Untitled Story : An Sundown in EUE - Double Tring Tring !

Haan sir ! mera phone aaya hai kya ? Counter pe hamesha ek insaan sota huwa paaya jaata hai . Woh insaan humare hostel ka common wardon hai - Sir Kumbhi . Bhagwan ne inka naam bahut soch - samajh ke rakha hai , kumbhkaran sirf sone me vishwaas rakhta tha aur Sir Kumbhi bhi  sirf sote hi rehte hai . Sir har baar ki tarah neend me hai . Hello ! sir main phone le loon ? 
" Ahh ! haan tumhara hai , uthao . " 
Dekhte hai ki phone har baar ki tarah ghar se hai yaa . Hello ! kaun ? 
Receiver ko apne kaan me lagaya toh pata chala ki phone ghar se hi hai , mummy ka hai . 
" Vishnu ! mummy bol rahi hun . Kaiso ho beta  ?" 
Haan , jaise the waise hai . Aaj phone kyu kiya mummy ? 
" Woh tumhari chuttiyon ke baare me pata chala na toh isiliye puchna tha ki aa rahe ho ki nahi . " 
Main phone pe baat kar raha hun aur sabki nazron se bachte woh 3 deviyan mere room tak jaa rahi hai . Un teeno ne mujhe dekha nahi kyuki woh bhi yeh chahti hai ki unhe koi dekhe nahi . Sir Kumbhi neend me hai isiliye unhe kuch dikh nahi raha . 
" Bolo beta ! iss baar chutti me aa rahe ho na ? " 
Arre ! chutti ke pehle exam bhi toh hai . Exam me kayi din baaki hai , uske baad chutti ka sochenge . 
" Exam kab hai ? " 
Abhi kuch dino me internals hai . Ek hafte chalega , phir 10 din ki chutti hogi . 
" Toh un 10 dino me ghar aa jaana iss baar . Pichle baar tum aaye nahi the diwali me aur yahaa kisi ne diwali nahi manaayi . " 
Arre ! toh pichle baar diwali me nahi aaye . Iss baar toh koi tyohaar nahi hai , phir kyu aaye ? 
Meri baaatein Kumbhi ke kaamo me ghoos toh rahi hai kyuki meri har baat pe woh apna jhulta huwa sar aur jhula rahe hai . 
" Dekho ! pata hai tumhara hum logon se milne ka mann nahi karta par iss baar aa jaana beta . Papa bhi tumko yaad karte hai . " 
Accha theek hai ab chutti ka exam ke baad dekha jaayega . Ab phone rakh rahe hai . 
" Accha rakho ! papa abhi office me hai warna woh bhi baat karte . Dekho iss baar zaroor aana aur apne dost me se kisi ko le aana . " 
Ab yeh kya hai mummy ? Mummy ka yeh sawaal alag hai . Ab hostel ka kaun sa dost mere ghar gorakhpur me aayega ? Baat aage badhane ka ek bahana chayiye mummy ko aur kuch nahi . Woh sochti hai ki agar mera koi dost saath aana chahega toh main zaroor ghar aaunga . 
" Le aana na . Bahut dost bane hai tumhare waha , hum bhi toh dekhe kaise dost hai tumhare . Koshish karna agar tumhara koi dost aana chahe toh . " 
Theek hai puch lenge , par mujhe pata hai ki koi nahi aayega . Ab rakhta hun . 
" Theek hai vishnu . Apna khayaal rakhna . Accha ! tumne khaana toh kha liya na ? Pet - vet sahi hai na ? " 
Haan ! khaana yahaan jaldi khila diya jaata hai . Sab theek hai . 
" Ab kaisa lag raha hai ? Ghar pe toh jab mann karta tha khaana maang lete the , par hostel me toh mummy hai nahi . " 
Jab zaroorat padti hai toh aadmi sab seekh jaata hai . Hum bhi seekh liye hai . Ab rakhogi ? 
" Accha theek hai , an jaake so jao . Aur chutti me aana zaroor . Rakhti hun beta . Apna khayaal rakhna babu . " 
Mummy aur kuch bolti isse pehle maine phone rakh diya . Lagta hai iss baar chutti me ghar jaana hi padega . Duniya ki sabhi mummy emotional blackmail bahut acchi tarah se jaanti hai . 


Vishnu ke room me , Aarav aur raju baat kar rahe hai . Thodi der me teeno ladkiyan bhi pahuch jaati hai -


Aarav aur Raju abhi bhi soniya ke baare me hi baat kar rahe hai . Main unke aas-paas nahi toh wo thoda khul ke baat kar rahe hai . " Aarav ! vishnu aur soniya itne poorane saathi niklenge kabhi socha na tha .  " Raju ki hamesha se aadat rahi hai ki woh baat seedhe karta hai , ghumaana usne kabhi seekha nahi . 
" Ab jo bhi hai , main toh khush hun ki vishnu ko soniya mill gayi . Usne mujhe bataya tha ki woh school time se ek ladki se pyaar karta hai . Par dekho bhagwan ne unhe mila diya aakhir me . " 
" Haan ! dekha tha na soniya giri toh kaise vishnu ke baahon me giri . Poore college me sirf  wahi ek jagah milli usse girne ke liye . " 
Aarav humare side se bol raha hai - " Jab do log pyaar me hote hai na toh woh kabhi - na - kabhi mill hi jaate hai . Bhagwan bhi unhe door nahi rakh paata . Waise scene bahut romantic tha na , saara college saamne , prom night ki taiyyaari  , Soniya seedhi pe se giri aur vishnu tujhe dhakel kar usse bachata hai , phir dono ek-doosre ke aankhon me kho jaate hai . How romantic ! " 
In dono ki baato ko full-stop lagane pahunchi - Nishita , Priya aur Simmy . Dono ladke inhe iss time dekhke thoda chaukk  gaye . Priya seedhe boli -  "Vishnu kaha hai ? Nishita ko usse kuch baat karni hai . " 
Aarav - " Priya , tum log abhi yahaan kaise pahunchi ? " Waise aarav jyada bhauchakka ho gaya unhe dekhke . 
" Jaldi batao vishnu kaha hai ? " 
" Priya ! tum log yahaan se niklo . Agar kisi ne dekh liya toh badi gadbad ho jaayegi . Paagal ho kya ? " 
Ab nishita saamne aaker boli - " Dekho aarav ! mere paas jyada time nahi hai , vishnu ko bulaao . " 
" Vishnu toh gaya hai counter pe , uske ghar se phone aaya hai . " 
Priya aur Simmy nishita ke kaano me kuch kehte hai . Kya bolte hai yeh dono ladko ko sunaayi nahi diya . Raju toh jaise chup hi ho gaya hai par aarav ko darr hai ki kaheen koi dekh na le unhe aise - " Kya huwa ? Ab toh jao , subah mill lena . Class ke time . yeh sahi samay nahi hai , samjha karo please ! " 
Nishita - " Nahi ! aaj vishnu se baat karke hi jaaungi main . Main ab ruk nahi sakti . " 
Shayad raju ko ab samajh aaya ki usse kya bolna hai - " To tum log kuch jaanlo pehle . Vishnu abhi aata hoga par shayad tum log kuch jaanna chahogi ? " 


In sabki baaton se seedhe counter pe waapis . Sir ! ho gayi baat , ab chalte hai . " Jao par seedha room me jaana . Meri nazar tum par hi hai . "  Bolne ke liye toh Kumbhi ki nazar sab par hai par woh nazrein band hai . Theek hai Sir . Main mudke apne room me jaane ke liye badhne laga . Phone ki ghanti phir baji . Ab lagta hai phir kisi ki maa ka phone aa gaya . " Haan ! haan hai . Ek minute hold pe raho , bulate hai . " Ab phir SMS ko bulaawa jaayega aur phir koi ladka phone ko kaano se sataayega . Mera toh kota poora ho gaya hai . " Ae vishnu ! tumhara phone hai . " Sir chillake mujhe rokte hai . Main socha ki phir mummy hi hogi , zaroor kuch bolna bhool gayi hongi isiliye phir se phone kiya hai . Main waapis counter ki taraf mudaa aur phone ki taraf badhne laga . " Kamaal hai ! aaj bahut yaad aa rahi hai logon ko tumhari ." Kumbhi ki baat se lag raha hai ki woh mera majaak udaa rahe hai . Unki madhdham si muskaan mujhe alag hi sanket de rahi hai . Maine bhi return me ek  smile di unhe aur receiver ko phir se apne kaan me lagaya. Hello ! kaun hai ? 
" Pehchaan kaun ? " 
Aawaaz jaani-pehchaani hai par theek se pata nahi chal raha ki kiski hai . Iss baar bhi ek female hi hai par yeh meri mummy nahi . Nahi sorry ! main pehchaan nahi paa raha . Aap kaun  ?
" Mujhe laga ki tum pehli hi baar me meri aawaaz pehchaan loge . " 
Waise maine usse kabhi phone pe baat nahi kee hai par phone pe shayad soniya ki aawaaz aisi hi hogi . Kaheen yeh soniya toh nahi . Maine socha ki turant naam leke suspense tod dun par mere saamne Kumbhi baithe huwe hai . Jhijhak ho rahi hai unke saamne naam lene me . Pehle phone pe bola - Aap ek minute hold kariye please . Phir Kumbhi ko dekha - Sir ! aap thoda side ho jaayenge ? Kuch khaas baat hai please ! " Arre ! samajhte hai hum khaas baat . " Itna kehkar woh waha se uthke jaane lage par jaate - jaate " Aaj kal ke launde , college aaye nahi ki masti maarna shuru . Kya padhenge aise ladke ! " aur woh kinaare chal diye . Ab baari hai waapis phone ki . 
Hello ! nahi aapki aawaaz hum pehchaan gaye . 
" Accha  ! to batao kaun hai hum ? " 
Mujhe pata hai jaise main kisi aur ladki ka naam lunga soniya jhatt se apna naam bata degi . Ladkiyaan bahut emotional hoti hai aur jisse pyaar karti hai uske muuh se kisi aur ladki ka naam sunna bardaasht nahi kar sakti toh maine bhi bol diya - Tum Anshika ho na  ? Main kaise tumhe nahi pehchaanunga yaar ! 
" OMGee  ! yeh anshika kaun hai vishnu ? Tumne kabhi kisi anshika ka zikar nahi kiya mere se . " 
Ohh ! toh possesive ho rahi ho tum ! 
" Tumhare case me hona zaroori hai . "
Zaroor par uski koi zaroorat nahi . Main sirf soniya ka hun aur kisi ka nahi . 
" Shit ! tumne toh mera prank hi pakad liya . Jab tumhe pata tha ki main soniya hun toh kisi aur ka naam kyu liya ? "
Bas ! dekhna chahta tha ki tum kab tak chup rehti ho . 
" Abhi tak poorane dialogues yaad hai tumhe ? Good ! " 
Mujhe sab yaad hai . Tumhe kya yaad hai , dekhte hai . 
" Mujhe tumhare alaawa aur kuch nahi yaad hai . " 
Hmm ! yeh dialogue jyada accha hai waise . 
" Kya kar rahe the mere phone se pehle ? " 
Anshika se baat kar rahe the . Humari baaton me thodi si shararat bhi hai , thodi si khushi bhi hai aur thoda sa pyaar bhi hai . Hum 2 saal baad itna khul ke baat kar rahe hai , itna kuch hai kehne - sunne ko ki saari raat kam pad jaaye . 
" Bh ! sacchi batao na kya kar rahe the ? " 
Bahut hi maasun si aawaaz me soniya ne pucha toh main kaise sahi jawaab na deta - Woh tumse pehle mummy ka phone aaya tha . Bas jaa raha tha ki tumhara phone aa gaya .   
" Mummy ka phone kyu aaya tha ? Kuch chayiye ye koi kaam hai toh mujhe bolo . " 
Nahi koi kaam nahi tha . Woh toh bas chutti me waapis aane ko keh rahi thi isiliye phone aaya tha . 
" Ek baat bataau ? " 
Haan haan batao .
" I miss you so very much . Ek-ek pal jaise saalon sa lagta hai ab . " 
Accha ? Ab lagta hai aur pehle ? 
" Sirf ab kyuki pehle tumne i love you thode hi bola tha . Bola toh ab hai na . " 
Ok ! lekin main tumhe har pal yaad karta tha . Kaheen bhi rahu , kuch bhi karu , sirf tumhari hi yaad aati thi . Par ab nahi . 
" Oh ! ab kyu nahi aati ? " 
Arre ! ab tumhe i love you jo bol diya hai . Pehle kahaa bola tha . 
" How mean ! Pehle to tum aise nahi bolte the , ab yeh sudden change kaha se aa gaya ? " 
Bola toh pehle i love you nahi kaha tha par ab keh diya . So khul ke bol raha hun . 
" Accha toh khul ke bol rahe ho ? Nice ! mujhe tum aise bhi pasand ho but . " 
Mujhe bhi main har tarah se pasand hun aur tum bhi . Ek taraf mera dimaag aur dill soniya ke saath hai toh ek taraf meri nazar Kumbhi pe hai . Main bas intezaar kar raha hun ki kab Kumbhi ke sabr ka baandh toot jaaye . Aisa hote hi main phone rakh deta warna Kumbhi mujhe koi kumbh me phenk deta . 
" Vishnu ! yaad hai tumhe jab main tumse naaraj ho gayi thi aur 3 din tumse baat nahi ki thi  ? " 
Haan ! mujhe sab yaad hai . 
" Aur ussi beech jab tum Amrit se baat karne lage the  mere saamne toh mujhe bahut gussa aata tha . Mann toh karta tha ki amrit ka muuh tod dun . " 
Jealousy haan ? 
" Jo bhi ho . Mitali yaad hai tumhe ? " 
Kaun mitali ? Wahi na jo mere bagal waale row me baithti thi ? 
Dheere-dheere soniya poorani saari baatein yaad kar rahi hai aur mere saath baant rahi hai . Kuch baatein hamesha dill me rehti hai , kuch aisi baatein . 
" Haan wahi mitali . Jab ek din tum uske saath pencil share kar rahe the history period me . Pehle tum book me underline karte aur phir woh tumse pencil leke apni book me underline karti . Apni pencil toh laati nahi thi aur tumhari pencil leke tumpe line maarti thi . " 
Nahi yaar ! aisa kuch nahi tha . Wo bas line kheechne ke liye pencil maang rahi thi . 
" Mera toh mann karta tha ki pencil leke uske muuh me ghusa dun  par school ki wajah se control karti thi . " 
Ab itni saari feelings control karogi toh mujhe pata kaise chalega ki tumhare mann me kya chal raha hai ? 
" Sab kuch bol dungi toh tumhara toh saara kaam asaan ho jaayega na . Waise tumhe neend toh nahi na aa rahi hai ? " 
Neend ki baat huwi toh ek  nazar phir Kumbhi pe gayi . Woh abhi bhi deewar ka tek liye khade hai . 
Nahi ab toh der tak jaagne ki aadat ho gayi hai . Aur tumhe ? 
" Mujhe bhi neend nahi aati itne jaldi . Kya karu saara time toh aap mujhe sataate rehte ho " 
Oh ! sorry for that but mujhe aur koi kaam bhi toh nahi . 
Humaari baat kabhi khatam nahi hogi . Kumbhi bhi ubb chuke hai khade-khade . 
" Arre ! kya ISD call hai kya  ?" Akhir Unhone chillaker hume disturb kar hi diya . 
Pehle soniya - Hello ! ek minute . Phir Kumbhi - Bas sir ! thodi der aur . 
Sar hilaate huwe sir phir waise hi khade ho gaye . 
Accha soniya ab mujhe phone rakhna hoga . Wo wardon sir gussa kar rahe hai . 
" Ohh No ! itne jaldi ? Main kya karoongi phir ? " 
Ek ghante se upar ho chuke hai baba. Kya karogi ? Soo jao aur kya . 
" Abhi toh bahut saari baatein karni thi yaar. "
Kal college me milte hai na . 
" Kal aane me toh bahut time baaki hai . Ok ! theek hai , tum ab jaao warna wardon tumhe kuch ulta-seedha bol dega . " 
Suno ! apna khayaal rakhna . 
"  Mera khayaal rakhne ke liye tum ho na . Main apna nahi tumhara khayaal rakhne aayi hun . "
Dekho ! life me 3 cheejo ka hamesha khayaal rakhna chayiye .
" Kaun si 3 cheeje ? " 
I , me aur myself . 
" Ohhhh ! nice thought . Accha ab tum jaao . Bye !" 
Wardon sir waapis aane lage. Ok bye !
" Miss you n Love you " 
Me too soniya ! 
" Nahi poora bolo " 
Kumbhi mere peeche hi khade hai , unke saamne mujhe kuch bhi bolne me sharam aa rahi hai . Toh maine sirf byee bola aur phone rakh diya .
Isiliye hum dono class me hamesha pakde jaate the kyuki humaari baaton ka kabhi koi ant nahi hota hai . Waise jab main room me pahucha toh sab jaa chuke the aur sirf aarav tha jo apne bed pe soo raha tha . 
Wardon Kumbhi bhi mujhe bolte huwe gaye -  " Ek saal bhi nahi huwa tumhe aur lambe - lambe call aane lage . Bahut sahi jaa rahe ho beta !  "

Untitled Story - An Sundown in EUE part 1 :

 Ab college bahut badla-badla sa ho gaya . Ek taraf vishnu aur uska pyaar aur ek taraf nishita aur vishnu ke liye uska pyaar. Soniya ke aane ke baad poore college me sirf do hi baat hone lagi - ek Vishu aur Soniya ki prem-kahani aur doosri paas aata internal exam . Ek taraf darde-dill aur ek taraf sirf sar-dard. Sabhi students ko bolte suna jaaye toh lagega ki sirf do hi cheeje hai college me - ek vishnu-soniya aur doosra internal exams. Hostel ke ek ore ka haal dekhne laayak hai , matlab sunne laayak hai . " Vishnu ! kya chakkar hai boss tera ? Abhi woh ladki ko aaye do din hi huwe hai aur tum dono ne propose tak kar diya ek - doosre ko . " Vishnu aur sabhi ladke shaam ke naye topic ko discuss kar rahe hai . Aarav ka sawaal to zaayas hai , kyuki kisi ko nahi pata ki vishnu aur soniya 2 saal baad mile hai . Main isiliye kuch bol nahi raha kyuki mujhe pata hai ki yeh sawaal aakhiri nahi , aage aur bhi sawaal sunlu phir sabka ek hi me jawaab de dunga . " Ke bhaya ? Kuch toh bol , soniya ka kya chakkar hai ? Tu usko pehle se toh nahi na jaanta tha  ? "  Pehle socha ki kuch boloon par phir usse jyada sahi laga ki apna wallet kholun aur woh tasveer sabko dikhaaun. Guys ! aur aage kuch bhi bolne se pehle yeh dekhlo . Maine woh tasveer Aarav ke haathon me thamaa dee. Woh tasveer soniya ki hai , ab shayad sabko kuch samajh aa jaaye. " Yeh toh soniya ki tasveer lag rahi hai be . Par yeh toh bahut poorani lag rahi hai , iska matlab ki ...." Aarav jaanta tha ki mere past me koi thi par woh yeh nahi jaanta tha ki woh koi , soniya hai  . Haan ! yaar wo koi , soniya hi hai . " Ab samajh aaya ki tune kabir ki naak kyu todi . " Nahi yaar , aisi baat nahi hai . Wo soniya ko pareshaan kar raha tha isiliye gussa aa gaya aur main khud ko control nahi kar paaya. " Tujhe kaise pata chala ki soniya kabir se pareshaan ho rahi thi ? "  Wo maine soniya ke chehre se pata laga liya . It was quite vishible . " Waah ! isse kehte hai saccha pyaar . Wo pareshaan to aashiq kare bawaal . " Yehi hai shaam ki masti humaari . Bas ! din ke saare tensions ko hum shaam ko bhoola dete hai . Bas humari baaton ka koi the end nahi hota . Par koi na koi mill hi jaata hai jo end karwa deta hai . " Vishnu ka phone hai . Jaldi aao counter pe ." Hostel ka ekmaatra coolie hai yeh , hum sab isko sms bulaate hai - Shaam Me Samachaar dene wala . Mera phone ? Zaroor ghar se aaya hoga , abhi aata hun yaar. 


Hostel ke ek ore woh chal raha hai toh ek ore -


Simmy , priya aur nishita apne room me shaam ka topic discuss kar rahe hai . Har baar ki  tarah nishita ka topic vishnu hai par iss baar simmy aur priya ka topic bhi vishnu hi hai . " Ab kya karna hai nishi ? Aaj tum to dekh hi rahi thi ki function ki taiyyariyon me aur kya taiyaar ho raha tha ? " Simmy aur nishita ne raag pakda . Aaj nishita ka dill toota hai par usme itni himmat hai ki woh khud ko sambhaal le .
 " Nahi simmy ! jo maine dekha woh shayad sach nahi hai . "   
" Kya sach nahi hai nishi ? Tu andhi ho gayi hai kya ? Vishnu aur soniya me kuch pak raha hai aur woh bhi bahut teji se. " 
" Jo bhi pak raha hai , pakta rahe . Mujhe usse koi farak nahi padta . Vishnu ko main pyaar karti hun ."  
Nishita ko beech me hi priya ne tok diya - " Toh yehi toh problem hai . Tum vishnu ko pyaar karti ho par woh soniya se karta hai . Tumne toh abhi tak usko bola tak nahi ki you love him aur woh soniya toh dekhte hi bol di. " 
Nishita ka pyaar abhi shuru hi huwa tha ki usko pyaar ke side-effects jhelne pad rahe hai . Usse darr hai pyaar ke khone ka . "  Haan ! shayad galti meri hi hai . Mujhe usse apne dill ki baat keh deni chayiye thi . Lekin agar vishnu ko soniya pasand hai toh main un dono ke beech nahi aaungi. Hat jaaungi main raaste se . " 
Simmy aur nishita ki baat priya ko raas nahi aayi  - " Dekh nishi ! abhi itni jaldi haar mat maan . Ek baar tum vishnu se baat kyu nahi kar leti ? " 
" Yeh baat sahi hai . Nishi , tum abhi chalo ." Simmy  chahti hai ki woh abhi vishnu se baat kare . 
" Haan ! nishi chal abhi chal . Arre ! aaj pehli baar simmy ne sahi baat boli hai . Chal ! hum dono tumhare saath hai . " 
Nishita ko ab koi aur darr nahi hai siwaay vishnu ko khone ka . Uski na toh ho hi nahi  sakti hai ab . Sar ko halka sa hila kar haan ka ishaara de diya . Aur isi ke saath teeno nikal pade  boys hostel ki ore . Teeno me pakde jaane ka darr bilkul nahi hai . Nishita ko kuch jaanna hai aur woh usse sirf Vishnu hi bata sakta hai . 

Clickopedia - 6 !!!

Deepika Padukone in

Dum Maro Dum : 

Look at the way she sizzles in it !

Sensuous

Glamorous

Grooving

Eroticious

formspring.me

Anythng about me . http://formspring.me/Vishudishtaar

Untitled Story - Ubel's Intentions :

" Jab maut sar chadhkar taandav karti hai tab bhagwan bhi zindagi nahi bacha pata . Aur batao uss ladke ke baare me ." Ubel dheere-dheere saari jaankari haasil karna chah raha hai . Aur yeh saabu bhi sab kuch batane ko taiyyaar hai . Pataal ki yeh saajish poore swargalok ko hila sakti hai . Saabu ko vishnu ki itni jaankari kaha se mili par wo yeh sab Ubel ko bata raha hai - " Sarkar ! wo abhi sirf 18 saal ka baccha hai . Kisi vidyalay me apni padhaai kar raha hai . 16 saal ki umar me usne aatma-hatya kee thi . Waha woh bilkul akela hai . Sarkar ! ek baat puchni hai , jab hume pehle se pata tha ki woh hi mogul hai toh humne usko pehle hi kyun nahi maar diya ? " Waise yeh sawaal thoda chaukane wala hai . Inhe yeh sab pehle se hi pata tha , yeh jaante the ki vishnu hi mogul hai . Kya ubel vishnu ko maarna chahta hai ? " Saabu ! suna nahi kya dharti pe ek niyam hai ki samay se pehle na kisi ko kuch milla hai aur na kisi ka kuch gaya hai . Marna toh tay tha uss bacche ka par shayad bhagwan ko yehi manjoor tha . Hum usse maarenge par abhi nahi . Abhi aur bahut kuch karna hai usko . Woh humare bahut kaam aayega . Jaise insaano ke dushman hai , waise humare bhi hai . Maarega woh sabko , jeetayega humko . " Saare bhed khul rahe hai . Vishnu nahi jaanta ki uska yeh kaam bilkul asaan nahi hai . Paap aur punya ki ladaai me paap ke paas jyada tazurbaa hai par punya ke paas hai shakti . Saabu abhi chup nahi rehne wala tha - " Huzoor ! aapke bure dimaag me kya chal raha hai ? Kahi aap usko istemaal to nahi na karna chahte hai ? " Iss sawaal ka jawaab ubel ne ek badi daraavni hansi se diya . Pataal ke uss kamre me achanak se diye jalne lage . Hawa me haiwaniyat aur bhi jyada phail gayi . Zameen ke  andar se aag ki lapte ajeeb - ajeeb si aawaaze nikaalne lagi . Mare huwe bande ab aur bhi teji se un lapto me samaane lage . " Sarkar ! aapki jai ho " Saabu ubel ki chaaplusi karne se nahi thak raha . Woh ubel ka wafaadar hai . Ubel ki krur hansi phir se pataal ki buraai ko badhane lagi - " Murakh ! meri nahi , paap hi paap karega raaj . " Itna kehte hi aag ki lapte kursi ke peeche se uthne lagi aur ubel apni jagah se gaayab ho gaya . " Sarkar ! Sarkar ! aap kaha chale gaye ? "  Saabu bhi vishwaas nahi kar paa raha , " lagta hai sarkar ki saari shaktiyaan jaag rahi hai . Kitna intezaar karna padega hume dharti pe raaj karne se . Paap hi paap karega raaj "  

Untitled Story : The Region of Ubel ( Hell ) :

Ek anjaan si jagah ka drishya hamesha ajeeb hi lagta hai . Phir chahe hume pehle se pata hi kyu na ho ki hum kaha jaa rahe hai . Kuch anjaan jagah hume pasand aati hai aur kuch hume daraati hai . Narkh ki kalpana karna bahut asaan hai kyuki hum jaisa chahte hai narkh waisa hi paate hai . Aur hum sabhi narkh nahi jaate hai , sirf kuch jo paap ke paatra hote hai wo. Narkh ya Pataal saat kism ke hote hai aur apne paapo ke level ke anusaar hum ek kism me jaate hai . Jo sabse jyada paap karta hai wo seedhe saatve asthaan me pahuchta hai jahaan se waapas aana namumkin hota hai . Jo sirf geene-chune paap bhukat raha hota hai wo upar ke asthaan me phas jaata hai aur apne paapo ka prashchit karke waapis dharti pe janam leta hai . Paatal ka koi darwaza nahi hota kyuki insaani ki aane - waali sankhya bahut jyadi hai . Shuruvaat hoti hai andheri gufa se aur phir aage sirf andhera hi andhera . Paatal ka akhiri hissa sirf  jalte huwe laal lohe ki salakhon ka bana huwa hai . Jaise ki kisi jail me hote hai bas waise . Har ek hisse me ek buri aatma pehra de rahi hai . Unke na toh baal hai aur aankhon ka asthaan to khaali hai . Haath me apne hi jitna bada ek auzaar jisse laal khoon tapak raha hai . Salakhon me phase huwe aatma ko andar bhi khula nahi chodha gaya hai , unke pairon me bediyaan hai jo kaale rang ki hai . Har ek kone me , daayein-baayein , Aag ki lapte zameen se upar nikal rahi hai .  Kuch mare huwe log baahar ghum rahe hai par unke haath me ek katora hai jisme tezaab hai . Katora bhi kaale rang ka aur upar se thoda sa toota huwa . Wo tezaab pee rahe hai par mar nahi rahe kyuki woh to pehle se hi mare huwe hai . Shareer sirf haddiyon ka ek dhancha hai jisme na toh jaan hai aur na hi kuch aur hai . Kuch pehredaar hai jo apne sar ko ek kaale libaas se dhake huwe hai , unke haathon me ek hathiyaar hai jisse bhi khoon tapak raha hai . Itne mare huwe log par ek bhi aawaaz nahi . Sirf jab khoon unke auzaaron se gir ke zameen se takraye toh tap-tap aawaaz poore vatavarn ko aakrosh se bhar deti hai . Ek chota sa jeev , kaale libaas me , upar se neeche tak dhaka huwa , teji se bhaag raha hai . Uske haathon me koi hathiyaar nahi hai , hai to sirf ek kaali  chhadhi . Woh un zameen se nikalne waali aag ki lapton ke upar se hota huwa jaa raha hai par koi asar nahi ho raha . Hawa me sirf buraai beh rahi hai . Wo bhaag bhi raha hai aur khud se hi keh raha hai - " Ubel Sarkar ! Ubel Sarkar ! " . Wo bhaagte - bhaagte ek bade se kamre me pahuch gaya . Wo kamra bahut bada hai , aur aag ki lapte pichli jagah se jyada bhayanak hai aur uunchi bhi . Kamre ke ek kinaare ek  vishaal kursi hai jinke dono seere se aag ugal rahi hai . Wo kaali kursi jispar ek vishaal sa jeev baitha hai . Uska bhi Shareer upar se neeche tak ek kaale libaas se dhaka huwa hai . Kamre ke kuch - kuch hisso me zameen khaali hai , seedhe neeche ki taraf jhuki huwi . Neeche dekhne pe aag dikhayi de rahi hai . Ek bada sa kadaai hai jisme kisi cheej ko jalaaya jaa raha hai . Gaur se dekha toh pata chala ki yeh koi vastu nahi balki ek mara huwa jeev hai . Yeh iske paap ki sajaa hai . Upar se ek-ek karke aatmaaye iske andar kuud rahi hai . Sab jalne ko taiyaar hai . Wo chota sa jeev Ubel ke saamne sar jhukaaye khada hai . Ubel ka chehra nahi dikh raha par uske naakhoon kisi chudail ke baalo jitne lambe hai . " Saabu ! kya hai khabar jo tum mujhe dena chate ho ? " Aawaaz bahut bhaari , jaise ki koi maut ka farishta bol raha ho . Aawaaz paatal ki shaanti ko tod deti hai . " Sarkar ! shaktiyaan di jaa chuki hai . Bhed khul chuka hai aur ab intekaal ki shuruvaat ho jaayegi . " Ubel  ke chehre pe ek krur si hansi aane lagi . " Sarkar ! kya lagta hai aapko bhagwaan ki yeh chaal kab tak safal rahegi ? Huzoor ! ab shayad aapko kamaan sambhaal leni chayiye . " Ubel kuch bol nahi raha , bas apni us bhayaanak hansi ko aur badhate jaa raha hai . " Wo ladka to abhi nausikhiya hai huzoor . Na to kuch jaanta hai aur na hi kuch jaan paayega . Abhi shaktiyan mili hai aur khush hai . " Aag ki lapte Ubel ki muskaan ke saath-saath badhti jaa rahi hai . Ubel ke chehre pe sirf haiwaaniyat jhalak rahi hai . " Sarkar ! wo ladka toh chuna bhi nahi jaata agar woh marne ki koshish nahi kiya hota . Apne hi ghar se kood gaya tha , isiliye sabko majboori me usko chunna pada . Marta nahi toh aur bhi kayi log the jo chune jaa sakte the par uski aatma-hatya ne sabko majboor kar diya ki usse hi chuna jaaye . Na toh koi kaabiliyat hai aur na hi koi acchi soch , bas kismat ne usse yeh vardaan de diya . " Pataal me Ubel ki hansi gunjne lagi . Ab Ubel bolega - " Jab insaan ko insaaniyat se pare koi kaam diya jaata hai toh sirf ek hi cheej hoti hai , buraai ki jeet . Iss baar bhi hum us ladke ko khatam karke phir se jannat pe kaabu paa lenge . Yeh dharti humari ghulaam hogi . " Itna keh ke woh zor-zor se thahaake lagane laga . 

Untitled : The Writer's Pen (Beginning of the Plot) :

Bhagwan ne insaan ko ek anmol tohfa diya hai jise zindagi kehte hai . Yeh utni hi zaroori vastu hai jitni ek machli ke liye paani . Hume ek zindagi milti hai jo kisi ke liye lambi hoti hai toh kisi ke liye choti . Lambi zindagi unke liye hoti hai jinhe dharti pe kuch bada aur bahut mahattvapoorna kaam karna hai . Choti zindagi isliye nahi milti kyuki bhagwan humse pichle janam ka paap ginaa rahe hai balki shayad kuch log kam jeete hai aur uss chote se jeevan-kaal me woh saare kaam kar lete hai jinke liye unhe dharti pe bheja jata hai . Hume iss tohfe ki kadr karni chayiye aur 
kabhi isse chodh kar phekna nahi chayiye . Insaan galti ka putla hota hai aur sahi ka taraazu ,kabhi jyada sahi toh 
kabhi kam sahi .Kabhi-kabhi insaan bahut dukhi ho jaata hai aur apni zindagi ko khatam karne ki soch leta hai . 
Kabhi - kabhi insaan apni har haar aur dukh se thak jaata hai aur aatma-hatya jaise kukarm kar baithta hai . Aur yehi 
wo apne jeevan ka sabse bada paap karta hai . Kudrat ko apne haath me lena sahi nahi . Bhagwan ke diye gaye tohfe 
ko wo ahmiyat na dena , aur thukra dena ek paap hi toh hai . Humare Hero Vishnu se bhi yehi galti huwi par kudrat 
ka karishma dekhiye ki utni unchaayi se girne ke baad bhi wo bach gaya . Shayad usse chuna gaya hai kuch bada karne 
ke liye , jiske liye usse jeena hoga . Kaam shayad bahut khatarnaak aur vishaal hai tabhi usse wo aseem shaktiyaan 
praapt huwi hai . Ji ! Mogul Vishnu jisse kisi khaas kaam ke liye chuna gaya hai . Bachpan me kiya gaya ek maut ka 
sauda  tab to ek khel lag raha tha par jab remitente ne vishnu ko saari shaktiyan de di . Ab woh koi aam insaan nahi 
hai aur ban chuka hai Mogul . Duniya ki saari jimmedaari uspe hai ab , ab yaa toh woh sab sahi karega yaa toh woh 
koi badi galti karega . Uski zindagi abhi abhi sambhli hai . Apne college me woh ek acchi life jee raha hai , padhai me 
accha aur dosti-yaari me bhi . Uske kuch bahut pakke dost bane hai - Aarav , Sanchit , Raju . Ek ladki Nishita jo usse 
 pyaar karne lagi hai . Sirf itna hi hota toh theek hota par Soniya bhi waapis aa gayi hai . Woh Soniya jo uski aatma-hatya ka ek sabse bada kaaran thi . Vishnu soniya se behad pyaar karta tha aur karta hai . Jab woh uski zindagi se gayi tab usne apni zindagi chodhne chahi . Tab ek samay tha jab sab uske khilaaf jaa raha tha aur ab ek samay hai jab sab uske saath hai . Kaamyaabi aur pyaar sab mill gaye hai vishnu ko . Aur kya chayiye ek bande ko ? Kuch cheeje bina maange milti hai aur kuch cheeje bina bataye chheen li jaati hai . Zindagi chali gayi par nayi jimmedaari mill gayi . Jaisa ki remitente ne kaha ki dill toh hai par dill dhadhakta nahi hai . Saansein toh hai par unki zaroorat nahi hai . Nishita ke mann me kya hai vishnu jaan chuka hai . Soniya aayi toh wo bhool gaya sab kuch . Jiske intezaar me do saal tha woh , wo uske liye waapis aa gayi . Aur jab yeh do log ek huwe tab yeh sab cheej choti si lagne uss jimmedaari ke saamne jo use nibhaani hogi . Tilak-kiran hone ke baad kya hoga ? Kya duniya me rehke woh sabki tarah ek aam zindagi jee payega ? Kya usko iss duniya me rehke wo saare kaam karne honge jo ek insaan ke bas ki baat nahi ? Kya ab woh apne pyaar aur doston ko woh ehmiyat de paayega jo woh pehle deta hai ? Kya woh khud ko khush dekh paayega jaise ki woh abhi dikh raha tha  ? Kya woh sab kuch chodhne ko taiyyar hai ? Aur sabse bada sawaal , kya woh itni shaktiyon ka maalik hone ke baad sirf acchayi ka hi saath dega ? Yehi toh jaanna hai hume , aapko aur sabko . Jab insaan ko shakti milti hai toh nayi shakti ke saath aati hai nayi jimmedaari aur jitni badi shakti , utni badi jimmedari  , tab do hi baatein ho sakti hai . Aur jab jimmedari badi hoti hai toh usko nibhaane ke liye chayiye hoti hai ek badi chah . Sach ki raah kabhi asaan nahi hoti hai . Jab aapke paas har cheej paane ka mauka hota hai toh kabhi-kabhi hum sach ki raah se bhi bhatak jaate hai . Humari soch kitni bhi seedhi aur choti kyu na ho , hamesha sahi honi chayiye. Ek taraf dharti hai jaha vishnu ko aam zindagi jeeni hai bina saanson aur dhadhkan ke . Aur ek taraf hai paap-punya ki ladaai jo aam insaan se pare hai . Ek taraf hai sach ki raah pe chalte huwe sab kuch bhool jaana aur ek taraf hai uski khud ki zindagi , uski dosti aur uska pyaar . Kahaani me bahut bada aur pehla mod aaya hai . Do raah hai vishnu ke paas , aur usse dono pe hi chalna hai . Aisa tab hota hai jab aap koi badi galti karne ki galti karte ho . Humara kaam hai dekhna ki kahaani kaha jaati hai . Pyaar aur kartavya ke beech phasa vishnu , kise jyadi ahmiyat dega . Ab uski kahaani uske haathon me nahi hai . Ab samay aa gaya hai ki main kahaani ko aage badhaau . Aapka kaam hai kahaani ke har pehlu ko samajhna aur har hisse ko padhna . Aisa hamesha nahi hota hai ki aam insaan apni zindagi tyaag kar ke ek naye safar pe chalne lage . Safar aisa jisme kya ho sakta hai koi nahi jaanta . 

Untitled Story - Fabrication of a Protagonist - The 3 vows !!!

Pehle se kayi jyada taaqatwaar mehsoos kar raha hun main ab . Kuch aisi shaktiyan jise main sambhaal nahi sakta . Yeh mujhpe kaabu paana chahti hai . Yeh mujhko apne vash me karna chahti hai . Mere andar ajeeb si hulchal mach rahi hai . Main inhe kaise roku ? Yeh toh mujhpe haawi hote jaa rahi hai . Inme ek junoon hai jo mujhe bhi shaamil kar raha hai . Phir se woh roshni ki tarange mere saamne uddne lagi . Ab kya hai inke paas jo yeh mujhe dena chahti hai ? Main inhe nahi jhel paa raha hun , bhale hi mujhme aseemit shaktiyan aa gayi hai par inke aage main bahut chhota hun. 


" Ab baari hai sabse mahattvapoorna tattva ki . Agar tum apna daayan haath uthaake dekhoge toh tumhe 3 rekha dikhengi . " Usne jaisa kaha maine waise kiya . Haan , mere daayein haath ki kalaayi me 3 kaale rang ki lines hai . 3 khadi lines jo kaise bani mujhe bhi nahi pata . "  Yeh 3 rekhayein tumhare kaal ko nirdhaarit karengi . Tum ab itne shaktishaali ho ki kabhi-kabhi tum apna dhairya , apni soch ko kho sakte ho . Jab shaktiyan aati hai toh ek nasha sa hota hai . Yeh nasha kabhi kabhi tumse galat kaarya bhi karwa sakta hai . Par tumhe apne upar ek bandhish banani hogi . Tum sirf apne liye nahi ho . Tum iss sansaar ke liye ho . Ab tum jo bhi karoge uska asar sirf tumpe nahi balki poore sansaar pe hoga . Tum acchayi ke liye banaye gaye ho . Par jab aadmi ke paas taaqat aati hai toh wo uske behakne ka kaaran bhi ban jaati hai . Kabhi agar tumpe yeh shaktiyan haawi ho gayi toh yeh 3 rekhayein tumhara saath dengi . Yeh tumhari madad ke liye hai . " Mujhe apne saamne 3 tattva dikh rahe hai . Teeno ka rang kaala hai aur teeno hi dhund ki tarah dikhayi pad rahi hai . " Tumhe 3 kadiyaan mili hai . Jo tumhare haathon pe 3 rekhayein hai unhe 3 kadiyaan kehte hai . Pehli kadi - agar tumne kabhi kisi bhi insaan ko apni shaktiyon ka ehsaas karwaaya toh tumhari ek rekha mit jaayegi. Doosri kadi - agar tumhari wajah se kisi bhi maasum yaa nirdosh aam insaan ki jaan gayi jisse tumhare kaarya se koi lena dena nahi hai toh tumhari doosri rekha mit jaayegi . Teesri aur sabse eham kadi - Agar kabhi tum acchayi ka raasta chodhke , buraai ko chunte ho yaa kisi buri shakti ki madad karte ho yaa burai ke liye koi kaarya karte ho jisse insaaniyat ko kasht pahuche toh tumhari teesri aur aakhiri rekha bhi mit jaayegi . Aur jab aisa hoga tab tumhare 4 dushman tumhare peeche lag jaayenge . Woh sirf tumhe maarne ke liye janme hai aur tumhe tab tak nahi chodhenge jab tak tum maroge nahi . Woh 4 akele tumhara saamna kabhi nahi kar sakte hai . Agar woh tumhe maar sakte hai toh sirf ek hoke . Jab tak woh saath nahi , wo tumhara kuch nahi bigaad sakte . Par humne tumhe chuna hai ki tum insaaniyat ki raksha karo na ki unke bhakshak bano . " Ab mujhe bahut badi jimmedaari se laad diya gaya hai. " Tumahri shaktiyaan kabhi khatam nahi hogi aur na hi kabhi kam hogi . Balki samay ke saath tumhari shaktiyon ka vistaar hoga . Apne andar ke jeev ko pehchano aur ab inn jimmedaariyon ko samjho. Tumhe yeh 3 kadiyan mili hai aur bhool kar bhi inhe khona mat . Agar yeh mit gayi toh koi tumhari madad nahi kar paayega. Bhagwan aur shaitan ki ladaai me tum ek hissa ban gaye ho . Jab yeh kalyug aaya toh humne ek aise insaan ka intezaar kiya jo mogul ban sake . Waise toh bahut se insaan the jinme se koi bhi yeh kaarya kar sakta tha par tum chune gaye ho . Ek toh tumhara naam jo ki bhagwan ke kareeb hai aur doosra tumhari janam-tithi . Soorya aur mangal ka yog , jo tumhe alag banata hai . Tumhare andar acchayi hai , ab uss acchayi ko sansaar ke liye istemaal karo . Yehi hai tumhara moolya . "  Itna sab kuch jaankar mujhe yeh pata chal gaya ki ab main woh vishnu nahi jo sirf ek aam insaan tha , jo apne doston aur jeevan ke saath khush tha , jo apne pyaar ke liye jeeta tha . Shayad yeh duniya ab mujhse door ho jaaye , mera sab kuch ab mera nahi kyuki ab woh sab kuch jo mera nahi tha ab mera hai . " Ab tum dharti pe laut rahe ho . Par yaad rakhna ki tum insaan nahi Mogul ho . Aaj se apna jeevan sirf jiyo nahi par seekho . Tum shaktishaali ho par amar nahi . Dharti par kayi aisi taaqte hai jo tumhe maar sakti hai . Har baar jab-jab tum apni shaktiyon ka istemaal  sahi kaamo ke liye karoge , yeh badhengi . Par jab jab tum buraai ka saath doge yeh shaktiyan tumhara hi ant kar dengi . " Phir se ek roshni , aankhon ke saamne se andhera gayab huwa aur main apni dharti pe pahuch gaya . Main ab alag hun , sabse alag . Toh kya yeh ek nayi shuruvaat hai ? Kya yeh mere aane waale kal ko aur bhi khatarnaak banayengi ? Jab shaktiyan mere saath hai to darr kis baat ka . Par yeh baat yaad rakhni hai ki buraai nahi acchayi ka doot hun. 

Untitled Story - Fabrication of a Protagonist part 1

Hum dono ek - doosre ke  bahut kareeb hai par kuch aisa hone ka darr hai jisme sab kuch jaa sakta hai . Sab kuch aa gaya hai mere paas , khushiyan , kuch avishwasneeya shaktiya aur sabse zaroori mera pyaar . Mujhe kyu darr lag raha hai ab , kis baat ka darr hai mujhe ? Kya hai jo main bhool raha hun ? Soniya mere kareeb hai , humara dill  ek hai . Mere kuch bahut acche dost hai jo meri khushi ka ek aham hissa hai par phir bhi ek cheej hai jo mere paas nahi - meri zindagi . Meri zindagi toh tabhi mujhse chheen  lee gayi thi jab main 16 saal ka tha . Yeh to woh udhaar hai jo mujhe chukana hai aur shayad phir se itni khushiyon ko paaker main bhool gaya tha . Woh remitente mere saamne hai jise sirf main hi dekh sakta hun . Soniya meri baahon me hai aur saara college mere charo-ore . Main remitente ko dekh sakta hun par baaki sab nahi dekh sakte hai . Mere chehre ki khushi udd gayi , ab kya hoga . Remitente waapis kyun aayi hai ? Har baar ki tarah woh apne kaale libaas me hai aur chehre pe sirf ek bhaaw. Dheere - dheere sab log mujhse door hote jaa rahe hai . Main unke paas hote huwe bhi paas nahi . College ka background jaane laga . Main kaheen aur hi jaa raha hun ab . Sab rang badal rahe hai . Koi mujhe dekh nahi paa raha . Soniya apni jagah pe hai par uske paas main nahi hun . Piche kaala rang chha raha hai . Aankhon ke saamne andhera badhta huwa . Main pahuch gaya ussi andheri jagah pe jahaan pe main pehle bhi do baar aa chuka hun . Ab koi nahi hai siwaay mere aur uss remitente ke . Kya karna hai mujhe aur kya batana hai isse ? 


" Tum kuch bol nahi paoge , toh bolne ki koshish bhi mat karna . Tum abhi yahaan ho aur aaj tumhara tilak-kiran hoga. Tumhara shareer abhi dharti pe hi hai bas rooh yahaan hai . Aaj ke baad tumhara insaan hone ka astitva sirf naam ka hi reh jaayega . Tumhe kuch nahi karna hai , saari shaktiyon ko tum bhaap chuke ho aur ab baari hai tumpe iss sansaar ki jimmedaari saupne ki . "  Main yeh sab nahi chahta hun kyuki meri zindagi me saari khushiyaan laut aayi hai . Ab mujhe yeh sab ki koi chaah nahi . Bachpan me kiya huwa maut ka sauda ab mujhe khal raha hai  . Mere saamne sirf andhera hai , neeche aur upar bhi . Dikhayi de rahi hai toh sirf ek cheej  aur wo hai remitente . 


" Yeh sansaar 3 tattvo se nirmit hai - sattva , raja aur tama. Yeh tino tattva har jeev ka nirmaan karti hai , Sattvik purush doosro ke liye jeeta hai . Unke liye jeevan bhagwan ki ek den hoti hai aur woh isse saare acche karma karke saadhna ka istar badhate hai . Rajasik purush sirf apne liye jeeta hai bhale hi uska mool aadhaar doosro ko haani pahuchana nahi hota . Raja se hi humare andar tama utpanna hota hai. Taamasik purush samaaj ke gande pahlu ko panaah deta hai aur sirf buraai ke maarg pe chalta hai . Inhe triguna kehte hai . Paani , dharti , aag , hawa - in sab me triguna ka niwaas hota hai . Ek saadhu ka jeevan siddh hota hai aur usme sattva ki sankhya sabse jyada hoti hai . Tum koi saadhu nahi ho . Tumhara raja-tama ka istar tab bahut badh gaya jab tumne aatma-hatya ki . Uske baad tumhari aatma pataal ke us saatve bhaag me pahuchti jahaan se na toh tum waapis aa pate aur na kabhi doosra janam le pate . Tumhe ussi waqt bachana humari majboori ho gayi . Aaj tum zinda ho , aam logon ke saath reh rahe ho par tum insaan nahi ho . Tum saansein le rahe ho par tumhe inki zaroorat nahi hai . Insaan paani me jyada der tak saans nahi rok sakte par tumhe saans lene ki koi zaroorat hi nahi hai . Tumhare paas dill toh hai par wo bejaan hai , dhadhkan nahi hai . Tum aaj ke baad se aam nahi rahoge , apni shaktiyon ko aazmaa toh chuke ho . Aaj se yeh divya shaktiyan tumhari hai , aur tum ho Mogul . " Itna sab kuch usne bataya aur phir mere theek saamne na-jaane kitni roshni ki tarange dikhne  lagi . Par yeh sirf safed rang ki nahi hai , kuch laal toh kuch kaali . Ek tarang ki tarah yeh sab udd rahi hai aur mere andar samaana chahti hai . Inme ek ajeeb si taaqat hai jo mujhe aur shaktishaali mehsoos karwa rahi hai . Ek-ek karke yeh mujhme samaati jaa rahi hai . Main bahut alag mehsoos kar raha hun .


" Inn shaktiyon ko mehsoos karo . Grahar karo inhe , yeh tumhari hai . Ab tum insaan ke shaktiyon se pare ho . Inka wajood ab tumse hai aur tumhara wajood inn shaktiyon se hai . Samaa jaane do inhe khud me . Taaqat aur  furti   tumhare aadhaar hai . " 

Untitled Story - Vishnu meets his Life after-all !

Aaj college bandh hai , no class kyuki aaj prom night ki taiyyari ho rahi hai . Sabhi students isme hissa le rahe hai , sabhi prom night ka intezaar kar rahe hai . Exams se pehle yeh humara eklauta function hai , celebrations ko large banane ki zimmedaari hum students ki hai . Sab kisi na kisi kaam me lage huwe hai . Sab hai par Soniya nahi hai . Main bhi ek kone me baithke usi ka intezaar kar raha hun . Kal ke baad se sab mujhse thoda darr rahe hai . Kabir ke chehre pe bandage lag gaya . Suna hai ki uski naak kat gayi . College authorities mere khilaaf action le sakte the par Kabir ne mera naam nahi liya . Yeh uski acchayi hai ki usne mujhe severe punishment se bacha liya warna main toh pakka jaata kaam se . Shayad main hi bura nikla . Kal se maine kisi se baat nahi ki hai . Par mujhe kisi ki nahi padi hai , jab tak main Soniya se ek baar baat nahi kar leta tab tak mujhe chain nahi milega . Achanak se hawayon ne apna rukh badla . Saamne se Soniya aa rahi hai par woh mujhe dekh nahi rahi hai . Shayad usne mujhe dekha nahi . Shukar ki baat toh yeh hai ki Kabir nahi hai aaj . " Vishnu ! saale kal tujhe kya ho gaya tha ? Tune kya khaya tha be jo ek hi punch me Kabir ki naak tod di ? " Main Raju ko kya bolta , kal jo bhi huwa accha nahi huwa . " Abe ! aaj tak main khud ko tees maar khan samajhta raha par asal me tees maar khan toh tu nikla be . Maanna padega , solid power hai tere me . " Raju meri taarif kar raha hai par mera dhyaan toh Soniya par hai . Woh bhi baaki sabke saath prom night ki taiyyariyon me lag gayi hai . " Aaj se tu mera guru . Raju jo sabka guru hai , tu uska guru . " Yeh ek izzat wali baat kahi Raju ne . Phir se , aankhon ke saamne bahut saare drishya dikhne lage . Koi bhi view clear nahi hai par aakhiri jhalak mujhe Soniya ki dikhi . Shayad Soniya ke saath kuch hone wala hai . Kaha hai Soniya  ? Woh seedhi ke upar hai , deewar par posters chipka rahi hai . Oh No ! woh girne waali hai . Uska pair fisal gaya aur woh girna wali hai . Main usse bahut door hun , par mujhe usse bachana hoga . Main apni jagah se utha , Raju ko kinaare kiya aur bhaagte huwe Soniya ko beech hawa me hi utha liya . Woh seedha meri baahon me aaker giri , jahan usse kabhi kuch nahi ho sakta .  Aakhir hum ek - doosre ke saamne aa hi gaye . Ishtyle thoda filmy nikla par chalega . Woh meri baahon me hai , hum dono ek-doosre ki aankhon me aankhein daale huwe , poori duniya ko bhula chuke hai . Iss waqt hume kisi shabd ki zaroorat nahi kyuki hum dono ki nazrein humara kaam kar rahi hai . Wo aur main , baaki duniya jaaye bhaad me . " Vishnu , tumne ek baar phir meri help ki . "  Kaise nahi karta , tum meri jo ho . Hawa me ajeeb si kashish hai , pyaar ka yeh mausam koi nahi rok sakta ab . Do log jo saalo se bichre huwe the wo aaj mile hai . Hume kisi ki koi fikar nahi ab kyuki main uske paas hun aur wo mere paas . Sabki nigaahe hum par jami huwi hai par hume koi parvaah nahi . Jo geet hum sun sakte hai woh kaano me saare raaz khol rahi hai . Do pyaar karne wale aaj ek huwe hai , isse behtar pal kaheen aur nahi milega . " I love you , Vishnu " Bhale hi dabe shabdo me par Soniya ne woh keh diya jisko sunne ke liye main 2 saal se taras raha tha . Main kuch bolne ki haalat me nahi . Main apne emotions pe kaabu nahi rakh paa raha ab . " Kuch toh bolo , idiot . Say you love me . "  Ya , Ya , I do . I love you Soniya ! Itna kehne ke baad hum ek-doosre ke gale lag gaye . Yeh romantic pal sabhi capture kar lo kyuki yeh pal phir se nahi aayega . Hum ek dusre ki baahon me baahein daale apne pyaar ko mehsoos kar rahe hai . Akhir mujhe woh cheej mill gayi jisse main 2 saal pehle alag huwa tha , meri zindagi . Violens baj rahe hai charo-ore . Meir zindagi ka sabse eham pal . " Pehle nahi bol sakte the . Itna time laga diya . 2 saal ." Soniya ka gussa jaayas hai . Maine samay toh bahut lagaya . Sorry ! but i love you more than anything , more than my life . " Maaf kiya par promise ki aaj se tum mere ho ! " I promise main tumhe ab nahi jaane dunga . Jo kehna-sunna tha , wo keh chuka  . Jo karna baaki  tha , wo kar chuka  . Zindagi jab saanson se mili tab dill dhadhakna shuru huwa .  

Untitled Story :The Vigorous Vim !!

Kabhi - kabhi  ek pal ka intezaar bhi sadiyon sa lagne lagta hai . Kab yeh class khatam hogi aur kab main ek baar phir se Soniya ke saamne jaaker usse kayi saalo baad baat karunga . Main hawa me udd raha hun kyuki meri angel aa gayi hai mere paas . Bas pankho ka intezaar hai . Abhi Miss.Rai ki class chal rahi hai . Sabhi male students yehi chahte hai ki Miss.Rai ki class poore din chale kyuki Miss.Rai  bahut khoosurat hai , bilkul  Angelina Jolie jaisi . Sone pe suhaaga yeh hai ki wo kunwari hai . Main unki yaa kisi ki bhi baat pe kaan nahi laga paa raha hun kyuki mujhe bas class ke chutne ka intezaar hai . " Students ! kya mujhe koi bataayega ki problem kaha hai ? " Miss.Rai ne ek simple sa sawaal pucha hai jiska woh jawaab chahti hai . Aur har baar ki tarah woh puchengi bhi kisi ladke se hi . Aur shayad har baar ki tarah Sanchit se hi puchengi . " Kaun bataayega ? Sanchit tum batao chalo ! " Jiska darr tha wahi huwa , question pucha gaya hai Sanchit se . Aur har baar ki tarah Sanchit ko jawaab nahi pata hoga . Par aaj Sanchit ka chamakta huwa mukhdaa dekhke lagta hai ki woh apne poorane saare records tod dega aur jawaab jaisa kuch bol dega . " Ma'am ! kya hai problem ? " Waah ! sirf Sanchit hi ek aisa ladka hai jo aise smart questions kar sakta hai . Miss.Rai ko yeh expected tha - " Beta ! Problem aur kahi nahi par tumhare dimaag me hai . " Aur hum sab hasne lage . Ab mujhe yeh class bahut lambi lagne lagi hai . 
" OK class ! its time up for today . You all can leave now . "  Miss.Rai ne jaise yeh bola meri dill ki dhadhkan aur tej ho gayi . Sab jaldi - jaldi baahar jaa rahe hai . Soniya ke peeche Kabir bhi gaya . Mujhe kisi tarah Kabir ko side karna hoga . 


" Haan to Soniya , tum ghar kaise jaaogi ? Would u mind if i give u lift ? " Dekha kisi ne , Honey dikhi nahi ki madhu-makkhi jaise chipak  gaya hai . Dono mere aage chal rahe hai aur main unke piche . Arre ! yeh kya lift dega Soniya ko , khud toh cycle se aata hai . 


" Soniya ! tum kabhi haan nahi kehti kya ? Main tumhari na sunte-sunte thak chuka hun ." Mere khayaal se Kabir tum aadat daal lo Soniya se na sunne ki . Wo tumhare jaise bande ko kabhi sapne me bhi ghaas nahi daalegi . Beta ! Soniya ko apni bhabhi samjho tum . 


" Oh ! to tumhari car khadi hai , tum usme jaaogi . Accha ek aakhiri sawaal , tumhe kis type ke ladke pasand hai ? " Jaise bhi ho , woh tujhe kabhi nahi pasand karegi . Jab main hoon , tab tera toh koi sawaal hi nahi uthta .
Yeh Soniya ko nahi chodhne wala aaj . Kabir aur mere saamne se Soniya apni car me baith rahi hai aur jaane wali hai . Iss Kabir ki wajah se mujhe ek din aur rukna padega . Main gusse se ubal raha hun ab . Soniya mat jao , mujhse baat to karo . Mera mann sirf yehi keh raha hai abhi . Soniya ne apni car ka darwaja kholte huwe ek nazar mujhe dekha . Shayad woh kuch kehna chahti hai mujhse , uski aankhon me apne liye pyaar dikh raha hai mujhe . Woh mujhe pehchaan gayi . Bas ! mere liye itna kaafi hai . 
Ab chaahe Kabir ho yaa koi fakeer ho , Soniya se mujhe koi judaa nahi kar sakta . Woh apni car me baith ke chali gayi par jaane se pehle uski ek nazar mujhe saare jawaab de gayi . Kami hai toh sirf  ek mulakaat ki jisme sirf main aur woh honge . Ab ek baar main zara Kabir ko bhi dekh lun , kab se Soniya ke piche pada hai . 
Woh aa raha hai mere paas . 
Hey Kabir ! yeh kya kar rahe the tum abhi ? 
" Kaun ? Me ? " 
Aur koi bewkoof hai kya yaha pe ? 
" Hey dude ! what are you trying to get at ? "  
Tum acche se jaante ho main kya keh raha hun ? 
" Oh ! main samajh gaya dude . Soniya , m i right ? " 
Usse flirt karna chodh do , woh tumhari nahi hai . 
" Oh ! to ab tum mujhe bataoge ki mujhe kya karna hai aur kya nahi karna hai . Tum , jo kabhi theek se aawaaz bhi nahi nikaal pata . Get lost ! "  
Aas-paas bheedh jama ho gayi . Sab yeh dekhna chah rahe hai ki main aur kabir kya kar rahe hai . Kabir ! ek baar bol raha hun , doobara nahi bolunga . 
" Dude ! main darr gaya . M scared . Tu kyu jal raha hai itna ? Woh teri behan lagti hai kya ? " Kabir ne paani sar ke upar pahucha diya ab . 
Behan hogi tere baap ki . 
Jaise maine yeh gusse se bhare shabd apne muuh se nikaale , meri aankhon ke saamne bahut saare drishya chhaa gaye . Koi bhi view clear nahi hai par ek aakhiri jhalak  me mujhe dikha ki mera chehra aur kabir ka mukka . Woh gusse se chillaya aur apna bhaari - bharkam right hand mere chehre pe chipkaana chaha . Jis teji se usne mukka chalaya koi bhi bach nahi pata par main uske haath ke raaste se apna chehra hatane me kaamyaab raha . 
Main kuch aur nahi karna chahta par na jaane kyu gusse se mera bhi haath utha aur maine ek mukka usko laga diya . Itna maarte hi kabir doorie banate huwe piche gir pada . Humari yeh mut-bhedh sab dekh rahe hai . Sirf ek mukka aur kabir zameen pe let gaya . Itni taaqat aur woh bhi mere haathon me ? Mujhe kya kisi ko bhi yakeen nahi ho raha . Mere dost mere liye cheer karne lage aur taaliyan bhi baja rahe hai . Par mujhe bahut bura lag raha hai kyuki college me yeh mera pehla lafdaa huwa . Isse pehle ki kuch aur ho jaata , main waha se bhaag gaya . Bhagwan kare Kabir sahi-salaamat ho ! Aaj mujhe ehsaas huwa ki shaktiyon ka sahi istemaal kitna maayne rakhta hai . Aage se mujhe khud par kaabu rakhna hoga kyuki meri shaktiyan aseemit hai ab . 

Untitled Story : Uncertainty & Confusion !!!

" Soniya ! tum kaun se shaher se ho waise ? " 
" Main Gorakhpur se hun , 12th ke baad waha admission nahi mila toh idhar form bhara aur seat mill gayi . " 
Main kitna bhi koshish kar lun par jab tak Soniya mere paas hogi main usse door nahi jaa sakta . Soniya aur  Kabir baat kar rahe hai . Yeh break-time hai  aur hum sab canteen me hai . Soniya new hai par usme khasiyat hai ki woh sabse jaldi gel-up ho jaati hai . Abhi bhi woh sabse has - has ke baat kar rahi hai . Main Aarav ke saath baitha hun . Uska saara concentration samose pe hai aur mera saara concentration Soniya pe . Waise Kabir humare batch ka Topper hai . Pehle internals me isne itna high score kiya kee professors bhi iske shaageer ho gaye hai . Kabir har cheej me aage rehta hai , ab chahe wo padhai ho yaa flirting . Mujhe usse tips leni chayiye shayad . Uff ! kitni pyaari muskaan hai Soniya . Hamesha uska haste huwe baat karna . Uske smile se gaalo pe wo dimples uski cuteness ke ratings aur badha dete hai . Usne mujhe abhi tak notice nahi kiya par koi baat nahi , main bhi taiyyar nahi hun uska saamna karne ke liye . Itne der se apne ko rok ke rakha hun , shayad mujhe uske paas jaana chayiye , usse milna chayiye . Jab se Soniya aayi hai tab se ajeeb si khushi mehsoos ho rahi hai . Charo taraf love-birds hi dikh rahe hai . Hawa me romance ghul gaya hai . Kaano me jaise violens baj rahe hai , aur gaane bhi filmy - fully romantic . Har jagah sitaare aur har sitaara chamakta huwa . Aate hi poore college pe jaadu chala diya ho jaise . Ek jagah Aarav aur Priya ek-doosre ke saath baithe hai . Ek jagah Nishita mere khayaalon me khoyi huwi hai . Sameer aur Vicky ek-doosre ke aankhon me aankhein daale huwe khoye hai , bhale hi unconventional love hai yeh . Kaheen koi toh kaheen koi aur , par har taraf sirf  pyaar hi nazar aa raha hai . Par main Soniya se itne door kyu baitha hun ? Ab bahut ho gaya , ab time for some face off . Chal beta Vishnu , ab Kabir ko side karne ka waqt aa gaya . Par main chahke bhi uske paas nahi jaa paa raha . Mujhe yaad hai dhai saal pehle hum jaise alag huwe aur uske baad kabhi mile bhi nahi . Wo tab bhi mujhse naaraaz thi aur shayad aaj bhi hai . Agar usne mujhe pehchaanne se inkaar kar diya toh ? Abhi itne saare log hai aas-paas , abhi jaana theek nahi hoga . Shayad mujhe dispersal tak rukna chayiye . Woh mere saamne hai par main uske saath nahi . Mujhe ab Kabir ko dekhke gussa aa raha hai . Woh kursi pe baithke ishtyle maar raha hai . Soniya ka chehra dekhke pata chalta hai ki wo Kabir ki baaton se bore ho rahi hai . Uska chehra padh sakta hun main kyuki uske sabse kareeb bhi toh tha kabhi .  Soniya ko bahut jyada act karne wale ladke pasand nahi aate . Woh bhale hi extra-ordinary hai par usse hamesha se simple log hi acche lagte hai  , jaise ki main . " Vishnu ! class ka time ho gaya hai . Chale  ? " Nishita shayad mere liye hi ruki huwi hai ab tak . Wo  mujhe chahti hai , main uske mann ki baat padh sakta hun . Par jab usko pata chalega ki main sirf Soniya ka hun toh wo toot jaayegi . Yeh kyun ho raha hai  ? Haan ! chalo , class ka time ho gaya . Hum class ke liye chal pade . Main saath to Nishita ke hun par paas Soniya ke . Main Soniya ko chahta hun , Soniya pata nahi kise chahti hai , Nishita mujhe chahti hai aur Kabir Soniya ke piche pada hai . Yeh sab aage ke confusion ko dikha raha hai . 

Untitled Story : Return of Te Amo !

" Toh Baccho ! apne dimaag ke gyaan-kacchu ko khol do aur humare saath gyaan ki sair karo . Safar lamba hone wala hai par agar hum saath rahenge toh khushi se gyaan ko grahad kar lenge . Kya aap humare saath hai ? Kya aapka haath humare haathon me hai  ?Boliye ! " Yess sir ! Hum aapke sath hai . Waise yeh humare Professor  hai , kyuki yeh Bihaar se hai isiliye hamesha bhojpuri touch dete rehte hai . Inka naam hai , kaafi chota hai par ajeeb hai - Mr. SRK . Ji SRK ! , matlab Shahrukh Khan nahi , Sooraj Ravishankar Kripal . Ab shayad sabka doubt clear ho gaya hoga. Shuddh hindi aur ashauddh padhai , yehi inka motto hai . Aaj tak inka padhaya kisi ko bhi zara sa bhi samajh nahi aaya hai phir bhi yeh iss college ke main professors me se ek hai .Kabhi kabhi kuch cheeje kyun hoti hai , koi samajh nahi pata . Shayad inka subject Physical Physics hai , pata nahi kyuki poora samay toh yeh philosophy jhaadhte rehte hai . Itihaas ke panno se hote huwe yeh bhugol pe aate hai aur phir hindi lipi pe khatam ho jaate hai , ab isme science kaha se aayega . Par inhone pucha ki hum inke sath hai ki nahi , toh humne haan kar dee. Class me bheedh par bheedh me main har baar ki tarah akela nahi hun aaj . Kal raat ke baad main apne piche baithi Nishita ko pehchaan gaya hun ab . Sach me yeh sirf mujhe hi dekhti rehti hai . Shayad yeh mujhe like bhi karti hai , par yeh nahi jaanti ki maine apna dill Soniya ko kayi saal pehle hi de diya tha aur ab bhi mera dill wahi Soniya ke paas hai . Mood accha hai toh socha ki kuch kiya jaaye . SRK toh padhate rahenge , par padhta kaun hai inke bell me . " Haan toh baccha ! hum keh rahe the ki Akbar bhi chahte toh engineer ban sakte the . Par .." Sir ke lecture ko interrupt karne ke liye humne ek ladka book kiya huwa hai , Raju . Raju har baar sir ko jawaab deta hai aur jawaab aisa ki poori class maja le le . Raju phir se bola -" Par uss zamaane me engineering colleges nahi the isliye . " Waah ! kya logic diya hai Raju ne . Poori class aur main phir se hass pade , aur koi option bhi nahi hai . Sir thoda gussate hai par Raju ke saamne toh unki bhi nahi chalti - " Baccha Raju , tumne theek kaha . Tumhara uttar prabhaavshaali hai par utteed nahi hai . Dekho baccho ! Akbar bachpan me ghodo ka bahut shauk rakhte the . Unke hi kaaran aaj hum gaadiyon - motor cycles me horse - power paate hai . Bolo Akbar ki jai ho ! " Jai ho ! Jai ho ! . Yeh hai SRK ki physics class . Piche kya haal hai ,dekhte hai . Nishita kya soch rahi hai , main sun sakta hun - " Vishnu , OMGee ! tum piche se bhi awesome lagte ho "  Baap re ! aisa kya . Koi piche se awesome kaise lag sakta hai bhala . Chehra toh mera saamne hai , phie yeh kis part ko awesome keh rahi hai ? Ohh ! main thoda uncomfortable mehsoos karne laga ab . " Vishnu , tumhare baal toh kisi hero ki hair-ishtyl  jaisi hai . " Maine bhi yeh jaanke apne baalon pe haath phiraya . Wo sirf mujhe hi dekh rahi hai piche se . " Ek baar ghum ke dekhlo piche , main har din tumhari ek nazar ke liye baithi rehti hun . Bhagwan ! please aap Vishnu se kaho na ki wo piche dekhe , mujhe dekhein . "  Bhagwan se vinti kar rahi hai . Chalo , bhagwan ne iski sun li . Main bhi piche ghum hi gaya . Hiiieee ! kaisi ho ? " Wao ! main bilkul theek hun." Itna sunke main waapis aage dekhne laga warna sir hume pakad lete . Ab kya sochogi tum ? " He bhagwan ! tumne meri sun li. I luv u Vishnu ! " Arre baap re ! yeh toh kuch jyada hi khush ho gayi . Ab piche nahi mudne wala . Main yeh sab soch hi raha tha ki sab khade ho gaye , principal ji aa rahe hai . Mr SRK kinaare chale gaye . Humare principal sahab - " Students ! aaj  humare college ka koi hissa banne wala hai . Koi naya player hai jo pitch pe utarega . " Woh kya hai na ki humare principal ko cricket bahut pasand hai . Sirf dekhte hi nahi , yeh cricket bolte bhi hai . Jaise hum students inke liye team players hai , yeh college inki franchise hai . Franchise isliye kyuki jabse IPl shuru huwa hai ywh IPL ke bhi deewane ho gaye . Waise principal sahab ka naam , i mean humare coach ka naam hai - ORKUT . Funny hai na ? Waise orkut ka matlab -Om Rishikesh Tripathi . Par saara shaher inhe orkut ke naam se jaanta hai . Orkut isliye kyuki hum sabne apna - apna account inhi ke college me banaya hai . Dekhte hai aaj ka naya player kaun hai . " Team apna naya member ka swaagat karo , hum inhe opening ke liye chunte hai . Give a warm welcome to Mis. Soniya Srivastava . " Darwaaze se ek pari andar aayi . Apne lambe kaale baal , gore - gore gaal aur  madmast chaal ke saath , Soniya class me enter ki . Yeh Soniya hai , meri Soniya . Kitna saalo baad ? Main abhi kya mehsoos kar raha hun , main bilkul nahi samajh paa raha ab . Meri aankhen vishwas nahi kar paa rahi ki Soniya saamne hai . Sab kuch out-of-focus sa ho gaya . Soniya ke alawa aur koi nahi dikh raha . Meri aankhon pe aate hi kabja kar liya . Sab kuch tham gaya . Bas main aur Soniya aur koi nahi . Aaj hawa me khushi ki lehar beh rahi hai , taazgi mere chehre ko chhu rahi hai . Main usse dekh raha hun , dekhen jaa raha hun  aur dekhta rahunga . " Toh Soniya Tendulkar , aap pehli seat pe baith jao kyuki opening aap ne hi karni hai . Okay , i will take ur leave now . "  Main ab bhi hosh me nahi . Meri  toh batti hi gul ho gayi ho jaise . Phir se wohi nazaara , main aur Soniya itne paas . Wo aayi aur seedhe mere thik saamne baithi hai . Yeh kya ho raha hai mere saath , sab kuch mere liye khaas hota jaa raha hai . Jo chayiye mill raha hai . Soniya sab kuch tha bas ek tum nahi thi . Par aaj tum bhi aa gayi . Main toh mann hi mann ucchal raha hun . Agar aas-paas koi nahi hota toh main zaroor khushi se jump karta . She is here now . The love never leaves you if it is yours . Aaj mujhe yakeen ho gaya iss baat par . Yeh mere liye sabse khushi ka pal hai , meri zindagi ka doosra sabse sunahra pal , pehla toh jab maine Soniya ko dekha tha tab . Sach kahun toh Soniya ki surat me har ghum ko fanaa karne ka raaz chupa hai . Abhi tak har raah me uska ehsaas juda tha par ab wo khud mere saamne hai . Aaj tak mera har khwaab usi se juda raha aur ab aage bhi rahega . Zindagi ka har pal toh pehle se hi uske naam hai . Aaj meri khushi ka koi kinaara nahi . Main  , mere aage Soniya aur humari zindagi . Bhale hi Soniya mujhse baat na kare par pehchaan to sakti hai . Pehchaana toh chayiye hi yaar . I loved her and will always do .

Untitled Story - Vishnu-Nishita - The Romance in the Moonlight !

Mujhe neend nahi aa rahi hai . Bed par leta huwa ceiling fan ko dheere-dheere gol - gol ghumta dekh pak chuka hun . Kitna der yuhi khaali leta rahun . Jab se kuch shaktiyan mili hai , main ruka hi nahi hun . Sirf apne dimaag ko charo-ore chala raha hun par kahi manzil nahi soch ki . Abhi toh sirf kuwe ke paani ko naapa hai , kudna toh baaki hai . Abhi toh sirf zeher kharida hai , peena abhi baaki hai . Soniya ki itni yaad 5 mahine me pehli baar aayi. Kabhi - kabhi aisa hota tha par tab main school me tha , jab se college join kiya hun tab se Soniya ka zikr kisi ne nahi kiya par aaj Aarav ne photo wali baat ki toh khud ke emotions se main haar gaya . Ab uub chuka hun toh bed se uthke main wahi apne khidhki wali jagah pe chala gaya . Khidhki bandh hai toh kholna bhi mujhe hi hai . Khidhki kholte hi chaand ki tez roshni kamre ke andhere ko dhak dee. Yeh waqt chaand ka hai kyuki sirf sitaare hi hai jo abhi usse aakaash me saath de rahe hai . Maine ek baar phir apne wallet me rakhi tasveer ko chuwa , lekin  poore 2 saal baad . Jab school me tha tab Soniya ki tasveer school magazine se kaat kar apne purse me rakh li thi . Tab se lekar ab tak uski tasveer hai mere purse me . Na kabhi tasveer badalne ki sochi aur na kabhi phekne ki . Sach kahun toh 10th pass karne ke baad se tasveer ko haath tak nahi lagaya maine . Aaj woh tasveer dekhne ka mann kar raha hai . Wallet ko khola aur ek chain ke andar bandh Soniya ki yaad baahar nikaali . Mere haath kaap rahe hai , darr lag raha hai ki kaheen phir poorani saari baatein na yaad aa jaaye. Tasveer ke baahar nikalte hi mere aansun bhi baahar nikal gaye . Emotional hona bhi ek gunaah hai . Sochta hun ki main Aarav yaa Sanchit ki tarah kyun nahi hun . Woh hamesha khush rehte hai aur kisi cheej ki fikar nahi  karte . Main hi aisa kyu hun ? Tasveer me usne School dress pehani hain . Chehre pe ek chamak jo hamesha hi rehti hai . Baal bandhe huwe aur ek latt kaano ke upar se hote huwe chehre pe saamne aata huwa . Aankhen aisi jisme kho jaaye har bandaa . Phir socha apne andar ke naye badlaav ko . Kya hai aage ? Mera future kaha hai  ? College me yaa phir duniya ke kisi anjaan jagah pe ? Soniya ki saari baatein  aaj bhi mere dimaag me baithi huwi hai . Woh bolti thi toh mann karta hai ki sirf usse hi sunta rahu . Main apne khayaalon me khoya hun aur darwaje par koi khada hai shayad . Main dekh sakta hun ki baahar koi hai bhale hi darwaja bandh hai . Dekhne me toh koi ladki hai , darwaaje ka kavach bhi usse meri nayi nazron se nahi chupa sakta . Kaun hai woh ? Maine socha ki bolne yaa puchne ki bajay main darwaja khol ke dekh loon .Yeh kaun ladki hai , pehle kabhi toh nahi dekha isse  ?


Darwaja khola aur dekha ki haan ek ladki hai . Isne night suit me hi yaha aane ka kasht kaise kar diya ? Iss ladki se jyada sharm toh mujhe aa rahi hai isko aise haal me dekhke . Pakka yeh Aarav ka chakkar hain . Main usko dekh raha hun kyuki bolu kya yeh mujhe samajh nahi aa raha . Wo hai ki mujhe ghurte hi jaa rahi hai . Thandi - thandi hawaayein bekhabar chalte huwe na - jaane kya kehna chah rahi hai . Chaand bhi apni roshni hum par nahi bikher raha hai . Wo apni nazrein ek tak mere chehre pe gadhaayi huwe hai . Na kuch shabd aur na koi sawaal . Sirf aankhen hi kaam kar rahi hai . Main thoda sa peeche hata aur raat ki chaandani me pehla shor ghol diya . Tum Aarav se milne aayi ho na ? Wo ladki jaise iss duniya me hai hi nahi . Bekhabar khadi hai aur apne kaam me khoi huwi hai . Kaam hai sirf mujhe dekhte rehna . Hello ! tum bol nahi sakti kya  ?Sawaal thoda sa harsh hai par maine pyaar se kiya kyuki main usko sad nahi hote dekhna chahta . Jab kisi ki koi baat buri lagti hai toh dill dukhtaa hai , aur mere se accha aur kaun jaanta hai yeh baat . Raat ki pari ki tarah mere saamne khadi sirf khwaab jaise lag rahi hai  woh . Main ab aur kuch puchta toh shayad wo gir hi jaati . Par maine pucha hi - Tum kaun ho ? Mere ek sawaal ne toh jaise usko heart-attack hi de diya . Sunte hi mere upar gir gayi . Hello ! kya huwa ? Are you fine ? Ab main kya karu? Isse kaise uthaau . Mere kandhe pe uske lambe baal  bikharne lage . Uska chehra mere T-shirt se dhak gaya. Main aur woh bahut kareeb hai aur mujhe ajeeb si uljhan hone lagi . Usko uthaayu yaa chodh dun ? Agar main hat gaya toh wo gir jaayegi aur shayad chot bhi lag jaaye usko  . Par iska kya karu ? Hello ! kya huwa tumhe ? Kaha se aayi ho tum ? " Aahh ...hmm...Sha....shayad girls hostel se . " Woh itna kehne me kitna samay lagadi . Bolne me itni pareshaani hai usko jaise uske hothon pe bhaari bag rakha huwa hai . Shayad yeh mujhse darr rahi hai . Toh ab mujhe thoda friendly hona chayiye warna yeh behosh bhi ho sakti hai . Accha ! accha ! tum yaha akeli kaise aa gayi ? " Hmm...ma...mujhe neend me chalne ki bimaari hai shayad . "  Baatein bana kar bol rahi hain aur main samajh gaya ki yeh jhooth bol rahi hai . Main jaan kar bhi anjaan bana raha aur pucha - Toh koi baat nahi , yeh bahut logon ko hota hai . Ab kya kare ? Hum baat to kar rahe hai par chuppi ke saath kyuki koi aur sun leta toh bawaal ho jaata . " Please , kya tum mujhe mere kamre tak chodh doge ? Mujhe andhere se darr lagta hai . " Maasumiyat se bolkar , adaa me lapetkar woh apni baatein mujh par madhne lagi . Mujhe thoda - thoda samajh aane laga ki  yeh kyu aayi hai . Shayad yeh iska koi majaak hai aur bakra banane ke liye main hi isko mila hun . Maine socha ki isko chalta karu . Tum khud chali jaao , mujhe bhi andhere se darr lagta hai  , byee . Itna kehne ke baad main ghum gaya aur darwaja bandh kar raha hun par usne rok liya " Hey ! please meri friends bhi chali gayi aur main akele wapis jaane se darti hun . Suno toh ! " Waapis ghumna toh meri fitrat hai . Uski aankhon ko pehli baar dekha aur laga ki yeh sach bol rahi hai. Iski aankhon me sacchayi dikhi toh mujhe yehi behtar laga ki main room tak isko chodh dun . Thik hai main tumhe chodh deta hun . Chalo - chalte hai . Maine ek upkaar kya kiya wo phir se mere upar gir gayi . Uska chehra mere kandho se takraaya .Wo  Mere saanson ke kareeb aa gayi . Uski zulfein ab mere upar shaan se udne lagi . Hawa me bhi teji aa gayi . Mausam badalna aur uska girna , dono me samaanta hai . Tum phir kyun gir gayi ? " Main behosh ho rahi hun . Ohhhh ! bachao mujhe ! "  Ek aur jhooth zubaan se nikaal kar usne mere bante vishwas ko tod diya ek aur baar. Ab yeh aage kuch bolti usse pehle maine isko apni baahon me utha liya . Wo bahut hi weighty hai , pehla khayaal toh yehi aaya. Par pehli baar kisi ladki ko apni god me uthaya , ajeeb lag raha hai . Kya feel hai yeh toh nahi samjha sakta ab . Wo mere dono haatho me leti huwi hai . Uska chehra neeche  jhool raha hai . Aankhen bandh hai , na naam jaanta hun aur na isse khud jaanta hun par phir bhi yeh meri baahon me bikhri huwi hai . Ab hosh me aa jao , main tumhe room tak chodh dunga . Its okay . Mere itna bolte hi wo hosh me aa gayi , apna sar utha kar meri aankhon ko phir se dekhne lagi . Chale tumhare room ? Wo na toh kuch boli aur na hi sar hilaake koi ishaara di . Bas apni muskaan se haan ka jawaab de diya . Uski muskaan bahut hi meethi hai . Gaalo pe dimples bhi hai par mujhe ab iski khoobsurati ko side me rakh-kar ,room tak le jaane ka kaam karna chayiye . Mere room se uske room tak ak safar ab shuru . Mahaul kaafi serious ho gaya toh maine thoda sa humour daalne ka socha . Tumhara weight kitna hai , by the way ? " We..wei...weight ? Kyu kya huwa ?" Kya huwa ? Tumhe utha ke le jaa raha hun , bahut bhaari ho tum sach me . Sunkar gussane ki bajaav , woh aur bhi sharmaane lagi . Iss sawaal ka bhi jawaab dene lagi - " Wo yeh week kuch chipps kha liye the , aaj subah thoda sa rice jyada kha liya . Bas ! sorry , main weight kam kar lungi kal se . " Uska jawaab bahut hi ajeeb hai . Par sunke hasi aa gayi . Apne chehre pe choti si muskaan laake maine bola ki - Arre ! main majaak kar raha tha . " Ohh ! main bhi majaak kar rahi thi . " Wo phir se gaalo pe dimplea lake hasne lagi par bina aawaaz ke . Uski muskaan kisi ko bhi uske kareeb laa sakti hai par main toh pehle se kaheen aur hi khoya huwa hun . Tumhari smile bahut sundar hai aur tum bhi . Wo hasi , phir sharmaayi . Bhool gayi ki uska sar abhi-bhi hawa me hai  . Uske dono haath mere gale pe saje huwe hai . Jaise phulon ka haar gale ko shobha deta hai waise uske dono haath mere gale ko ghere huwe hai . " Thank you . Woh kya hai na maine bahut practice ki yeh dimples laane ke liye . Tumhe yeh acche lagte hai na ? " Sawaal toh bahut simple hai par maine jawaab dene se behtar ek smile dena jyada sahi samjha . Wo sirf do hi kaam kar rahi hai , yaa toh mujhe dekhne yaa phir bolna . Jo bhi hai woh bahut pyaara bol rahi hai . Mere kaano ko wahi old - boys ki aawaaz se thoda alag  milla . Tumhara naam puch sakta hun main ? " Mera naam ? Main hamesha tumhare piche hi baithti hun class me . I m Nishita by the way ." Ohh ! toh yeh Nishita hai . Yeh  hai Priya ki dost jisko leke sab mujhe chedha karte hai . Waise yeh hai toh bahut sundar . Ab main bhi samajh gaya ki shayad yeh ladki mujhe pasand karti hai . Tum hi mere jawaab dene par taali bajati ho , rite  ? Wo phir sharmaayi , par iss baar ek vishwas ke sath aur dosti ki muskaan leke ,  " Accha toh tumhe pata hai ki main hi tumhe pasand karti hun ? " Bolte hi usne apni jeebh apni zubaan  se baahar nikaali , jaise ki kuch galat bol diya ho aur apne bole huwe shabd waapis lena chahti ho . Aise question mere saamne aaj tak nahi  aaye . Wo phir se muskuraane lagi . Apni dheemi-dheemi muskaan se wo mera dhyaan apni ore khich rahi hai . " Tum single ho ki committed ? " Yeh kaisa sawaal hai , Nishita ? " Sorry ! bas aise hi  puch liya . Hmm ....batao na . " Filhaal single hun . Aage ka nahi pata . Maine yeh jawaab thoda banke diya . Wo dheere-dheere bahut friendly hote jaa rahi hai . Uski aankhon me ab darr nahi dikh raha par dosti aur khushi ka pal mehsoos kar sakta hun main . Hume koi dekh raha hai shayad . " Kaun ? kaheen koi wardon toh nahi ? " Wo thoda gambhir ho gayi , uski muskaan bhi udd gayi . Par main hoon na sab thik karne ke liye . Nahi woh jo hume dekh rahe hai wo koi wardon nahi , balki tumhari friends hai . Wo tumhare saath hi aaye the na  ? Uska jhooth pakda gaya , usse ab pata chala . Wo apne jhooth ke baare me bura feel karne lagi -" Actually maine jhooth bola tumse . Hum aaye the tumhe dekhne , actually main tumhe dekhne aayi thi apne doston ke saath . Wo toh chhup gayi par main tumhe dekhna chahti thi toh ...Sorry for telling a lie to you . I promise yeh mera aakhiri jhooth hai tumse . " Wo itni sachchayi se sab kuch bolti jaa rahi hai . Apni har galti  ko ek sach se maaf karti huwi , jitni uski baatein pyaari hai utni hi uske jhooth . Accha kiya jo mujhse mill liya par tumhari timing galat hai . " Nahi toh , bilkul sahi timing hai meri . Seedhe tumhare kandho pe giri hun . " Bolne ke baad phir usne apni jeebh baahar kee . Jo kuch bhi kehne ko hai uske paas , wo sab wo keh rahi hai . Jaise ki kitne sadiyon se chup thi aur aaj bolne ko mila hain . Tum majaak bhi kar leti ho , nice ! " Thanks once again "  Nishita ! tumhara room aa gaya . " Ohh ! itne jaldi " Main phir se has pada . Itni bholi baatein jo mann halka kar de . Wo shayad itne jaldi room tak pahuch jaayegi , usne socha na tha . Ab mujhe intezaar hai sirf uske neeche utarne ka . Par woh toh sirf khoyi huwi hai meri baahon me . Shayad yeh tumhara room hai ? " Hmm...Haan , yehi hai . " Mujhe laga ki woh ab utar jaayegi khud se par abhi bhi woh jami huwi hai . Ab shayad tumhe jaana chayiye . Thoda sa hichkichate huwe par maine bol hi diya usse jaane ko . " Haan ! ......abhi toh hum mile hai . Anyway thanks for the lift . " Yaa , my pleasure forsure . But do loose some weight quickly . Hum phir se hasne lage . Hum dono hi apni hasi ko daba rahe hai kyuki ab hume kya bolna chayiye hume nahi pata .Accha to ab main chalta hun . Tum bhi jao soo jao . Bye. " Ruko ! " Wo apna haath uthate huwe boli . Wo mujhe rokna chahti hai . Raat bhi ab kam ho rahi hai . Kya huwa , abhi bhi darr lag raha hai kya ? Main abhi bhi apne humour ko saath liya huwa hun . Serious hona zaroori nahi hai . " Nahi ! woh baat nahi . Tum abhi jaaoge ? " Uske sawaal se laga ki woh mujhe rokna chahti hai par ab mera rukna bhi sahi nahi hoga . Haan , jaana hai room me . Waha Aarav akela hoga , usko bhi darr lagta hai andhere se , so kompany dena padega mujhe . " Ohh ! okay . Par kal class toh aaoge na ? Tum toh roz aate ho waise . " Haan aaunga , aayenge nahi toh jaayenge kaha ? Ab bye , ok . "  Thik hai bye . Lift ke liye phir se thanks . " Wo apni baaton ka end nahi karna chahti , har ek shabd ke saath ek shabd muft hai . Lekin agar main gaya nahi toh raat aise hi beet jaayegi . Ok ! Bye now . Itna kehke main peeche hata aur apne hostel ki taraf kadam badhaane laga . Wo abhi bhi mujhe jaate dekh rahi hai . " Byee Vishnu ! " Iss baar toh maine uski buland aawaaz suni . Main kuch doorie par hun par uski cheenkh mujh tak aaraam se pahuch gayi . Main ek baar peeche muda aur haath ka ishaara karte huwe chal diya waapis . Yeh kuch alag hi cheej hai par accha laga . Mann ko thodi shaanti aur dill ko sukoon mila . Agar main peeche ghumta toh woh abhi bhi wahi khadi dikhayi deti . Par main muda nahi . Waise bhaari toh wo sach me thi . Main bhale hi aage chal raha hun par mujhe peeche kya ho raha hai sab dikhayi de raha hai .Uski dono friend bhi aa gayi . Phir teeno apne room me chali gayi . Yeh raat toh har raat se alag nikli . Soniya ko yaad kiya par Nishita ne sab bhoola diya . Acchi ladki hai par mujhse door hi rahe toh behtar hoga .   

Untitled Story - Nishita and her allies' Embassy !!

[ In this part of the story , I m going to narrate the scene being Nishita and not the Lead Vishnu himself . So the lines  of mine will represent Nishita and her dialogues in usual way without double quotes . Her friends and group 's dialogue will be conversing with me i.e. Nishita and those lines will be in double quotes . Have a interesting hour ! ] 


" Nishi , tumhara aaj dimaag kharaab ho gaya tha kya ? " Yeh meri dost Priya hai aur yeh aaj class ke baare me baat kar rahi hai . Aap sab mujhe nahi jaante , Main Nishita . Iss college me yeh mera first year hai aur pehle hi din main Vishnu se mili aur pyaar kar baithi . Woh auro se alag hai , na toh kabhi galat shabd apne muuh se nikaalta hai aur na hi kisi galat kaam me uska koi haath hai . He is perfect for me . Main pehli nazar me usko kuch aur hi samajh lee thi par yeh real world hai yaha sab kuch dheere-dheere track par aata hai . Jab class me usko dekha aur college campus me usko apne doston se baatein karte suna toh pata chala ki woh kitna cute aur humble guy hai . Main usse pyaar karne lagi hun . Wo hamesha mere sapno ke rajkumar jaise mere saamne aata hai par kabhi mujhpe apni nazar nahi daalta . Baaki sab uske dost - log ladkiyon pe line maarte hai par ek woh hi hai jisne kabhi kisi ladki se galat baat nahi kee hai aaj tak aur kabhi karega bhi nahi . Main hamesha class me uske piche wali bench pe baithti hun par usne kabhi mujhe piche mudke dekha hi nahi . Itne paas hote huwe bhi main usse bahut door hun . Aaj maine Vishnu ke liye taali bajaayi thi class me , kya karu woh hai hi mera super hero . Woh meri dill ki dhadhkan hai , dhadhkan kya woh mera dill hai . Main waise toh college me padhne aayi thi par kya karu iss dill pe sabka kaabu thode hi hota hai . Jab pyaar hota hai toh duniya ki koi bhi cheej aapke pyaar se jyada anmol nahi hoti . Jab pyaar hota hai toh aapka pyaar hi aapki duniya ban jaata hai . Aapki duniya usi se shuru hoti hai aur usi ke sath khatam . Main Vishnu se aaj tak baat nahi kar paayi kyuki uski personality ke aage main bhilkul seham jaati hun . Woh itna serious dikhta hai ki uske samne zubaan kat si jaati hai . Bhale hi woh Shahid ya Shahrukh jaisa nahi hai par mere liye woh mera Ishtaar hai  aur main uski fan . " Nishi , kaha kho gayi ? Phir se apne Ishtaar ke baare me toh nahi na soch rahi ho ? "  Nahi woh kuch soch rahi thi . Aise hi kuch . " Kaise hi kuch ? Hume bhi toh batao . " Please Priya , no leg-pulling ok . " Aji , main kaha tumhara leg-pull karungi , woh to kisi aur hi fielder ke liye hai . Kyu Simmy ? " Simmy aur Priya meri best buddies hai , Priya jo hai woh Aarav ki girlfriend hai aur Aarav se puch-puch ke woh mujhe Vishnu ke baare me batati rehti hai . All about Vishnu . Simmy humare gang  ki  Miss. Naugty hai . Uske liye fun aur game top level ke hote hai . Usne hi class me mujhe Vishnu ki piche wali bench dilaayi . Woh mere liye ladko tak se panga le sakti hai . Ek baar toh le bhi chuki hai . Simmy ! tum mere pe ek favour kar do na . Simmy thoda muskurayi aur boli - " Aji deewano ko hum favour kar dete hai , aapke liye kya kare hum ? " Hum apne room me hai , bhale hi yeh samay hume soo jaana chayiye par hum girls raat me late night gossip karte hai . Yeh humara daily routine hai . Main Simmy ko kuch bolti usse pehle Priya bol padi - " Aji ! aap nahi jaanti  , Simmy madam . Wahi Raja ji se mulakaat wali baat . Kyun Nishita ji ? "  Ab tum dono toh jaanti hi ho kee maine itni koshish ki Vishnu se ek baar baat karne ki par uske samne aate hi meri bolti off ho jaati hai . 4 mahine se uske theek piche baith rahi hun par woh ek baar bhi mujhe notice nahi kiya . Agar yeh semister ke end tak woh mujhe nahi dekha toh main mar jaaungi haan . "  Arre - arre ! Nishita ji jab humare jaise dost hai aapke sath toh darne ka nahi madam . Aapko Vishnu se milna hai na  ? "Arre baba haan . Priya kitna bolu tumhe haan ? " Toh abhi milne hai kya ? " Abhi ? Par abhi kaise yaar ? Itne raat me , Wo girls hostel me nahi rehta hai jo abhi mill lun . " Tujhe milna hai ki nahi ? Haan ya naa ? " Haan par abhi kaise Priya ? Raat ke 10 baj rahe hai . Kisi ne dekh liya hume baahar jaate huwe toh problem ho sakti hai . " Koi problem nahi hogi . Simmy tu samjhana isko ." Simmy toh Priya ki baatein sunkar waise hi hairan ho gayi thi aur jab usko bolne ko kaha gaya toh - " Priya ! Nishi sahi keh rahi hai yaar . 10 baje agar room se baahar nikle toh pakka pakde jaayenge . " Par Priya ne toh jaise saara plan bana liya ho , woh toh jhakkas idea dene lagi - " Dekh hum room se baahar nikalte hi girls hostel ke back-door se hote huwe college ke outer campus me pahuch jaayenge . Waha koi nahi hoga , not even watchman . Phir campus se hote huwe boys hostel . " Main sunke bahut khush huwi par darr lag raha hai ki kaheen pakdi na jaaun . Priya tum ek baar aur soch lo . " Are yaar ! jyada important kya hai , Vishnu yaa punishment ? " Mere liye jawaab sochne ki zaroorat bhi nahi . Vishnu se pehli mulakat , main bahut excited hun abhi . Maine bhagwan ji ka naam liya aur kaha chalo girls . Hum room se baahar aa gaye . " Shhhhhhh ! koi aawaaz nahi girls . " Priya is sab kaamo me master hai . Par Simmy ko in sab kaamo me jyada experience hai  , aur main ? Mere paas sirf pyaar hai . Hum bachte-bachate boys hostel me pahuch gaye . Kisi ki nazrein humpar nahi padi . Shayad koi hai hi nahi yahaan par . Ab aage kya kare Priya ? " Ruko ! dekho woh raha Vishnu aur Aarav ka room . Lets go girls ! " Priya ne haath uthake Vishnu ke room ki taraf ishaara kiya . Par Priya ko kaise pata ki yeh Vishnu ka room hai ? Priya , tujhe kaise pata haan  ?" Wo yeh Aarav ka bhi toh room hai . " Itna kehke sweetie sharmane lagi aur apne lover ke thoughts me kho gayi . Simmy ! isse hosh me laao . Simmy boli ki aage main akeli jaaun . Main akeli kya kahungi usse yaar ? Tum log bhi chalo na . Support ke liye girls . " No , woh tumhara hai , mera nahi . Ab tum jaao akele . Hum yaheen chupe rahenge . Go now ! Be a Brave Gal now ! " Main bahut nervous ho gayi . Maine kabhi  Vishnu se baat nahi kee aur na hi kabhi Boys hostel me aayi hun . Darr lag raha hai par Vishnu se milne ke liye himmat jutaani padi mujhe . Main sehme-sehme kadmo se uske room ke door tak pahuchi . Par agar knock karti toh Aarav bhi jag jaata. Ab kya karun main ? Kash ! Vishnu jag jaaye aur mujhe dekh le . Nahi agar woh mujhe dekh lega toh main kahungi kya . Baap re ! itni tension , itni tension toh mujhe exam time me bhi nahi lagti . Vishnu ! please apne aap hi baahar aa jaao . Kya tumhe kabhi lagta nahi , mahsoos nahi hota ki koi tumhe kitna pyaar karta hai ? Main ab uske darwaze ke bilkul saamne khadi hun , shayad wo andar soo gaya hai .   

Untitled Story - Friends have lots to talk about !

" Dekha ! aaj kya huwa class me ? " Aarav abhi bhi shock me hai ki maine bhukamp ko kaise naap liya . Mujhe samajh aa chuka hai ki yeh sab mere Mogul banne ki wajah se hai . Dheere-dheere meri shaktiyan mere andar ke insaan ko khatam aur maseeha ko jaga rahi hai . Main bina chahe hi apni shaktiyon ka use kar raha hun . " Abe ! Vishnu bata na kaise tune bhukamp ko mahsoos kar liya . " Main kya batau Aarav ko ? " Abe bol be ! Saanp soongh liya hai kya ? "  Nahi yaar , main bas baitha tha aur mere pairon ke neeche ki zameen hilne lagi toh mujhe laga ki yeh bhukamp hoga . Bas ! aur kuch nahi . Tabhi iss guftagu ko badhawa dene Sanchit bhi aa gaya  - " Saalo ! bhukamp ko goli maaro . Aaj kisi ne class me ek baat notice ki ? "  Kya Vicky aur Sameer ki punishment na ? " Nahi Vishnu , tu apna muuh bandh rakh . " Aarav bhi shuru ho gaya phir - " Sanchit , point pe aa na . " Main baitha hun par jaanta hun ki topic main hi hun iss gossip ka . Sanchit ko chup karna namumkin hai , wo shuru to sab soo gaye samjho . Wo phir se shuru ho gaya - " Class me sabne Vishnu ko answer dete toh dekha hi hoga aaj ? Dekha ki nahi ? " Sabne haan - haan kee . " Toh kya  sabne yeh notice kiya ki jab isne answer diya toh sabse pehle taali kisne bajaai ? " Iss conversation ko interesting paata dekh  Raju bhi bol pada - " Haan ! maine bajai thi ." Raju ka jawaab sunkar Sanchit gussa gaya par Raju ke darr se aaraam se bola - " Nahi Raju , koi aur guess hai kya kisi ke paas ? " Ab shayad baakiyon ko samajh aane laga ki Sanchit kya kehna chahta hai . Tabhi Aarav ki batti jali aur wo bhi muuh phaadne ko taiyyar ho gaya -" Haan , mujhe pata hai ki yeh taali kis saali ne bajaayi . Vishnu ! tu jaanta hai kya ? " Main chup-chap baat-chit ki garmi badhte dekh raha hun . Jab Aarav ka chehra dekha toh laga ki koi ladki hi hogi jisne taali bajaayi warna Aarav itna dimaag nahi chalata . Aarav sirf ladkiyon ki baat karne me vishwas rakhta hai aur baaki samay mute rehta hai . Main kuch bolta usse pehle Sanchit bol pada - " Wo taali wali saali thi - Nishita . " Sabhi mujhe chedhne ke liye zor - zor se hasne lage . Main sharam ke maare laal ho gaya . Yeh hai mere dost jo hamesha meri bajaane ki sochte hai . Par madad bhi yehi karte hai isiliye main inki baaton ka bura nahi maanta . Par isse pehle yeh mujhe aur chidhaate maine unse arzi ki - Yaar ! kya faltu ki baat kar rahe ho ? Kaun Nishita ? " Arre ! wahi Nishita jo hamesha tere pe apni aankhen sekti hai . "  Raju ke itna bolte hi shaam aur bhi khilkhilaane lagi . Sab mere ek jawaab ka bukhaar bana kar kitne khush hai ! Inki khushi ka main main part hun , par yeh Nishita kaun hai  mujhe aaj tak nahi pata chala. Dekha bhi nahi hai maine aaj tak usko . Haan par suna hai ki Nishita naam ki ladki apne class me hai , par kaha hai yeh mujhe nahi pata . Sanchit mere paas aaker bola - " Vishnu yaar ! ab toh usse baat karle , bechaari kab tak tujhe sirf dekhti rahegi woh . " Maine usko dekha tak nahi hai guys . Baat kyun karun main , padhne aaya hun ki kuch aur karne . Aarav phir se Bola " Haan-haan , agar tu  sirf padhne aaya hai yaha  toh apne wallet me kiski tasveer leke ghumta hai ." Aarav ne ab kuch jyada hi bol diya . Maine thoda sa gussa dikhana chaha par mujhe pata hai ki agar main ab bolunga toh sabko yeh baat pata chal jaayegi . Toh main waha  se utha aur room se baahar  verandah me jaa khada ho gaya. Main unki baat nahi sun sakta ab . Baahar aaker main shaanti chahta tha par mann hi mann yeh bhi soch raha hun ki wo mere aur meri wallet me rakhi tasveer ke baare me kya bol rahe hai . " Arre ! Vishnu aa jaa . Ab nahi bolenge hum . " Aarav ne rokne ki koshish ki par mujhe yeh baat buri lagi . Main baahar aa gaya par phir bhi main inki baatein sun raha hun . Sanchit ki aawaaz hai yeh shayad - " Aarav ! yeh kiski tasveer leke ghumta hai ? " Ab Aarav mera pakka dost hone ke bawjood bolega aur woh bola bhi" Pata nahi . Maine photu dekhi nahi par itna sure hun ki ladki hai koi . " Main bhale hi unse doorie par hun phir bhi unki baat mujhe saaf-saaf sunaayi de rahi hai . Mujhe Soniya ki baat pe kabhi sirf pyaar aata tha par aaj agar koi Soniya ki baat karta hai toh mujhe bahut dard hota  hai . Wo mera pehla pyaar hai aur shayad uske baad main kisi aur ko nahi pyaar kar sakta . Apni bhawnaao ko main nahi rok sakta . Soniya ki baat ab jab bhi hoti hai toh main apne aansuuon ko nahi rok pata hun . Shayad isiliye kam se kam sochta hun uske baare me aur uske hote huwe main kisi aur ke baare me kabhi nahi soch sakta. Kya abhi zindagi me kuch reh gaya hai jo ab aur kuch alag karu ? Pata nahi yeh meri nayi shuruvaat hain yaa ek ant . 

Untitled Story - The Hidden Powers !!!

Insaan kabhi  bheedh me tabhi akela mahsoos karta hai jab uska koi khaas uske sath na ho . Mere sath bhi aisa hi hai . Class me akela baithta hun aur apni bagal wali khaali place pe Soniya ko dhundhta hun. Class 10th ke baad maine apna school badal liya tha aur uske baad maine usse kabhi nahi milla . Na wo kabhi mere samne aayi . Class ki  daastaan shuru . Sir Rajan ne padhana shuru kar diya . Unke lectures dhyaan dene pe lagte hai ki bahut easy hai , sab ho jaayega par agar na suno toh lagta hai ki jaise economics padha rahe ho . Mera poora dhyaan lectures par nahi raat pe tha . Mera kya kaam ho sakta hai ? Mogul hun main par Mogul karega kya ? Udhar sir ka lecture chal raha hai aur idhar mera dimaag . " For proper working of a transistor , the voltage at the base must be positive than that of the emitter ." Main positive hone ki koshish kar raha hun par mere dimaag me sirf bure khayaal hi aa rahe hai . Na toh mujhe apna aaj pata hai aur na hi mujhe apna kal pata hai . " This movement of  electrons from emitter to collector  creates a  flow of electricity through the transistor  and its through the base . Do you all get me ? "  Main inn sabse bhaag bhi nahi sakta hun ab . Agar koi  insaan hota toh peecha chudhane ka main soch bhi sakta hun par idhar toh bhagwan mere peeche pade hai . Main bhagwan se kya kahun ? Main unhe kaise batayu ki main iss sab ke liye bilkul taiyyar nahi hun abhi  ? Mujhe Mogul nahi banna hai , main aam aadmi rehna chahta hun . Par kya aam hona meri kismat me likha hai bhi ki nahi ? " So now will anyone remind me the 3 elements of transistors ? Anyone here ? Ha , Vishnu ! give me the answer right now . "  Mere khayaalo ki deewar pe chuna lagane aa gaye Sir Rajan . Main hadbada gaya , dhyaan kaheen aur hai aur sawaal bhi kaano me nahi pada . Sirf apna naam sun ke khada huwa . " Yess , yess . I hope you have the answer with you , dnt you  ?" Answer kya mujhe toh question bhi nahi sunaayi diya hai . Yeh main sir se kaise kahun ab . Class me jo answer nahi de pata hai uski toh sir band bajaa dete hai . Main apni baarat nahi nikalwana chahta hun par ab kya karun . Muuh kholne ki koshish kee toh garam saansein hi nikli jo mujhe answer nahi bata sakti . Abbbb . . . .ba baa. .3 elements sir ? " Yes , 3 parts that all transistors have in them ? " Okay sir . Yeh students ka janam-siddh adhikaar hota hai ki chahe answer aaye na aaye , confidence zaroor aana chayiye . Maine bhi thoda sa aatma-vishwas dikhane ki koshish kee . Socha ki acting karke bach jaaunga aur sir se keh dunga ki pata hai par bhool gaya , jaisa har bechare student ke sath hota hai . The 3 elements are emitter , base and collector . "  Very good Vishnu  ! mujhe laga ki tumhara dimaag kaheen aur tha par good . Sit down !!! " Thank you sir ! Yeh maine kaise kar diya ? Mere jawaab dete hi mere tareef me class me taaliyaan bajne lagi . Sab sochte hai ki main hamesha padhta hun aur har sawaal ka jawaab rakhta hun jeb me par abhi jo huwa woh maine nahi kiya . Taaliya sunke toh accha laga par kya yeh nayee shaktiyon ke badaulat hai ? Maine jab question hi nahi suna toh main answer kaise de sakta hun ? Yeh kaisi shakti hai ? Waise insaan ka ek sub-conscious mind bhi hota hai jisme insaan ka dimaag wo sab baatein store karta hai jise hum sunte yaa dhyaan nahi dete hai par humara dimaag unhe catch kar leta hai . Sub-conscious mind active hota hai normal case ma , bekaar hota hai bewkoofo ke case me aur extra-ordinary hota hai paaglo ke case me . Kya yeh paagalpan hai mera  ? Kaheen main yeh sab sapne me toh nahi na dekh raha hun ? Main apna dhyaan class me bilkul bhi nahi laga paa raha hun . Achanak se class me kuch ajeeb sa lagne laga . Saans lene me dikkat hone lagi . Aankhen samne ka view dikhaane ki jagah kuch aur hi dikha rahi hai . Aas-paas kuch bura hone ka ehsaas ho raha hai . Yeh kya hai , kya hone wala hai  ? Main samajh nahi paa raha hun par jo hone wala hai woh kisi khatre se kam nahi . Everybody ! rite now , GET DOWN . Sab log apni bench ke neeche chup jaao . Class me afra-tafri mach gayi. Sab darke neeche ho gaye . Yaha tak ki Rajan sir bhi apni table ke neeche chup gaye . Mujhe nahi pata ki main kyu chillaya par ab main bhi neeche hi hun . Achanak se dharti hilne lagi . Saari cheeje apni jagah se girne lagi . Dill ki dhadkan badhne lagi . Par kuch hi der me quake ruk gaya . Yeh shayad ek minor sa earthquake tha jo hum sabko dara ke chala gaya . Sab normal huwa toh hum apni place pe wapis aa gaye . Sir hairaan hai , sab hairaan hai , sab kya main khud hairaan hun . Mujhe kaise pata chala ki bhukamp aane wala hai . Sab mujhe aankhen phaad ke dekhne lage . Main sirf chup karke khada hun abhi aur sabki nazron se kinaara chahta hun . Tabhi sir ne chuppi ko toda - " I think class should be stopped now . All of you go back . Class dismissed . " Sab class se bhaagne lage aur main intezaar kar raha hun ki sab nikal jaaye . 6th sense ? Suna toh bahut tha iske baare me , par shayad ab yeh mere ghulaam hai . 

Untitled Story -The Early Morning Class !!!

" Ae Vishnu ! uth be , der ho rahi hai . Abe ae ,  uth be ."   Haan !  Kya hua yaar ?  " Kya hua ? Pagla gaya hai ke , pee nahi na lee tune ? " Kya hua ? Kyu jaga rahe ho ? " Saale ! tu Vishnu hi hai ki koi aur hai ." Ae Aarav , sone de na yaar . Raat ko der se soya tha na . " Abe class hai 7 baje . Chalna nahi kya ? Lecture bunk karega ? " Ohh ! I forgot re . Bas 5 minute me aaya . Tum intezaar karo , mere bina chale mat jaana . " Accha tu ready hoja , main baahar field pe hun . "  Yaar , field pe kyu , yahi ruk na .  " Abe samjha kar beta ." Kya samjha karu ? " Arre ! neend me tha yaa pub me saale ? Wahi se Priya jaati hai . Taadna bhi toh hai be . " Accha jaa. Main kapde badal ke aaya . " Jaldi kariyo saale ! "  Haan , aata hun . Sar me dard hai , pichli baar bhi jab wo aayi thi  milne toh sar me dard utha tha aur aaj bhi . Aarav samajh raha tha ki main neend me tha par usko pata nahi ki pichli raat mujhe neend naseeb nahi huwi. Class hai subah aaj toh jaana toh padega . Dard itna jyada hai ki chalne me kathinaayi ho rahi hai . Par class miss nahi kar sakta warna aaj ka concept kaun samjhayega . Raat ki aadhi-adhoori baatein abhi bhi dimaag me daud rahi hai . Wo aayi mujhe mera kal dikhake chali gayi . Mogul , shakti , bhagwan , dushman , maut - yeh shabd kaano me luka-chupi khel rahe hai . Jo bhi huwa , woh mere sath hi kyun huwa ? Haan , main maanta hun ki ek samay tha jab main zindagi se haarke suicide karna chahta tha . Par ab main apne liye jeena chahta hun , kuch banna chahta hun . Mere bhi kuch sapne hai jo main poora karna chahta hun . Iss bhagwan-shaitaan ki kitaab me kyun main khud ko phasaoon ? Ab main iss college me padhne aaya hun , itna sab ho raha hai mere sath toh main kaise padhunga ab . Shayad ab mujhe class ke liye taiyyar ho jaana chayiye warna late hone pe daant padegi mujhe bhi aur Aarav ko bhi . " Abe saale ! phir se soo gaya kya ? "  Nahi , ho gaya . Chal chalte hai . " Abe mujhe toh laga ki aaj tera dimaag khisak  gaya hai . " Haan yaar , aisa hi kuch . 


Class me har-baar ki tarah kuch hi padhne wale bacche hai , jaisa ki har roz hota hai . Gin chun ke 5 hi aise ladke hai jo class me padhne aate hai , baaki ladke toh ladkiyon ko dekhne aate hai . Main unn 5 ladko me apna place bana chuka tha aur aage bhi banaye rakhne ki koshish karunga . Har baar ki tarah main apni dusri bench pe baith gaya aur mere bagal me khaali , koi nahi baithta . Maine hi mana kiya tha Aarav aur baaki ke doston ko ki class me mujhe akele baithne de . Sab maan gaye aur hamesha mere liye ek  place rakhte hai . Class shuru hone hi wali hai . Aaj class har baar se jaldi lagi hai kyuki aaj hume half day milna hai . " Vishnu ! yaar tu extra pen laya hai kya ? " Pen ? Haan hai . Yeh lo . Maine apne pocket se extra pen nikaal ke Sanchit ko de di . Waise yeh pehli baar nahi hai , Sanchit roj aise hi maangta huwa paya jaata hai class me , kabhi pen ,kabhi copy toh kabhi book. Sanchit humare group ka mann-mauji ladka hai . Kabhi padhai me mann nahi lagata kyuki uske baapu ke bade khet hai , wo to yehi kehta rehta hai " Saala main padhke ke kar lunga , jab aage jaake mere ko hal hi chalana hai bhains ke sath . " Jaisa ki usne abhi bola . " Aur Vishnu , kaisa hai ? Aaj bhi  class karne ke liye jaldi aa gaya tu . " Yeh mera dost , actually sabka dost Abhay hai . Serious aur  future ko leke hamesha serious , yehi hai Abhay . Nahi yaar , aaj sabse pehle nahi pahucha class me . Late ho gaya thoda sa ." Koi baat nahi , main apni place pe jata hun warna professor pakad lega. " Ek halki si muskaan deke main usse hata toh samne Raju dikh gaya . Waise Raju wo ladka hai jo gaadi me engine ka kaam karta hai . Agar wo mera dost nahi hota toh main bhi college ke seniors ke haathon pita hota . Usne pehle hi din seniors se panga liya tha mere liye . Help karne me sabse aage aur Padhne me , padhne wali line me toh kabhi gaya hi nahi . Wo college sirf maja karna aaya hai aur karta bhi hai . " Hey dude ! wats up ? " Good yaar , mujhe kya ho sakta hai . Muskurate huwe usse jawaab diya aur woh bola " Agar koi problem ho toh turant bolna . Sochne ka nahi  , boss ! " Ok , Ok , zaroor bataunga yaar . Ab jao baith jao , sir  aa gaye . " Abe iss teacher se ke darta hai ? " Dekha , thode se hi baat me hasa diya isne . Comic timing toh iski perfect hai , par on time class me bahut kam aata hai . Kisi bhi pareshani ko pal me bhula deta hai . Main bhi raat ki baat ko bhul gaya ek pal ke liye . Par main jaanta hun ki jo ab hoga woh mere liye pal bhar ki baat nahi hai . Class me shaanti ho gayi . Iska matlab shikari taalab me aa chuka hai , matlab professor apne lecture ke liye class me pravesh kar chuke hai . " Good early morning Students ! I hope u all have taken shower . " Sab hasne lage . Yehi toh khasiyat hai sir me , har lecture me joke crack kar ke lecture ko interesting bana dete hai . Aaj mere aage wali bench khaali hai . Waha Vicky aur Sameer baithte hai , dono room-mate hai aur dono abhi soo rahe honge . Jab aankh khulegi toh daudte huwe aayenge . " Why is this  first seat vacant ? Where  are the victims ? " Ji ! victims , jab Rajan sir gussate hai tab hume victims se milne ko milta hai . Unka gussa students ke liye sirf punishment deta hai . Aaj agar Vicky aur Sameer aa gaye toh aaj ke victim wo banenge . Main toh yehi mana raha hun ki aaj wo class me aaye hi na . Par dono daudte huwe door pe khade ho gaye " May we come in sir ?" Dono ki haalat dekhne laayak hai . Ek  apne raat ke pajame me toh ek apni baniyaan me hi aa gaya . Humari hasi roke nahi ruki . Poori class me zor - zor se hasi ki aawaaz gunj uthi . Par do log hai jo bilkul hasne ka zhokhim nahi le sakte - Vicky aur Sameer . " Silence everyone ! " Sir Rajan apni tej aawaaz se khatre ka sanket dene lage . Class phir se shaant ho gayi . Wo dono baahar khade hai aur chehre pe neend liye huwe hai . " Haha haha hahaahhah " Sir rajan khamoshi me apni khilkhilahat chodh diye . Yeh hasi  khushi nahi  deti , yeh hasi khatre ka elaan hai par humare liye nahi un dono ke liye . Dono ko hosh hi nahi hai iss waqt . Dono phase aur bure phase . Punishment - jab tak class chalegi wo dono college ke door pe aise hi haal me zameen pe baithe rahenge . Bechare ! kash aaj nahi aaye hote class me . Wo bhi soch rahe honge ki kaheen aaj subah-subah ek-dusre ka chehra toh nahi na dekh liya dono na . Sach me , college saari problems bhula deta hai .

formspring.me

Anythng about me . http://formspring.me/Vishudishtaar