Untitled Story -The Second Coming of the Remitente !!!

Aankh khuli toh kuch dikhayi nahi diya . Sar me dard uthne laga . Iss dard ko main nahi seh paa raha hun . Aankh mal ke dekha toh charo - ore wohi kaala rang jo mere sapne me aaker mujhe pareshan karta tha . Pata nahi kyun par main apni zindagi me kaale rang se bahut darta hun . Mujhe kuch yaad bhi nahi ki aisa kyun hai par phir bhi mujhe kaala rang bilkul pasand nahi . Mujhe darr lag raha hai kyuki itne andhere me mujhe na to kuch dikhayi de raha hai aur na hi mujhe pata hai ki main kaha hun . Hello ! koi hai ? Mujhe darr lag raha hai , please mere se majaak mat karo . Aarav , kya yeh tum ho ? Sanchit , agar yeh tumhara prank hai to ab bandh karo ise . Hello ! kya mujhe sun raha hai koi ? Main chilla raha hun par meri aawaaz ghum ke waapis mere hi kaano me sama gayi . Jaise ki aas-paas koi nahi hai . Agar yeh kaam mere doston ka nahi hai toh yeh kisne kiya hai ? Pehle toh kisi ne aisa majaak nahi kiya mere sath aur naa hi koi aisa karne ki sochega . Mera darr ab badhta jaa raha hai . Hello ! please mujhe chodh do . Maine tumhara kya bigaada hai ? Koi hai ? Koi hai ? Meri aawaaz gunj rahi hai , andhera meri cheekh bhi kha jaa raha hai . Kuch bhi dikhayi nahi de raha , main apni jagah se hilne ki koshish bhi nahi kar sakta . Mere haath-paav khule huwe hai , matlab mera apaharan nahi huwa hai . Par main hun kis jagah par ? Mere aansu mere aankhon ko chodh kar mere gaal ko bighone lage . Darr ke maare haal behaal ho raha hai . Itna darr to mujhe tab bhi nahi laga tha jab high school me fail hone ka darr tha . Bhale hi aaj main acche college me padh raha hun par ek samay tha jab main 10th class me hi fail ho sakta tha . Par jab pass huwa toh aage ke do saal sirf padhai me laga diye . Koshish yehi ki saari buri yaadon ko bhula sakun . Kuch hadd tak kaamyaab bhi huwa . Par iss waqt dill apni roj ki speed se tej dhak-dhak kar raha hai . Darr ke maare hi meri maut na ho jaye kaheen . Please ! agar koi mujhe shun raha hai to saamne aao . Ahh ! main bolne me thoda sa kaccha raha hun . Main typical bihaari jaise shaadi , shayad aur baaki aise shabdo ko saadi , sayad  bolta hun . Ab zubaan saaf nahi toh kya karun . Isse pehle ki main ek baar phir chillata mujhe kisi ki parchayi dikhayi di . Yeh baat mujhe hairan kar di ki andhere me kisi ki parchayi kaise dikh sakti hai ? Kaala rang kabhi kaale rang ko bhar nahi sakta kyuki kaale se jyada andhkar aur kaheen nahi . Main aur bhi jyada darne laga , kuch bolta-kehta usse pehle mere kaan sunne lage . " Tum wahi par ho , jaha tum 2 saal pehle aaye the . " Aap kaun ho ? Main yaha kab aaya , yeh jagah to dehradun me hai hi nahi , itna andhera aur kaha ho sakta hai ? " Tum yahaan aaye ho , par  yaad nahi kar paa rahe kab " Aap kya bol rahe ho , aap to mujhe dikh bhi nahi rahe ho ? Please , aap kaun ho ? Aawaaz se toh yeh koi ladki lag rahi hai . Par ladki itne andhere me mujhse kya keh rahi hai ? Shayad main iss aawaaz se pehle bhi mill chuka hun , par yaad nahi kab . Mera dimaag mujhe kayi tasveere dikha raha hai par sab tasveere dhundhuli hai . Ek ke baad ek channel samne chal rahe hai par ek  bhi saaf nahi . Yeh kya ho raha hai mere sath ? Shayad main iss jagah par pehle bhi kadam rakh chuka hun . Iss andheri jagah ka main pehli baar darshan nahi kar raha hun . " Ab tumhe sab yaad aa jayega . Bas , paaglo jaise dekhna bandh karo ." Itna kehke wo mere samne se chhu-mantar ho gayi . Shayad yeh pehle bhi ho chuka hai .Meri palein bhaari hone lagi . Main soo raha hun , chah kar bhi andhkaar ko jhel nahi pa rahi hai meri aankhen . Jo bhi hai , mujhe apna shikaar bana chuka hai yeh andhera . 


" Ab tum apni aankh khol sakte ho , kisi ne mana nahi kiya hai . Dekho aur pehchano iss ujaale ko ." Aankhen kholi toh sirf ujaala. Pehle kaala aur ab sirf safed . Duniya Black & white ho gayi jaise meri . Aap Remitente ho na ? " Toh tum sab pehchaan gaye . Ab kaam ki baatein kare , Woh kaam jiske liye tum zinda ho ? " Kya ab yeh sab karna zaroori hai ? Main bilkul sahi jaa raha hun meri zindagi me . Acche college me hun aur acchi life jee raha hun . " Maine tumhe bataya tha ki tum chune gaye ho aur waapis jaane ka koi sawaal hi nahi ."  Par ab main yeh sab karna nahi chahta . Kya aap bhagwan ko keh nahi sakte ki woh kisi aur ko chun le ? " Tum ab bacche nahi ho , tum ab insaan nahi ho , na tum jeevit ho aur na hi mrit ho . Ab kya kehna chahte ho iske baare me ? "  Main soch me pad gaya . Yeh to wahi baat huwi ki aasmaan se gira aur khajoor me atka . Pehle maut chahi to zindagi mili aur jab aaj zindagi chahi toh pata nahi kya mill raha hai . Pehle main jaanna chahta hun ki main hoon kaun ? Aap mujhe swarg dikhao , for a confirmation ki aap bhagwan ke sath ho ,shaitaan ke nahi ." Hmm ! tum kaafi samajhdaar ho gaye ho , tum maut se shart rakh rahe ho . Ab pata chala ki bhagwan ne tumhe kyu chuna tha . " Thank you but sow me the heaven now . " Chalo mere sath . " 


Usne ek baar phir mera hath thaama aur main ek pal me ek bade se darwaaze ke saamne aa pahucha . 2 saal baad isne mera hath apne haathon me liya hai aur iss baar main swarg ke dwaar par khada hun . Kya kabhi koi zinda insaan swarg me gaya hai , nahi par aaj main jaaunga . Hum andar kyun nahi jaa rahe ? Mujhe andar jaana hai , chalo na ! " Tum sirf baahar se dekho , abhi tum poori tarah se mare bhi nahi ho toh andar jaana galat hai .  Khoobsurati ko baahar se taako . "  Mere samne jannat ka darwaza hai  aur main faltu ki soch me pada hun . Sunahre rang ka bada sa darwaza jo ki kam se kam 20 feet uunchha hoga . Iska upar ka hissa toh dikh hi nahi raha hai . Itna lamba darwaza kabhi nahi dekha . Sirf sona aur heera , darwaze ki keemat anmol kar rahe hai . Aas-paas dhuon ka baadal , zameen tair rahi hai jaise . Kash ! yeh darwaza khul jaata aur main andar ka nazaara dekh sakta  . Sona , sona aur sona , charo taraf sirf anmol sona . Kya yeh mujhe mill sakta hai ? " Tum iss cheej ka kya karoge ? Paisa kamaana thode hi hai tumhe . "  Sirf sukoon hai charo-ore , kaano me itni madhur aawaaz pehle kabhi nahi aayi . Aankhon ko isse sundar  view kabhi nahi dikha . Jannat ki khushbu mujhe apni ore khich rahi rahi hai . Mera ise chodh ke jaane ka mann bilkul nahi kar raha. Jee to chah raha hai ki yaheen ka ho kar reh jaaun . " Ab hume lautna hoga kyuki  main nahi chahti ki tum kisi dev ki nazron me aao . " Par kyu ? " Kyuki tum Mogul to ho , par tumhare bhi kuch dushman hai ."  Mere dushman ? Kya aap mujhe spiderman ya superman toh nahi na bana rahe ho ? " Kya tum kitaabo me paaye jaate ho ?" Nahi , par mere kaun dushman ho sakte hai ? " Tumhare 4 dushman hai iss sansar me , jo sirf tumhe maarne ke liye janme hai . Jab tum apni shaktiyon ko galat jagah pe aazmaoge  tab yeh 4 dushman tumhe maar denge . " Aap aisa kyu keh rahi ho , main galat kaam kyu karunga ? Aap ho na mere sath ? Aap hi ne toh bola tha ki aap mujhe sambhalogi . " Ab tumhare jaane ka samay aa gaya hai , raat beet chuki hai aur tumhara shareer tumhara intezaar kar raha hoga . " 

Untitled Story - The 18th B'day ....

" To beta , ab college me aaker kaisa lag raha hai ?" Mere dad mujhe mere b'day ki party me shaamil hone ke liye college me milne aaye the  . Unhe mujhpe  garv tha ki main itni kharaab taiyyari ke bawjood acche number paaker acche se college me admission paa gaya. Green Park , Niranjanpur , Dehradun ke ek acche se college Excellence University for Electronics ka ek  bright student ban gaya hun main . College me mujhe aaj 5 mahine ho chuke hai . Yeh mera 19th b'day hai , actually waise toh main 18 ka huwa hun par sabke liye 19 ka. Yeh bas mujhe accha lagta hai isiliye main apni umar badha ke batata hun taaki main bada lagu sabse . " Beta ! ab mera jaane ka samay aa gaya hai . Thik hai tum log enjoy karo aur main chalta hun warna raat ho jaayegi to driving me dikkat hogi . Tum to jaante hi ho na ki yaha driving raat ke tym kitni mushkil hai . " Thik  hai dad , aap nikaliye aur yeh sab bhi chale jaayenge thodi der kyuki kal subah class hai humari. Byee - byee . 


Chalo , party ho gayi aur neend abhi baaki hai . Waise apne college ka popular student to nahi hun par jitne log jaante hai woh meri izzat karte hai kyuki apne group me bahut hi seedha hoker rehta hun , bhale hi mann me kuch bhi ho. Main mere room me akela hun , siway Aarav ke  . Mera hamesha se yehi sapna raha tha ki main hostel me , apne room me , apne room-mates ke saath rahu. Mujhe akela rehna ab pasand aane laga hai  . Waise mere hostel  me rules ki bahut kami hai . Koi bhi raat me 12 baje tak ghumta rehta hai aur koi bhidin ke  8 baje tak sota rehta hai .Koi accha wardon bhi nahi hai yahaan par . Usko apne paiso se pyaar hai aur kaam se inkaar . Khidhki par se chaand kitna sundar lagta hai . Abhi 11 baj rahe hai , sabhi dost apne room me laut chuke hai aur mera room-mate Aarav jo mera sabse khaas dost hai , so chuka hai .Asal me  humare group ka Kumbhkaran hai Aarav . Mujhe neend nahi aa rahi hai iss waqt . Pata nahi dimaag me kuch chal raha hai jise main samajh nahi paa raha hun . Kuch ajeeb si baatein hai jo ek film ki tarah yaad aa rahi hai . Kuch aisi yaadein jo kabhi mere sath huwi hi nahi . Aaj mera b'day tha , din - bhar sabse badhayiyan mili , professors ne aashirvaad diya par phir bhi kuch kami thi . Soniya ka khayaal aaya toh mann udaas ho gaya . Main ab bhi uski yaadon ke ghere me hun . Shayad isiliye aaj bhi kisi ladki se baat karne se katrata hun  . Baahar ajeeb si thand hai . Raat me yaha hamesha thand badh jaati hai kyuki mausam hi aisa hai . Aas-paas pahad hai , ek kinaare nadi hai jisse garmi ka ehsaas hi nahi hota . Mere paas iss samay koi kaam nahi hai siway sone ke . Shayad ab mujhe sapno ko panaah de deni chayiye . Khidhki bandh kar ke main apne chote se bed pe jaa hi raha hun . Achanak se bijli chali gayi . Yeh kya ? Aisa yaha pehle to nahi huwa ki charo-taraf pura andhera ho jaye. Yeh andhera mujhe apni ore khich raha hai . Main kuch kar bhi nahi paa raha hun . Yeh kya ho raha hai yahaan ? Khidhki apne aap khul gayi , hawa mujhe apne sath le jaane lagi . Yeh kaisi aandhi hai jisme main apne aap ko kho raha hun ? 

Untitled Story - After Deces Syance part 2 !

Dont scream even if  you are chased  by an executioner. Par agar wo executioner khud aapko bataye  ki aap zindaa ho toh dimaag khasak hi jaata hai . Mere liye yeh ladki kisi executioner se kam nahi hai iss waqt . Wo bolti kam  aur ghoorti jyada hai . Samjhati kam aur uljhaati jyada hai . Pari kam aur witch jyada hai . Jab main bahut chota baccha tha tab main superman aur popeye jaise heroes bahut pasand karta tha aur Female superwomen bilkul nahi pasand karta tha. Par jaise jaise main bada hota gaya meri pasand supergirls banti gayi. Yeh ladki bhi mujhe kisi supergirl ki tarah lag rahi hai jo mujhe himmat aur zindagi dene aayi hai . Par pata nahi yeh kaun hai aur ab tak mujhe iska naam bhi nahi pata hai . Haan ! mujhe iska naam puchna chayiye kyuki abhi yeh chup-chap mere saamne baithi hai aur mujhe hi ghoor rahi hai.  Jab mujhe koi aur aawaazein nahi sunaai dene lagi tab maine apni aawaaz hawa me ghol  di . Apka naam kya hai waise ? Naam hai bhi  ki nahi ? Wo mere sawaal pe apna sar neeche karke kahi " Tum insaan kabhi dimaag se kaam nahi lete ho na , aur khaas kar tum ."  Aap kehna kya chahti ho ? " Yehi  ki tumhe kaise wo chun sakte hai . Na to tum dekhne se himmatwale lagte ho aur na hi tum kuch karne laayak  lagte ho . "  Kisne chuna hai mujhe ? Kya karna hai mujhe ? Ma'm aap please mujhe bataogi ! " Tumhe batane hi toh main yahaa aayi hun "  Haan ! to batao na main behra thode hi hun . Wo phir se apna sar neeche ki aur aise sar hilaayi jaise ki main sach me koi paagal hun aur wo mera operation karne aayi hai . Maine phir pucha - Kya huwa ? Mere face pe kuch laga hai kya ? Aap aise sar kyun hilaa rahi ho ? " Main hairaan hun ki  tum kisi kaam ke ho yaa nahi ." Ab main kya bolta . Baithe-baithe meri bezzati kardi iss ladki ne . Sharam se main neeche dekhne laga . " Tumme aatma-vishwas nahi hai , vyaktitva  ki soch me kami hai , insaaniyat hai par insaan ko samajh nahi paate , Bhole ho par dabboo banke rehte ho , saahsi ho par kaayarta dikhate ho , sacche ho par sacchai ka saamna nahi kar sakte ."  Main kya kahu ab ? Itna bolkar  to usne mujhe chup hi kar diya . Thanks for giving sho much details about myself . Ahh ! main bolne me thoda sa kaccha raha hun . Main typical bihaari jaise shaadi , shayad aur baaki aise shabdo ko saadi , sayad  bolta hun . Ab zubaan saaf nahi toh kya karun . Main kuch aage bolta usse pehle wo bol padi . "  Tum ek insaan ho par sabho se alag ho . Tumhe Ishwar ne chuna hai . Kisi khaas kaam ke liye aur ab peeche hatne ka koi sawaal hi nahi uthta . Isiliye yeh mat kehna ki mujhe koi khaas kaam nahi karna hai ."  Khha - Khaas kaam ? " Haan ! abhi tumhe yeh batane se mana kiya gaya hai par samay ke anukool hote hi tumhe apna kaam bhi pata chal jaayega." Par aap yeh batao ki main zindaa kyun hun ? " Kya tum jaante ho ki yeh sansaar me kitne jagah hai jahaan insaan yaa aatma rehti hai ?"  Hmm ! Haan ..Shayad 3 , ek to earth matlab ki yeh dharti , ek  swarg aur teesra narkh . Yehi hai 3 jagah . " Nahi 3 nahi 14 . Seven positive planes and 7 negative planes " Maine usko beech me hi rok diya . Main shocked ho gaya yeh sunke . Yeh sunke nahi ki 14 planes hote hai , balki main yeh sunke shock huwa ki usne English boli . Ek surprise , ki upar bhi english boli jaati hai . Aap english kaise boli abhi ? " Tumhe kya lagta hai ki Duniya me sirf Indians hi banaaye gaye hai aur yeh America , France , China - yeh sab tumhare jeb se nikle hai aur inki bhasha Hindi se nikli hai . Tum insaan jitna dekhte ho , jitna samajhte ho sirf utna hi vishwas karte ho . Aage kya hai tumhe pata hi nahi chalta . Shayad isi kaaranvash tum sab abhi tak  Bhooloka me hi seemit ho ." Bhool kya ? Main samjha nahi . " Bhooloka - jahaan tum sabhi rehte ho . Swargaloka - jahaan humari jaisi kuch pariyaan rehti hai . Par kya tum jaante ho abhi agar tum mar jaate to kaha pahuchte ?" Hmmm ...Swarg me ? batane ke liye kam , main yeh sawaal ke roop me bola . Kyuki main sure nahi ." Paatal ka saatva bhaag . Yaani ki antim charan jahaan se puna-janam paana bhi naamumkin hai . Sattva , raja aur tama - yeh 3 cheeje hai jisse jeev ke maansik posho ka nirmaan hota hai. Sattva se insaan pavitrata aur gyaan praapt karta hai , raja se insaan me kuch karne ki chaah jaagti hai aur tama se insaan me aalasya , laalach aur tucch vastuon se lagaav hota hai . Iska matlab sattva sabse shuddh hota hai jo insaan me hi sabse kam maatra me hota hai aur raja-tama insaam me sabse achik maatra me hote hai jo use galat aur vinaash ka raasta dikhate hai . Agar tum aaj aatma-hatya kar lete to tumhare andar ka tama sabse jyada badh jaata aur aisa hone par insaan sirf paatal me jaata hai aur kabhi waapas nahi aa pata . " To kya sirf mujhe bachane ke liya aap aayi ho ? Mujhe aur jeena hoga ? " Haan , kyuki tum MOGUL ho ." Main kya hun ? " Mogul matlab ki tum sabse shaktishaali ho , tumhe insaani shakti nahi maar sakti . " Kya ? Waaoo ! Main shaktishaali hun , mujhe koi maar nahi sakta ? Iska matlab main kuch bhi kar sakta hun . Yeh sunkar mere aankhon me chamak si aa gayi . Meri khushi saatve aasmaan pe hai . Maine kya socha aur kitni badi khushi mili mujhe mar ke . Yehi to bas mujhe chayiye tha , taaqat aur sabse jyada taaqat . " Yeh shaktiya abhi tumhe nahi mili hai , sirf kuch jhalkiyaan hongi tumhare saath taaki tum doobara aisi harkat na kar sako . Tum Mogul ho , par Mogul hona kya hota hai tum jaante bhi nahi ho . Yeh ek  jimmedaari  hai , koi khilona nahi  ki tum khelne lago . " Main Mogul aur aap ? Aap kaun ho , pari ? " Main pari thi , par ab nahi . Main pehli baar yeh kaam karne ke liye chuni gayi hun . Mere upar bhi ek jimmedaari hai ki main tumhara khayaal rakhun , jab tak tum Mogul banne ke laayak nahi ho jaate tab tak tum meri jimmedaari ho . Main har-pal tumpe nazar rakhoongi , chahe sath hoon chahe naa hoon. " Haan par aap ho kya , pari thi aur ab kya ho ? " Mujhe Swargaloka se ek paaiydaan upar bheja gaya hai , Janaloka . Yahaan mujhe Bhagwan ne chuna hai REMITENTE  ke liye ." Yeh kya hota hai ? Koi English word hai kya yeh ? " No ! I m a sender ."  Ohh ! to aap bhi chuni gayi ho . Aap rakho mera khayaal . Main taiyaar hun . Abhi yeh sab mujhe sapna jaisa lag raha hai. Na main iske baare me soch raha hun aur na hi sochne ki koshish kar raha hun. Jo mujhe sunaaya jaa raha hai wo mujhe interesting lag raha hai aur accha bhi . " Abhi tum 16 saal ke ho " Ji Nahi ! main 17 saal ka hun . 1993 bhi count karo na aap , 1993 me toh ho hi gaya tha main . " Tum bhagwan se chupa nahi sakte . Tum tab tak kuch nahi kar sakte jab tak tum 18 ke nahi ho jaate . " 18 saal . kya koi election me vote karna hai jo aap log mere 18 ke hone ka wait kar rahe ho ? " Haan , tumhe jo samajhna hai samjho . Suna nahi kya Child Labour is Banned . "  Pata hai . To ab kya karna hai mujhe ? " Ab tum waapis apni duniya me jaoge .Phir se apni zindagi jeeyoge aur sab galtiyon ko sudhaaroge . Apne andar ke sattva ko talaasho . " Phir mujhe abhi kyun yeh sab bataya . Main waapis jaaker aam insaan ke tarah  ab kaise jee paaunga ? Yeh sawaal aaya mere dimaag me toh maine puch liya. Jab main itna sab jaan chuka hun apne baare me , to main sabke sath aam zindagi kaise jee paaunga ? " Tum waapis jaate sab bhool jaoge . Kisi prani ko bhanak bhi nahi hogi ki tum kahaan the . Shayad tumhe ehsaas huwa hoga ki jab tum yahaan aa rahe the tab sab kuch thama huwa tha. Wo karna zaroori tha. Ab tum waapis chale jaaoge . "  Par aap phir kab aaoge ? Rukiye - rukiye ! mujhe kuch maangna hai aapse . " Yehi na ki tum pass ho iss saal ki nahi ? Tumhare sath kuch bura nahi hoga ab . Bas tum apna dhairya banaye rakho , jo hota hai acche ke liye hota hai . Sirf koi galat kadam uthane se pehle ek baar yeh soch lena ki bhagwan tumhe har samay dekh rahe hai . Apne andar ke Vishnu ko pehchanne ki koshish karo. Usme wo baat zaroor hogi jo bhagwan ne dekhi tumme . Aur phir humare jaise log tumhe sambhaalne ke liye toh hai hi ." Itna kehke wo meri nazron ke saamne se chhu-mantar ho gayi . Main chillaya - Kaha gayi aap ? Main kaha jaaun? Mere saamne phir sab kaala hote jaa raha hai . Meri aankhen band ho rahi hai . Shayad ab maim bhi waapis jaa raha hun. 


Ahh ! mera sar dukh raha hai . Main ab kaha hun ? Main kya karne jaa raha tha ? Aur main yeh chhat pe kya kar raha hun ? Itni dhoop hai , mujhe apne kamre me jaana chayiye . Aur mera sar kyun dukh raha hai ? Main neeche gaya , mummy mujhe rok ke boli - " Vishnu ! kya kar rahe the upar ? " Main jawaab dena chahta hun par mujhe pata nahi ki main kya kahu . Main chhat pe tha par kya kar raha tha .Pata nahi ,bas aise hi khade the shayad . " Beta ! tum baadaam khaya karo , buddhi kamzor  ho rahi hai tumhari . Isiliye padha huwa sab bhool rahe ho , meri baat maana karo na . " Main yeh sab sun sun ke pak chuka hun ab , par akhir main waha kyun tha ? 

Untitled Story -After Deces Syance part 1

Mere dono pair hawa me the. Uss ladki ne mera hath pakda aur hum dono hawa me tairne lage . Mera matlab hai hum dono hawa me udne lage kyuki mujhe tairne toh aata nahi tha . Mujhe bahut maja aa raha hai ab. Shayad yeh koi pari hai aur mere wishes poori karne aayi hai . Par ab main wish maangke kya karunga , yaa phir yeh mujhe bhi apni toli me shaamil karna chahti hai. Iss waqt main usse kuch puchna nahi chahta , pehle jaha yeh mujhe le jaa rahi hai waha pahuch toh jaaun. Kaha jaa raha hun main ? Abhi toh sirf upar . Main mere ghar se upar nikal chuka hun . Ajeeb baat hai door-door tak ek bhi panchi nazar nahi aa rahe . Shayad chutti pe honge yaa phir soo rahe honge . Dopahar me toh insaan bhi so jaata hai aur phir yeh toh chote se maamuli jeev hai . Ajeeb baat hai ki pedon ke patte bhi nahi hil rahe the. Itni unchhayi par kuch hi ped hai aur unke patte bhi tham gaye hai . Shayad hawa nahi chal rahi hogi . Main inn sab baaton ki bilkul parvaah nahi kar raha . Main to iss baat se khush hun ki yeh ladki mera hath thaame hui hai . Kitna accha mahsoos hota hai jab jannat ki koi pari aapka hath pakad kar apne sath upar le jaa rahi hoti hai . Par main chahta hun ki yeh apne kapde badal le aur kuch insaano jaisa pehanle . Yeh kapde ispe suit nahi kar rahe . Hum kaha jaa rahe hai ? Akhir maine puch hi liya desperate hoker. Wo mere chehre ko dekhne lagi aur bina palak  jhapkaaye  dekhti rahi . Maine apna sar neeche kar liya . Mere aas-paas ab dher-saare baadal hai , par ajeeb baat hai yeh baadal bhi apni jagah par ruke hue hai . Ab kya saare baadal chutti pe hai ? Ab mujhe kuch alag sa mahsoos hone laga . Meri palke bhaari hone lagi . Meri aankhen band hone lagi . Yeh mere saath kya ho raha hai ? Mujhpe neend haawi hone lagi . Ab main chahke bhi jaaga nahi reh paa raha. 


Achanak mere chehre pe kisi ne paani pheka. Main hadbadi me uth khada huwa. Main kaha hun abhi ? Kya main swarg me hun ? Tum jawaab kyu nahi deti mujhe ? Maine yeh sawaal thode gusse se pucha. Wo ab bhi mujhe dekh rahi thi . Main kaha hun mujhe bataogi tum ? Please bata do na . Wo mere paas aayi aur mere chehre ko aise dekhne lagi jaise ki maine kisi zoo ka bandar hun. Usne aapne hoth mere kaan ke paas laakar kuch kaha par main samajh nahi paaya kyuki wo hindi nahi kisi aur bhasha me boli. Yeh kya tha ? Yeh tumne abhi kya kaha mere kaano me ? Wo ab bhi chuppi saadhe huwi thi. Ab main aage kuch puchne se behtar , wahi baith gaya chup-chaap. Uss jagah pe wo aur main hi the. Wo ab bhi mere chehre ko dekh rahi thi. Uske aise dekhne se main thoda uncomfortable ho raha tha. Par uss tarah se nahi. Main itna puchne ke baad ab kuch nahi puchna chahta. Jawaab milta hi nahi kisi sawaal ka. Ab meri nazar mere aas-paas gayi. Main yeh figure-out nahi kar paa raha tha ki main aakhir hun kaha. Sirf andhera charo -ore. Kaala rang , kaala farsh aur kaale kapdo me wo gori ladki. Chalo ek to odd nikla. Wo ladki aakhir mujhme dekh kya rahi hai ? Kya usne kabhi insaan nahi dekhe jo aaj mujhpe nazrein gadhayi khadi hai . Na wo kuch bolna chahti hai aur na wo kuch bolegi . Toh main hi bol pada - Tum kaun hai ? Pari ho ki Daayan ho ? Wo yeh sunte hi ghum gayi. Shayad mere sawaal se gussa gayi . Maine kaha - Accha ! m sorry. Main majaak kar raha tha. Wo nahi palti aur apni peeth mujhe aise dikha rahi hai jaise abhi mujhe paatal bhej degi. Hum kis cheej ka intezaar kar rahe hai yahaan pe . kya koi aane wala hai ? Wo iss baar palti . Mere paas aayi aur jhuk ke mere kareeb aake boli - "Tumhari maut aane wali hai yaha. Ab chup raho. " Kya ? Yeh kya  , main abhi to marke aa raha hun na . To phir ab kaun si maut aa rahi hai ? Wo itna kehke phir khadi ho gayi aur mujhe apni peeth dikhane lagi. Main yeh sunke bahut ghabraa gaya. Mere pasine chutne lage ab toh . Meri maut ab aa rahi hai toh pehle kya maine trial maara tha . Mujhe laga ki shayad wo majaak kar rahi hai . Aisa nahi ho sakta yaar . Maut ke baad Maut , yeh kaha ka neeyam hai . Main usse phir puch baithe - Aap majaak kar rahe ho na ? Wo kuch nahi boli na hi meri taraf palti. Bas ! ab bahut ho chuka . Main kab tak aise baitha rahunga. Ab yaa to wo bole nahinto main chala jaaunga. Par main yahaan se jaaun kaha ? Aas-paas to sirf kaala andhera hai aur kuch nahi . Mann me thoda sa gussa hai , thoda sa darr hai , thoda sa dukh hai aur thoda sa  disappointment bhi hai . Maine socha ki ab ek aakhiri sawaal puchta hun - Kya aap bataogi ki main zindaa hun yaa mar chuka hun ? 


Wo iss baar bhi bilkul nahi hili . Main haar maan chuka hun ab . Haarkar apna sar neeche kar liya aur wahi baitha raha par iss baar wo boli " Sahi sawaal ka intezaar kar rahi thi main ." Itna kehke wo ghumi , mere taraf phir se badhne lagi . Usne mera hath pakda main bhi khada huwa aur uske sath chalne laga . Shayad wo ab mystery girl se kuch jyada banke dikhayegi mujhe. Mera muuh khula tha ki ab main kaha jaa raha hun . Hum andhere se ujaale me aa gaye. Wo kaala ghana andhera peeche chala gaya. Ab aage sirf safed rang tha . Har taraf sirf ujaala aur roshini . Usne mera hath pakda rakha hai . Meri nazar ek-tarfa neeche gayi. Maine aaj tak suna tha ki pairo ke neeche se zameen khisak jaana par aaj dekh liya . Main hawa me chal raha hun abhi . Dekhke to ab main aur bhi darr gaya . Main idhar-udhar dekhne laga. Kaheen main yahaan se gira to agla janam bhi lene ke laayak nahi bachunga. Maine pana haath uske haath me dekha aur jaise main kuch bolta , usne peecha mudke mujhe dekha aur kaha " Daro mat ! jab tak maine tumhara haath pakda hai tum nahi giroge . Daro mat ! Main hoon na . " Iss waqt mere paas uspar vishwas karne ke alawa aur koi chara bhi nahi hai. Maine aankhen band ki chalta chala gaya. Aage ka sab wo hi maalik. " Main tumhe bhuvaloka le jaa rahi hun. Hum pahuch gaye ab "  Bhuvaloka ? Yeh kaun si jagah hai ? Pehle kabhi to yeh suna nahi aur nahi kisi ne kaha iss jagah ke baare me aaj tak . Chalo ! ab jaisi bhi jagah hai , main pahuch chuka hun Bhuvaloka me. Yahaa to sirf dhuan hai charo-taraf. Main khada bhi dhuan pe hun. Hawa bhi chal rahi hai par na wo mere chehre ko chu paa rahi hai aur na hi main hawa mahsoos kar raha hun. Maine apne dill pe haath rakha , meri saansen toh chal rahi hai . Iska matlab hawa toh hai idhar. Upar mere sab khula tha . Kya kahu ki kya tha bas Aakash jaisa lag raha hai jisme koi baadal na ho. Mera ek haath ab bhi usne pakda huwa hai. Hum ek aaker jagah ruk  gaye. Maine socha ki ab kuch puchun na , wo khud hi bata degi . " Kuch puchna nahi chahoge tum ?" Usne sawaal kiya par main kuch nahi bola . Apna sar daaye-baaye hila diya jiska matlab hai ki nahi . Main ab puchna nahi chahta bas yeh kya ho raha hai jaanna chahta hun  isiliye ab chup hun. " Tumhe jaanke dukh hoga ki tum abhi mare nahi ho , zinda ho " Itna kehke wo neeche baith gayi . Main itna sunke khada ho gaya . Usne mera haath bhi chodh diya , par main neeche nahi gira . Mere muuh khula ka khula reh gaya. Kya ? Main ab bhi zinda hun ? Oh GOd ! aisa kaise ho sakta hai ? Maine usse pucha . Yeh sawaal bhale hi sahi na ho par ab mujhe iska jawaab chayiye .  

Movie Pack - up Tym - F.A.L.T.U.

  F.A.L.T.U. - the movie :

 

Faltu aka F.A.L.T.U. is a movie directed by India's most talented & ever so kool Choreographer Remo D'souza , as it was his passion to be a film-maker. The movie shows up with a song whose lyrics follows - " Jab main chota bacchha tha to hod shararat karta tha / Ab jo main bada ho gaya te badu shararat karta hun . / Jab main chota bacchha tha galti karne se darta tha / Ab jo main bada ho gaya bas galti karna chahta hun . " The song perfectly describes the gen. Next Supastars. The faltu characters are Ritesh aka Jacky Bhagnani , Puja aka Pooja Gupta , Vishnu aka Chandan Roy , Nanj aka Angad Bedi . Yeh movie humare system ke uss subject ko chuti hai jise hum sab Education System kehte hai . Vishnu as one of the high scorers in his lyf gets 94 % marks and still disregarded by his Businessman Dad for getting 1 % less. He finds an admission in a high prestigious college but unlikely his frnds Ritesh , Puja and Nanj who managed a maukry of only 40 , 42 and 37 % does not get admission in any of the college even after touching the feet of college peons. Apne Maa-Baap ke liye beizzati ka kaaran bante hue yeh 3 dost jaate hai vishnu ke paas aur ek fake college website , ek fake college add aur ek fake admission letter banawate hai . Just to get away with their Parents scoldings they do all Faltugiri. Aur jab parents college dekhne ko kehte hai to Ritesh takes help of Google Chand aka Arshad Warsi to get rid of the danger. Google is a life-line of the 4 frnds . He comes up with a solution to every problem which arises. He gives them a building to portray it as a fake college . Guess what ? They bring a fake Principle even Mr. Baaji Rao aka Riteish Deshmuk . Baaji Rao is innovative but a mis-understood Teacher , struggles in his lyf till he meets the gang of Faltu. It was just for one day to pretend everything fake as the original . But the twist in the tail arise from here .

                           

The fake website created a arousening and the students from all corners of India came to study in the Faltu college . Howcome the college be faltu ? Fakeerchand And Lakeerchand Trust University , the name of the college decided by Ritesh. Now the way the Faltus turn the fake college into a real college is the deal of the movie.

To add to the spice & crisps in the movie there are some Beat-throb music and songs. The gen. next Muzik with superb Dance adds to the taste and Beauty of the movie. The star cast is new & refreshing . Every characters is a lot closer to the real college student who want out & out Fun , Party and Night hang-outs. The main aim of all the Faltus is to party hard and drink beer. But the lead Ritesh finds that the world calls them good for nothing out-lawed youngsters and he highly wants to prove them wrong. So as the founder of FALTU , he decides that the college will also be a spot of studies. They have to choose what they want to study . The movie here comes across some of the most happenings topics of this generation - Digital Education , Alternate Studies , Career Choice other than Engineering and Doctorerate. Theres is a big question asked in this movie " Aap 35 % waale student ko paas to kar dete ho lekin usse kisi college me admission nahi dete ho . Har college pe 70 % cut out rakhte ho to phir hum 35 % waale kaha jaayenge . Agar aisa hi karna hai to aap 70 hi passing marks rakho , aur isi 35 aur 70 ke beech bante hai hum FALTU , jise aapke hi Education System ne janam diya hai . " Isnt it a serious subject to thing upon ? Jackie as Ritesh definitely rises his Acting skills after his first film . But still there is a lot more to cover-up. All other Faltus did a job which suits the movie. Arshad and Riteish played a supporting roles , a role for the support of Jacky. "Chaar baj gaye " & " Le jaa tu mujhe" are one of the best tracks of the movie . And not to forget the Faltu Mantra " aaltu jalaaltu / aayi bala ko taal tu / tension-wension chodh de baccha / ho jaa Fully Faltu."

Faltu is a story of coming of age of todays youth . They dont choose a different path but create one. Being Faltu is fun but the movie also says that agar hum faltu apni karni pe utar aaye to we can be better than the best. The movie has some light - hearted scenes with great comic ishtyle of Arshad & Riteish . The movie has a surprise package , it ends with a fantastic climax. Its a movie for the youth but a must watch for all those parents who have a child and the child is ready to choose its path of lyf. The university FALTU is the homeground of all Faltu , and to save it dey delivers a superb show at a college festival. The brilliance of Remo's choreography marks the show here. Though the movie generates a lot of criss-cross on the Modern Education Policies , it lacks in providing a efficient logic behind it. As the name suggests , the movie is beyond that . FALTU is really worth watching, atleast once.Vashu Bhagnani gives his son Jacky a perfect beginning for his career with Faltu. Main Faltu ko 2.5 pure gold deta par movie jis subject pe bani hai , main bhi uska ek chota sa hissa hun so I give FALTU 3 pure gold. To all my frnds , do watch FALTU and its not that bad being a FALTU.

Untitled Story -The Fall of Vishnu !

Kabhi khud ko udte hue nahi dekha tha par aaj apni iss aakhiri udaan ko mahsoos karne ka mauka mill gaya. Pehle jab bhi aakash me baadlo ko dekhta tha tab inn baadlo ke alag alag shape ko dekh ke bahut hairat hoti thi. Par ab jab inn baadlo ke itne kareeb hun tab inhe dekhne ka mauka hi nahi mila. Ek baar zameen se pairo ko utha liya tab phir se zameen se kab mila pata hi nahi chala. Aankhen band hote hi maine duniya ko chodh diya. Ab to jannat me hi aankhen kholni hai. Aas-paas ki koi hulchul  sunaai nahi de rahi . Jaise ki main ab is duniya ka nahi raha. Yeh duniya ab mere liye bhi mahaj ek choti si zameen ka tukdaa banke reh gayi. Marne ke baad kaisa lagta hai , yeh ehsaas ab huwa. Mera shareer zameen se takraaya to kuch pata hi nahi chala. Laga jaise ki makhmal ki satah pe leta hun . Na koi dard aur na hi koi aawaaz. Kya log aise hi marte hain ? Pata nahi yeh mere sath pehli baar  huwa hai . Main end me kaha hun ? Kya main mar chuka hun ? Agar mar chuka hun to abhi bhi main usi zameen pe kaise leta hun. Itni unchhaayi se gir ke main zindaa bach gaya toh yaa to mere body ka har hissa apart ho jaayega yaa to main aas-paas sirf khoon se ghir jaauunga. Mere dimaag me pata nahi kitni baatein chal rahi hai abhi . Kya koi marne ke baad itna kuch soch sakta hai ? Phir mere dimaag me aaya ki haan ! aatma toh suna hi hai maine. Aatma marne ke baad shareer chodh deti hai aur 
phir tab tak bhatakti hai jab tak use naya shareer nahi milta. Maine toh yeh bhi suna tha ki marne ke baad aatma yamlok chali jaati hai. Yamdoot aata hai , aatma ko apne sath le jaata hai. Par yamdoot to tab aata hai jab kisi ke marne ka samay yamraj nirdharit karte hai. Mere case me toh main shayad samay se pehle mara hun. To kya yamdoot samay pe aayega ? Agar aana hota toh ab tak aa chuka hota . Iska matlab kya hai  ? Kya mujhe khud hi upar jaana padega ? Main kab tak zameen pe garbage ki tarah pada rahunga ? Na koi uthane aa raha hai aur na koi  dekhne . Maine filmon me dekha tha ki main agar uthunga toh mera shareer zameen pe hi reh jaayega aur meri aatma apne aap upar chali jaayegi . Baap re , marne ke baad kitni planning karni padti hai ! Meri body yaheen rahegi . Aur pranshakti do jagah jaayegi , yaa to swargalok yaa to paataal. Mujhe itna toh pata hai ki suicide karna paap hai aur aaj maine yeh paap kar diya hai. Toh kaha jaaun , swarg yaa nark ? Mujhe to swarg hi jaana hai . Main bura insaan toh nahi hun. Apne sar ko ek taraf kiya par mujhe apna khoon nahi dikh raha . Upar se gira hun to khoon to behna chayiye na ? Yeh mujhe aur bhi soch me daal raha hai. Ab mujhe uthna chayiye aur maut ke baad ki zindagi jeene ke liye upar jaana chayiye. Kisi ne mujhe yeh nahi bataya ki marna kitna mushkil hai . Magar kya main hill bhi paaunga ? Kya mere body part abhi bhi kaam karenge ? Shayad aatma me haddi nahi hoti tabhi to aatma har kisi cheej ke aar-paar ho jaati hai. Waqt se pehle marna bhi kitna bada gunaah hai yaar. 17 saal ka bhoot kaisa lagega . Na main kisi ko dara paaunga 
aur na hi koi mere jaise bhoot se darega. Nahi , mujhe bhoot thode hi kaha jaayega. Bhoot to wo bante hai jo apne jeevan me koi kaam adhoora chodh jaate hai. Par mera pyaar bhi adhoora hai . Mujhe na toh Soniya ka pyaar mila aur na hi main kuch ban paaya . Kaheen main sach me bhoot na ban jaaun ! Mujhe bhoot nahi banna hai , mujhe toh naya janam lena hai. Waapis aana hai iss duniya me aur kuch bada karna hai . Jo galtiyaan iss janam me kii wo agle janam me naa karne ki kasam khayi hai maine. Bas Vishnu bas ! ab tym khoti mat kar aur chal  upar chalte hai . Achanak mujhe ek parchayi dikhayi di . Kaala rang kabhi acchai ka prateek nahi raha hai. Kya yeh yamdoot  ki parchayi hai ? Kya wo mujhe lene aaye hai ? Mere chehre pe halki muskaan si aa gayi. Par yamdoot itna patla aur aisi ladkiyon waali adaa me kyu khada hai ? Kya yamdoot ladki hai ? Mujhe sirf kaala rang dikh raha hai , par koi jaan nahi . Aankhen mali aur dhyaan se dekhne ki koshish ki toh dikha ki ek sundar si ladki mere sar  ke bilkul saamne khadi hai . Kya yeh ladki mujhe dekh rahi hai ? Dekhne me toh yeh 20-22 saal ki ladki lagti hai. Ajeeb si poshaak me khadi hai aur shayad mujhe dekh rahi hai. Uske chehre pe ek muskaan hai aur uss muskaan se shayad wo mujhe chidha rahi hai . Kuch ajeeb sa skirt type aur wo bhi pairo ke anguthe tak . Matlab koi dharti pe aise kapde pahenne ka soch bhi nahi sakta hai . Kyuki agar wo aise kapde pehnegi to sab uska majaak banake rakh denge . Yeh ladki sundar hai aur neeche se dekhne me lambi bhi hai . Iska kaale rang ka top tha . Par wo top kam aur jhola jyada lag raha hai . Usse aur jyada dekh sakta hai par dhyaan kaheen aur gaya . Arre nahi ! yeh ladki mujhe kaise dekh sakti hai ? Kya main abhi tak zinda hun? Main isse pehle kuch bolta , usne keh diya " Tumhari kismat ab bani hai bacche ! " Yeh kya hai ? Yeh koi apsara hai kya aur mujhe especially lene aayi hai shayad students group ke liye consolation prize hai yeh . Usne meri taraf haath badhaya aur kaha ki chalo chalne ka time aa gaya. Maine bhi uski khoobsurati ko nihaarte hue , uske komal haathon me apna haath thama diya. Wo mujhe lene aayi hai . Main marne ka sukh dekh sakta hun ab .      

Untitled Story -Vishnu's Scoop (Story of a year ) !

Insaan apne aap ko har badlaav ke anusaar dhaalne ki koshish karta hai par jab wo aisa karne me naakamyaab ho jaata hai tab wo apne aapko andar hi andar kam hota paane lagta hai. Apni nayee zindagi se yaa toh haar maan leta hai yaa phir apni haari hui zindagi ke saath ghut ghut ke marta hai. Mera bhi yehi hashr hua . Main St.pauls school me padhta tha . Padhta kya ji , main waha ki rag-rag se waakif tha. Mere ghar ke baad meri sabse pasandida jagah thi mera school. Waha ke sabhi teachers ki aankhon ka taara tha main. Waha ke sabhi students mujhe jaante the aur respect ke saath mere se pesh aate the. Kyu nahi aate ? Main school ke popular list ka aham hissa tha. 4 saal me har year class toppers me shamil tha aur apne school ke har function aur programs me part liya tha. Na jane kitne awards jeete the maine . Na hi sirf padhai ke liye , balki singing aur quiz me bhi haath jamaaya tha maine. Yeh school mere liye kisi swarg se kam nahi tha. Mere har sapne yahaa sach ho rahe the. Lekin har sapna tab tut jaata hai jab aap apni aankh kholte ho. Mera bhi yeh sweet dream tab khatam hua jab mujhe apne iss swarg ko chodhna pada. Class 9th me mujhe St.paul se Little Rose school me jaana pada. Pata nahi kyu? Shayad isiliye kyuki Little Rose shaher ka sabse bada aur sabse lokpriya school tha. School campus bahut hi bada tha , bahut naam bhi suna tha iss school ka. Suna tha ki iss school me ek se ek amir baap ke shehzaade padhne aate hai. Pehli nazar me toh koyla bhi sona dikhta hai. Mujhe laga ki main ise bhi swarg samajh sakta hun. Par main galat tha. Yeh swarg ke darwaaje se hoke jahannum tak le jaata hai. School me koi buraai nahi thi par meri life ki sabse badi galti yaheen hui. Class 9th se entry ki. Class-room me itni bheed thi ki laga ki kho jaaunga. Maine kabhi itne tej bacche kisi bhi school me nahi dekhe the. Sab ek se ek the aur haajir-jawaabi me sabke baap the. Yeh na to kisi ke dost the aur na hi kisi se dushmani ke mood me the. Inhe sirf kitaab ke keede kehna sahi hoga . Teacher ke chehre pe bade-bade shabd jhaarte the aur unke peeche chote-chote gaaliya dete the. Mujhe back-stabbing na aati thi aur na main kabhi seekhna chahta tha. Mere good ko kaheen Bad ki nazar na lag jaaye isiliye pehla saal main kam se kam bolke nikaal liya. Mera % age kam hua tha aur toppers ki list se naam hat gaya tha. Yeh thoda hila dene wali khabar thi mere aur mere family ke liye par phir bhi image sudhri hui thi. Phir main pass hoker class 10th me pahucha. Kehte hain ki high school student ke liye Iron-Gate hota hai. Agar ise paar kar gaye toh aage ke safar me suffer nahi karna padta. Main isme high score karna chahta tha. 


Pata hai aapko ki insaan ki sabse badi kamzori uska dill hota hai kyuki dill kaheen bhi lag sakta hai. Jo ladka ladkiyon ko kabhi dhyaan se dekhta tak nahi tha , uske liye yeh ajeeb hi tha. Saal ke shuruvat me meri class-teacher ne mujhe girls row me baitha diya. Mujhe bhi koi fark nahi pada tha tab. Pehla 1 mahina toh main mute hoker bita liya. Par jab ek ladki bolna shuru karti hai tab to bhagwan chahke bhi use chup nahi kara sakte . Class ki padhai se kab dhyaan hata  , pata hi nahi chala. Class me topic ko bhulkar hum apne hi topic me lag jaate . Jaise ki agar class me Joint family pe lecture chal raha hota tha , tab main aur wo ek-dusre ki family ki problems pe dhyaan de rahe hote the.  Jaise ki agar class me Environment education chal raha hota tha , tab main aur wo apne favorite destinations pe discuss kar rahe hote the . Board exam ki kise padi thi tab , jab aage ki life settle ho rahi thi. Dheere - dheere humari baate pure school me phailne lagi. Kya students , yaha tak ki staffroom me bhi teachers hume hi burning topics me paate the. Hume pata bhi nahi chala aur hum ek-dusre ko pasand karne lage. Shayad hum done , kyuki mujhe abhi tak yeh nahi pata hai ki wo mujhe like karti hai ki nahi. Wo mere batch ki sabse sundar ladki thi . Sabhi mere dost mujhse jalne lage the , kyuki aadhe to uske peeche pade the aur jo nahi pade the wo mere dost nahi the. Exam paas aate gaye , 6 mahine beet gaye the hume saath baithe hue. Poori class idhar ki udhar hoti gayi par teacher ne kabhi hume alag nahi kiya. Main uske liye kuch bhi kar sakta tha. Ek din main school pahucha aur thoda sa sad tha kyuki subah - subah hi papa ne mujhe khari-khoti sunaayi thi kyuki asar mere marks pe dikhne laga tha. Us din main kuch nahi bola. Bilkul chup aur sirf soch me ki sab mujhse naaraj kyu hone lage the  .  Par mere iss sad mood ko usne badal diya , jab din ke aakhri period me usne meri taraf dekhkar mujhse poocha "Vishnu ! kya hua ?Tum aaj kuch bol kyu nahi rhe ho ?" Uska chehra dekh main apna gussa aur dard bhool gaya aur haste hue yeh keh diya ki main dekhna chahta tha ki tum kab tak chup rehti ho. Itna kehte hi wo has padi aur uski uss muskaan pe meri nazrein tham gayi. Wo mere dill ki khaas banti jaa rahi thi. Saamne aate hi mere aankhon ke channel pe chha jaati thi. Yaad hai mujhe jab wo kis adaa se apne baal ko apne kaano ke peeche kiya karti thi. Wo thi hi aisi ki kisi ko bhi usse pyaar ho sakta tha. Mere liye dosti pyaar me badal chuki thi. Par maine kabhi usse kaha nahi. Darta tha ki kaheen wo mujhe mana na karde . Kar bhi sakti thi kyuki school me mujhe jaanta hi kaun tha. Na to main topper tha aur na hi maine apna talent dikhane ki koshish ki kabhi. I was jus another ordinary student. Par wo school ki best dancers me se ek thi . School ke Annual Function me uska dance dekhne ke liye maine apna coaching tak chodh diya tha. Meri important things ki list me wo sabse upar aa chuki thi. Par phir se fate. Mujhe class teacher ne alag place de di. Usse bahut dur . Wo bhi mujhe bhoolne lagi aur phir hum doobara kabhi baat nahi kar paaye. Maine bhi kabhi usse milne ki koshish nahi ki. Saal bit raha tha aur  humare bich ki dooriyan badhti jaa rahi thi.  Aise hi pyaar aur padhai mujhse door ho gaye . Wo na phir dekhi meri taraf aur maine bhi padhai se muuh pher liya. Board exam dekhte-dekhte khatam ho gaya aur mujhe pata bhi nahi chala. Kya hoga result ka ? Sab jaante hai jab tak aadmi check pe sign nahi karta tab tak cash nahi milta. Mujhe darr tha ki kaheen main fail na ho jaaun. High school me fail hona badi sharm ki baat thi aur wo bhi mere liye. But it was not about failing , I would never want to score mere marks even. Kam marks le ke main kya karta. Main ab bhi sochta hun ki wo mujhse itni baat karti thi aur aisa kya hua jo wo ab mujhe dekhna tak nahi chahti .Shayad jo uss din class me huwa uski wajah se.


Hum dono saath me baithe the. Har - roj ki tarah ek-dusre ki aankhon me aankhen aur baato me baate. Uske paas bolne ke liye kabhi kisi topic ki kami nahi thi. Din ka last period  tha . Teacher ne surprise entry ki aur mujhe khada hone ko kaha. Main tab bilkul anjaan tha ki kya hone wala tha. Aur jaise hi unhone bolna shuru kiya " In class 9th , a quite boy but serious student came in my eyes, Vishnu .  But now u have just turned everything against you. I always wanted to hear of you but in a good way. Everyone in the staff is talking about you and you know why. " Main kuch bhi nahi keh sakta tha. Mujhe laga ki unki speech khatam ho gayi thi par " And the same thing goes for you to Soniya. I have come to hear a lot and i dnt want to hear anymore. Vishnu is a nice boy and Its better you concentrate on your studies . Sit Down !" Maine Soniya ke aankhon me ajeeb sa darr dekha. Mujhe laga ki shayad mujhe khud hi apni place change kar leni chayiye. Main nahi chahta ki meri wajah se Soniya ko aisa  sunna pade. Soniya bhi gusse se laal thi aur main jaane se pehle usse kaha "Sorry Soniya ! meri wajah se tumhe yeh sab kuch..." Main kuch bol bhi nahi paa raha tha. Mere lafs ladkhada rahe the. Kya wo mujhse naaraz thi ? Usne meri taraf dekha aur kaha"  Main in sab faltu baato pe nahi dhyaan deti. Tum bhi mat dena . Hum dost hai aur acche dost rahenge. Darna mat aise comments se Vishnu !" Itna bolkar usne mere dill par se patthar sa hata diya . Main khush tha ki Soniya sambhal chuki thi par mere andar yeh guilt tha ki aage phir aisa na ho. Mujhe place change kar lena chayiye. Main chutti ke baad meri teacher ke paas gaya aur unse vinti ki meri place kal change kar de. Agle din aisa hi hua. Hum alag ho gaye the. Maine jo bhi kiya Soniya ki bhalai ke liye kiya. Main mere faisle se khush tha. Soniya ne jaate waqt mera chehra tak nahi dekha. Shayad wo nahi chahti thi ki meri place change ho . Shayad wo mere jaane se khush nahi thi. Uski kami ko kam karne ke liye maine socha ki padhai pe dhyaan lagauun. Par kehte hain na ki agar ek baar dill kaheen lag jaaye phir uske baad kaheen aur dhyaan nahi lagta. Door rehke bhi main uske sabse kareeb aa chuka tha. Par na maine kabhi usse baat karne ki koshish ki aur na hi wo kabhi aage aayi. Main yeh maan baitha tha ki shayad yeh humari kahani ka the end tha. Par pyaar ko bhulana itna aasaan nahi hota. Din-raat sirf usi ke saath bitaaya har pal yaad karta rehta tha.Uski baatein , uski muskaan , uski adaa.....Ufff ! mere cable pe sirf Soniya ka channel chalta  tha . Kitaab ke har panne par aake mujhe pareshaan karna to uski aadat ban chuki thi. Uska favourite actor John Abrahim hai aur jab uski yaad aati thi to main Dostana film dekh leta tha. Aisa iss age me hota hai maine suna tha par jab mere saath huwa to pata chala ki ek baar yeh ho gaya toh uske baad  sambhalna bahut mushkil hota hai.


Itna dismiss hona kam tha ki maine apna board exam bhi kharaab kar diya. Har paper me kuch na kuch galti mujhse ho hi jaa rahi thi. Kisi paper me question number lagaana bhool gaya toh kisi paper me question hi karna bhool gaya. Jitna galti kar sakta tha , utna galat  huwa . Mera mind set drastic khaddhe me jaa chuka tha. Exam khatam hone ke baad main chutti bhi nahi jhel sakta tha. Aur na hi jhel paaya. Isiliye to aaj Soniya ko , apni mummy - papa ko , apne bhai ko , apni behen ko aur kuch acchhe doston ko chodh ke main jaa raha hun. Apne ghar ke 3rd floor se main kud gaya. Mera bachna to jaise bhaad aayi aur kuch bhi dooba nahi. Yeh thi meri kahani ek saal ki . Ek saal jisme maine zindagi se haar maan li aur alvida keh ke bhagwan ke paas chala. Mujhe iske liye sab maaf karde , yehi meri last wish hai. Koi mujhe gaaliyan mat dena , haste - haste meri vidaai karna . 

Luv Ka The End - Muzik Class !!

The Big Buzz - 3 !!

"India Cricket Fever "

Hum Indian hai , Humare liye dill ki dhadkan se jyada important India ka match hota hai. Match chehe kisi bhi team se ho , Hume haarna nahi pasand hai aur jeetne ki aadat bhi nahi hai. India - yeh desh to bahut bada hai par Yeh desh tab ek chote se kamre me tv ke saamne simat ke reh jaata hai jab Indian Criket team tv pe match khel rahi hoti hai. Hum Cricket ko apne har kaam se jyada priority dete hai aur de bhi kyu na yeh game hai hi itna hairat-angej.  Jab - jab India jeeti hai , tab - tab hum jeet ki khushi me bum-patake phodhte hai aur jab - jab India haari hai , tab - tab hum unke gharo ki imaarto ko phodhte aaye hai. Sabko yaad to hoga jab hum 2007 ke world cup se baahar hue the to kya hungama macha tha ? Dhoni ke ghar tod-phor karne ki koshish , patthar baazi aur vagera-vagera. 2003 world cup to yaad hi hoga jab India final me Australia ke haatho maat kha gayi thi ? Saurav Ganguly pe kitne comments maare the humne. Sachin ko Unlucky kaha tha humne. Hum sab kuch bhool gaye the ki Sachin 17 saal ke career me na-jane kitne matches India ko akele hi jeetaya hai. 1975 jab India pehli baar world cup ka hissa bani thi to siway ek kamjor team ke alawa aur kuch nahi thi. But history was made when in 1983 India defeated the mighty West Indies in the finals. 1992 world cup me India was led by M. Azahruddin. Indian team was associated with the best names - Kapil Dev and the young Sachin Tendulkar.

But india iss baar bhi kuch khaas nahi kar payi , except they defeated Pakistan in a match.Aur yeh fail hone ka silsila 2003 tak chalta raha. But Saurav was the Captain and his only aim was to win the cup for the nation.  As a new , improved and zealous team new found confidence and a lot of succes in recent years mainly becauseos Sachin , Saurav & Srinath's efforts , India began the 2003 world cup as strong contenders for the cup . India defeated every other team in it except the undefeated Aussies and that too in the Grand finale . Hard work was not paid off. India lost in the finals and fans becames outrageous. Yeh hamare khoon me hai. Hum pehle aise nahi the kyuki tab Hockey India pe jaadu karke baitha tha. Aaj bhi hockey humara National game hai phir bhi Cricket India ki pehli pasand hai. Hum har match ko aankhon se nahi dill se dekhte hai. Hum sochte dimaag se nahi dill se hai.  Shayad isiliye apni excitement ko chupa nahi paate hai. Socha hai ki agar hum tv ke saamne itne excited hote hai , to waha stadium me baithe log jo kharcha kareke match dekhne jaate hai unka kya haal hota hoga ? Players ko itna kareeb se dekhna aur phir bhi apne upar kaabu rakhna bada hi mushkill kaam hai.  Maine kabhi stadium me match nahi dekha hai , hamesha se dekhna chahta hun par kabhi mauka nahi mila isiliye main sirf unke baare me bolunga jo match apne multimedia box se chipak kar dekhte hai. Tab ki audience jab India jyadatar match stadium me khela karti thi aur Aaj ki Audience jo India ko jyadatar tv pe match khelte dekhti hai , me bahut fark hai . Hum haarne ke baad apne ghar pe gussa nahi dikhate balki hum Indian Players ke ghar pe chale jaate hai aur saara gussa waheen nikaalte hai.  Bhale hi yeh galat hai par hum sochte hai ki agar hum inki jeet me inke ghar ke darwaaje par diye jala sakte hai to inki haar me hum unhi diyon se inka ghar jala sakte hai. Aur hum aisa kyun na kare , apna saara kaam-dhaam chodhkar sirf Indian team ke liye baithe rehte hai phir inhe haarne ka koi haq nahi. Kisi ne kaha tha ki ' khe lme kisi ki haar to kisi ki jeet hoti rehti hai' par hume sirf apni team ko jeette hue dekhna hai. Waise match dekhte waqt hume bhook aur pyaas hi nahi lagti. Hum yeh sochte hai ki agar hum apni jagah se thoda sa bhi hile toh kuch bura ho jaayega. Agar apni palak jhapki to wicket gir jaayega yaa phir run chala jaayega. Bhale hi sabke apne-apne favourite players hai team me par jab team khelti hai tab har players se hum aas lagaye baithe hote hai kyuki wo Indian player hai . Popkorn ko side me rakh-kar aur muuh me pepsi se bhara straw rakh kar match dekhne ka apna hi maja hai.Hum har bade match se pehle team ke liye prarthana karte hai , mandir me sar tekte hai , allah se duwa maangte hai , wahe-guru ji ka mantra padhte hai aur Church me jaaker wish maangte hai. Match ke waqt koi baccha , jawaan ya budha nahi hota hai , milte hai to sirf Indian team ke supporters. Kya ladke aur kya ladkiya , sab sirf India ko jeet ka jashn manate dekhna chahte hai. Hume haarna bilkul manzoor nahi  aur jeet se kam me hume manjoor nahi. Jab aakhiri over chalta hai , jeet ke liye kuch run chayiye hote hai aur batting pe humare fast bowlers hote hai tab captain aur players ke sath-sath hum bhi apne naakhun chaba jaate hai. Jab humara bowler last over phekne aata hai aur opponent team ko jeetne ke liye sirf channd run chayiye hote hai tab captain kya hum bhi side me fielding set karne lagte hai. Na ek run idhar aur na ek run udhar , koi kasar nahi chodhte. Paani tak humare gale se niche nahi utarta jab tak India saare wickets nahi le leti. Har chaukke pe hum taali bajate hai , waah - waah chillate hai aur chakka jaaye tab to hum naach bhi dikha dete hai. Yeh naach to baarat me bhi nahi dikhta hai. Chahe opponent team Pakistan ya Australia jaisi badi teams ho yaa phir Ireland ya Bangladesh jaisi associate teams ho , hum apni aankh gadaye dekhte hai har ball , har over. Haarta hua match jab India jeet jaati hai tab to humare kadam zameen par hi nahi tikte. Khushi me ghar se baahar nikalkar , charcha aur waah - waahi me lag jaate hai. Phir to bhaiyya a long discussion goes on. Matches me commentators itna expert view nahi dete jitna hum match ke baad jhaar dete hai. Hume aas-paas ki koi khabar nahi hoti par India team se kaun nikla aur kaun entry kiya , yeh hume pehle pata hota hai. Ab hum Sachin se leke Sreesanth aur Raina se leke Virat tak sabko cheer karte hai. Yeh humare liye film actors se bhi jyada bade ishtaar hai. Par tabhi jab yeh hume jeetate hai . Aaj humare fever ki wajah se players jyada tar apna ghar bachane ke liye match khelte hai. Hum hi hai jo players ke mann me darr paida kar rahe hai ki agar accha nahi kheloge to hume tumhare ghar ka raasta pata hai. Players dill jeetne me jitni mehnat karte hai hume uska samman karna chayiye. Ek tym inhe sitaara kehke pukarna aur dusre tym unhe zameen ki dhuul ki tarah dekhna , yeh humari fitrat banti jaa rahi hai. Match ko bhaawuk hoke dekhna galat nahi hai par apne players ki bhawnayo ko bhi samajhna chayiye. Jeet ke liye sab koi khelta hai. Jeet sabko naseeb bhi nhi hoti. Hamesha kisi ek ko bhi naseeb nahi hoti. Match ko enjoy karo aur humari Indian team ko bhi desh ke liye khelne do , yehi meri sabse vinti hai. India Cricket Fever ko virus na banne do . Try to feel the game but dont peel those who are associated with it. 

Untitled Story - The Beginning part 3

Sadak  par  mere alawa koi nahi dikh raha . Sirf kinaare adhmare pade kutte hai  jo abhi neend me hai. Yeh kutte ghar ki rakhwali kya karenge , yeh to insaan se bhi jyada aalsi hai. Mujhe inn jeevo se bada darr lagta hai. Kisi din inn kutto ko goli se uda dunga. Ab nahi par kyuki ab to mere hi udne ki baari aa gayi thi. Chalo kutto ! tum log bach gaye par agle janam me zaroor tumhe maarunga agar insaan bana to. Dheere - dheere suraj apni aankhen khol raha hai. Sadak ke kinaare - kinaare uski muskaan phail rahi hai. Uunche gharo ki wajah se wo beech me nahi aa pa rahi. Hawa me thand hai . Par mujhe ab kya thand aur kya garmi . Kuch hi der me main apne nark-sthaan pe pahuch jaaunga. Waha pe yamraj naav chala raha hoga aur usi naav me baithake wo mujhe swarg le jaayega. Swarg hi le jaayega kyuki mere khayal se maine jyada paap to nahi kiye hai ab tak. Haan , yeh suicide se mere paap ka percentage badh zaroor jaayega. Kadmo ko sambhalte hue main manzil tak pahuch chuka hun. Bandhe ki uchchayi dekhi  , nadi me samadhi leni hai to neeche to utarna hi padega. Aas-paas kuch log dikhne lage . Mujhe darr tha ki kaheen yeh log mujhe bachane ke liye na aa jaaye. Phir se nazron ke saamne do kutte aa gaye. Dono ek-dusre ke saath chorr-police khel rahe the. Iss baar aankhen nahi band karunga kyuki pichle baar band kiya tha to asafal ho gaya tha. Ab suraj poori tarah se apna muuh khol chuka tha. Uski pehli kiran mere niraash aur pareshaan chehre pe padi . Shayad yeh chahti hai ki main ghar wapis chala jaaun. Yeh act mere se na ho isiliye mujhe rokne aayi hai. Par inke liye ek Bad news hai ki main apna faisla le chuka hun. Ab to bhagwan bhi mujhe rok nahi sakta. Bhagwan kya rokenge mujhe , shayad wo bhi chahte hai ki dharti se ek nikamma kam ho jaaye. Unhone mujhe kitne armaano se niche bheja hoga aur main un sab par pani pher ke wapis aa raha hun. Sorry God  ! but next chance me pakka kuch karunga. Maine apne dosto se suna tha ki nadi ke beech me ek mandir hai jo ki ek chamatkari mandir hai. Kaise ? Main batata hun . Jab bhi shahar me baadh aati hai to yeh mandir doobta nahi. Pani ke level ke badhne ke sath yeh mandir bhi upar aa jata hai. Iska matlab yeh mandir paani ke upar tairta hai. Par doobta nahi hai. Kabhi dekha nahi iss mandir ko par aaj dekhna chaha. Socha ki kisi cheej ko kyu chodh dun jab zindagi ka aakhiri samay aa gaya hai.   Nazar ko charo-ore ghumaya aur dur tak pahuchaya par mandir kaheen nahi dikha. Shayad yeh kahaaniyon wala mandir hai jo dikhta nahi sirf sunaayi deta hai. Bhagwan bhi to dikhte nahi sirf sunaayi dete hai. Zameen hari-hari ghaas se bhari hui thi. Inme kitna jeevan hai. Yeh hawa ke saath apna nritya dikhati hai. Inhe jeena kitna pasand hai . Pasand to hoga hi. Akhir inhe kaun si padhai karni hai. Inhe kaun sa kaam karna hai. Inke na to maa-baap hai aur na hi shaher bhar ke rishtedaar hai. Inhe na to bada hoker kuch banne ki fikr hai aur na hi fail hone ka darr. Aap sab mujhe ek haara hua baccha samajh rahe honge. Khair ! ab kisi ki bhi soch se mujhe koi farkh nahi padta. Sirf padhai hoti toh zindagi ko ek aur mauka dene ki soch bhi leta par yahaan toh pyaar ne bhi saath chodh diya hai. Kudrat me do hi toh cheejen hai , ek padhai aur dusri ladki. Jab dono saath na de to tum zindagi chodhne ke alawa aur kya kar sakte ho. Suraj ki roshni aur tej ho gayi. Ab isse pehle aas-paas chahal - pahal honi shuru ho jaaye , usse pahle mujhe samadhi le leni chayiye. Kisi ne dekh liya toh mujhe bachane zaroor aayega. Aur ab main bachna nahi chahta . Train nahi to nadi sahi. Kitna soch raha hun main . Itna pehle socha hota to aaj yeh naubat nahi aati. Marna hai to mar , itna sochna kya. Aankhen samne ka nazara dikhane lagi. Aur samne kya dikhta hai , wahi mandir. Ek chota sa mandir jo nadi ke bich me hai aur nadi ke upar hai. Vishwas nahi ho raha tha par yeh sach me hai . Mandir pani ke upar tair raha hai . Bhagwan ki jholi se nikla ek karishma. Yeh dhekh ke mann aur soch me pad gaya. Dheere- dheere main apna santulan khota jaa raha hun. Kya marna zaroori hai ? Lekin agar marega nahi to kya karega ? Jab sacchai samne aayegi to sabse aankhen kaise mila paayega ? Apne pyaar ko kaise bhoola paayega ? Kaise sabko yeh keh paayega ki tujhse galti ho gayi ? Ab kuch mat soch aur maar dubki. Par agar tair nahi paaya toh. Ohh ! main yeh kya soch raha hun. Tairna nahi aata tabhi to aaya hun yaha.Mere charo taraf logon ki sankhya badh gayi. Kuch to meri hi taraf dekhne lage. Shayad maine yeh dusra mauka bhi gawa diya. Ab yaha khade rehna sahi nahi hoga. Jaldi se ghar nikal le warna logon ko shak ho sakta hai. Main gusse se waha se bhaagne laga. Ab dimaag me kuch nahi chal raha tha. Kuch hi der me main ghar pahucha , chhat ka darwaza khola aur teesri manzil pe khada ho gaya. Ghar hi sabse acchi jagah hoti hai kisi kaam ko anjaam dene ke liye. Mujhe koi nahi dekh raha tha .Na pehle kisi ne dekha aur na aage dekh paayega. Railing pe khada hoker , ek baar aasmaan ko dekh kar  , sab kuch bhool kar , main kud gaya. Teesri manzil se laga di challaang. Ab to bachne ki koi gunzaaish hi nahi. Duniya ko alvida bole bina hi maine duniya ko chodh diya . Shayad mere agle safar me main iss duniya ke kaam aa sakun. 

Untitled : The Beginning - Bed Dream !!!

"And the student of this year is - Vishnu ".Main apni muskurahat se apni khushi zaahir kar raha tha. Itna mehnat kiya aur pure saal ki mehnat ka itna accha fal mila ,Student of the year. Yeh to har us student ka sapna hota hai jo puri lagan se padhai ko apna dost maanta hai. Maine maana aur mujhe yeh award mila. Ab main stage pe jaaker apne principal se award lunga. Mere principal ko pehle se hi bharosa tha ki yeh haq mera hai. Unhone mere track records dekhe the aur usi waqt mujhse kaha tha ki iss award ko mujhse behtar saathi nahi mill sakta hai.Main saatwe aasmaan pe tha. Sabhi mere classmates mere liye taali baja rahe the , kuch khushi se to kuch mann ki kadwaahat ko apni jhoothi muskaan ke peeche chipa kar. Aise log dost kam aur competetor jyada maane jaate hai. Inki muskaan hi inki gaaliyon ko raasta deti hai. Par mujhe ab in sabki kya padi hai? Award to main jeet hi chuka hun. Meri bhi photo khichegi , School ke panno pe mera bhi naam likha jaayega aur wo bhi bold marker se. Sabhi teachers mujhe garv se nihaar rahi thi. Inko lagta hai ki maine yeh award inke padhane ki wajah se jeeta hai. Khair ! galatfehmi sabko hoti hai. Par main bhi inko khush karne ke liye haste hue keh gaya " Mam ! its becoz of ur way of teaching . Thanks a lot ." Yeh bhi khush. Ab chal Vishnu , award intezaar kar raha hai tera. Kaheen principal ke haath se phisal gaya to muuh dekhta reh jaayega sabka. Stage ki seedhiyan bahut lambi lagne lagi. Main jitna upar jaaun , stage utna hi dur jaaye. Yeh kya ho raha hai? Principal mujhe haste hue dekh rahe hai , mera intezaar kar rahe hai. Par main sirf seedhiyon pe chadhta jaa raha hun , un tak pahuch nahi paa raha hun. Yeh aakhir ho kya raha hai ? " No ! let me go . Whats happening ? " Main chilla raha hun , poori zor laga raha hun par main upar nahi jaa pa raha.Achanak sab bacche mere upar hasne lage. Teachers mujhe gusse  se dekhne lage. Yeh in sab logo ka behaviour mere liye aise badal  kyu raha hai ? Principal award ko phenk dete hai aur mere taraf aa rahe hai. Yeh award mera hai isse mat phekiye . Main chilla raha hun par utni bheed me meri cheenk  koi nahi sun raha . " Tum best student nahi ho. U r a failure." Itna kehke wo hasne lage. Main apne aansuoon ko rok nahi paaya . Itni bezzati maine kabhi nahi sahi. Stage ki seedhiyon par khada hoker apna mazaak bana raha tha main. Main chilla-chilla ke rone laga par sab aur zor se hasne lage. Main unke liye kisi circus ke joker se kam nahi . " Please ! dnt do this to me. " Kehte -kehte thak gaya par kisi ne meri ek na suni. Achanak se meri aankh khuli . Sapna tha yeh , par kya yeh sapna ek paheli thi yaa aane wale kal ka sanket. Maine kabhi aisa sapna nahi dekha tha. Khud ko itna Helpless kabhi mahsoos nahi kiya jitna iss sapne me kiya. Main chilla raha hun , ro raha hun aur wo bhi poore school ke samne. Kya aisa sach me hone wala tha? Yeh ho bhi sakta hai , kyuki jis hisaab se maine 10th ki padhai ki hai uss hisaab se to mujhe school se nikaal dena banta hai. Bed pe pade-pade yeh kaise khayal aa rahe hai mujhe ? Bad thinking to suna tha , par Bed thinking pehli baar suna . Ghadhi ko nigaah talaashne lagi. Andhere me kitna baj raha tha , yeh bhi nahi dikh raha tha.Uthke apne kamre ka darwaza khola aur hall ki badi ghadhi ko dekha. Abhi 5 bajne me thoda tym tha. Par yeh tym bilkul sahi tha. Shayad aap log bhool gaye par main nahi bhool sakta . Kyuki yeh meri zindagi ka sawaal hai , Sorry , meri maut ka sawaal hai. Maine socha tha ki 5 baje main subah ki walk ke liye niklunga aur bandhe ke kinaare nadi me kud jaaunga. Swimming classes kabhi ki nahi to dubke mar sakta hun na. Shayad isiliye itni jaddho-jahad ke baawjood koi mujhe swimming nahi seekha paya.  Jogging suit pehana aur aadhe andhere me nikal gaya. Is samay aakash me na suraj poori tarah se nikla tha aur na hi chaand poori tarah se chipa tha. Yeh samay hamesha mujhe pasand raha hai. Main chutti ke dino me morning walk hamesha se karta aaya hun . Par shayad yeh meri aaj  ki aakhiri walk hogi. Ek baar upar dekha. Ghar ka darwaza band kiya aur apni maut ko gale lagane chal diya.  

Shaheed Bhagat Singh - Flashes !!!

March 23 - a date which is termd as Shaheed Diwas in India. Most of Indians dnt care about this day . The feeling of patriotism is something which every citizen posses for its country but never shows it in rage. It just has to be called once. Hum Bhartiya kabhi Apne Desh ki buraaiyaan nahi sun sakte aur naa hi unki jo hamare desh ke Shaheedon par sawaal karte hai. Aise hi ek Shaheed hai Sardar Bhagat Singh. Inke baare me bolne wala main koi nahi , par inke us tyaag ko phir se jeevit karne ka haq mujhe hai. He lived for India and he died for India. Let me make it more grt , He didnt Die .....He jus left his body becoz he gave his soul to India.At the age of 23 ,if anyone was smiling just before he was being hanged to death, it was Shaheed Bhagat Singh . Jab India British empire ke one-sided Rules & Regulations se Struggle kar raha tha , Tab bahut se Krantikariyon ne Unko Desh se dur karne ka morcha sambhala. Their sacrifices are not bound of words. Aaj hum Azaad Saans le rahe hai to inhi Veero ke Balidan ke badaulat.


At an early age , Bhagat Singh started dreaming of uprooting the British Empire.Never afraid of fighting during his childhood , he thought of growing guns in the fields so that he could fight against the Angrez. In 1916 , the young blood came in contact with some well known political leaders lyk Lala Lajpat Rai and Ras Bihari Bose.


He realised that the overthrow of British rule should be accompanied by the socialist reconstruction of Indian society and for this political power must be seized by the workers.Though portrayed as a terrorist by the British, Sardar Bhagat Singh was critical of the individual terrorism which was prevalent among the revolutionary youth of his time and called for mass mobilization. Bhagat Singh gave a new direction to the revolutionary movement in India. He differed from his predecessors on two counts. Firstly, he accepted the logic of atheism and publicly proclaimed it. Secondly, until then revolutionaries had no conception of post-independence society. Their immediate goal was destruction of the British Empire and they had no inclination to work out a political alternative. Bhagat Singh, because of his interest in studying and his keen sense of history gave revolutionary movement a goal beyond the elimination of the British. 


To continue his studies, Bhagat Singh joined the National College in Lahore, founded by Lala Lajpat Rai. At this college, which was a centre of revolutionary activities, he came into contact with revolutionaries such as Bhagwati Charan, Sukhdev and others.
He went to Lahore and formed a union of revolutionaries by name 'Naujavan Bharat Sabha'. He started spreading the message of revolution in Punjab.


While protesting against Simon Commission in Lahore, Lala Lajpat Rai was brutally Lathicharged and later on succumbed to injuries. Bhagat Singh was determined to avenge Lajpat Rai's death by shooting the British official responsible for the killing, Deputy Inspector General Scott. He shot down Assistant Superintendent Saunders instead, mistaking him for Scott. Bhagat Singh had to flee from Lahore to escape death punishment.


In search of revolutionary groups and ideas, he met Sukhdev and Rajguru. Bhagat Singh, along with the help of Chandrashekhar Azad, formed the Hindustan Socialist Republican Army (HSRA). The aim of this Indian revolutionary movement was now defined as not only to make India independent, but also to create "a socialist India."To avenge Lala Lajpat Rai's death, Bhagat Singh and Rajguru killed Mr. Saunders (one of the deputy officers in connection with the Simon Commission).When the British government promulgated the two bills "Trade Union Dispute Bill" and "Public Safety Bill" which Bhagat Singh and his party thought were Black Laws aimed at curbing citizens' freedom and civil liberties, they decided to oppose these bills by throwing a bomb in the Central Assembly Hall .



He and his friends wanted to be shot dead, since they were termed as prisoners of war. Their request was not fulfilled, and on March 23, 1931, Bhagat Singh, Shivram Rajguru, and Sukhdev were hanged to death. 

This man's only mission in life was to see his country free from British rule. He did his best and when he was being led to the gallows, he was satisfied that he had lived up to his principles, irrespective of the consequences. The only thing that made him sad was that he couldn't do more for his country.

The aim of life is no more to control the mind, but to develop it harmoniously; not to achieve salvation here after, but to make the best use of it here below; and not to realise truth, beauty and good only in contemplation, but also in the actual experience of daily life; social progress depends not upon the ennoblement of the few but on the enrichment of democracy; universal brotherhood can be achieved only when there is an equality of opportunity - of opportunity in the social, political and individual life." — from Bhagat Singh's prison diary.

Nothing else I can mark out from the life of such greatness and love for one's country. Jo yeh kar gaye , wo shayad hi koi kar sake aaj ke iss " least caring " world me. Hum inki tarah aggression to nahi dikha sakte , jo pyaar inke dill me tha utna hum bhi rakhte hai  aur ise sambhalke rakha hai. Desh ke liye hum yuva aage aa rahe hai . India ko development ki seedhi hum youngster ko hi chadhani hai. Kehte hai na ' Har desh perfect nahi hota , Use perfect banaan padta hai'. His works and ideologies were at peak and if we follow such a personality then the route to India's Pride is gonna be at ease. Take inspiration and always remember such personalities , becoz they were our past , they did everything to secure our presesnt , the India's present and now its upto us to make the future brighter . Hum jo bhi karenge , apne Desh ki shaan ko barkaraar rakhte hue , sar ko uuncha aur samman badhate hue karenge. 

Lets give Sardar Bhagat Singh a Salute for showing us the right path to Azaadi . Under Pressure Living is not India's habit. We feel free to live , we live to be free. 

Youngistan me itni taaqat hai ki wo India ko har race me Winner banade. We are on the Correct way and though the path is full of ups & downs , We are gonna cross all the hurdles. 

I apologize to the nation for posting this segment of Flashes a day later. Main sacche dill se maafi maangta hun. Yehi chaahta hun ki jaise mujhe Bhagat Singh ke jeevan ko jaanne ka Yeh avasar mila waise aap sab bhi iss post ko padhe aur jaane ki Struggle kya hota hai, Desh-prem kya hota hai  aur mahaanta ki koi had nahi hoti . 

Main koi utna bada insaan nahi hun jo Aise freedom fighter ko tribute dun , yeh bas ek baby-step hai inko sammaan  karne ka .....So he deserves -
Flashes !!! Flashes !!!

Untitled Story - The Beginning part 1

Hamesha se yehi sunta aa raha hun ki agar zindagi mili hai to kuch karke dikhao , aage badho aur kuch banke dikhao. Shayad isi chakkar me main yahan khada hun .17 saal jee liya , kuch bahut bada nahi kiya par kuch glat bhi nahi kiya tha ek saal pehle tak. Kise pata tha ki 1 saal me hi haar maan lunga main. Sab to yehi kehte the ki main jaroor kuch alag karunga. Pure khandaan me main hi sabse unche post par pahuchunga. Lekin shayad main is sabka asli haqdaar nahi hun. Abhi zindagi ke pehle hi kadam me fisal gaya aur aisa fisla ki taang hi tudwa baitha.Abhi jahaan main khada hun , wahaan yaa to meri zindagi khatam ho jaayegi yaa phir zindagi ek aur mauka degi phir se marne ke liye. Mere liye yeh mera last spell tha. Aage jeene ki himmat nahi hai mujhme. Waise shayad aap mujhe nahi jaante .  Mera naam Vishnu hai . Aur isse jyada jaanke aap kya karoge kyuki abhi to main marne wala hun. Aaas paas koi nahi hai jo mere iss faisle ko badal sake. Kuch hi der me ek train aayegi. Wo train yaa to mujhe kuchal ke apna raasta aage naapegi yaa to mujhe jeene ka ek mauka degi. Bahut kuch seekha maine apne chote se safar me , aur bahut suffer kiya maine in 1 saal me.Jab aapse ummeed lagane walon ki taadaat jyada ho , to do hi baate ho sakti hai, yaa to aap un ummeedo pe khade utarte ho yaa phir un ummeedo par pani pher dete ho. Dusra wala kissa mere saath hua. Platform ke bilkul kinaare hun , Aur zindagi ke ant pe . Jaise hi koi train aayegi main patriyon par jaaker khada ho jaaunga. Mujhme to itni bhi himmat nahi ki main saamne se aati hui train ko apni aankhon se dekh sakun. Socha tha blind fold ho jau par utna taam-jhaam kyu karna jab end me marna hi hai. Bas ! ab baaton ka samay samaapt . Patriyon ka kap-kapana shuru ho gaya tha . Shayad meri sawaari aa rahi thi. Jitna main soch raha hun , shayad utna nahi sochna chayiye mujhe. Yeh kitna aasaan hai sirf train ke samne jaana aur uske paas aane ka intezaar karna hai.  Baaki ka kaam to wo sawaari hi kar degi. Par jitna bolne me simple hai utna yeh asal me hai nahi. Samne maut khadi ho jaaye to acche-accho ki pant geeli ho jaati hai aur main to sirf ek 17 saal ka haara aur kaayar baccha hun. Par agar baccha hi ho toh yeh sab karke kya fayda? Kyun kisi ke diye gaye tohfe ko itni jaldi lauta rahe ho? Bhagwan ne agar jeene ko saanse di hai toh saanso ko chalte rehne ke liye kuch na kuch to bheja hi hoga. Par mere case me wo bahut late ho gaya tha. Mera oxygen ka dabba khatam ho chuka tha . Aur bharne ki koi gunjaayish bhi nahi thi. Achanak se samne se aakash pe kaale dhabbe dikhne lage. Neele-neele pani me zeher ghol diya ho kisine aisa lag raha tha . Yeh zeher mere liye tha aur uss zehereelay paani me mujhe akele hi dubki lagani hai. Train aa rahi hai . Kuch hi der me wo mere shareer ko paar kar degi. Ab time aa gaya tha ki main platform ka kona chodhdu aur patriyon par khada ho jauun. Mann me ajeeb si hulchul mach rahi thi. Andar se kaheen aawaaz aa rahi thi ki aisa mat kar. Mat jaa train ke saamne. Darr mere chehre par saaf jhalak raha tha .Maathe pe pasine ki pehli boond aur uske baad to pura jism hi uski thandak se kaapne sa laga. Hichkichahat thi ki kya yeh karna zaruuri hai. Par na karna kaayarta hogi. To suicide bhi kaun sa veerta ka kaam hai? Man ke mat-bhed ko bhedna bahut kathin hota hai. Jo ispe kaabu paa leta hai wo hi ucchaiyon ko mutthi me kar pata hai. Mere andar itni kaabiliyat hoti to shayad aaj main khud ko hi maaf kar deta. Kya soch raha hai Vishnu ? Train aayegi aur nikal jaayegi , tu bas saamne chala jaa. Maine socha apni dari hui aankhon ko dhak dun . Par yeh faisla toh aur bhi galat nikla. Ankhen band karte hi woh saari baatein saamne aane lagi jo kabhi mujhe pasand aaya karti thi. Jinse main tha aur jo mujhse thi. Mummy- papa , Meri behen , Mera chota bhai , mere dost , mera pyaar ; in sab ko main alvida kaise kahuun ? Train aur bhi kareeb aa chuki thi . Mere paas ab jyada time nahi tha . Sochne ka samay samapt ab uss khai me kudne ka waqt aa gaya tha jise maine hi gehraayi di thi. Ek baar phir se Ankhon ko band kiya aur platform ke neeche utar gaya . Aas-paas koi awaaz nahi thi. Mano sab meri maut ko dekhne ke liye shaant ho gaye hai. Koi aahat nahi . Na kisi panchi ki chehchahahat , na hi kisi ke kadmo ki aahat. Duniya tham si gayi ho jaise. Train ki tej dhwani bhi ab kaano me nahi pad rahi hai. Shayad maut ke itne kareeb aaker shareer bhi saath chodh deta hai. Haath ek jagah nahi tik rahe the. Kapkapi se pura badan jhalla utha tha. Achanak se ek tej awaaz aayi aur meri maut ki sawaari mere samne se nikal gayi.Train apna kaam kiye bina hi chali gayi. Usne uss insaan ke liye koi fikr nahi ki jo aaj apni jaan dene ke liye train ka sahara leeya huwa tha. Phir se sab kuch pehle jaisa ho gaya.Awaaze mujhe chilla ke keh rahi thi ki main zinda hun. Kaano me aaker mujhe kaayar keh rahi thi. Panchi phir se apni meethi boli se mujhe jeene ki icchha dene lage. Hawaayein mere chehre ko jaise tamacha maarne lagi . Main khud ko maar bhi nahi saka. Darr itna hai to zinda kaise hun main ab tak ? Khud pe bahut gussa aa raha hai. Pura chance hone ke bawjood main fail ho gaya. Kya karun ? Akhir fail hona hi likha hai life me toh aadmi kar bhi kya sakta hai. Bas yehi failure ka dhabba na lag jaaye mujhpe isiliye toh aaj marne aaya tha . Par aaj maut ke test me bhi fail ho gaya. Man toh kiya ki train ko peeche kheech ke phir se uske saamne aa jaauun. Na jee sakta hun , na mar paa raha hun. He Bhagwan ! mujhe le jaa na yaahaan se. Ab kaun sa bura din bach gaya hai jo maine dekha nahi hai ab tak.Waapas apne ghar jaana padega ab. Shayad kal subah mujhe isme safalta mill jaaye par ab dusri jagah par. Pehla attempt hi toh fail hua hai . Yeh keh kar khud ko sambhal to liya  par agli baar bhi yeh na ho aisa tay kar liya. Dusri baari me yeh ho jaana chayiye. Kitne din aur aise jeena padega? Station ko chodha aur ghar ka rasta pakda. Peeche mud kar bhi nahi dekha uss jagah ko. Soch liya ki ab dekhunga toh upar wale ke sath hi.  

Clickopedia - 5 !!

SRK In The Super-hero Avatar :

Some Xclusive Pics of RA-ONE :