Luv Me Twist Hai(LMTH) - Mantra - Mugdh [ PART 3 ] :

Vishnu ke liye Seeta ka agla sawaal - " Kaha karwaana hai tattoo ? " 
Jab woh seeta ki ore dekhta hai toh jaise Mantra - Mugdh sa ho jaata hai .

Uske khule lambe ghani zulfein machine ki hawa ke saath udte jaa rahe hai . 


Mantra - Mugdh ho gaya hai Vishnu jab usne uski aankhon ko itne kareeb se dekha . 
Mantra - Mugdh kar diya hai Seeta ki pyaari - pyaari baaton ne , halaanki jyadatar sirf sawaal the . 
Mantra - Mughd itna ki Seeta ne pucha kya tha wahi bhool gaya .

" You there ? "  Seeta dekhti hai ki Vishnu sirf usko nihaare jaa raha hai aur kuch bol nahi raha . Phir Seeta vishnu ko uske baah pe pinch karti hai taaki woh hosh me aaye . 
Uske aisa karte hi Vishnu cheekhte huwe kehta hai - " Dill pe "  Phir jab yeh ehsaas hota hai ki usne kuch galat keh diya toh turant baat ko badalta hai -  " I mean seene pe . " 
Seeta sunte hi Vishnu se uska shirt loose karne ko kehti hai taaki woh asaani se uske dill pe ...mera matlab hai seene pe tattoo bana sake . Vishnu bhi bina kuch bole apne shirt ke upar ke do button khol deta hai aur Seeta machine dheere - dheere uske kareeb laati hai . Par shuru karne se pehle seeta itna bataa deti hai - " Listen ! Tumhe dard ho sakta hai . But dard ka ehsaas na ho isliye we will keep talking like this . " 
Vishnu jab usko apne itne kareeb aate dekhta hai toh sirf dekhta hi reh jaata hai . Seeta ka chehra thik uske chehre ke saamne hai . 


Mantra - Mugdh ho gaya hai Woh uski khushboo se . 
Uske chehre ki muskaan aur uski shahed se bhi meethi baatein ab aur bhi kareeb hai jo Vishnu ko Mantra - Mugdh kar rahi hai .
Woh mehsoos kar sakta hai bolte samay Seeta ki garm saansein jo ki thik uske seene se takraa rahi hai aur uske dill ki dhadhkano ko Mantra - Mugdh kar rahi hai . 
Kabhi kisi ladki ko apne itne kareeb nahi aane diya Vishnu ne  par aaj is ladki ne yeh kaise Jaadu - tona kar diya hai ki sirf usi ko apne kareeb chahta hai  . 
Mantra -Mugdh itna ki pata hi nahi chala ki Seeta ne apna kaam shuru kar diya hai .

" Tumhe dard nahi ho raha ? "  Seeta thode dheeme aawaaz me Vishnu se puchti hai kyuki woh nahi jaan paa rahi ki Vishnu ko pata bhi hai ki Tattoo banna shuru ho gaya hai .
Vishnu ko dard nahi , pyaar ho raha hai , aur pyaar ho raha hai - " Nahi ! " 


Idhar Vishnu aur Seeta me sirf baatein ho rahi hai . Idhar Vishnu ko zara sa bhi dard nahi ho raha hai par doosri taraf Kunal hai jo Charli dwara dhaaye gaye zulm se cheenkh raha hai  " Ouuchh ! " 
" Abe rehne de . " 
" Mar gaya ve ! " 
" Maar daalega kya ? " 


" So tumhari girlfriend ka naam ' S ' se shuru hota hai ? "  Seeta lagaataar baatein kar rahi hai taaki Vishnu ko dard ka ehsaas na ho .
" Nahi ! "  Vishnu ko baatein karne ki aadat nahi hai isliye ladki ko bhi seedhe - seedhe jawaab de raha hai .
" Phir ' S ' hi kyu ? " Obvious sa sawaal hai agar girlfriend ka naam S se nahi hai toh phir S kyu .
" Future girlfriend shayad ! " 
Seeta baat bhi kar rahi hai aur saath hi saath apna kaam bhi kar rahi hai - " Future ? Aur woh bhi shayad ? " Thoda hairaan hai par phir bhi puchke dekhne me kya buraai hai . 
" Haan ! " 
Ab apne kaam se jyada Seeta ko Vishnu ki baatein interesting lagne lagi .
 Shuru se lekar abhi - tak usne apni muskaan barkaraar rakhi huwi hai aur waise hi har baat kar rahi hai - " Pata hai yeh tattoo hamesha ke liye hai . Koshish bhi karlo tum ise mitaa nahi paoge . " 
" Mitaana nahi tabhi toh apne dill pe karwa raha hun .  "  Kehte hai na ki bolo toh solid bolo , yehi kahaawat sahi baithti hai Vishnu ke upar . 
Seeta khil - khilaate huwe hasne lagti hai . Uski yeh hansi Vishnu pehli baar dekh raha hai . Pehli baar jab dekha tha toh sirf confusion dikh raha tha seeta ke face pe . Maathe pe shikand the par aaj koi pareshaani nahi hai . Sirf hansi aur khushi hai face pe . 
Seeta tabhi Vishnu se kehti hai - " Meri taraf dekho , in my eyes . I m going to try piercing now so mujhe dekhte raho shayad pain kam hoga . " 
Vishnu ne waisa hi kiya jaisa ki Seeta ne kaha , uski aankhon me dekhne ko . Seeta machine se ek needle baahar karti hai aur usse vishnu ke seene pe pierce karti hai . Shayad yeh design ka ek hissa hoga . Needle chhubhaate hi Seeta apni palak jhapkaati hai yeh sochke ki Vishnu chillane wala hai . Par aisa nahi huwa , Vishnu nahi chillaaya .


Woh toh Mantra - Mugdh ho gaya hai seeta ki bhuri - gehri aankhon me dekh ke .
Mantra - Mugdh ho gaya hai woh seeta ke chehre pe woh bhaaw dekh ke .
Mantra - Mugdh ho gaya hai woh seeta ka haath uske seene pe mehsoos karke .

Tabhi machine ki hawa se udte huwe seeta ke ghane lambe baal Vishnu ke chehre pe bikhar jaate hai . Woh apni aankhein bandh karta hai aur aankhein bandh karne par bhi Seeta hi nazar aati hai . 
" Ooops  ! Sorry . "  Seeta apne baalon ko uske chehre se hataati hai . Jab woh aisa karti hai toh uske mulaayam haath Vishnu ke chehre ko nahi uske dill ko chhute hai . 


Aise touch se Vishnu Mantra - Mugdh ho gaya . Kya ehsaas hai yeh ? Vishnu ka pyaar jo abhi 33.33 % tha , ab shayad 66.66 % ho gaya hai . 
" Piercing is done . Tumhe void pain huwa ?  I am Amazed ! " Seeta ke needle ka kaam poora ho gaya hai . Vishnu waise toh kuch nahi bol raha par uski nigaahein bahut kuch bol rahi hai jo Seeta kuch hadd tak padh sakti hai  - " Tum muscular ho yaa is this coz of  my presence ? " 
" Nahi ! aisi baat nahi hai . Mujhe pata hi nahi chala actually . "  Ek ladki , itni khoobsurat aur itne kareeb kuch aisa puchti hai toh koi bhi ladka ' Nahi ' nahi bolta magar Vishnu ko pyaar ka khel nahi aata isliye bholepan se apne dill ke darwaaze ko bandh kar leta hai jhooth bolke .
" Hmmm ..... It means ki you are in love ? "  Seeta kya koi bhi bhaap lega ki Vishnu ko pyaar ho gaya hai kyuki uske dono gaalon pe likha hai ki - I need Kiss . 
" May be ! " 
" Main toh clearly samajh sakti hun tumhari feelings . "  Seeta ke bolte hi Vishnu apne dimag me chal rahe pyaare - pyaare sapno ko jagaa deta hai taaki kaheen woh seeta ko seeta ka hi khwaab na dikhlaa de . Phir seeta ek aakhiri touch deti hai aur kehti hai - " One last mark and its done . " 
' Its done ' sunte hi Vishnu bad - hawaas sa ho jaata hai yeh sochke ki ab usko jaana padega . Seeta se dur aur apne pyaar se dur . Mann me uske yehi chal raha hai -- 
" Kya ? Ab thode der me Seeta tattoo complete kar legi ! Phir mujhe bhi jaana hoga , dur jaana hoga tumse . Dur jaana hoga seeta se ? Yeh sochke hi dill dukhne lagta hai . Kash  yeh tattoo kabhi poora na ho ! Kash  yeh pal aise hi tham jaaye jisme main hun , seeta ho aur yeh tattoo ho  ! " 


" Ho gaya tumhara tattoo . "  Seeta ne uske soch ko khatam karte huwe wahi kaha jo vishnu nahi sunna chahta tha .
" Yehi toh nahi hona tha ! " Vishnu mann me kehte huwe uthta hai . Udhar Kunal bhi tattoo karwaa chuka hai . Apni jeb se apna wallet nikaalkar Seeta ki taraf mudta hai taaki usko Tattoo ka payment kar sake . 
" Tum counter pe pay kar dena .  "  Seeta ne kunal ko bataaya ki paise woh nahi legi , counter pe jama karna hoga . Kunal apna wallet lekar counter ki taraf chala jaata hai .
Idhar Vishnu bhi piche kadam badhaate huwe - " Thanks .......and... byee . " 
Par isse pehle ki Vishnu aur piche jaata  , Seeta usko rokti hai -  " Wait ! " .
Uske paas jaaker apne dono haathon se uske shirt ko pakad kar upar ke dono buttons bandh karti hai jo Vishnu bandh karna bhool jata hai - " Aise hi jaaoge kya ? " Vishnu ko toh hosh bhi nahi ki uske shirt ke buttons khule huwe hai magar jab Seeta unhe bandh karne aati hai tab use yeh nazar aata hai . 
" Ohh ! Thanks again ! " 
Seeta buttons bandh karne ke baad jab Vishnu ki aankhon me dekhti hai toh kuch der woh bhi behak si jaati hai . Magar agle hi pal kehti hai - " Advice hai , Jisse pyaar hai usse bol dena aur yeh tattoo zaroor dikha dena . Badi mehnat se banaaya hai maine ! "  aur khud hi apni baat pe hasne lagti hai . Pata nahi ladkiyaan apne hi jokes pe kaise hans leti hai ? 
Vishnu muskuraate huwe seeta ko dekhte - dekhte baahar nikal jaata hai . 
Toh yeh thi --
Pyaar ki doosri saugaat !

• »The Iѕнтααя - Rιgнтѕ !!! « •: Luv Me Twist Hai (LMTH) - Pyaar Kii Doosri Saugaat...

• »The Iѕнтααя - Rιgнтѕ !!! « •: Luv Me Twist Hai (LMTH) - Pyaar Kii Doosri Saugaat...: Artist jab unke paas pahuchti hai toh - " So ! You may sit here . " samajhti hai ki tattoo Vishnu ko karwaana hai aur usko hi us seat pe ba...

Luv Me Twist Hai (LMTH) - Pyaar Kii Doosri Saugaat ! [ PART 2 ]

Artist jab unke paas pahuchti hai toh - " So ! You may sit here . " samajhti hai ki tattoo Vishnu ko karwaana hai aur usko hi us seat pe baithaati hai . Vishnu phir galat - fehmi ka shikar ban jaata hai par is baar woh kuch bolta ki woh dekhta hai ki yeh tatto artist aur koi nahi balki wahi ladki hai jo use us din mall me milli thi . Haan ! yeh toh pakka wahi ladki hai dupatte wali . Yeh yahaan pe tattoo banaati hai ? Vishnu chup - chap baith jaata hai .
Magar Kunal is baar - " Hey ! tattoo mujhe chayiye , not him . " Woh artist se kehta hai ki victim woh hai na ki vishnu . 
Par woh tattoo artist toh jaise Vishnu ke liye hi aayi thi - " Sorry ! kaheen likha nahi hai ki tattoo kise banwaana hai aur kise nahi . " Phir Kunal ko bagal wali seat pe baithne ko kehti hai - " You sit there . Tumhe tattoo Charlie dega . " Phir vishnu ki ore mudte huwe aur uske kandhe pe apna komal haath rakhte huwe puchti hai - " You wanna try this ? " 
Is sawaal me aur vishnu ke jawaab dene ke beech ek lamba gap aata hai . Pehla reason ki Vishnu artist ko dekhke hi mook ho gaya hai , hairaan hai , khush hai aur pareshaan hai . Doosra yeh ki tattoo usko bilkul pasand nahi par ab agar wohi ladki jisse woh pehli nazar me pyaar kar baitha hai puch rahi hai toh woh manaa kaise karega . Teesra agar woh naa karta hai toh shayad usse baat karne ka mauka khodega . 
Kunal yeh sab bagal me baithke sun raha hai . Usko laga ki agar Vishnu phans gaya toh baad me usko hi daantega ki - Kaminey ! teri wajah se mujhe tattoo banwaana pada . Kunal unki ore ghoomkar bolta hai - " Actually ! yeh yahaan ......." 
Kunal apni baat poori karta ki vishnu ne uski baat kaatke , apni baat jod di - " .....Tattoo hi banwaane aaye hai . Yeah ! " 
" So fine ! Just wait for a sec , main designs lekar aayi . " Woh vishnu ko muskuraate huwe itna kehti hai ki vishnu phir se hosh me behosh ho jaata hai . Kunal ka toh maatha hi ghoom gaya hai . 
Jaise hi woh jaati hai , Kunal vishnu ka shirt pakad ke kheechta hai - " Ab yeh kya nautanki hai be ? " 
" Kya nautanki ? " 
Kunal khud vishnu ki taraf jhukkar bolta hai - " Tujhe bhi tatto karwana hai ab ? " 
Vishnu ke paas utna samay nahi hai ki woh kunal ko aaraam se fursat se samjhaa paaye ki yeh artist aur koi nahi balki wahi ladki hai jisko Vishnu ne apna dill de diya hai  - " Haan ! ab haan . " 
Tabhi woh artist waapis aa jaati hai - " I hope maine tumhe jyada wait nahi karwaaya . "  Kitna pyaar se aur kitni meethi aawaaz me usne Vishnu se yeh baat kahi . 
Vishnu ne sar hilaakar kaha - " Its fyn ! " . Woh uski pyaari - pyaari baaton ka experience pehli baar kar raha hai . Pehli mulaaqaat me sirf aankhon ka kaam tha par is baar zubaan ne rang dikhaane shuru kar diye . 
Uske baad ek choti si kitaab kholte huwe usne Vishnu ko dikhaani shuru kar di . Pehle page pe jo designs hai - " See ! this one is the oldest design we could give you . Dekhne me accha hai par bhot out - dated hai . "
Phir ek - ek karke page palatte gayi aur har design ki khasiyat Vishnu ko bataate gayi - 
" This one is simple but yeh woh log lete hai jinhe muscular body rakhne ka shauk - vauk hota hai . I think you should not try this . ............You can have this one , red colour mixed with thin - green stripes and blue patches . Yeh tumpe accha lagega . .......Or you can try for some alphabets yaa name n all . Apni girlfriend ka naam try kar sakte ho yaa apni dream girl ka ? ......" 


Idhar Vishnu aur uska artist kaam me busy hai toh unke bagal me Kunal aur uska artist Charli bhi busy hai - " Sir ! Aap kya lenge ? " 
Kunal ek nazar vishnu ki taraf dekh raha hai aur soch raha hai - " Abey ! tattoo karwaane main aaya tha par kismat Vishnu ki chamak gayi . Dekh ! kitni khoobsurat artist tattoo bana rahi hai iska . Kitne pyaar se puch rahi hai ki kaun sa tattoo chayiye ! Usko madhubala aur mujhe jeeja kam saala ? " 
Uske khayaalon ki koi fikar nahi hai Charli , Kunal ka tattoo maker , ko - " Sir ! your design please ? " 


Vishnu ko yeh nahi pata ki usko kaun sa design chayiye kyuki woh toh tattoo karwaane aaya hi nahi tha  - " Try letter 'S' on me . " 
Vishnu ki choice sunkar woh artist muskuraati hai aur samne aaker kehti hai - " Mera naam kaise pata chala tumhe ? " 
" Aapka naam S hai ? " Vishnu ko kya pata ki artist ka naam kya hai . Us artist ne apne upar bhi S letter ka tattoo banwaa rakha hai . Woh S artist ke naabhi ke paas hai jo vishnu ne notice kiya . Isliye kuch soche bina Vishnu ne S karne ka soch liya .
" No baba ! " Phir us female artist ne machine ko ek haath me kiya aur doosra haath Vishnu ki taraf badhaate huwe kaha - " Hie ! My name is Seeta . " 
Bina koi pangaa kiye , bina puche hi Vishnu ko naam pata chal gaya . Woh naam sunne ke baad kareeb 200 baar usne Seeta apne dill se bola hoga tabhi toh apna haath aage karne me thoda sa time lagaaya - " M Vishnu . "


Idhar Kunal jab Vishnu ke muuh se ' S ' sunta hai toh usko ghoorne lagta hai , dono aankhein dabaakar aur sochta hai - " Saala ! S ka tattoo mujhe karwaana tha par ab janaab ko bhi S hi chayiye . Aakhir yeh kar kya raha hai ? Kahi yeh apni artist pe line toh nahi na maar raha hai ? "  Kunal soch me tha tabhi Charli bhi Kunal se wahi sawaal karta hai - " Sir ! what design ? " 
" 'S' banaado " Kunal ko toh yehi gudwaana tha par Charli yeh sunke Kunal se pehle sawaal karta hai - " Sir ! aapko mera naam kaise pata chala ? " 
Kunal yeh sunke thoda ghabraa jaata hai kyuki jo baatein uske bagal me ho rahi hai , wahi baatein uske saath bhi ho rahi hai par fark yeh hai ki udhar ek ladka - ladki hai aur idhar ek ladka - ladka hai  - " Kyun tumhara bhi naame Seeta hai kya ? " 
Phir woh saamne aata hai aur apna haath kunal ki taraf badhaate huwe kehta hai - " Hy ! My name is Sameer . " 

• »The Iѕнтααя - Rιgнтѕ !!! « •: Luv Me Twist Hai (LMTH) - Tattoo Sucks ! [ PART 1 ...

• »The Iѕнтααя - Rιgнтѕ !!! « •: Luv Me Twist Hai (LMTH) - Tattoo Sucks ! [ PART 1 ...: Abhi ishq ka khumaar chhaaya hi tha ki ishq ke aasaar dikhaayi dene lage . Apne dost ke saath Vishnu gaya hai tattoo banwaane . Waise Vishn...

Luv Me Twist Hai (LMTH) - Tattoo Sucks ! [ PART 1 ] :

Abhi ishq ka khumaar chhaaya hi tha ki ishq ke aasaar dikhaayi dene lage . Apne dost ke saath Vishnu gaya hai tattoo banwaane . Waise Vishnu hostel se hi keh ke nikla hai ki woh apne shareer ke kisi bhi ang pe tattoo nahi gudwaayega . Tatto ki sabse jyada zaroorat hai Kunal ko . Usko apni kisi khaas dost ko khush karna hai . 
" Hey ! tum sure ho ki yeh sahi hai ? " Vishnu ko aisi harkatein bilkul pasand nahi hai kyuki apne shareer pe aise waahiyaat chitra banaana aur khud ko dard dena bewkoofi hai . Log college me pahuchte nahi ki yeh sab faltu kaam shuru kar dete hai . 
"Aur nahi toh kya ! Main tattoo  ' S '  naam ka karwaaunga taaki koi bhi ladki jiska naam S se shuru hota hai woh impress ho jaaye yeh dekh ke . Ab samajh me aayi baat ? " Kunal ka plan bewkoofon wala aur Kunal ki soch usse bhi bachkaani . 
" Par agar ladki ka naam S se nahi huwa toh ? " Vishnu ne Kunal ko apna idea badalne pe majboor karne ke liye aisa pucha .
" Arre toh sirname S se hoga . " Vishnu ke sar pe haath rakhte huwe Kunal kehke uske saath andar ghusta hai Tatto Shop ke .
" Par woh bhi kisi doosre letter se huwa toh ? " Andar jaate hi Vishnu ne Kunal ko piche se rokte huwe kaha taaki ab bhi samay hai aur samay beetne se pehle dono waapis chal sake . 
Kunal waheen khadha ho jaata hai aur andar kisi se baat karne se pehle Vishnu ke muuh pe haath rakhkar kehta hai - " Toh uska koi nickname S se de dunga mere baap . Ab chup ! " 
Vishnu ab kya bolta kyuki uska muuh toh Kunal ne bandh kar diya . Phir Kunal counter pe jaata hai aur waha pe baithe ek insaan jaat se arz karta hai - " Excuse me ! " 
Woh insaan jaat Kunal ko ek nazar dekhta hai . Shayad kuch sochta hai par kuch bolta nahi . Hairaan khadha Kunal phir se apne dialogues repeat karta hai - " I mean excuse me ! " 
Is baar thode bhaari aawaaz me kunal ne dum lagaa ke kaha par shayad isse kuch jyada asar nahi huwa us insaan jaat par . Siwaay iske ki usne Kunal ko dekha aur - " Excused ! " 
Uske bolne ke tareeke se ek baat saamne aa gayi ki yeh insaan jaat ka gussa karna banta hai . Ab jiski bhagwan ne hi kaat li ho , woh toh khafa hoga hi . Aise log jab koi form bharte hai toh question hota hai ki ' Male  /  Female ' ? , toh yeh log '/ ' pe tick karte hai . Na ganga ke is paar aur na yamuna ke us paar . 
Vishnu kunal ko support dene ke liye uske piche se aage badhta hai aur insaan jaat se arz karta hai - " Humaare dost ko tattoo banwaana hai . "
" Then aise to the point bolne ka tha na pehle ! " Chalo , usne kuch bola toh sahi  - " Kisko chayiye ? " 
Sawaal aise dekhte huwe kiya usne ki Kunal confuse ho gaya ki yaha demand kis cheej ki huwi hai - " Kya ? " 
" Naughty boy !  Tattoo kisko chayiye ? " Ab saaf - saaf sahi shabdo ka prayog karega toh hi samajh aayega na !
" Me ! " Kunal ne uske counter pe lean hoker kaha .
" Right now or later ? " Woh insaan jaat bhi kunal ke kareeb jhukkar kehta hai .
Kunal turant seedhe khadhe ho jaata hai aur mere piche chala jaata hai - " Abhi tattoo karwaana hai agar place hai toh . " 
" Kaha banaana hai tattoo ? " Uska sawaal kaam ke hisaab se sahi hai par niyat me khot nazar aa rahi hai .
Is baar Vishnu ne jawaab diya - " Tatto tum karoge ? " 
" No ! I am the manager here . Artist andar hai ! " Manager aur woh bhi ek haath se kaam karne wala ? Thoda alag hai par koi jyada pareshaani nahi hai ! 
" Toh kya hum andar jaaye ? " Vishnu mard ki tarah yeh situation handle karte huwe .
Woh insaan jaat manager chehre ko sikoodte huwe haathon se ishaara karta hai ki jaao . Phir Kunal aur Vishnu dono andar chalte hai . Andar dhero mard apne shareer pe zulm dhaa rahe hai . Matlab sabhi tattoo jaisa kuch apne shareer pe banwa rahe hai . Unhe tattoo banaane me dard toh ho raha hai par kaun sa junoon hai jo unhe yeh karne pe majboor karta hai . Vishnu toh kabhi yeh nahi samajh sakta . Kunal bhi nahi samajhta par apni kisi khaas dost ke liye woh bhi banwaane aa gaya . 
" Yess ! toh aap tattoo karwaane aaye hai ? " Tabhi ek aadmi aaker Vishnu se puchta hai ki kya usko tattoo karwaana hai . Magar Kunal aage aaker bataata hai ki tatto vishnu ko nahi balki usko karwaana hai .
Woh aadmi jo pehle se hi tattoo machine liye huwe khadhe tha , bola - "  Tum  ?  " Phir ek khaali jagah pe point karte huwe kehta hai ki - " Sit there ! The artist will be coming in a few sec . " 
Uske bolte hi kunal waha jaaker baith jaata hai . Vishnu bhi uske saath , uske piche khadha hoker aazu - baazu dekhne laga . Sabhi artist kitne be -  rehmi se kisi ke shareer me chhed kar sakte hai . Jo tattoo banwa rahe hai unhe koi dard mehsoos nahi ho raha , jo tattoo machine liye tattoo bana rahe hai unhe koi dard mehsoos nahi ho raha par Vishnu ko toh yeh sab dekhke hi dard mehsoos hone laga . Vishnu ne piche se kunal ke kandhe pe haath rakhte huwe kaha - " Yaar ! Hume toh dekhne se hi dard ho raha hai . Tum pakka ho iske liye ? " 
Kunal baithe - baithe piche mudta hai par isse pehle ki woh  kuch kehta uska tattoo artist aa jaata hai . I mean tattoo artist aa jaati hai . Vishnu kunal ke piche khadha hai toh artist ko aate usne dekha nahi par Kunal jo ki Vishnu ki taraf mudaa huwa tha usne artist ko dekh liya . Woh tattoo artist ko dekhte hi kunal ka muuh khula ka khula reh gaya . Woh isliye kyuki yeh artist pehle toh male nahi female hai aur doosra ki yeh itni sundar ladki hone ke baad bhi yahaan tattoo karti hai . Woh usko dekhkar hi khadha ho gaya aur muuh kholke dekhne laga . 
" Kya huwa ? " Vishnu ko nahi maloom ki kunal aise kyu uth gaya apni jagah se . Ab dono hi khaali jagah ke paas khadhe hai aur Kunal ek taraf muuh kiya huwa hai aur Vishnu ne doosri taraf .