Untitled Story - The Hostel Kaios !!!

Idhar main aur aarav hostel ke baahar pahuch gaye . Abhi raat ke 8:15 baje hai . Hum hostel ke baahar main gate pe chhupke khadhe hai taaki hume watchman na dekh le . Waise har baar hum watchman se nahi chupte hai par iss baar isiliye chup rahe hai kyuki woh girl's hostel ka watchman hai . Usne hume dekh liya toh humari tai - tai phish kar dega . Hum andar jaane hi waale the kii tabhi ek car aaker gate pe rukti hai . 
Baap re ! jaldi road - side aa .
Isse pehle ki car se aaya mehmaan hume wahaan dekh leta , hum fauran kinaare jaaker chhup gaye .  Main kinaare khadha hoker bas car waale ka wahaan se jaane ka intezaar kar raha hun . Jaise hi woh jaayega , main andar chala jaaunga . 
" Hey ! yeh new entry kaun hai yaar ? " Aarav bhi mere bagal me hi chhupa huwa hai aur jab uss car se ek ladka baahar aata hai . Dekhne me ekdum jabraadu aur kapdo se kisi rayis - jyade ki aulaad lag raha hai . Agar yeh college aa gaya toh ladkiyan toh mar - mitengi ispar . Khair ! fizool baaton ka koi fayda nahi abhi . 
Woh ladka car se nikal kar seedhe girl's hostel me ghus gaya . Usko dekhke mujhe kuch alag se laga . Aisa jaise ki woh koi wajah se yahaan aaya hai , aur wajah aisi jo shaitaani hai . Par maine jo kaam jyada zaroori hai uspe dhyaan diya . Mujhe nishita ko lena hai . Jaise hi woh andar ghusa , aarav bhi andar jaane laga main gate se par maine usko waapis piche khich liya . 
Ruko ! agar yahaan se gaye toh pakde jaayenge . Back Entry leni hogi ! 
Aarav waapis aaya aur phir humne uss ladke pe jyada dhyaan na dete huwe uski car ke piche se hote huwe , hostel ke piche waale gate pe chal diye . 
" Tujhe lagta hai ki waha koi nahi hoga ? " Aarav ne chalte - chalte pucha ki piche bhi koi nahi hoga . Main tabhi ruka aur aankhein bandh kii taaki yeh dekh saku ki piche koi hai ki nahi . Phir maine dimaag se tarange waha tak bheji jisse mujhe yahaan kya hai aur kaun hai sab dikhne laga . Tasveerein bilkul saaf toh nahi hai par jitni bhi hai usse yeh poora pata chalta hai hai ki wahaan iss waqt koi nahi hai .
Haan ! No one is there at the moment . Lets go now .
Meri baaton pe vishwas karke aarav mere saath chalne laga . Hum jyada der na karte huwe uske room ke piche ke area me pahuch gaye . Par ab yeh sochna hai ki hum dono nishita ke room me kaise pahuchenge . 
" Yaar ! hum room tak kaise jaayenge ? Her room is on the second floor , man ! " Aarav ko jo problem nazar aayi , wahi problem mere samne bhi hai . Dusri manzil tak jaana aur woh bhi deewar se chadhke , bina kisi ki madad ke bagair toh kisi bhi aam insaan ke liye naa - mumkin hai . Aarav toh yeh karne ka soch bhi nahi sakta . 
Aisa karte hai , tu yaheen niche wait kar mera . 
Maine aarav ko yaheen rukne ko kaha taaki main akele upar jaa saku  par aarav aise hi thodi maanne wala hai - " Main niche wait karu ? Means you are gonna creep up to her room like this ? Are you gone mad ? "  Kisi bhi insaan ko meri baat pagalpan hi lagegi . Upar chadhna bahut mushkil hai . Par na toh main aam hun aur na hi main insaan hun . Mere liye yeh bahut asaan hai par main ekdum se chadh bhi nahi sakta kyuki aarav bhi mere saath hai . Mujhe usko khud se dur bhejna hoga , par kaise ? 
I can creep up idiot . You better go and stand near the turn and just see if anybody is coming . Ab i am going up . 
Aarav jyada argue na karke deewar ke ant pe khadha ho gaya aur nazar rakhne laga ki kaheen koi aa toh nahi raha hai . Main pipe ke sahaare upar chadhne laga .


Woh handsome sa ladka , jiske chehre se hi ameeri jhalak rahi hai , woh girl's hostel me ghoom raha hai . Kamaal ki baat toh yeh hai ki usko watchman ne roka bhi nahi . Woh shayad kisi ki talaash me hai yahaan . Idhar - udhar uski nazrein kisi ki firaak me hai . Par woh kise lene aaya hai ? Woh niche hostel ke floor pe kadam badhaate jaa raha hai aur idhar - udhar dekh raha hai . Hostel ka koi bhi staff member usko rok nahi raha hai . Woh aage badh raha hai aur ek kinaare Kumbhi baitha hai apne kursi par . Ab toh kumbhi usko pakdega hi . Par woh apni kursi pe se khadha hota hai aur usko uthke namaste karta hai - " Sir ! Namaste sir . Welcome sir ! " 
Kabhi kumbhi ko kisi ko salaam karte nahi dekha tha kisi ne . Abhi bhi kisi ne nahi dekha siwaay uss handsome ladke ke jiske liye salaam aaya hai . Woh kumbhi ko ek muskaan dete huwe aage badhta gaya . Woh lagaataar kisi ko dhundhta chal raha hai . Par shayad jisse milne woh aaya hai usko woh pehchaanta nahi . Uske jooton ki aawaaz itni kadak hai ki sheesha tootne jitni saaf hai . Phir uske samne se SMS guzarta hai . Sms ko toh kuch puchna chayiye ki kaun hai , kaha se aaya hai aur kaha jaa raha hai par woh toh kumbhi se jyada paltu vyavhaar karne laga . " Sahab ! aap yahaan ? Aayiye , aayiye . Poora hostel ghoom lijiye aap . Please ! " Woh ladka apni tight black shining trousers se  ek 500 ka note nikaalta hai aur sms ke haath me pakdaata hai . Sms note leke uska shukriya karte huwe chala jaata hai  - " Thank you sahab ! " Sms note paker apne chehre par 24 * 24 ka muskaan lekar chala jaata hai .
Phir uss ladke ki talaash shuru . Har room ke darwaaze ko aise taak raha hai jaise ki baahar se hi sab dekh sakta hai . Uski aankhon me ek ajeeb sa junoon hai jo na - jaane kaha se aaya hai . Woh poora niche talaash chuka hai par usko apni manzil nahi mill rahi . Tabhi uska cell phone vibrate karne lagta hai uske tight black  shininh trousers ki daayi pocket me . Woh apna cell phone nikaalta hai aur uspar call " Dad " naam se aa raha hai . Uski ungli pehle call attend ke button pe jaati hai par woh attend button dabaata nahi hai . Phir tabhi uski ungli call reject button pe jaati hai aur woh call reject kar ke apna cell phone phir se apne pocket me rakh leta hai . Agar call uske dad ka tha toh usne uthaaya kyun nahi ? Khair ! uski talaash abhi bhi jaari hai . Umar se toh koi college going student hi lagta hai par shayad bade ghar se taalluk rakhta hai tabhi toh saara staff usko pehchaanta hai aur maan bhi raha hai . Uska rutbaa toh suraj ki roshini ki tarah phaila huwa hai . Ab woh dheere - dheere pehli manzil pe pahuch gaya aur waha bhi har room ko baahar se hi chalte huwe check kar raha hai . Tabhi unhi kitne rooms me se kisi ek room se ek hostel ki ladki baahar nikalti hai . Woh ladke ke saamne se aa rahi hai . Ladke ki nazar uspar padti hai . Isse pehle ki woh uss ladki ko rok kar kuch puchta , uss ladki ne khud hi puch liya - " Hey ! who you ? Dont you see this is a girl's hostel ? Who the hell are you haan ? " Yeh huwi na baat ! Koi nahi toh yeh ladki sahi . Usne bilkul sahi sawaal kiya hai . 
Ladki ki baat sunkar uss ladke ko zara sa bhi asar nahi huwa . Uski aankhon me ab - bhi ghamand nazar aa raha hai aur woh seedhe - seedhe apne kaam ki baat karta hai - " Listen ! apni chhonchh apne jeb me rakho . Mujhe jyada bolne waali ladkiyaan bilkul pasand nahi aur jab koi ladki mere muuh pe jyada bolne lagti hai toh I know how to shut them up . " 
Uski zubaan itni kadwi niklegi yeh toh uss ladki ne socha bhi nahi hoga . Par woh ladki bhi jhalli hai - " Apna yeh arrogance apni mom ko dikhaana , samjhe ? You are very rude and disgusting and ...." Woh ladki abhi bol hi rahi thi ki uss handsome ladke ne usse apni ore khichke usko kiss karne laga . Yeh kya kar raha hai woh ? Sahi kaha tha ki usko ladki ko chup karaana aata hai . Kiss ke baad woh ladki toh bilkul alag hi behave karne lagi . Uska gussa toh dilkash adaaon me tabdeel ho gayi - " Hmmm ! Tum toh bade serial kisser nikle . By the way ! yahaan kyun aaye ho ? " Pehle bhi yehi sawaal kiya tha ladki ne . Par pehle aur abki baari me ek antar hai . Pehle jab yeh sawaal pucha tha toh gusse se pucha tha aur ab jo yeh sawaal kiya hai toh pyaar se kiya hai . Ladke ne usko apni baahon me kas liya aur uske chehre ke kareeb aaker kaha - " Main yahaan nishita naam ki ladki ko search karne aaya hun . Mujhe bataogi woh kaun se room me rehti hai ? " Ladki bhi usko rokti nahi ab aur uske kaano me kehti hai - " Nishita ? That girl from south ? She lives on the second floor . " 
Jo pata karna tha woh ladke ko pata chal gaya hai  - " Thanks sweety ! " 
" Need some  more info ? " 
" Jab aage mood karega toh zaroor lunga . See you some other time baby ! " Itna kehke woh ladka aage badhne lagta hai second floor par . 


Idhar main nishita ke room me khidhki se ghusta hun toh dekhta hun ki nishita nahi hai yahaan . Priya bed pe doosri taraf muuh karke leti huwi hai . Uske haath me uska cell phone hai aur kaano me ear - plugs . Matlab jab tak dekhegi nahi tab tak usko pata nahi chalega ki main room ke andar hun . Usne sleeveless top pehan rakha hai jo kamar tak aate -aate khatam ho jaata hai aur usse bhi chote shorts hai jo kisi mini - skirt se kam nahi hai . Ab pata chala ki aarav priya ko hot kyu kehta hai ! Arre ! main bhi kaha khoo gaya ? 
Main ahista - ahista uske paas jaaker uske kaan se ear - plugs nikaalta hun . Priya turant ghabraa kar bed ke dusri side kud jaati hai - " Vishnu tum ? Tum itni raat gaye room me kya kar rahe ho ? And leave this , tum iss room me enter kab kiye ? Oh God ! tum kaha se aaye andar ? Howcome i did not noticed you ? Oh my god ! agar kisi ne tumhe aate dekh liya hota toh kya hota ? "  Woh toh nishita se bhi jyada sawaal karne lagi . Nishita itna toh nahi puchti mere se . Maine priya ko chup karne ke liye uske muuh pe apna haath rakh diya taaki woh aur sawaal na kar sake .
Suno meri baat aur dhyaan se suno . Main nishita ko lene aaya hun for a holiday trip aur woh bhi abhi , issi waqt . Kaha hai ? 
" Kaun kaha hai ? " 
Nishita kaha hai ? 
" Woh washroom me hai . " Yeh huwi na baat ! bina kuch puche bas jawaab deti jaa rahi hai . Par agar priya room me hi rahegi toh main nishita se baat nahi kar paaunga . Usko bhi baahar bhejna hoga . Isko aarav ke paas bhej deta hun . 
Niche aarav bhi khadha hai . Go and catch him ! 
" Kya aarav bhi aaya hai ? I m going . " Priya turant bed se utar kar room se baahar bhaag jaati hai taaki aarav se mill sake . 
Jaise priya door ko kholke baahar jaati hai main door bandh karta hun aur intezaar kar raha hun nishita ke baahar aane ka . Par mujhe jyada intezaar nahi karna pada kyuki darwaaza khulne aur bandh hone ki aawaaz sunke nishita andar se bolte huwe baahar aati hai - " Priyu , kya huwa ? " Aage kuch bolti par bolti bandh ho gayi kyuki saamne main jo khadha hun , priya ki jagah . Mujhe dekhke nishita poori had - badaa jaati hai . Aise kaanpne lagi jaise usko 105 degree bukhaar ho . Loo se nikalte samne main dikhunga , aisa toh sapne me bhi nahi socha hoga usne . Dheere - dheere anaap - shanaap bad - badaane lagi - " Viiii ..viiii ...sh ..nuuuu.....Tttttuuuu.....tuu.....ummm ......? " 
Nishita ke baal geele hai . Uske lambe khule baal paani se bheege huwe hai aur aadhe chehre pe bikhre huwe hai . Chehre pe ajeeb si sharamo - haya hai jo sirf ek ladki hi bayaan kar sakti hai . Loo se nikali huwi ek ladki agar kisi ladke ko apne saamne paayegi toh zaahir si baat hai ki sharmaa jaayegi . Usne kapde bhi kam se kam pehne huwe hai . 
Woh kya main tak usko aisi haalat me dekh kar sharma gaya . Par abhi sharm - varm ka samay nahi hai humaare paas . Main uske paas jaane laga . Mujhe apni taraf aate dekh woh piche hatne lagi . 
Ghabrao mat ! Hume abhi nikalna hai . Issi waqt . 
Meri baat sunke nishita aur bhi jyada confused ho gayi  - " Kaha nikalna hai ? Itni raat me kaha jaana hai hume ? " 
Dont ask any more questions nishita ! Main jo keh raha hun , sirf itna karo .
Nishita toh apni jagah pe hi chipak gayi . Maine uske bed ke niche se uska bag nikaala aur bed pe rakh diya - Jaldi ! apna saara saamaan isme pack karo aur chalo mere saath . C'mon ! Hurry up !
Jab maine doosri baar bola tab nishita ne hilna shuru kiya . Woh hilte - dulte apne bag me apne kapde rakhne lagi aur packing karte - karte - " But where are we going this time ? " 
Hum  GORAKHPUR   jaa rahe hai , mere ghar .
Iske baad nishita ne ek sawaal tak nahi kiya aur humne bags pack kar liye . Ab baari hai room se , hostel se baahar nikalne ki . Par hum darwaaze se nahi jaa sakte . Mujhe hi kuch karna hoga . Maine nishita ko apne back pe uthaa liya aur kaha - Apni aankhein bandh karlo . We are gonna descend down . 
Nishita ne apni aankhein bandh karli aur maine usko apne piche uthaake pipe se utar kar baahar aa gaya . 
Lets go now !


Udhar humaare room se jaate hi woh handsome sa ladka nishita ke room me aata hai . Woh room me aate hi idhar - udhar ek tak me dekhta hai par usko koi nahi dikhta hai kyuki priya niche hai aur nishita vishnu ke paas . Jab usko koi room me nahi dikhta hai toh uske chehre pe jo ek calmness dikh rahi thi woh udd jaati hai . Woh gusse me aage badhta hai room ke andar . Andar dekhta hai ki room ki khidhki khuli huwi hai . Khidhki pe parda hawa ke kaaran charo ore udd raha hai . Woh khidhki pe aata hai aur khidhki se baahar dekhne lagta hai . Tabhi uske tight black shining trousers ke jeb me uska cell phone phir se vibrate karne lagta hai . Woh cell phone nikaalta hai . Call phir se uske dad ka hai . Par iss baari usne call uthaaya - 


" Hello dad ! .......
  No dad ! mujhe woh ladki nahi milli .......
  She is already gone with him ......
  Okay Dad ! I will see that ! "


Uske baaton se toh lagta hai ki woh nishita aur vishnu dono ko hi jaanta hai . Khidhki ke baahar jhaakte huwe woh khud se kehta hai - " Though you are gone far from me , i will snatch you from everything , Nishita . And this is the promise of Vikram Somdev Rathore , asli rajput hun main . Jo vaada khud se kiya hai , woh sabke saamne poora karunga . I promise ! "