh room hai . " Itna kehke sweetie sharmane lagi aur apne lover ke thoughts me kho gayi . Simmy ! isse hosh me laao . Simmy boli ki aage main akeli jaaun . Main akeli kya kahungi usse yaar ? Tum log bhi chalo na . Support ke liye girls . " No , woh tumhara hai , mera nahi . Ab tum jaao akele . Hum yaheen chupe rahenge . Go now ! Be a Brave Gal now ! " Main bahut nervous ho gayi . Maine kabhi  Vishnu se baat nahi kee aur na hi kabhi Boys hostel me aayi hun . Darr lag raha hai par Vishnu se milne ke liye himmat jutaani padi mujhe . Main sehme-sehme kadmo se uske room ke door tak pahuchi . Par agar knock karti toh Aarav bhi jag jaata. Ab kya karun main ? Kash ! Vishnu jag jaaye aur mujhe dekh le . Nahi agar woh mujhe dekh lega toh main kahungi kya . Baap re ! itni tension , itni tension toh mujhe exam time me bhi nahi lagti . Vishnu ! please apne aap hi baahar aa jaao . Kya tumhe kabhi lagta nahi , mahsoos nahi hota ki koi tumhe kitna pyaar karta hai ? Main ab uske darwaze ke bilkul saamne khadi hun , shayad wo andar soo gaya hai .   

Untitled Story - Friends have lots to talk about !

" Dekha ! aaj kya huwa class me ? " Aarav abhi bhi shock me hai ki maine bhukamp ko kaise naap liya . Mujhe samajh aa chuka hai ki yeh sab mere Mogul banne ki wajah se hai . Dheere-dheere meri shaktiyan mere andar ke insaan ko khatam aur maseeha ko jaga rahi hai . Main bina chahe hi apni shaktiyon ka use kar raha hun . " Abe ! Vishnu bata na kaise tune bhukamp ko mahsoos kar liya . " Main kya batau Aarav ko ? " Abe bol be ! Saanp soongh liya hai kya ? "  Nahi yaar , main bas baitha tha aur mere pairon ke neeche ki zameen hilne lagi toh mujhe laga ki yeh bhukamp hoga . Bas ! aur kuch nahi . Tabhi iss guftagu ko badhawa dene Sanchit bhi aa gaya  - " Saalo ! bhukamp ko goli maaro . Aaj kisi ne class me ek baat notice ki ? "  Kya Vicky aur Sameer ki punishment na ? " Nahi Vishnu , tu apna muuh bandh rakh . " Aarav bhi shuru ho gaya phir - " Sanchit , point pe aa na . " Main baitha hun par jaanta hun ki topic main hi hun iss gossip ka . Sanchit ko chup karna namumkin hai , wo shuru to sab soo gaye samjho . Wo phir se shuru ho gaya - " Class me sabne Vishnu ko answer dete toh dekha hi hoga aaj ? Dekha ki nahi ? " Sabne haan - haan kee . " Toh kya  sabne yeh notice kiya ki jab isne answer diya toh sabse pehle taali kisne bajaai ? " Iss conversation ko interesting paata dekh  Raju bhi bol pada - " Haan ! maine bajai thi ." Raju ka jawaab sunkar Sanchit gussa gaya par Raju ke darr se aaraam se bola - " Nahi Raju , koi aur guess hai kya kisi ke paas ? " Ab shayad baakiyon ko samajh aane laga ki Sanchit kya kehna chahta hai . Tabhi Aarav ki batti jali aur wo bhi muuh phaadne ko taiyyar ho gaya -" Haan , mujhe pata hai ki yeh taali kis saali ne bajaayi . Vishnu ! tu jaanta hai kya ? " Main chup-chap baat-chit ki garmi badhte dekh raha hun . Jab Aarav ka chehra dekha toh laga ki koi ladki hi hogi jisne taali bajaayi warna Aarav itna dimaag nahi chalata . Aarav sirf ladkiyon ki baat karne me vishwas rakhta hai aur baaki samay mute rehta hai . Main kuch bolta usse pehle Sanchit bol pada - " Wo taali wali saali thi - Nishita . " Sabhi mujhe chedhne ke liye zor - zor se hasne lage . Main sharam ke maare laal ho gaya . Yeh hai mere dost jo hamesha meri bajaane ki sochte hai . Par madad bhi yehi karte hai isiliye main inki baaton ka bura nahi maanta . Par isse pehle yeh mujhe aur chidhaate maine unse arzi ki - Yaar ! kya faltu ki baat kar rahe ho ? Kaun Nishita ? " Arre ! wahi Nishita jo hamesha tere pe apni aankhen sekti hai . "  Raju ke itna bolte hi shaam aur bhi khilkhilaane lagi . Sab mere ek jawaab ka bukhaar bana kar kitne khush hai ! Inki khushi ka main main part hun , par yeh Nishita kaun hai  mujhe aaj tak nahi pata chala. Dekha bhi nahi hai maine aaj tak usko . Haan par suna hai ki Nishita naam ki ladki apne class me hai , par kaha hai yeh mujhe nahi pata . Sanchit mere paas aaker bola - " Vishnu yaar ! ab toh usse baat karle , bechaari kab tak tujhe sirf dekhti rahegi woh . " Maine usko dekha tak nahi hai guys . Baat kyun karun main , padhne aaya hun ki kuch aur karne . Aarav phir se Bola " Haan-haan , agar tu  sirf padhne aaya hai yaha  toh apne wallet me kiski tasveer leke ghumta hai ." Aarav ne ab kuch jyada hi bol diya . Maine thoda sa gussa dikhana chaha par mujhe pata hai ki agar main ab bolunga toh sabko yeh baat pata chal jaayegi . Toh main waha  se utha aur room se baahar  verandah me jaa khada ho gaya. Main unki baat nahi sun sakta ab . Baahar aaker main shaanti chahta tha par mann hi mann yeh bhi soch raha hun ki wo mere aur meri wallet me rakhi tasveer ke baare me kya bol rahe hai . " Arre ! Vishnu aa jaa . Ab nahi bolenge hum . " Aarav ne rokne ki koshish ki par mujhe yeh baat buri lagi . Main baahar aa gaya par phir bhi main inki baatein sun raha hun . Sanchit ki aawaaz hai yeh shayad - " Aarav ! yeh kiski tasveer leke ghumta hai ? " Ab Aarav mera pakka dost hone ke bawjood bolega aur woh bola bhi" Pata nahi . Maine photu dekhi nahi par itna sure hun ki ladki hai koi . " Main bhale hi unse doorie par hun phir bhi unki baat mujhe saaf-saaf sunaayi de rahi hai . Mujhe Soniya ki baat pe kabhi sirf pyaar aata tha par aaj agar koi Soniya ki baat karta hai toh mujhe bahut dard hota  hai . Wo mera pehla pyaar hai aur shayad uske baad main kisi aur ko nahi pyaar kar sakta . Apni bhawnaao ko main nahi rok sakta . Soniya ki baat ab jab bhi hoti hai toh main apne aansuuon ko nahi rok pata hun . Shayad isiliye kam se kam sochta hun uske baare me aur uske hote huwe main kisi aur ke baare me kabhi nahi soch sakta. Kya abhi zindagi me kuch reh gaya hai jo ab aur kuch alag karu ? Pata nahi yeh meri nayi shuruvaat hain yaa ek ant . 

Untitled Story - The Hidden Powers !!!

Insaan kabhi  bheedh me tabhi akela mahsoos karta hai jab uska koi khaas uske sath na ho . Mere sath bhi aisa hi hai . Class me akela baithta hun aur apni bagal wali khaali place pe Soniya ko dhundhta hun. Class 10th ke baad maine apna school badal liya tha aur uske baad maine usse kabhi nahi milla . Na wo kabhi mere samne aayi . Class ki  daastaan shuru . Sir Rajan ne padhana shuru kar diya . Unke lectures dhyaan dene pe lagte hai ki bahut easy hai , sab ho jaayega par agar na suno toh lagta hai ki jaise economics padha rahe ho . Mera poora dhyaan lectures par nahi raat pe tha . Mera kya kaam ho sakta hai ? Mogul hun main par Mogul karega kya ? Udhar sir ka lecture chal raha hai aur idhar mera dimaag . " For proper working of a transistor , the voltage at the base must be positive than that of the emitter ." Main positive hone ki koshish kar raha hun par mere dimaag me sirf bure khayaal hi aa rahe hai . Na toh mujhe apna aaj pata hai aur na hi mujhe apna kal pata hai . " This movement of  electrons from emitter to collector  creates a  flow of electricity through the transistor  and its through the base . Do you all get me ? "  Main inn sabse bhaag bhi nahi sakta hun ab . Agar koi  insaan hota toh peecha chudhane ka main soch bhi sakta hun par idhar toh bhagwan mere peeche pade hai . Main bhagwan se kya kahun ? Main unhe kaise batayu ki main iss sab ke liye bilkul taiyyar nahi hun abhi  ? Mujhe Mogul nahi banna hai , main aam aadmi rehna chahta hun . Par kya aam hona meri kismat me likha hai bhi ki nahi ? " So now will anyone remind me the 3 elements of transistors ? Anyone here ? Ha , Vishnu ! give me the answer right now . "  Mere khayaalo ki deewar pe chuna lagane aa gaye Sir Rajan . Main hadbada gaya , dhyaan kaheen aur hai aur sawaal bhi kaano me nahi pada . Sirf apna naam sun ke khada huwa . " Yess , yess . I hope you have the answer with you , dnt you  ?" Answer kya mujhe toh question bhi nahi sunaayi diya hai . Yeh main sir se kaise kahun ab . Class me jo answer nahi de pata hai uski toh sir band bajaa dete hai . Main apni baarat nahi nikalwana chahta hun par ab kya karun . Muuh kholne ki koshish kee toh garam saansein hi nikli jo mujhe answer nahi bata sakti . Abbbb . . . .ba baa. .3 elements sir ? " Yes , 3 parts that all transistors have in them ? " Okay sir . Yeh students ka janam-siddh adhikaar hota hai ki chahe answer aaye na aaye , confidence zaroor aana chayiye . Maine bhi thoda sa aatma-vishwas dikhane ki koshish kee . Socha ki acting karke bach jaaunga aur sir se keh dunga ki pata hai par bhool gaya , jaisa har bechare student ke sath hota hai . The 3 elements are emitter , base and collector . "  Very good Vishnu  ! mujhe laga ki tumhara dimaag kaheen aur tha par good . Sit down !!! " Thank you sir ! Yeh maine kaise kar diya ? Mere jawaab dete hi mere tareef me class me taaliyaan bajne lagi . Sab sochte hai ki main hamesha padhta hun aur har sawaal ka jawaab rakhta hun jeb me par abhi jo huwa woh maine nahi kiya . Taaliya sunke toh accha laga par kya yeh nayee shaktiyon ke badaulat hai ? Maine jab question hi nahi suna toh main answer kaise de sakta hun ? Yeh kaisi shakti hai ? Waise insaan ka ek sub-conscious mind bhi hota hai jisme insaan ka dimaag wo sab baatein store karta hai jise hum sunte yaa dhyaan nahi dete hai par humara dimaag unhe catch kar leta hai . Sub-conscious mind active hota hai normal case ma , bekaar hota hai bewkoofo ke case me aur extra-ordinary hota hai paaglo ke case me . Kya yeh paagalpan hai mera  ? Kaheen main yeh sab sapne me toh nahi na dekh raha hun ? Main apna dhyaan class me bilkul bhi nahi laga paa raha hun . Achanak se class me kuch ajeeb sa lagne laga . Saans lene me dikkat hone lagi . Aankhen samne ka view dikhaane ki jagah kuch aur hi dikha rahi hai . Aas-paas kuch bura hone ka ehsaas ho raha hai . Yeh kya hai , kya hone wala hai  ? Main samajh nahi paa raha hun par jo hone wala hai woh kisi khatre se kam nahi . Everybody ! rite now , GET DOWN . Sab log apni bench ke neeche chup jaao . Class me afra-tafri mach gayi. Sab darke neeche ho gaye . Yaha tak ki Rajan sir bhi apni table ke neeche chup gaye . Mujhe nahi pata ki main kyu chillaya par ab main bhi neeche hi hun . Achanak se dharti hilne lagi . Saari cheeje apni jagah se girne lagi . Dill ki dhadkan badhne lagi . Par kuch hi der me quake ruk gaya . Yeh shayad ek minor sa earthquake tha jo hum sabko dara ke chala gaya . Sab normal huwa toh hum apni place pe wapis aa gaye . Sir hairaan hai , sab hairaan hai , sab kya main khud hairaan hun . Mujhe kaise pata chala ki bhukamp aane wala hai . Sab mujhe aankhen phaad ke dekhne lage . Main sirf chup karke khada hun abhi aur sabki nazron se kinaara chahta hun . Tabhi sir ne chuppi ko toda - " I think class should be stopped now . All of you go back . Class dismissed . " Sab class se bhaagne lage aur main intezaar kar raha hun ki sab nikal jaaye . 6th sense ? Suna toh bahut tha iske baare me , par shayad ab yeh mere ghulaam hai . 

Untitled Story -The Early Morning Class !!!

" Ae Vishnu ! uth be , der ho rahi hai . Abe ae ,  uth be ."   Haan !  Kya hua yaar ?  " Kya hua ? Pagla gaya hai ke , pee nahi na lee tune ? " Kya hua ? Kyu jaga rahe ho ? " Saale ! tu Vishnu hi hai ki koi aur hai ." Ae Aarav , sone de na yaar . Raat ko der se soya tha na . " Abe class hai 7 baje . Chalna nahi kya ? Lecture bunk karega ? " Ohh ! I forgot re . Bas 5 minute me aaya . Tum intezaar karo , mere bina chale mat jaana . " Accha tu ready hoja , main baahar field pe hun . "  Yaar , field pe kyu , yahi ruk na .  " Abe samjha kar beta ." Kya samjha karu ? " Arre ! neend me tha yaa pub me saale ? Wahi se Priya jaati hai . Taadna bhi toh hai be . " Accha jaa. Main kapde badal ke aaya . " Jaldi kariyo saale ! "  Haan , aata hun . Sar me dard hai , pichli baar bhi jab wo aayi thi  milne toh sar me dard utha tha aur aaj bhi . Aarav samajh raha tha ki main neend me tha par usko pata nahi ki pichli raat mujhe neend naseeb nahi huwi. Class hai subah aaj toh jaana toh padega . Dard itna jyada hai ki chalne me kathinaayi ho rahi hai . Par class miss nahi kar sakta warna aaj ka concept kaun samjhayega . Raat ki aadhi-adhoori baatein abhi bhi dimaag me daud rahi hai . Wo aayi mujhe mera kal dikhake chali gayi . Mogul , shakti , bhagwan , dushman , maut - yeh shabd kaano me luka-chupi khel rahe hai . Jo bhi huwa , woh mere sath hi kyun huwa ? Haan , main maanta hun ki ek samay tha jab main zindagi se haarke suicide karna chahta tha . Par ab main apne liye jeena chahta hun , kuch banna chahta hun . Mere bhi kuch sapne hai jo main poora karna chahta hun . Iss bhagwan-shaitaan ki kitaab me kyun main khud ko phasaoon ? Ab main iss college me padhne aaya hun , itna sab ho raha hai mere sath toh main kaise padhunga ab . Shayad ab mujhe class ke liye taiyyar ho jaana chayiye warna late hone pe daant padegi mujhe bhi aur Aarav ko bhi . " Abe saale ! phir se soo gaya kya ? "  Nahi , ho gaya . Chal chalte hai . " Abe mujhe toh laga ki aaj tera dimaag khisak  gaya hai . " Haan yaar , aisa hi kuch . 


Class me har-baar ki tarah kuch hi padhne wale bacche hai , jaisa ki har roz hota hai . Gin chun ke 5 hi aise ladke hai jo class me padhne aate hai , baaki ladke toh ladkiyon ko dekhne aate hai . Main unn 5 ladko me apna place bana chuka tha aur aage bhi banaye rakhne ki koshish karunga . Har baar ki tarah main apni dusri bench pe baith gaya aur mere bagal me khaali , koi nahi baithta . Maine hi mana kiya tha Aarav aur baaki ke doston ko ki class me mujhe akele baithne de . Sab maan gaye aur hamesha mere liye ek  place rakhte hai . Class shuru hone hi wali hai . Aaj class har baar se jaldi lagi hai kyuki aaj hume half day milna hai . " Vishnu ! yaar tu extra pen laya hai kya ? " Pen ? Haan hai . Yeh lo . Maine apne pocket se extra pen nikaal ke Sanchit ko de di . Waise yeh pehli baar nahi hai , Sanchit roj aise hi maangta huwa paya jaata hai class me , kabhi pen ,kabhi copy toh kabhi book. Sanchit humare group ka mann-mauji ladka hai . Kabhi padhai me mann nahi lagata kyuki uske baapu ke bade khet hai , wo to yehi kehta rehta hai " Saala main padhke ke kar lunga , jab aage jaake mere ko hal hi chalana hai bhains ke sath . " Jaisa ki usne abhi bola . " Aur Vishnu , kaisa hai ? Aaj bhi  class karne ke liye jaldi aa gaya tu . " Yeh mera dost , actually sabka dost Abhay hai . Serious aur  future ko leke hamesha serious , yehi hai Abhay . Nahi yaar , aaj sabse pehle nahi pahucha class me . Late ho gaya thoda sa ." Koi baat nahi , main apni place pe jata hun warna professor pakad lega. " Ek halki si muskaan deke main usse hata toh samne Raju dikh gaya . Waise Raju wo ladka hai jo gaadi me engine ka kaam karta hai . Agar wo mera dost nahi hota toh main bhi college ke seniors ke haathon pita hota . Usne pehle hi din seniors se panga liya tha mere liye . Help karne me sabse aage aur Padhne me , padhne wali line me toh kabhi gaya hi nahi . Wo college sirf maja karna aaya hai aur karta bhi hai . " Hey dude ! wats up ? " Good yaar , mujhe kya ho sakta hai . Muskurate huwe usse jawaab diya aur woh bola " Agar koi problem ho toh turant bolna . Sochne ka nahi  , boss ! " Ok , Ok , zaroor bataunga yaar . Ab jao baith jao , sir  aa gaye . " Abe iss teacher se ke darta hai ? " Dekha , thode se hi baat me hasa diya isne . Comic timing toh iski perfect hai , par on time class me bahut kam aata hai . Kisi bhi pareshani ko pal me bhula deta hai . Main bhi raat ki baat ko bhul gaya ek pal ke liye . Par main jaanta hun ki jo ab hoga woh mere liye pal bhar ki baat nahi hai . Class me shaanti ho gayi . Iska matlab shikari taalab me aa chuka hai , matlab professor apne lecture ke liye class me pravesh kar chuke hai . " Good early morning Students ! I hope u all have taken shower . " Sab hasne lage . Yehi toh khasiyat hai sir me , har lecture me joke crack kar ke lecture ko interesting bana dete hai . Aaj mere aage wali bench khaali hai . Waha Vicky aur Sameer baithte hai , dono room-mate hai aur dono abhi soo rahe honge . Jab aankh khulegi toh daudte huwe aayenge . " Why is this  first seat vacant ? Where  are the victims ? " Ji ! victims , jab Rajan sir gussate hai tab hume victims se milne ko milta hai . Unka gussa students ke liye sirf punishment deta hai . Aaj agar Vicky aur Sameer aa gaye toh aaj ke victim wo banenge . Main toh yehi mana raha hun ki aaj wo class me aaye hi na . Par dono daudte huwe door pe khade ho gaye " May we come in sir ?" Dono ki haalat dekhne laayak hai . Ek  apne raat ke pajame me toh ek apni baniyaan me hi aa gaya . Humari hasi roke nahi ruki . Poori class me zor - zor se hasi ki aawaaz gunj uthi . Par do log hai jo bilkul hasne ka zhokhim nahi le sakte - Vicky aur Sameer . " Silence everyone ! " Sir Rajan apni tej aawaaz se khatre ka sanket dene lage . Class phir se shaant ho gayi . Wo dono baahar khade hai aur chehre pe neend liye huwe hai . " Haha haha hahaahhah " Sir rajan khamoshi me apni khilkhilahat chodh diye . Yeh hasi  khushi nahi  deti , yeh hasi khatre ka elaan hai par humare liye nahi un dono ke liye . Dono ko hosh hi nahi hai iss waqt . Dono phase aur bure phase . Punishment - jab tak class chalegi wo dono college ke door pe aise hi haal me zameen pe baithe rahenge . Bechare ! kash aaj nahi aaye hote class me . Wo bhi soch rahe honge ki kaheen aaj subah-subah ek-dusre ka chehra toh nahi na dekh liya dono na . Sach me , college saari problems bhula deta hai .

formspring.me

Anythng about me . http://formspring.me/Vishudishtaar

Untitled Story -The Second Coming of the Remitente !!!

Aankh khuli toh kuch dikhayi nahi diya . Sar me dard uthne laga . Iss dard ko main nahi seh paa raha hun . Aankh mal ke dekha toh charo - ore wohi kaala rang jo mere sapne me aaker mujhe pareshan karta tha . Pata nahi kyun par main apni zindagi me kaale rang se bahut darta hun . Mujhe kuch yaad bhi nahi ki aisa kyun hai par phir bhi mujhe kaala rang bilkul pasand nahi . Mujhe darr lag raha hai kyuki itne andhere me mujhe na to kuch dikhayi de raha hai aur na hi mujhe pata hai ki main kaha hun . Hello ! koi hai ? Mujhe darr lag raha hai , please mere se majaak mat karo . Aarav , kya yeh tum ho ? Sanchit , agar yeh tumhara prank hai to ab bandh karo ise . Hello ! kya mujhe sun raha hai koi ? Main chilla raha hun par meri aawaaz ghum ke waapis mere hi kaano me sama gayi . Jaise ki aas-paas koi nahi hai . Agar yeh kaam mere doston ka nahi hai toh yeh kisne kiya hai ? Pehle toh kisi ne aisa majaak nahi kiya mere sath aur naa hi koi aisa karne ki sochega . Mera darr ab badhta jaa raha hai . Hello ! please mujhe chodh do . Maine tumhara kya bigaada hai ? Koi hai ? Koi hai ? Meri aawaaz gunj rahi hai , andhera meri cheekh bhi kha jaa raha hai . Kuch bhi dikhayi nahi de raha , main apni jagah se hilne ki koshish bhi nahi kar sakta . Mere haath-paav khule huwe hai , matlab mera apaharan nahi huwa hai . Par main hun kis jagah par ? Mere aansu mere aankhon ko chodh kar mere gaal ko bighone lage . Darr ke maare haal behaal ho raha hai . Itna darr to mujhe tab bhi nahi laga tha jab high school me fail hone ka darr tha . Bhale hi aaj main acche college me padh raha hun par ek samay tha jab main 10th class me hi fail ho sakta tha . Par jab pass huwa toh aage ke do saal sirf padhai me laga diye . Koshish yehi ki saari buri yaadon ko bhula sakun . Kuch hadd tak kaamyaab bhi huwa . Par iss waqt dill apni roj ki speed se tej dhak-dhak kar raha hai . Darr ke maare hi meri maut na ho jaye kaheen . Please ! agar koi mujhe shun raha hai to saamne aao . Ahh ! main bolne me thoda sa kaccha raha hun . Main typical bihaari jaise shaadi , shayad aur baaki aise shabdo ko saadi , sayad  bolta hun . Ab zubaan saaf nahi toh kya karun . Isse pehle ki main ek baar phir chillata mujhe kisi ki parchayi dikhayi di . Yeh baat mujhe hairan kar di ki andhere me kisi ki parchayi kaise dikh sakti hai ? Kaala rang kabhi kaale rang ko bhar nahi sakta kyuki kaale se jyada andhkar aur kaheen nahi . Main aur bhi jyada darne laga , kuch bolta-kehta usse pehle mere kaan sunne lage . " Tum wahi par ho , jaha tum 2 saal pehle aaye the . " Aap kaun ho ? Main yaha kab aaya , yeh jagah to dehradun me hai hi nahi , itna andhera aur kaha ho sakta hai ? " Tum yahaan aaye ho , par  yaad nahi kar paa rahe kab " Aap kya bol rahe ho , aap to mujhe dikh bhi nahi rahe ho ? Please , aap kaun ho ? Aawaaz se toh yeh koi ladki lag rahi hai . Par ladki itne andhere me mujhse kya keh rahi hai ? Shayad main iss aawaaz se pehle bhi mill chuka hun , par yaad nahi kab . Mera dimaag mujhe kayi tasveere dikha raha hai par sab tasveere dhundhuli hai . Ek ke baad ek channel samne chal rahe hai par ek  bhi saaf nahi . Yeh kya ho raha hai mere sath ? Shayad main iss jagah par pehle bhi kadam rakh chuka hun . Iss andheri jagah ka main pehli baar darshan nahi kar raha hun . " Ab tumhe sab yaad aa jayega . Bas , paaglo jaise dekhna bandh karo ." Itna kehke wo mere samne se chhu-mantar ho gayi . Shayad yeh pehle bhi ho chuka hai .Meri palein bhaari hone lagi . Main soo raha hun , chah kar bhi andhkaar ko jhel nahi pa rahi hai meri aankhen . Jo bhi hai , mujhe apna shikaar bana chuka hai yeh andhera . 


" Ab tum apni aankh khol sakte ho , kisi ne mana nahi kiya hai . Dekho aur pehchano iss ujaale ko ." Aankhen kholi toh sirf ujaala. Pehle kaala aur ab sirf safed . Duniya Black & white ho gayi jaise meri . Aap Remitente ho na ? " Toh tum sab pehchaan gaye . Ab kaam ki baatein kare , Woh kaam jiske liye tum zinda ho ? " Kya ab yeh sab karna zaroori hai ? Main bilkul sahi jaa raha hun meri zindagi me . Acche college me hun aur acchi life jee raha hun . " Maine tumhe bataya tha ki tum chune gaye ho aur waapis jaane ka koi sawaal hi nahi ."  Par ab main yeh sab karna nahi chahta . Kya aap bhagwan ko keh nahi sakte ki woh kisi aur ko chun le ? " Tum ab bacche nahi ho , tum ab insaan nahi ho , na tum jeevit ho aur na hi mrit ho . Ab kya kehna chahte ho iske baare me ? "  Main soch me pad gaya . Yeh to wahi baat huwi ki aasmaan se gira aur khajoor me atka . Pehle maut chahi to zindagi mili aur jab aaj zindagi chahi toh pata nahi kya mill raha hai . Pehle main jaanna chahta hun ki main hoon kaun ? Aap mujhe swarg dikhao , for a confirmation ki aap bhagwan ke sath ho ,shaitaan ke nahi ." Hmm ! tum kaafi samajhdaar ho gaye ho , tum maut se shart rakh rahe ho . Ab pata chala ki bhagwan ne tumhe kyu chuna tha . " Thank you but sow me the heaven now . " Chalo mere sath . " 


Usne ek baar phir mera hath thaama aur main ek pal me ek bade se darwaaze ke saamne aa pahucha . 2 saal baad isne mera hath apne haathon me liya hai aur iss baar main swarg ke dwaar par khada hun . Kya kabhi koi zinda insaan swarg me gaya hai , nahi par aaj main jaaunga . Hum andar kyun nahi jaa rahe ? Mujhe andar jaana hai , chalo na ! " Tum sirf baahar se dekho , abhi tum poori tarah se mare bhi nahi ho toh andar jaana galat hai .  Khoobsurati ko baahar se taako . "  Mere samne jannat ka darwaza hai  aur main faltu ki soch me pada hun . Sunahre rang ka bada sa darwaza jo ki kam se kam 20 feet uunchha hoga . Iska upar ka hissa toh dikh hi nahi raha hai . Itna lamba darwaza kabhi nahi dekha . Sirf sona aur heera , darwaze ki keemat anmol kar rahe hai . Aas-paas dhuon ka baadal , zameen tair rahi hai jaise . Kash ! yeh darwaza khul jaata aur main andar ka nazaara dekh sakta  . Sona , sona aur sona , charo taraf sirf anmol sona . Kya yeh mujhe mill sakta hai ? " Tum iss cheej ka kya karoge ? Paisa kamaana thode hi hai tumhe . "  Sirf sukoon hai charo-ore , kaano me itni madhur aawaaz pehle kabhi nahi aayi . Aankhon ko isse sundar  view kabhi nahi dikha . Jannat ki khushbu mujhe apni ore khich rahi rahi hai . Mera ise chodh ke jaane ka mann bilkul nahi kar raha. Jee to chah raha hai ki yaheen ka ho kar reh jaaun . " Ab hume lautna hoga kyuki  main nahi chahti ki tum kisi dev ki nazron me aao . " Par kyu ? " Kyuki tum Mogul to ho , par tumhare bhi kuch dushman hai ."  Mere dushman ? Kya aap mujhe spiderman ya superman toh nahi na bana rahe ho ? " Kya tum kitaabo me paaye jaate ho ?" Nahi , par mere kaun dushman ho sakte hai ? " Tumhare 4 dushman hai iss sansar me , jo sirf tumhe maarne ke liye janme hai . Jab tum apni shaktiyon ko galat jagah pe aazmaoge  tab yeh 4 dushman tumhe maar denge . " Aap aisa kyu keh rahi ho , main galat kaam kyu karunga ? Aap ho na mere sath ? Aap hi ne toh bola tha ki aap mujhe sambhalogi . " Ab tumhare jaane ka samay aa gaya hai , raat beet chuki hai aur tumhara shareer tumhara intezaar kar raha hoga . " 

Untitled Story - The 18th B'day ....

" To beta , ab college me aaker kaisa lag raha hai ?" Mere dad mujhe mere b'day ki party me shaamil hone ke liye college me milne aaye the  . Unhe mujhpe  garv tha ki main itni kharaab taiyyari ke bawjood acche number paaker acche se college me admission paa gaya. Green Park , Niranjanpur , Dehradun ke ek acche se college Excellence University for Electronics ka ek  bright student ban gaya hun main . College me mujhe aaj 5 mahine ho chuke hai . Yeh mera 19th b'day hai , actually waise toh main 18 ka huwa hun par sabke liye 19 ka. Yeh bas mujhe accha lagta hai isiliye main apni umar badha ke batata hun taaki main bada lagu sabse . " Beta ! ab mera jaane ka samay aa gaya hai . Thik hai tum log enjoy karo aur main chalta hun warna raat ho jaayegi to driving me dikkat hogi . Tum to jaante hi ho na ki yaha driving raat ke tym kitni mushkil hai . " Thik  hai dad , aap nikaliye aur yeh sab bhi chale jaayenge thodi der kyuki kal subah class hai humari. Byee - byee . 


Chalo , party ho gayi aur neend abhi baaki hai . Waise apne college ka popular student to nahi hun par jitne log jaante hai woh meri izzat karte hai kyuki apne group me bahut hi seedha hoker rehta hun , bhale hi mann me kuch bhi ho. Main mere room me akela hun , siway Aarav ke  . Mera hamesha se yehi sapna raha tha ki main hostel me , apne room me , apne room-mates ke saath rahu. Mujhe akela rehna ab pasand aane laga hai  . Waise mere hostel  me rules ki bahut kami hai . Koi bhi raat me 12 baje tak ghumta rehta hai aur koi bhidin ke  8 baje tak sota rehta hai .Koi accha wardon bhi nahi hai yahaan par . Usko apne paiso se pyaar hai aur kaam se inkaar . Khidhki par se chaand kitna sundar lagta hai . Abhi 11 baj rahe hai , sabhi dost apne room me laut chuke hai aur mera room-mate Aarav jo mera sabse khaas dost hai , so chuka hai .Asal me  humare group ka Kumbhkaran hai Aarav . Mujhe neend nahi aa rahi hai iss waqt . Pata nahi dimaag me kuch chal raha hai jise main samajh nahi paa raha hun . Kuch ajeeb si baatein hai jo ek film ki tarah yaad aa rahi hai . Kuch aisi yaadein jo kabhi mere sath huwi hi nahi . Aaj mera b'day tha , din - bhar sabse badhayiyan mili , professors ne aashirvaad diya par phir bhi kuch kami thi . Soniya ka khayaal aaya toh mann udaas ho gaya . Main ab bhi uski yaadon ke ghere me hun . Shayad isiliye aaj bhi kisi ladki se baat karne se katrata hun  . Baahar ajeeb si thand hai . Raat me yaha hamesha thand badh jaati hai kyuki mausam hi aisa hai . Aas-paas pahad hai , ek kinaare nadi hai jisse garmi ka ehsaas hi nahi hota . Mere paas iss samay koi kaam nahi hai siway sone ke . Shayad ab mujhe sapno ko panaah de deni chayiye . Khidhki bandh kar ke main apne chote se bed pe jaa hi raha hun . Achanak se bijli chali gayi . Yeh kya ? Aisa yaha pehle to nahi huwa ki charo-taraf pura andhera ho jaye. Yeh andhera mujhe apni ore khich raha hai . Main kuch kar bhi nahi paa raha hun . Yeh kya ho raha hai yahaan ? Khidhki apne aap khul gayi , hawa mujhe apne sath le jaane lagi . Yeh kaisi aandhi hai jisme main apne aap ko kho raha hun ? 

Untitled Story - After Deces Syance part 2 !

Dont scream even if  you are chased  by an executioner. Par agar wo executioner khud aapko bataye  ki aap zindaa ho toh dimaag khasak hi jaata hai . Mere liye yeh ladki kisi executioner se kam nahi hai iss waqt . Wo bolti kam  aur ghoorti jyada hai . Samjhati kam aur uljhaati jyada hai . Pari kam aur witch jyada hai . Jab main bahut chota baccha tha tab main superman aur popeye jaise heroes bahut pasand karta tha aur Female superwomen bilkul nahi pasand karta tha. Par jaise jaise main bada hota gaya meri pasand supergirls banti gayi. Yeh ladki bhi mujhe kisi supergirl ki tarah lag rahi hai jo mujhe himmat aur zindagi dene aayi hai . Par pata nahi yeh kaun hai aur ab tak mujhe iska naam bhi nahi pata hai . Haan ! mujhe iska naam puchna chayiye kyuki abhi yeh chup-chap mere saamne baithi hai aur mujhe hi ghoor rahi hai.  Jab mujhe koi aur aawaazein nahi sunaai dene lagi tab maine apni aawaaz hawa me ghol  di . Apka naam kya hai waise ? Naam hai bhi  ki nahi ? Wo mere sawaal pe apna sar neeche karke kahi " Tum insaan kabhi dimaag se kaam nahi lete ho na , aur khaas kar tum ."  Aap kehna kya chahti ho ? " Yehi  ki tumhe kaise wo chun sakte hai . Na to tum dekhne se himmatwale lagte ho aur na hi tum kuch karne laayak  lagte ho . "  Kisne chuna hai mujhe ? Kya karna hai mujhe ? Ma'm aap please mujhe bataogi ! " Tumhe batane hi toh main yahaa aayi hun "  Haan ! to batao na main behra thode hi hun . Wo phir se apna sar neeche ki aur aise sar hilaayi jaise ki main sach me koi paagal hun aur wo mera operation karne aayi hai . Maine phir pucha - Kya huwa ? Mere face pe kuch laga hai kya ? Aap aise sar kyun hilaa rahi ho ? " Main hairaan hun ki  tum kisi kaam ke ho yaa nahi ." Ab main kya bolta . Baithe-baithe meri bezzati kardi iss ladki ne . Sharam se main neeche dekhne laga . " Tumme aatma-vishwas nahi hai , vyaktitva  ki soch me kami hai , insaaniyat hai par insaan ko samajh nahi paate , Bhole ho par dabboo banke rehte ho , saahsi ho par kaayarta dikhate ho , sacche ho par sacchai ka saamna nahi kar sakte ."  Main kya kahu ab ? Itna bolkar  to usne mujhe chup hi kar diya . Thanks for giving sho much details about myself . Ahh ! main bolne me thoda sa kaccha raha hun . Main typical bihaari jaise shaadi , shayad aur baaki aise shabdo ko saadi , sayad  bolta hun . Ab zubaan saaf nahi toh kya karun . Main kuch aage bolta usse pehle wo bol padi . "  Tum ek insaan ho par sabho se alag ho . Tumhe Ishwar ne chuna hai . Kisi khaas kaam ke liye aur ab peeche hatne ka koi sawaal hi nahi uthta . Isiliye yeh mat kehna ki mujhe koi khaas kaam nahi karna hai ."  Khha - Khaas kaam ? " Haan ! abhi tumhe yeh batane se mana kiya gaya hai par samay ke anukool hote hi tumhe apna kaam bhi pata chal jaayega." Par aap yeh batao ki main zindaa kyun hun ? " Kya tum jaante ho ki yeh sansaar me kitne jagah hai jahaan insaan yaa aatma rehti hai ?"  Hmm ! Haan ..Shayad 3 , ek to earth matlab ki yeh dharti , ek  swarg aur teesra narkh . Yehi hai 3 jagah . " Nahi 3 nahi 14 . Seven positive planes and 7 negative planes " Maine usko beech me hi rok diya . Main shocked ho gaya yeh sunke . Yeh sunke nahi ki 14 planes hote hai , balki main yeh sunke shock huwa ki usne English boli . Ek surprise , ki upar bhi english boli jaati hai . Aap english kaise boli abhi ? " Tumhe kya lagta hai ki Duniya me sirf Indians hi banaaye gaye hai aur yeh America , France , China - yeh sab tumhare jeb se nikle hai aur inki bhasha Hindi se nikli hai . Tum insaan jitna dekhte ho , jitna samajhte ho sirf utna hi vishwas karte ho . Aage kya hai tumhe pata hi nahi chalta . Shayad isi kaaranvash tum sab abhi tak  Bhooloka me hi seemit ho ." Bhool kya ? Main samjha nahi . " Bhooloka - jahaan tum sabhi rehte ho . Swargaloka - jahaan humari jaisi kuch pariyaan rehti hai . Par kya tum jaante ho abhi agar tum mar jaate to kaha pahuchte ?" Hmmm ...Swarg me ? batane ke liye kam , main yeh sawaal ke roop me bola . Kyuki main sure nahi ." Paatal ka saatva bhaag . Yaani ki antim charan jahaan se puna-janam paana bhi naamumkin hai . Sattva , raja aur tama - yeh 3 cheeje hai jisse jeev ke maansik posho ka nirmaan hota hai. Sattva se insaan pavitrata aur gyaan praapt karta hai , raja se insaan me kuch karne ki chaah jaagti hai aur tama se insaan me aalasya , laalach aur tucch vastuon se lagaav hota hai . Iska matlab sattva sabse shuddh hota hai jo insaan me hi sabse kam maatra me hota hai aur raja-tama insaam me sabse achik maatra me hote hai jo use galat aur vinaash ka raasta dikhate hai . Agar tum aaj aatma-hatya kar lete to tumhare andar ka tama sabse jyada badh jaata aur aisa hone par insaan sirf paatal me jaata hai aur kabhi waapas nahi aa pata . " To kya sirf mujhe bachane ke liya aap aayi ho ? Mujhe aur jeena hoga ? " Haan , kyuki tum MOGUL ho ." Main kya hun ? " Mogul matlab ki tum sabse shaktishaali ho , tumhe insaani shakti nahi maar sakti . " Kya ? Waaoo ! Main shaktishaali hun , mujhe koi maar nahi sakta ? Iska matlab main kuch bhi kar sakta hun . Yeh sunkar mere aankhon me chamak si aa gayi . Meri khushi saatve aasmaan pe hai . Maine kya socha aur kitni badi khushi mili mujhe mar ke . Yehi to bas mujhe chayiye tha , taaqat aur sabse jyada taaqat . " Yeh shaktiya abhi tumhe nahi mili hai , sirf kuch jhalkiyaan hongi tumhare saath taaki tum doobara aisi harkat na kar sako . Tum Mogul ho , par Mogul hona kya hota hai tum jaante bhi nahi ho . Yeh ek  jimmedaari  hai , koi khilona nahi  ki tum khelne lago . " Main Mogul aur aap ? Aap kaun ho , pari ? " Main pari thi , par ab nahi . Main pehli baar yeh kaam karne ke liye chuni gayi hun . Mere upar bhi ek jimmedaari hai ki main tumhara khayaal rakhun , jab tak tum Mogul banne ke laayak nahi ho jaate tab tak tum meri jimmedaari ho . Main har-pal tumpe nazar rakhoongi , chahe sath hoon chahe naa hoon. " Haan par aap ho kya , pari thi aur ab kya ho ? " Mujhe Swargaloka se ek paaiydaan upar bheja gaya hai , Janaloka . Yahaan mujhe Bhagwan ne chuna hai REMITENTE  ke liye ." Yeh kya hota hai ? Koi English word hai kya yeh ? " No ! I m a sender ."  Ohh ! to aap bhi chuni gayi ho . Aap rakho mera khayaal . Main taiyaar hun . Abhi yeh sab mujhe sapna jaisa lag raha hai. Na main iske baare me soch raha hun aur na hi sochne ki koshish kar raha hun. Jo mujhe sunaaya jaa raha hai wo mujhe interesting lag raha hai aur accha bhi . " Abhi tum 16 saal ke ho " Ji Nahi ! main 17 saal ka hun . 1993 bhi count karo na aap , 1993 me toh ho hi gaya tha main . " Tum bhagwan se chupa nahi sakte . Tum tab tak kuch nahi kar sakte jab tak tum 18 ke nahi ho jaate . " 18 saal . kya koi election me vote karna hai jo aap log mere 18 ke hone ka wait kar rahe ho ? " Haan , tumhe jo samajhna hai samjho . Suna nahi kya Child Labour is Banned . "  Pata hai . To ab kya karna hai mujhe ? " Ab tum waapis apni duniya me jaoge .Phir se apni zindagi jeeyoge aur sab galtiyon ko sudhaaroge . Apne andar ke sattva ko talaasho . " Phir mujhe abhi kyun yeh sab bataya . Main waapis jaaker aam insaan ke tarah  ab kaise jee paaunga ? Yeh sawaal aaya mere dimaag me toh maine puch liya. Jab main itna sab jaan chuka hun apne baare me , to main sabke sath aam zindagi kaise jee paaunga ? " Tum waapis jaate sab bhool jaoge . Kisi prani ko bhanak bhi nahi hogi ki tum kahaan the . Shayad tumhe ehsaas huwa hoga ki jab tum yahaan aa rahe the tab sab kuch thama huwa tha. Wo karna zaroori tha. Ab tum waapis chale jaaoge . "  Par aap phir kab aaoge ? Rukiye - rukiye ! mujhe kuch maangna hai aapse . " Yehi na ki tum pass ho iss saal ki nahi ? Tumhare sath kuch bura nahi hoga ab . Bas tum apna dhairya banaye rakho , jo hota hai acche ke liye hota hai . Sirf koi galat kadam uthane se pehle ek baar yeh soch lena ki bhagwan tumhe har samay dekh rahe hai . Apne andar ke Vishnu ko pehchanne ki koshish karo. Usme wo baat zaroor hogi jo bhagwan ne dekhi tumme . Aur phir humare jaise log tumhe sambhaalne ke liye toh hai hi ." Itna kehke wo meri nazron ke saamne se chhu-mantar ho gayi . Main chillaya - Kaha gayi aap ? Main kaha jaaun? Mere saamne phir sab kaala hote jaa raha hai . Meri aankhen band ho rahi hai . Shayad ab maim bhi waapis jaa raha hun. 


Ahh ! mera sar dukh raha hai . Main ab kaha hun ? Main kya karne jaa raha tha ? Aur main yeh chhat pe kya kar raha hun ? Itni dhoop hai , mujhe apne kamre me jaana chayiye . Aur mera sar kyun dukh raha hai ? Main neeche gaya , mummy mujhe rok ke boli - " Vishnu ! kya kar rahe the upar ? " Main jawaab dena chahta hun par mujhe pata nahi ki main kya kahu . Main chhat pe tha par kya kar raha tha .Pata nahi ,bas aise hi khade the shayad . " Beta ! tum baadaam khaya karo , buddhi kamzor  ho rahi hai tumhari . Isiliye padha huwa sab bhool rahe ho , meri baat maana karo na . " Main yeh sab sun sun ke pak chuka hun ab , par akhir main waha kyun tha ? 

Untitled Story -After Deces Syance part 1

Mere dono pair hawa me the. Uss ladki ne mera hath pakda aur hum dono hawa me tairne lage . Mera matlab hai hum dono hawa me udne lage kyuki mujhe tairne toh aata nahi tha . Mujhe bahut maja aa raha hai ab. Shayad yeh koi pari hai aur mere wishes poori karne aayi hai . Par ab main wish maangke kya karunga , yaa phir yeh mujhe bhi apni toli me shaamil karna chahti hai. Iss waqt main usse kuch puchna nahi chahta , pehle jaha yeh mujhe le jaa rahi hai waha pahuch toh jaaun. Kaha jaa raha hun main ? Abhi toh sirf upar . Main mere ghar se upar nikal chuka hun . Ajeeb baat hai door-door tak ek bhi panchi nazar nahi aa rahe . Shayad chutti pe honge yaa phir soo rahe honge . Dopahar me toh insaan bhi so jaata hai aur phir yeh toh chote se maamuli jeev hai . Ajeeb baat hai ki pedon ke patte bhi nahi hil rahe the. Itni unchhayi par kuch hi ped hai aur unke patte bhi tham gaye hai . Shayad hawa nahi chal rahi hogi . Main inn sab baaton ki bilkul parvaah nahi kar raha . Main to iss baat se khush hun ki yeh ladki mera hath thaame hui hai . Kitna accha mahsoos hota hai jab jannat ki koi pari aapka hath pakad kar apne sath upar le jaa rahi hoti hai . Par main chahta hun ki yeh apne kapde badal le aur kuch insaano jaisa pehanle . Yeh kapde ispe suit nahi kar rahe . Hum kaha jaa rahe hai ? Akhir maine puch hi liya desperate hoker. Wo mere chehre ko dekhne lagi aur bina palak  jhapkaaye  dekhti rahi . Maine apna sar neeche kar liya . Mere aas-paas ab dher-saare baadal hai , par ajeeb baat hai yeh baadal bhi apni jagah par ruke hue hai . Ab kya saare baadal chutti pe hai ? Ab mujhe kuch alag sa mahsoos hone laga . Meri palke bhaari hone lagi . Meri aankhen band hone lagi . Yeh mere saath kya ho raha hai ? Mujhpe neend haawi hone lagi . Ab main chahke bhi jaaga nahi reh paa raha. 


Achanak mere chehre pe kisi ne paani pheka. Main hadbadi me uth khada huwa. Main kaha hun abhi ? Kya main swarg me hun ? Tum jawaab kyu nahi deti mujhe ? Maine yeh sawaal thode gusse se pucha. Wo ab bhi mujhe dekh rahi thi . Main kaha hun mujhe bataogi tum ? Please bata do na . Wo mere paas aayi aur mere chehre ko aise dekhne lagi jaise ki maine kisi zoo ka bandar hun. Usne aapne hoth mere kaan ke paas laakar kuch kaha par main samajh nahi paaya kyuki wo hindi nahi kisi aur bhasha me boli. Yeh kya tha ? Yeh tumne abhi kya kaha mere kaano me ? Wo ab bhi chuppi saadhe huwi thi. Ab main aage kuch puchne se behtar , wahi baith gaya chup-chaap. Uss jagah pe wo aur main hi the. Wo ab bhi mere chehre ko dekh rahi thi. Uske aise dekhne se main thoda uncomfortable ho raha tha. Par uss tarah se nahi. Main itna puchne ke baad ab kuch nahi puchna chahta. Jawaab milta hi nahi kisi sawaal ka. Ab meri nazar mere aas-paas gayi. Main yeh figure-out nahi kar paa raha tha ki main aakhir hun kaha. Sirf andhera charo -ore. Kaala rang , kaala farsh aur kaale kapdo me wo gori ladki. Chalo ek to odd nikla. Wo ladki aakhir mujhme dekh kya rahi hai ? Kya usne kabhi insaan nahi dekhe jo aaj mujhpe nazrein gadhayi khadi hai . Na wo kuch bolna chahti hai aur na wo kuch bolegi . Toh main hi bol pada - Tum kaun hai ? Pari ho ki Daayan ho ? Wo yeh sunte hi ghum gayi. Shayad mere sawaal se gussa gayi . Maine kaha - Accha ! m sorry. Main majaak kar raha tha. Wo nahi palti aur apni peeth mujhe aise dikha rahi hai jaise abhi mujhe paatal bhej degi. Hum kis cheej ka intezaar kar rahe hai yahaan pe . kya koi aane wala hai ? Wo iss baar palti . Mere paas aayi aur jhuk ke mere kareeb aake boli - "Tumhari maut aane wali hai yaha. Ab chup raho. " Kya ? Yeh kya  , main abhi to marke aa raha hun na . To phir ab kaun si maut aa rahi hai ? Wo itna kehke phir khadi ho gayi aur mujhe apni peeth dikhane lagi. Main yeh sunke bahut ghabraa gaya. Mere pasine chutne lage ab toh . Meri maut ab aa rahi hai toh pehle kya maine trial maara tha . Mujhe laga ki shayad wo majaak kar rahi hai . Aisa nahi ho sakta yaar . Maut ke baad Maut , yeh kaha ka neeyam hai . Main usse phir puch baithe - Aap majaak kar rahe ho na ? Wo kuch nahi boli na hi meri taraf palti. Bas ! ab bahut ho chuka . Main kab tak aise baitha rahunga. Ab yaa to wo bole nahinto main chala jaaunga. Par main yahaan se jaaun kaha ? Aas-paas to sirf kaala andhera hai aur kuch nahi . Mann me thoda sa gussa hai , thoda sa darr hai , thoda sa dukh hai aur thoda sa  disappointment bhi hai . Maine socha ki ab ek aakhiri sawaal puchta hun - Kya aap bataogi ki main zindaa hun yaa mar chuka hun ? 


Wo iss baar bhi bilkul nahi hili . Main haar maan chuka hun ab . Haarkar apna sar neeche kar liya aur wahi baitha raha par iss baar wo boli " Sahi sawaal ka intezaar kar rahi thi main ." Itna kehke wo ghumi , mere taraf phir se badhne lagi . Usne mera hath pakda main bhi khada huwa aur uske sath chalne laga . Shayad wo ab mystery girl se kuch jyada banke dikhayegi mujhe. Mera muuh khula tha ki ab main kaha jaa raha hun . Hum andhere se ujaale me aa gaye. Wo kaala ghana andhera peeche chala gaya. Ab aage sirf safed rang tha . Har taraf sirf ujaala aur roshini . Usne mera hath pakda rakha hai . Meri nazar ek-tarfa neeche gayi. Maine aaj tak suna tha ki pairo ke neeche se zameen khisak jaana par aaj dekh liya . Main hawa me chal raha hun abhi . Dekhke to ab main aur bhi darr gaya . Main idhar-udhar dekhne laga. Kaheen main yahaan se gira to agla janam bhi lene ke laayak nahi bachunga. Maine pana haath uske haath me dekha aur jaise main kuch bolta , usne peecha mudke mujhe dekha aur kaha " Daro mat ! jab tak maine tumhara haath pakda hai tum nahi giroge . Daro mat ! Main hoon na . " Iss waqt mere paas uspar vishwas karne ke alawa aur koi chara bhi nahi hai. Maine aankhen band ki chalta chala gaya. Aage ka sab wo hi maalik. " Main tumhe bhuvaloka le jaa rahi hun. Hum pahuch gaye ab "  Bhuvaloka ? Yeh kaun si jagah hai ? Pehle kabhi to yeh suna nahi aur nahi kisi ne kaha iss jagah ke baare me aaj tak . Chalo ! ab jaisi bhi jagah hai , main pahuch chuka hun Bhuvaloka me. Yahaa to sirf dhuan hai charo-taraf. Main khada bhi dhuan pe hun. Hawa bhi chal rahi hai par na wo mere chehre ko chu paa rahi hai aur na hi main hawa mahsoos kar raha hun. Maine apne dill pe haath rakha , meri saansen toh chal rahi hai . Iska matlab hawa toh hai idhar. Upar mere sab khula tha . Kya kahu ki kya tha bas Aakash jaisa lag raha hai jisme koi baadal na ho. Mera ek haath ab bhi usne pakda huwa hai. Hum ek aaker jagah ruk  gaye. Maine socha ki ab kuch puchun na , wo khud hi bata degi . " Kuch puchna nahi chahoge tum ?" Usne sawaal kiya par main kuch nahi bola . Apna sar daaye-baaye hila diya jiska matlab hai ki nahi . Main ab puchna nahi chahta bas yeh kya ho raha hai jaanna chahta hun  isiliye ab chup hun. " Tumhe jaanke dukh hoga ki tum abhi mare nahi ho , zinda ho " Itna kehke wo neeche baith gayi . Main itna sunke khada ho gaya . Usne mera haath bhi chodh diya , par main neeche nahi gira . Mere muuh khula ka khula reh gaya. Kya ? Main ab bhi zinda hun ? Oh GOd ! aisa kaise ho sakta hai ? Maine usse pucha . Yeh sawaal bhale hi sahi na ho par ab mujhe iska jawaab chayiye .  

Movie Pack - up Tym - F.A.L.T.U.

  F.A.L.T.U. - the movie :

 

Faltu aka F.A.L.T.U. is a movie directed by India's most talented & ever so kool Choreographer Remo D'souza , as it was his passion to be a film-maker. The movie shows up with a song whose lyrics follows - " Jab main chota bacchha tha to hod shararat karta tha / Ab jo main bada ho gaya te badu shararat karta hun . / Jab main chota bacchha tha galti karne se darta tha / Ab jo main bada ho gaya bas galti karna chahta hun . " The song perfectly describes the gen. Next Supastars. The faltu characters are Ritesh aka Jacky Bhagnani , Puja aka Pooja Gupta , Vishnu aka Chandan Roy , Nanj aka Angad Bedi . Yeh movie humare system ke uss subject ko chuti hai jise hum sab Education System kehte hai . Vishnu as one of the high scorers in his lyf gets 94 % marks and still disregarded by his Businessman Dad for getting 1 % less. He finds an admission in a high prestigious college but unlikely his frnds Ritesh , Puja and Nanj who managed a maukry of only 40 , 42 and 37 % does not get admission in any of the college even after touching the feet of college peons. Apne Maa-Baap ke liye beizzati ka kaaran bante hue yeh 3 dost jaate hai vishnu ke paas aur ek fake college website , ek fake college add aur ek fake admission letter banawate hai . Just to get away with their Parents scoldings they do all Faltugiri. Aur jab parents college dekhne ko kehte hai to Ritesh takes help of Google Chand aka Arshad Warsi to get rid of the danger. Google is a life-line of the 4 frnds . He comes up with a solution to every problem which arises. He gives them a building to portray it as a fake college . Guess what ? They bring a fake Principle even Mr. Baaji Rao aka Riteish Deshmuk . Baaji Rao is innovative but a mis-understood Teacher , struggles in his lyf till he meets the gang of Faltu. It was just for one day to pretend everything fake as the original . But the twist in the tail arise from here .

                           

The fake website created a arousening and the students from all corners of India came to study in the Faltu college . Howcome the college be faltu ? Fakeerchand And Lakeerchand Trust University , the name of the college decided by Ritesh. Now the way the Faltus turn the fake college into a real college is the deal of the movie.

To add to the spice & crisps in the movie there are some Beat-throb music and songs. The gen. next Muzik with superb Dance adds to the taste and Beauty of the movie. The star cast is new & refreshing . Every characters is a lot closer to the real college student who want out & out Fun , Party and Night hang-outs. The main aim of all the Faltus is to party hard and drink beer. But the lead Ritesh finds that the world calls them good for nothing out-lawed youngsters and he highly wants to prove them wrong. So as the founder of FALTU , he decides that the college will also be a spot of studies. They have to choose what they want to study . The movie here comes across some of the most happenings topics of this generation - Digital Education , Alternate Studies , Career Choice other than Engineering and Doctorerate. Theres is a big question asked in this movie " Aap 35 % waale student ko paas to kar dete ho lekin usse kisi college me admission nahi dete ho . Har college pe 70 % cut out rakhte ho to phir hum 35 % waale kaha jaayenge . Agar aisa hi karna hai to aap 70 hi passing marks rakho , aur isi 35 aur 70 ke beech bante hai hum FALTU , jise aapke hi Education System ne janam diya hai . " Isnt it a serious subject to thing upon ? Jackie as Ritesh definitely rises his Acting skills after his first film . But still there is a lot more to cover-up. All other Faltus did a job which suits the movie. Arshad and Riteish played a supporting roles , a role for the support of Jacky. "Chaar baj gaye " & " Le jaa tu mujhe" are one of the best tracks of the movie . And not to forget the Faltu Mantra " aaltu jalaaltu / aayi bala ko taal tu / tension-wension chodh de baccha / ho jaa Fully Faltu."

Faltu is a story of coming of age of todays youth . They dont choose a different path but create one. Being Faltu is fun but the movie also says that agar hum faltu apni karni pe utar aaye to we can be better than the best. The movie has some light - hearted scenes with great comic ishtyle of Arshad & Riteish . The movie has a surprise package , it ends with a fantastic climax. Its a movie for the youth but a must watch for all those parents who have a child and the child is ready to choose its path of lyf. The university FALTU is the homeground of all Faltu , and to save it dey delivers a superb show at a college festival. The brilliance of Remo's choreography marks the show here. Though the movie generates a lot of criss-cross on the Modern Education Policies , it lacks in providing a efficient logic behind it. As the name suggests , the movie is beyond that . FALTU is really worth watching, atleast once.Vashu Bhagnani gives his son Jacky a perfect beginning for his career with Faltu. Main Faltu ko 2.5 pure gold deta par movie jis subject pe bani hai , main bhi uska ek chota sa hissa hun so I give FALTU 3 pure gold. To all my frnds , do watch FALTU and its not that bad being a FALTU.

Untitled Story -The Fall of Vishnu !

Kabhi khud ko udte hue nahi dekha tha par aaj apni iss aakhiri udaan ko mahsoos karne ka mauka mill gaya. Pehle jab bhi aakash me baadlo ko dekhta tha tab inn baadlo ke alag alag shape ko dekh ke bahut hairat hoti thi. Par ab jab inn baadlo ke itne kareeb hun tab inhe dekhne ka mauka hi nahi mila. Ek baar zameen se pairo ko utha liya tab phir se zameen se kab mila pata hi nahi chala. Aankhen band hote hi maine duniya ko chodh diya. Ab to jannat me hi aankhen kholni hai. Aas-paas ki koi hulchul  sunaai nahi de rahi . Jaise ki main ab is duniya ka nahi raha. Yeh duniya ab mere liye bhi mahaj ek choti si zameen ka tukdaa banke reh gayi. Marne ke baad kaisa lagta hai , yeh ehsaas ab huwa. Mera shareer zameen se takraaya to kuch pata hi nahi chala. Laga jaise ki makhmal ki satah pe leta hun . Na koi dard aur na hi koi aawaaz. Kya log aise hi marte hain ? Pata nahi yeh mere sath pehli baar  huwa hai . Main end me kaha hun ? Kya main mar chuka hun ? Agar mar chuka hun to abhi bhi main usi zameen pe kaise leta hun. Itni unchhaayi se gir ke main zindaa bach gaya toh yaa to mere body ka har hissa apart ho jaayega yaa to main aas-paas sirf khoon se ghir jaauunga. Mere dimaag me pata nahi kitni baatein chal rahi hai abhi . Kya koi marne ke baad itna kuch soch sakta hai ? Phir mere dimaag me aaya ki haan ! aatma toh suna hi hai maine. Aatma marne ke baad shareer chodh deti hai aur 
phir tab tak bhatakti hai jab tak use naya shareer nahi milta. Maine toh yeh bhi suna tha ki marne ke baad aatma yamlok chali jaati hai. Yamdoot aata hai , aatma ko apne sath le jaata hai. Par yamdoot to tab aata hai jab kisi ke marne ka samay yamraj nirdharit karte hai. Mere case me toh main shayad samay se pehle mara hun. To kya yamdoot samay pe aayega ? Agar aana hota toh ab tak aa chuka hota . Iska matlab kya hai  ? Kya mujhe khud hi upar jaana padega ? Main kab tak zameen pe garbage ki tarah pada rahunga ? Na koi uthane aa raha hai aur na koi  dekhne . Maine filmon me dekha tha ki main agar uthunga toh mera shareer zameen pe hi reh jaayega aur meri aatma apne aap upar chali jaayegi . Baap re , marne ke baad kitni planning karni padti hai ! Meri body yaheen rahegi . Aur pranshakti do jagah jaayegi , yaa to swargalok yaa to paataal. Mujhe itna toh pata hai ki suicide karna paap hai aur aaj maine yeh paap kar diya hai. Toh kaha jaaun , swarg yaa nark ? Mujhe to swarg hi jaana hai . Main bura insaan toh nahi hun. Apne sar ko ek taraf kiya par mujhe apna khoon nahi dikh raha . Upar se gira hun to khoon to behna chayiye na ? Yeh mujhe aur bhi soch me daal raha hai. Ab mujhe uthna chayiye aur maut ke baad ki zindagi jeene ke liye upar jaana chayiye. Kisi ne mujhe yeh nahi bataya ki marna kitna mushkil hai . Magar kya main hill bhi paaunga ? Kya mere body part abhi bhi kaam karenge ? Shayad aatma me haddi nahi hoti tabhi to aatma har kisi cheej ke aar-paar ho jaati hai. Waqt se pehle marna bhi kitna bada gunaah hai yaar. 17 saal ka bhoot kaisa lagega . Na main kisi ko dara paaunga 
aur na hi koi mere jaise bhoot se darega. Nahi , mujhe bhoot thode hi kaha jaayega. Bhoot to wo bante hai jo apne jeevan me koi kaam adhoora chodh jaate hai. Par mera pyaar bhi adhoora hai . Mujhe na toh Soniya ka pyaar mila aur na hi main kuch ban paaya . Kaheen main sach me bhoot na ban jaaun ! Mujhe bhoot nahi banna hai , mujhe toh naya janam lena hai. Waapis aana hai iss duniya me aur kuch bada karna hai . Jo galtiyaan iss janam me kii wo agle janam me naa karne ki kasam khayi hai maine. Bas Vishnu bas ! ab tym khoti mat kar aur chal  upar chalte hai . Achanak mujhe ek parchayi dikhayi di . Kaala rang kabhi acchai ka prateek nahi raha hai. Kya yeh yamdoot  ki parchayi hai ? Kya wo mujhe lene aaye hai ? Mere chehre pe halki muskaan si aa gayi. Par yamdoot itna patla aur aisi ladkiyon waali adaa me kyu khada hai ? Kya yamdoot ladki hai ? Mujhe sirf kaala rang dikh raha hai , par koi jaan nahi . Aankhen mali aur dhyaan se dekhne ki koshish ki toh dikha ki ek sundar si ladki mere sar  ke bilkul saamne khadi hai . Kya yeh ladki mujhe dekh rahi hai ? Dekhne me toh yeh 20-22 saal ki ladki lagti hai. Ajeeb si poshaak me khadi hai aur shayad mujhe dekh rahi hai. Uske chehre pe ek muskaan hai aur uss muskaan se shayad wo mujhe chidha rahi hai . Kuch ajeeb sa skirt type aur wo bhi pairo ke anguthe tak . Matlab koi dharti pe aise kapde pahenne ka soch bhi nahi sakta hai . Kyuki agar wo aise kapde pehnegi to sab uska majaak banake rakh denge . Yeh ladki sundar hai aur neeche se dekhne me lambi bhi hai . Iska kaale rang ka top tha . Par wo top kam aur jhola jyada lag raha hai . Usse aur jyada dekh sakta hai par dhyaan kaheen aur gaya . Arre nahi ! yeh ladki mujhe kaise dekh sakti hai ? Kya main abhi tak zinda hun? Main isse pehle kuch bolta , usne keh diya " Tumhari kismat ab bani hai bacche ! " Yeh kya hai ? Yeh koi apsara hai kya aur mujhe especially lene aayi hai shayad students group ke liye consolation prize hai yeh . Usne meri taraf haath badhaya aur kaha ki chalo chalne ka time aa gaya. Maine bhi uski khoobsurati ko nihaarte hue , uske komal haathon me apna haath thama diya. Wo mujhe lene aayi hai . Main marne ka sukh dekh sakta hun ab .      

Untitled Story -Vishnu's Scoop (Story of a year ) !

Insaan apne aap ko har badlaav ke anusaar dhaalne ki koshish karta hai par jab wo aisa karne me naakamyaab ho jaata hai tab wo apne aapko andar hi andar kam hota paane lagta hai. Apni nayee zindagi se yaa toh haar maan leta hai yaa phir apni haari hui zindagi ke saath ghut ghut ke marta hai. Mera bhi yehi hashr hua . Main St.pauls school me padhta tha . Padhta kya ji , main waha ki rag-rag se waakif tha. Mere ghar ke baad meri sabse pasandida jagah thi mera school. Waha ke sabhi teachers ki aankhon ka taara tha main. Waha ke sabhi students mujhe jaante the aur respect ke saath mere se pesh aate the. Kyu nahi aate ? Main school ke popular list ka aham hissa tha. 4 saal me har year class toppers me shamil tha aur apne school ke har function aur programs me part liya tha. Na jane kitne awards jeete the maine . Na hi sirf padhai ke liye , balki singing aur quiz me bhi haath jamaaya tha maine. Yeh school mere liye kisi swarg se kam nahi tha. Mere har sapne yahaa sach ho rahe the. Lekin har sapna tab tut jaata hai jab aap apni aankh kholte ho. Mera bhi yeh sweet dream tab khatam hua jab mujhe apne iss swarg ko chodhna pada. Class 9th me mujhe St.paul se Little Rose school me jaana pada. Pata nahi kyu? Shayad isiliye kyuki Little Rose shaher ka sabse bada aur sabse lokpriya school tha. School campus bahut hi bada tha , bahut naam bhi suna tha iss school ka. Suna tha ki iss school me ek se ek amir baap ke shehzaade padhne aate hai. Pehli nazar me toh koyla bhi sona dikhta hai. Mujhe laga ki main ise bhi swarg samajh sakta hun. Par main galat tha. Yeh swarg ke darwaaje se hoke jahannum tak le jaata hai. School me koi buraai nahi thi par meri life ki sabse badi galti yaheen hui. Class 9th se entry ki. Class-room me itni bheed thi ki laga ki kho jaaunga. Maine kabhi itne tej bacche kisi bhi school me nahi dekhe the. Sab ek se ek the aur haajir-jawaabi me sabke baap the. Yeh na to kisi ke dost the aur na hi kisi se dushmani ke mood me the. Inhe sirf kitaab ke keede kehna sahi hoga . Teacher ke chehre pe bade-bade shabd jhaarte the aur unke peeche chote-chote gaaliya dete the. Mujhe back-stabbing na aati thi aur na main kabhi seekhna chahta tha. Mere good ko kaheen Bad ki nazar na lag jaaye isiliye pehla saal main kam se kam bolke nikaal liya. Mera % age kam hua tha aur toppers ki list se naam hat gaya tha. Yeh thoda hila dene wali khabar thi mere aur mere family ke liye par phir bhi image sudhri hui thi. Phir main pass hoker class 10th me pahucha. Kehte hain ki high school student ke liye Iron-Gate hota hai. Agar ise paar kar gaye toh aage ke safar me suffer nahi karna padta. Main isme high score karna chahta tha. 


Pata hai aapko ki insaan ki sabse badi kamzori uska dill hota hai kyuki dill kaheen bhi lag sakta hai. Jo ladka ladkiyon ko kabhi dhyaan se dekhta tak nahi tha , uske liye yeh ajeeb hi tha. Saal ke shuruvat me meri class-teacher ne mujhe girls row me baitha diya. Mujhe bhi koi fark nahi pada tha tab. Pehla 1 mahina toh main mute hoker bita liya. Par jab ek ladki bolna shuru karti hai tab to bhagwan chahke bhi use chup nahi kara sakte . Class ki padhai se kab dhyaan hata  , pata hi nahi chala. Class me topic ko bhulkar hum apne hi topic me lag jaate . Jaise ki agar class me Joint family pe lecture chal raha hota tha , tab main aur wo ek-dusre ki family ki problems pe dhyaan de rahe hote the.  Jaise ki agar class me Environment education chal raha hota tha , tab main aur wo apne favorite destinations pe discuss kar rahe hote the . Board exam ki kise padi thi tab , jab aage ki life settle ho rahi thi. Dheere - dheere humari baate pure school me phailne lagi. Kya students , yaha tak ki staffroom me bhi teachers hume hi burning topics me paate the. Hume pata bhi nahi chala aur hum ek-dusre ko pasand karne lage. Shayad hum done , kyuki mujhe abhi tak yeh nahi pata hai ki wo mujhe like karti hai ki nahi. Wo mere batch ki sabse sundar ladki thi . Sabhi mere dost mujhse jalne lage the , kyuki aadhe to uske peeche pade the aur jo nahi pade the wo mere dost nahi the. Exam paas aate gaye , 6 mahine beet gaye the hume saath baithe hue. Poori class idhar ki udhar hoti gayi par teacher ne kabhi hume alag nahi kiya. Main uske liye kuch bhi kar sakta tha. Ek din main school pahucha aur thoda sa sad tha kyuki subah - subah hi papa ne mujhe khari-khoti sunaayi thi kyuki asar mere marks pe dikhne laga tha. Us din main kuch nahi bola. Bilkul chup aur sirf soch me ki sab mujhse naaraj kyu hone lage the  .  Par mere iss sad mood ko usne badal diya , jab din ke aakhri period me usne meri taraf dekhkar mujhse poocha "Vishnu ! kya hua ?Tum aaj kuch bol kyu nahi rhe ho ?" Uska chehra dekh main apna gussa aur dard bhool gaya aur haste hue yeh keh diya ki main dekhna chahta tha ki tum kab tak chup rehti ho. Itna kehte hi wo has padi aur uski uss muskaan pe meri nazrein tham gayi. Wo mere dill ki khaas banti jaa rahi thi. Saamne aate hi mere aankhon ke channel pe chha jaati thi. Yaad hai mujhe jab wo kis adaa se apne baal ko apne kaano ke peeche kiya karti thi. Wo thi hi aisi ki kisi ko bhi usse pyaar ho sakta tha. Mere liye dosti pyaar me badal chuki thi. Par maine kabhi usse kaha nahi. Darta tha ki kaheen wo mujhe mana na karde . Kar bhi sakti thi kyuki school me mujhe jaanta hi kaun tha. Na to main topper tha aur na hi maine apna talent dikhane ki koshish ki kabhi. I was jus another ordinary student. Par wo school ki best dancers me se ek thi . School ke Annual Function me uska dance dekhne ke liye maine apna coaching tak chodh diya tha. Meri important things ki list me wo sabse upar aa chuki thi. Par phir se fate. Mujhe class teacher ne alag place de di. Usse bahut dur . Wo bhi mujhe bhoolne lagi aur phir hum doobara kabhi baat nahi kar paaye. Maine bhi kabhi usse milne ki koshish nahi ki. Saal bit raha tha aur  humare bich ki dooriyan badhti jaa rahi thi.  Aise hi pyaar aur padhai mujhse door ho gaye . Wo na phir dekhi meri taraf aur maine bhi padhai se muuh pher liya. Board exam dekhte-dekhte khatam ho gaya aur mujhe pata bhi nahi chala. Kya hoga result ka ? Sab jaante hai jab tak aadmi check pe sign nahi karta tab tak cash nahi milta. Mujhe darr tha ki kaheen main fail na ho jaaun. High school me fail hona badi sharm ki baat thi aur wo bhi mere liye. But it was not about failing , I would never want to score mere marks even. Kam marks le ke main kya karta. Main ab bhi sochta hun ki wo mujhse itni baat karti thi aur aisa kya hua jo wo ab mujhe dekhna tak nahi chahti .Shayad jo uss din class me huwa uski wajah se.


Hum dono saath me baithe the. Har - roj ki tarah ek-dusre ki aankhon me aankhen aur baato me baate. Uske paas bolne ke liye kabhi kisi topic ki kami nahi thi. Din ka last period  tha . Teacher ne surprise entry ki aur mujhe khada hone ko kaha. Main tab bilkul anjaan tha ki kya hone wala tha. Aur jaise hi unhone bolna shuru kiya " In class 9th , a quite boy but serious student came in my eyes, Vishnu .  But now u have just turned everything against you. I always wanted to hear of you but in a good way. Everyone in the staff is talking about you and you know why. " Main kuch bhi nahi keh sakta tha. Mujhe laga ki unki speech khatam ho gayi thi par " And the same thing goes for you to Soniya. I have come to hear a lot and i dnt want to hear anymore. Vishnu is a nice boy and Its better you concentrate on your studies . Sit Down !" Maine Soniya ke aankhon me ajeeb sa darr dekha. Mujhe laga ki shayad mujhe khud hi apni place change kar leni chayiye. Main nahi chahta ki meri wajah se Soniya ko aisa  sunna pade. Soniya bhi gusse se laal thi aur main jaane se pehle usse kaha "Sorry Soniya ! meri wajah se tumhe yeh sab kuch..." Main kuch bol bhi nahi paa raha tha. Mere lafs ladkhada rahe the. Kya wo mujhse naaraz thi ? Usne meri taraf dekha aur kaha"  Main in sab faltu baato pe nahi dhyaan deti. Tum bhi mat dena . Hum dost hai aur acche dost rahenge. Darna mat aise comments se Vishnu !" Itna bolkar usne mere dill par se patthar sa hata diya . Main khush tha ki Soniya sambhal chuki thi par mere andar yeh guilt tha ki aage phir aisa na ho. Mujhe place change kar lena chayiye. Main chutti ke baad meri teacher ke paas gaya aur unse vinti ki meri place kal change kar de. Agle din aisa hi hua. Hum alag ho gaye the. Maine jo bhi kiya Soniya ki bhalai ke liye kiya. Main mere faisle se khush tha. Soniya ne jaate waqt mera chehra tak nahi dekha. Shayad wo nahi chahti thi ki meri place change ho . Shayad wo mere jaane se khush nahi thi. Uski kami ko kam karne ke liye maine socha ki padhai pe dhyaan lagauun. Par kehte hain na ki agar ek baar dill kaheen lag jaaye phir uske baad kaheen aur dhyaan nahi lagta. Door rehke bhi main uske sabse kareeb aa chuka tha. Par na maine kabhi usse baat karne ki koshish ki aur na hi wo kabhi aage aayi. Main yeh maan baitha tha ki shayad yeh humari kahani ka the end tha. Par pyaar ko bhulana itna aasaan nahi hota. Din-raat sirf usi ke saath bitaaya har pal yaad karta rehta tha.Uski baatein , uski muskaan , uski adaa.....Ufff ! mere cable pe sirf Soniya ka channel chalta  tha . Kitaab ke har panne par aake mujhe pareshaan karna to uski aadat ban chuki thi. Uska favourite actor John Abrahim hai aur jab uski yaad aati thi to main Dostana film dekh leta tha. Aisa iss age me hota hai maine suna tha par jab mere saath huwa to pata chala ki ek baar yeh ho gaya toh uske baad  sambhalna bahut mushkil hota hai.


Itna dismiss hona kam tha ki maine apna board exam bhi kharaab kar diya. Har paper me kuch na kuch galti mujhse ho hi jaa rahi thi. Kisi paper me question number lagaana bhool gaya toh kisi paper me question hi karna bhool gaya. Jitna galti kar sakta tha , utna galat  huwa . Mera mind set drastic khaddhe me jaa chuka tha. Exam khatam hone ke baad main chutti bhi nahi jhel sakta tha. Aur na hi jhel paaya. Isiliye to aaj Soniya ko , apni mummy - papa ko , apne bhai ko , apni behen ko aur kuch acchhe doston ko chodh ke main jaa raha hun. Apne ghar ke 3rd floor se main kud gaya. Mera bachna to jaise bhaad aayi aur kuch bhi dooba nahi. Yeh thi meri kahani ek saal ki . Ek saal jisme maine zindagi se haar maan li aur alvida keh ke bhagwan ke paas chala. Mujhe iske liye sab maaf karde , yehi meri last wish hai. Koi mujhe gaaliyan mat dena , haste - haste meri vidaai karna . 

Luv Ka The End - Muzik Class !!