Check out my new profile photo and respond!

A bit disastrous dear .............

Popularize urself by asking me !

Is your life more comedy or drama?

Actually , its quite a melo - drama !!!

Popularize urself by asking me !

Boredd, so inbox me a <3 and I'll tell you what I like about you/your picture :) ♥x

Uhhh ! Ohhh...., Plzzz be genuine !

Popularize urself by asking me !

Bigg Buzz : DON-2 - First Dialogue Promo " Don Says " :

DON-2 Says

Watch it SRK Fan Klub ! He is More Dangerous Than He Has Ever Been .

You can invite anyone to your party. Who's on the guest list?

All Angels ...........Not those on earth !

Popularize urself by asking me !

So, just curious:) why are you following me?:) ♥

Coz u walk right infront of me always ..........

Popularize urself by asking me !

• »The Iѕнтααя - Rιgнтѕ !!! « •: Untitled Story : Home-Standing -- Almaari & TV :

• »The Iѕнтααя - Rιgнтѕ !!! « •: Untitled Story : Home-Standing -- Almaari & TV :: " Aunty , Jaldi kariye na please . Mujhe woh things dekhni hai before Vishnu comes back home . " Nishita ne mummy ka haath pakad kar unhe b...

Untitled Story : Home-Standing -- Almaari & TV :

" Aunty , Jaldi kariye na please . Mujhe woh things dekhni hai before Vishnu comes back home . " Nishita ne mummy ka haath pakad kar unhe baahar laate huwe kaha .
" Tumhe sach me dekhna hai ? " Mummy un cheejon ko saamne laane se pehle Nishita se ek baar puchti hai . 
Nishita itni excitement me hai ki usse naa toh bola hi nahi jaayega - " Haan ! I want to see them . " Iske baad na koi sawaal aur na koi jawaab . Mummy ne Nishita ka haath pakdaa aur phir dono mere kamre ki taraf jaldi se badhne lagi . Aisa kya hai jo Nishita itni excited hai dekhne ke liye ? Aisa kya hai jo Mummy mere kamre me usko le jaa rahi hai .
Dono feminine mere kamre me pahuchte hi kamre ka darwaaza bandh kar deti hai taaki agar main iss beech ghar pahuch bhi gaya toh kamre me naa aa paaun . Phir Mummy chhaabhi nikaalti hai aur mere almaari ka taala kholti hai . Meri woh almaari jo maine ghar se jaane ke baad kabhi bhi nahi kholi thi . Yeh almaari mere liye khazaana jamaa karne ki ek khufiyaa jagah huwa karti thi . Yeh almaari me maine kuch aisi cheejein jamaa kar ke rakhi thi jisse mujhe pyaar tha . Kuch aisi cheejein jo mere alaawa aur kisi ne nahi dekhi hai . Mummy ko yeh pata tha ki main almaari me sapne jamaa karta tha . Mere sapne bandh the iss bandh almaari me . Maine khud ghar aaker mere iss almaari ko haath nahi lagaaya tha . Par Mummy dikhaana chahti hai ki maine apne kaun se sapne ko bandh karke rakha hai iss almaari me . 
Almaari ko kholte hi mere beete pooraane dino ki saari baatein Nishita ke aankhon ke saamne aa gayi . Yeh almaari anokhi hai kyuki iske andar maine kapde nahi balki apne sapne rakhe hai . Woh sapne jo ab chah kar bhi main nahi jee sakta hun . Sabse pehli cheej jo saamne aayi woh hai ek aadhe handle waala cricket bat . Chhota aur bahut pooraana par sambhaal kar rakha huwa , cricket bat . 
" Jab school ke liye pehli baar team me select huwa tha tab ka bat hai yeh . Apne papa se chhupaa kar khud jaaker kharidaa tha vishnu ne . Tab se bade jatan se rakha hai iss bat ko yahaan . " Mummy se raha nahi gaya aur aankhon me aansuun bhi aur chehre pe ek muskaan bhi , dono hi bhaawon ko peerote huwe Nishita ko mere bat ki kahaani bataayi . 
Woh bat Nishita ne ek tak nihaar kar apne bagal me rakha aur phir uski nazar un trophies aur shields par gayi jo almaari ke sabse upar khaane me rakhi huwi hain - " Aunty , yeh prizes aur award sab .....sab Vishnu ke hai ? " 
Mummy ne aagey rakhe sabse badi trophy ko baahar nikaala . Trophy ke niche jo jagah thi uspe mote - mote aksharon me likha huwa hai - ' Inter School Tournament Winner ' . Mummy ke haath ki ungliyaa un likhe huwe shabdo ko chhute huwe gayi , iski bhi ek kahaani hai - " Yeh dekh rahi ho ? Yeh Vishnu ki sabse badi uplabdhi hai . Cricket team ka captain aur apne team ko jeetaya tha tab yeh trophy lekar lauta tha . Bahut khush tha uss din jab usne yeh trophy apne haathon me pakdi thi . " 
Bade trophies ke beech ek chhoti si shield bhi dikhi Nishita ko jispar bhi kuch likha huwa hai par dhul jamaa hone ke kaaran kuch saaf nahi dikh raha . Mummy ne Nishita se woh shield maangkar kaha - " Laa , saaf kar deti hun . " aur phir apne saaree ke pallu se jami dhul ko saaf kiya . Tab dikha ki shield ke niche kya leekha huwa hai - ' Shakti Cricket Team ' . Nishita ko samajh nahi aaya ki iska matlab kya hai - " Aunty , yeh kis liye hai ? " 
" Yeh ? .....Arre yeh toh apne colony ke ladkon ne jeeta tha par Vishnu ne zidd kar ke yeh shield maang li thi . Chhota tha na isliye kisi ne manaa bhi nahi kiya aur de diya . Shayad yaheen se usse yeh mehsoos huwa ki woh cricket ke liye kuch bhi kar sakta hai . Laao isse main rakh deti hun . Chhoti si hai , kaheen gum na ho jaaye . " Toh mere cricket prem ki shuruvaat ek chhote se shield ne kee thi . Phir Mummy ne sabse khaas cheej ko baahar nikaala . Ek kitaab jo ki almaari ke locker me rakhi huwi hai . Kitaab jiska cover hi sab keh deta hai . Cover pe hi 1983 aur 2011 world cup winner team ki ek tasveer chipki huwi hai , yaani ki Indian team ki . Ek me Cup Kapil Dev ke haathon me hai toh doosre me Cup Dhoni ke haathon me hai . Mummy ne yeh kitaab Nishita ko dete huwe kaha - " Yeh dekho . Roz , jab - bhi  koi nayi tasveer newspaper me nikalti thi na , toh usse kaat ke apni iss kitaab me chipka deta tha . " 
" Oh really , How sweet is that ! " Nishita yeh sunkar hasne lagi . Kuch deewaane aisi aadaton se ladde huwe hote hai . Mujhe bhi yeh aadat thi . 
" Vishnu ki iss aadat se inko bada gussa aata tha . " Mummy ne aagey bhi baat zaari rakhi .
" You mean uncle ? " Nishita ko pehle toh ' Inko ' kaun hai nahi pata laga lekin phir samajh gayi ki Mummy papa ki baat kar rahi hai . 
" Haan ! Inke paper padhne se pehle woh paper pe idhar - udhar kanchi chala deta tha aur inki news aadhi reh jaati thi . Bada gussa karte the yeh par Vishnu kabhi nahi sunta tha . " Mummy ko pehle se hi papa ke gusse me baare me pata tha aur yeh bhi pata tha ki papa mujhe kabhi cricket khelne nahi denge . 
Nishita ne kitaab ko khola aur ek - ek karke saare panno ko dekhne lagi . Har panne me ek kahaani hai . Har panne pe cricket ke baare me woh sab kuch hai jo ek cricketer tak nahi jaanta hoga . 
In sab me samay bahut lag gaya . Tabhi Mummy ki nazrein kamre ki wall clock pe gayi . " Ab hume almaari pe taala maar dena chayiye warna kaheen Vishnu aa gaya toh na jaane kaise react karega . " Mummy ne saara saamaan waapis andar rakh diya , theek ussi tarah jaise ki woh pehle tha . Almaari pe maara taala aur dono hi kamre se baahar chali aayi . Nishita mummy ke saath niche toh aayi par phir wahaan se mummy kitchen me aur Nishita apne room me yaani ki guest room me chali gayi . 
Apne kamre me pahuchte hi Nishita bed pe jaaker baith jaati hai . Kuch soch rahi hai . Mann me kuch chal raha hai . Chup - chaap bed pe baithi hai . Palkein jhuki huwi hai par dekh kuch aur rahi hai . Na - jaane mere adhoore sapne ko kis nazariye se dekha hai Nishita ne - " Yeh reason hai tumhare aise attitude ka . Apne dad ke kahe ko maan toh liya par khare nahi utar paaye . Karna kuch aur chahte ho par kar kuch aur rahe ho . Oh god ! aur upar se main hun jo hamesha tumhe pareshaan karti rehti hun . Ek toh waise hi tumhe itna dukh jhelna pad raha hai aur uske upar se main tumhe hamesha tang karti rehti hun . I m sorry , Vishnu ! I promise you ki aaj ke baad se ....aaj kya abhi se main kabhi tumhe pareshaan nahi karungi . Nahi ! ...kabhi - kabhi karungi par phir maafi bhi maang lungi . I will make sure that there is a big smile on your face from now on . " Nishita ke dill me jo feelings thi woh ab pehle se jyada gehri ho gayi hai mere liye . Pyaar me dukh dena toh bada asaan hai par pyaar ko khushi dena aur bhi jyada asaan hai . Nishita ko yeh toh samajh aa gaya ki Vishnu ke aise hone ki wajah kya hai par woh yeh nahi jaanti ki ab Vishnu kuch nahi badal sakta . 


Raat ke do baj rahe hai yaa phir dhaai . Andhere ki wajah se kuch saaf nahi dikh raha hai par yeh toh pakka hai ki chaand ki roshini sabse jyada hai is samay . Ghar me sabhi log chain ki neend soo rahe hai . Mummy - papa bhi apne kamre me soo hi rahe hai . Par mujhe har raat ki tarah aaj ki raat bhi neend nahi aa rahi hai . Jab se hosh khoya hai tab se neend toh udd si gayi hai meri . Baahar hall me baithke TV dekh raha hun . Waise itni raat ko sirf do hi tarah ke channels on - air hote hai . Ek sports channels aur doosre woh silent movie channels . Par main India ka match dekh raha hun . Live nahi hai , highlights . Hall ki batti maine bujhaa di hai taaki baahar koi yeh na samjhe ki andar log jaage huwe hai . 
" Vishnu , is that you ? " 
Main TV pe nazrein gadaaye baitha tha ki mujhe piche se ek aawaaz sunaai di . Mujhe pata tha ki itni raat bhi mujhe chain nahi milne wala . Palat ke dekha toh andhere me ek roshini ki kiran ke bilkul beecho - beech khadhi hai Nishita . Uske kamre ka darwaaza khula huwa hai jahaan se lights on hone ki wajah se roshini hall me aa rahi hai . Woh phir aagey badhne lagi , mere sofe ke paas .
Tumhe neend nahi aa rahi kya ? 
Maine dheemi aawaaz me Nishita se yeh pucha ki itni raat me bhi woh mere piche kyun aayi hai . Dabi aawaazein kabhi - kabhi shabdo ke do arth nikaal deti hai . 
" Nahi . But what about you ? Tum raat me soote nahi ho kya ? " Bolte - bolte Nishita sofe pe baith hi gayi . Ab usko jaane ke liye directly toh bol nahi sakta isliye apne aap hi chup ho gaya . 
Nahi ! Monsters raat ko nahi soote isliye jag raha hun . 
Nishita khil - khilaate huwe TV ka remote apne haath me leti hai aur sports channel ki jagah doosra channel lagaa kar bolti hai - " Monster ? " 
Haan ! monster . Par aaj jaan gaya ki chudail bhi raat me nahi sooti . 
Yeh bolte huwe maine bhi TV ka remote uthaaya aur waapis se sports channel lagaa diya . Nishita phir se muskuraane lagi . Waise uski yeh hansi apne upar thi kya ? 
" Itni raat ko kya dekh rahe ho ? " Obvious sa sawaal tha . Main soo bhi nahi raha aur TV pe time - pass kar raha hun .
Match dekh raha hun . Dekhne dogi ? 
Thoda uunchi aur gusse bhari aawaaz me maine Nishita se kaha kyuki usne phir se TV ka remote apne haath me pakad liya aur channel badalne lagi . 
" Mujhe F-tv dekhna hai . Kabhi dekhne ka mauka nahi milta na so aaj dekh hi lena chayiye . " Nishita ne yeh bolte huwe channel badal kar F-tv laga diya . Mera match wahi reh gaya .
F-tv rehne do . Kal main tujhe poori picture dikha dunga .
Itna bolte huwe maine uske haath se TV ka remote le liya . Channel turant badal diya aur waapis sports channel laga diya .Isse pehle ki woh phir channel badalti , maine Nishita ko baaton me uljhaane ki koshish ki . 
Tum jaaker soo kyu nahi jaati ? 
" Mere kamre me bahut garmi ho rahi hai . Neend hi nahi aati isliye baahar chali aayi . Its so hot in there . " Nishita ka ajeeb - o - gareeb bahaana ki kamre me garmi jyada hai . Itne thand ke mausam me kisi ko garmi bhi lag sakti hai . 
Tum jaao mere room me . Udhar AC on kar ke soo jaao .  Jaao ! 
Do baar jaane ko isliye kaha kyuki mere baat ke beech hi Nishita ne mere haath se TV ka remote le liya aur F-tv laga diya .
" Thanks ! But pehle yeh dekh luun . " Nishita ke aisa karne se mujhe thoda gussa aane laga . Ek toh mujhe sports channel lagaane de rahi hai aur uske upar se F-tv lagaa rahi hai . 
Dekho ! iske alaawa kuch aur dekh lo . Remote mujhe do . Do ! 
Maine remote lene ki koshish ki par usne TV ka remote kas - kar pakad rakha hai . 
" No ! " 
Uski bhi zidd toh meri bhi zidd . Maine remote lene ke liye dono haath lagaa diye . Nishita ne bhi remote ko dono haatho se dabaa liya . Hum dono ki chheena - chhapthi ki wajah se TV ka volume bahut jyada badh gaya . Aawaaz itni jyada tej ho gayi ki ab toh sabhi uth jaayenge . 
Aawaaz kam karo ! 
Maine remote lene ke liye Nishita se chilla ke kaha ki TV ka volume kam kare . TV ke aawaaz ki wajah se meri aawaaz dab hi gayi . Nishita ne hadh - badi me remote chodh diya aur phir . Phir naa to remote mere haath me aaya . 
" Oouuchh ! " Nishita zor se chheenkhi jab uske haath se remote chhoot gaya aur seedhe sofe ke cushion ke niche ghus gaya . 
Maine fauran jaldi se ek haath cushion ki choti si jagah me haath phiraaya . TV ka remote niche hi hai , maine jaldi se remote nikaala aur TV switch off kar diya . Par shayad maine thodi der kar di . 
" Kya kar rahe ho dono ? " 
TV bandh karte hi ek aur aawaaz Nishita aur mujhe dono ko sunaai padi . TV toh off hai . Phir yeh kaun bola . 
Palat kar dekha toh piche Mummy khadhi dikhi . Chehre pe hairaani aur neend se jagne par gussa . 
" Kya ho raha hai yahaan ? " Mummy ne phir se sawaal kiya ki hum dono kya kar rahe hai . 
Phir maine yeh baat realise kiya ki Nishita aur mujhe iss waqt koi bhi dekhta toh yehi puchta - Kya kar rahe ho ? 
Maine jab yeh realise kiya toh niche dekha . Mere niche Nishita hai jo sofe pe aadhi padi hai . Maine remote lene ke liye jhuka tha niche toh maine dekha nahi ki nishita bhi wahi hai . Mere ek haath me TV ka remote hai aur doosra haath Nishita ke kandhe pe hai . Main theek uske upar hun aur woh bhi uske taraf muuh karke . Aise haalat me toh koi kuch bhi soch sakta hai . Main fauran bina agle sawaal ka intezaar kiye bina apni jagah se piche hat gaya .
Kuch nahi ......Aabbbaaa...bababa....Woh .....wo TV ...TV ka volume loud ho gaya tha na toh.....
" Aunty ! .....Ga...gaga...ga.....galti se volume .....woo...woo...woh loud ho gaya tha . " Nishita bhi girte - padte shabdo ka istemaal karte huwe sofe se uth khadhi huwi . 
Mummy andhere se nikal kar roshini me aa gayi - " Nishita ! beta tum jaaker soo jaao . Raat bahut ho gayi hai na . " 
Mummy ke order ko maante huwe Nishita turant mere kamre ki ore chal padi - " Good night aunty ! " 
Nishita chali gayi aur ab meri baari . " Aur tum ? Tum bhi jaao . Jaaker soo jaao ab . " Mummy ka order aur main bhi chal pada Nishita ke kamre ki ore .
Acchhaa ! ! 

How did you celebrate your last birthday?

Happily ........

Popularize urself by asking me !

Untitled Story : Home-Standing -- The 3 Aunties :

Kehte hai na ki cigarrete ka dhuuaa aur ghar aaye mehmaan ki khabar badi jaldi phailti hai . Mere ghar aane ki khabar bhi mere colony me poori tarah se phailti jaa rahi hai . Suryavihaar naam bahut hi soch ke rakha gaya hai meri colony ka . Jaise surya ki kirne dharti ke har kone me pahuchti hai , waise hi mere ghar aane ki khabar bhi suryavihaar ke har ghar me pahuch chuki hai . Apne kamre me main aaraam kar raha tha . Safar karke shareer ka har part akad sa gaya hai . Wahi seedha kar raha tha par meri akad logon ko kahaan samajh aayegi ! 
" Vishnu ! Your mom is calling you downstairs . Neighbours have come to see you . " Nishita ko mujhe pareshaan karne me itna mazaa kyu aata hai ? Bina knock kiye mere kamre me ghuske mujhe order de rahi hai ki Vishnu ! niche jaao .
Why ? Main koi zoo ka naya animal hun kya jo mujhe dekhne aaye hai ! 
" Don't know about that . But ab chalo na . They are waiting for you . " Nishita ne mere bed pe baithte huwe mera haath pakad kar mujhe uthaane ki koshish karte huwe kaha , vinti ki mujhse - " Tumhari mummy ne kaha hai ki Vishnu ko jaldi bhejo . " 
Nishita ne jab mera haath pakadte huwe yeh kaha , tab main use mana nahi kar paaya kyuki uska chehra itna pyaara lag raha hai ki naa ka toh sawaal hi nahi uthta . Isse pehle ki kuch aur uthta , main hi apne bed se uth gaya . 
Ok , mill leta hun .... Chalo !
Phir hum dono mere kamre se baahar nikal gaye aur main gaya niche hall me aur Nishita gayi kitchen me .


Namastey Aunty , Namastey !
Ek - ek karke teeno aunties ka paer chhuu kar maine unka aashirvaad liya . Mujhe aate unhone dekha nahi kyuki main piche se jaaker seedhe unke paeron pe jo gir pada . Mujhe aate dekhte hi teeno aunties ek - ek karke khadhi hoker mujhe gale lagaane lagi . 
" Dekho ! Kitna bada ho gaya hai , nahi ? Baap re ! ekdum lag raha hai jaise baahar se aaya hai . "  Dev Aunty ne dekhte hi apni nazdeek ki nazar mujhpe daali . Unke hisaab se 6 mahine me main bada ho gaya hun . 
" Haan ! thoda mature lag raha hai ab . Apne Papa ki tarah bilkul . " Poonam Aunty ne toh hadd hi kar dee ab . Unke kehne ka matlab kya hai ? Kya mere Papa bhi sirf thode mature lagte hai ? Aur to aur , inko mere Papa bahut yaad aa rahe hai . 
" Baitho , baitho ! Zara baat karte hai aapse . " Ab Shalu Aunty ne mujhe apne aur Dev Aunty ke beech me bithaaya aur baatein karni shuru kar di . Main sirf haste - haste unke sawaalon ko sun raha hun aur haste - haste jawaab bhi de raha hun . 
" Hostel me kaisa lag raha hai ab ? Yahaan toh din bhar chhat pe naachte rehte the , wahaan kaise naachte ho ? " Shalu Aunty ne meri taang khichni shuru kar di . Meri aadat thi ki main chhat pe bahut samay beetaata tha akele me . Kabhi - kabhi jab aunty apne kapde sookhaane upar aati thi toh main unhe apne ghar ki chhat pe dikh jaata tha .
Aunty ! waha professors hume nachaate hai . Kabhi yeh project toh kabhi woh assignment .
Saari kriyaa haste - haste muskuraate huwe ho rahi hai . " Beta ! khoob mehnat karna tum . Zimmedaari hai tumpar , apne Papa jaise over - educated banna hai tumhe ki nahi ? " Poonam Aunty hamesha apni angrezi ka bhakaan karti rehti hai . Over - educated banaana chahti hai mujhe . Par main toh highly - educated banunga bhai ! Phir se baaton - baaton me woh mere Papa tak pahuch gayi . 
Haan Aunty ! 
Jyada kuch nahi bola maine kyuki aage kya karna hai mujhe , woh toh main khud nahi jaanta .


" Aunty ! Vishnu hamesha aise hi akdu type rehta hai kya ? " Nishita andar kitchen me meri kundli pata kar rahi hai .
Mummy pehle toh Nishita ki baatein sunkar muskuraayi kyuki baat hi aisi hai . Phir apne haath me chaai ki pyaali ko niche rakhte huwe , woh Nishita ke gaalon pe haath pherte huwe - " Nahi pagli ! Akdu nahi , gussail kaho gussail . " 
Nishita bhi Mummy ki baat sun kar hasne lagi - " Seriously Aunty ! bhot kam haste huwe dekha hai maine Vishnu ko . All the time serious , serious and sirf serious . " 
Mummy ek pal pehle muskuraa rahi thi phir tabhi thoda utra huwa chehra banaate huwe boli - " Woh toh haalaaton ne usko aisa banaa diya hai . Bachpan me bahut mushkilein jheli hai usne tabhi toh yahaan waapis nahi aana chahta kabhi . Apne khwaabon ko kabhi poora nahi kar paaya isliye aisa ho gaya hai . " 
Kitchen se hall dikhta hai aur hall me baithe log bhi . Nishita andar kitchen se meri ore dekhne lagi , uski nazrein mere chehre pe hai jo halki muskurahat ke saath baahar hall me aunties se mukhatib ho raha hai . Uski aankhon me mere liye pyaar aur hum-dardi saaf dikhaayi de rahi hai  . Shayad uski  nazrein jo kuch keh rahi hai woh mummy ko samajh aa raha hai . Nishita meri ore dekhte huwe ek aur sawaal karti hai  - " Aisa kaun sa khwaab hai ? " 
Mummy bhi Nishita ko mera adhoora khwaab dikhaane ko taiyyar ho gayi - " Vishnu ka kabhi - bhi padhaai me jyada mann nahi lagta tha kyuki usko padhaai ki line  me aagey nahi jaana tha . Cricketer banna tha mere bete ko . Accha khelta bhi tha . Cuts aur posters ekaththa karta tha cricketers ke . Phir ek mauka bhi milaa tha usko par ..." 
" Par kya Aunty ? " Nishita aur jaanne ko icchhuk ho gayi . 
" Par uske Papa kabhi nahi chahte the ki woh cricket ki duniya me aagey jaaye . Unki zidd thi aur marzi bhi ki Vishnu engineering kare . Apne Papa ke kehne ke anusaar usne wahi kiya . Cricketer banne ke sapne ko bandh karte huwe usne apne Papa ka kaha maana . Shayad isliye waha hostel me apne iss sapne ko khuredta rehta hoga . " Mummy ne Nishita ko woh sab baatein bataa di jo unhone kisi se nahi kahi thi ab tak . 
Nishita bhi yeh jaanker khud ko rok nahi paayi aur uske aankhon me bhi aansuun aa gaye . Woh abhi - bhi meri ore hi dekh rahi hai . Pehle aankhon me pyaar tha . Ab uske aankhon me nami hai . Maahaul ek insaan ke dard se bhar  gaya . Tabhi hall se Poonam Aunty ne Mummy ko zor se aawaaz di - " Arri Chitra ! kya kar rahi ho andar ? Baahar aao toh sahi ! " 
Mummy apne saaree ke pallu se apne aansuun pochte huwe - " Nishita ! yeh lo zara yeh nashta baahar hall me rakh aao . Main abhi aayi . "  Mummy ne Nishita ko ek bada sa tray pakdaa diya . Nishita dheere - dheere tray lekar hall me baahar aayi . Pehle toh mujhe woh dikhi nahi kyuki woh bhi ussi raaste se aayi jiss raaste se main aaya tha . Piche se .


Usne piche se mere saamne aaker jhuk kar table pe tray rakhte huwe sabko hello bola - " Hello Aunty ! hello ... hello ... " 
Phir ek nazar meri taraf dekha . Maine jab uski aankhon me dekha toh laga ki jaise Nishita shayad roo rahi hai . Uski palkein bheegi huwi hai . Mujhe samajh nahi aaya ki chehre pe yeh bhaaw kyun hai uske . Maine ishaaron me Nishita se puchne ki koshish kee kya huwa usko . Par woh kuch bol bhi toh nahi sakti sabke saamne . Main apni jagah se thoda khisak gaya taaki Nishita ko baithne ki jagah mill sake . Woh tray rakh kar mere baaju me baith gayi .
Main toh Nishita ko jaanta hun par baaki ke log Nishita se anjaan hai . Poonam aunty ka muuh toh khula ka khula hai jaise unhe kisi ne injection chhuubha diya ho . Mujhe laga ki mujhe hi sabse intro karwaa dena chayiye warna log kuch bhi samajh lete hai .
Aunty ! Yeh nishita hai . Mere ...saath hi aayi hai . 
Maine bolna kuch aur chaaha par bolte samay meri zubaan ladh - khadhaane lagi aur bol kuch aur diya maine . 
Situation ki gehraayi ko kaun samajh paa raha hai , main nahi jaanta . Mummy bhi tabhi aa gayi baahar . Woh bhi humaare beech aaker baith gayi taaki baat aagey badhaa sake . 
" Aur kya baatein - shaatein chal rahi hai ? " Mummy theek humaare saamne aaker baith gayi . Main abhi kuch nahi sirf Nishita ke baare me soch raha hun ki uske aankhon me aansuun kyun hai . Meri majboori yeh hai ki main sabke saamne kuch bol nahi sakta . Meri kamzori yeh hai ki main apne aapko rok bhi nahi sakta . 
Maine apne kandhe se Nishita ke kandhe pe ek halki si takkar maari taaki uska dhyaan apne taraf kar saku . Shayad Shalu aunty ne meri is harkat ko dekh liya . 
Kya huwa ? 
Bilkul dheemi aawaaz me phus - phusaake maine Nishita se pucha ki woh roo rahi thi kya .
Nishita ne kuch jawaab nahi diya . Sirf apni aankhon se ishaara kiya ki saamne dekho - " Saamne Dekho ! " . Par mujhe jaanna hai ki aansuun ki wajah kya hai . 
" Accha Chitra ! Ab hume chalna chayiye . Beta hai .....toh tum uske saath samay bitaao . " Poonam Aunty ne mummy se jaane ki izaazat maangi . Phir sabhi log khadhe ho gaye . Mere bagal me Nishita bhi turant khadhi ho gayi . Maine phir Nishita se wahi sawaal kiya .
Roo rahi thi kya ? 
Nishita kuch bolti yaa main kuch sunta , usse pehle mujhe Poonam aunty ki mann ki baatein sunaai dene lagi - " Yeh Vishnu ke saath jo ladki hai kaun hai ? Kaheen yeh ..... ? " Kaheen yeh kya ? Kya kehna chahti hai Poonam Aunty . 
Phir mujhe Dev Aunty ke mann ki baatein bhi sunaai dene lagi - " Padhne gaya tha ki shaadi karke bahu laane gaya tha ? Par dekhne me toh badi sundar ladki lag rahi hai . " Shaadi se kya matlab ho sakta hai Dev aunty ka ? Nishita sundar hai yeh toh koi bhi usko dekhte hi kahega .
Itna kaafi tha ki Shalu aunty ke mann me chal rahi  guftagu bhi maine sun li - " Chitra ki toh chinta hi dur ho gayi . Beta baahar se khud hi bahu le aaya . " 
Accha ! matlab teeno ke mann me yehi chal raha hai ki Nishita meri ....Meri Biwi hai aur Mummy ki .....Mummy ki Bahu hai . Main teeno aunties ke chehre ghur raha tha . Yeh nahi bhaap paaya ki teeno bhi mujhe dekh sakti hai . Nishita ne apne kandhe se mere kandhe pe ek halki si takkar maari . Main hosh me aa gaya . 
Mummy teeno aunties ko chodhne darwaaze tak gayi . Poonam aunty ne kaha - " Badi khush ho na ki beta laaya hai ? " Laaya hai matlab ? Mummy ko samajh me nahi aaya ki Poonam aunty ka matlab kya hai .
Shayad Poonam aunty ke sawaal ko Dev aunty ne sahi karte huwe - " Matlab khush toh ho na ki beta aaya hai ? " 
Ab samajh aaya ki khushi bete ke aane ki hai , laane ki nahi . Mummy ne haste huwe kaha - " Bahut khush hun ji . Der se hi sahi par kam se kam aaya toh sahi . " 
Uske baad bidaahi ho gayi teeno aunties ki humaare ghar se .      

What is or was your best subject in school?

Moral Science.............A guy who has no Moral and hate Science .........

Popularize urself by asking me !

Untitled Story : Home-Standing -- Cream Biscut :

" Tumne bell kaise bajaayi ? " Jaise hum andar hall me gaye aur sofe pe baithe waise Papa ne mujhse yeh pucha ki maine door - bell kaise bajaayi . Yeh sunke toh main bhi hairaan ho gaya kyuki maine toh aam tareeke se hi bell bajaayi thi  . Ab isme puchne wali kya baat hai ? Lekin ab Papa ne pucha hai toh bataana toh padega hi kyuki woh Man Of The House jo hai . Ghar ke saare jawaab un tak toh  pahuchne hi chahiye .
Kyu ? Kya huwa ? Baji nahi thi kya ? 
Maine bhi sawaal pe betuka sawaal kar diya kyuki seedha jawaab toh sirf seedhe sawaal ka hota hai . 
" Nahi ! baji thi . Tabhi toh hum puch rahe hai . " Papa ne hume itna bolne ke baad Mummy ko dekhte huwe unse pucha - " Kyu ! Door bell toh kharaab thi na ? " 
Mummy humaare liye chaai - paani lekar khadhi thi tabhi Papa ka sawaal un tak pahuch gaya . Chaai ko table pe rakhte huwe - " Haan ! Aaj subah bhi nahi baji thi jab dhoodhwala aaya tha . " 
Sabhi ek - doosre ke hairaan chehron ko dekhne lage kyuki kisi ko nahi samajh aaya ki door - bell apne aap sahi kaise ho gayi . Nishita jiske liye yeh sab pehli barsaat jaise hai , woh toh poori gumsum se baithi hai . Main yeh jaanta hun ki door bell kaise baj gayi mere haath lagaate . Shayad meri shakti mere saath hai . 
Mere samne table pe paani aur cream biscut rakha huwa hai aur mujhse raha nahi jaa raha hai . Par aise situation me khaa bhi nahi sakta . Tabhi Mummy ne maahaul ko sambhaal liya - " Lagta hai Vishnu ke aate hi sab kuch apne - aap hi sahi ho gaya . " Jaise Mummy ne apni baat khatam kii , maine cream biscut uthaa liya . 
" Lo , aate hi biscut pe jhapatta maar diya tumhare bete ne ! " Papa ne meri is harkat ko dekh liya . Mujhe laga ki uthaate hi muuh me bhar lunga aur koi dekh nahi paayega par Papa ki nazron se kaun bach paaya hai . Maine aage kuch na bolte huwe cream biscut ke tukde kar diye aur daaton tale chaba liya . Phir toh Mummy aur Nishita jo mujhpe hanse hai , uska main kya bataau ! 
" Beti ! tumhara poora naam kya hai ? " Mummy ne Nishita se interview ka silsila shuru kar diya . 
" Aunty ! .....Wo kya hai na mera poora naam bahut long hai . " Nishita ne bhi apni dikkat ko mummy ke saamne rakh diya .
" Aisa kyu beti ? " Kitna bhi bach lo par meri Mummy se nahi bach sakte aap . Kuch jaanne ka soch le toh jaan ke hi saans leti hai . 
" Aunty ! .....Actually main ....South Indian hun . Sabka full name bhot long hota hai . Aage - piche poora south indian aa jaata hai full name me . "  Waah ! emotional toh thi hi ab humourous bhi ho gayi hai yeh ladki . Nishita aur mummy ki baatein shuru ho gayi . 
Kehte hai na jab do auratein baatein karna shuru karti hai toh uska kabhi ant nahi hota . Abhi aisa lagta hai ki shayad baat khatam par agle hi pal kisi doosre vishay pe baat shuru ho jaati hai . Waise main dono ki baaton pe jyada dhyaan nahi de raha hun par kya karu . Mummy mere saamne baithi hai , Nishita mere bagal me aur Mummy ke bagal me Papa . Unki baaton se mujhe yeh pata chala ki jab Nishita 2 saal ki thi toh usne walker chalaana seekha tha . Mummy ne mujhe dhedh saal me hi bolna seekha diya tha . 12 saal ki umar me Nishita ka apne orphanage me pehli baar paer toota tha . Mummy ke hisaab se mere kabhi bhi kuch - bhi nahi toota hai . Yeh jaanke maine shukar manaaya  ki chalo ! mera shareer itna kamzor nahi . Jaise - jaise dono apni chit - chat kar rahi hai , waise - waise Papa aur main cream biscut khatam karte jaa rahe hai . Humaare biscut toh khatam bhi ho gaye par baatein ..... Abhi toh shuru huwi hai . 
Isi dauraan darwaaze pe khat - khat ki aawaaz sunaai di . Matlab koi aaya hai . Kaun hai jo papa aur mujhe bachaane aaya hai ? Yeh jaanne ke liye dekhte hai hum log . Papa uthkar gaye aur darwaaza kholte hai . Baahar koi pizza delivery boy khadha hai , apne haathon me pizza ke dher saare dibbe lekar . 
" Bell Kyu nahi bajaai bhai ? " Papa ne pizza thaamte huwe usse pucha . Mummy bhi uthkar andar gayi pizza ke payment ke liye paise lene . 
Woh pizza boy apni topi utaarkar Papa se kehta hai - " Sir ! 4-5 baar try kiya par shayad bell khoti hai . Isliye knock karna pada . I hope you dont mind . Well ! aapke pizza on time aapke ghar . " 
" Thank you bhai ! " Papa ne mummy ke haath se paise lekar usko thamaate huwe kaha - " Yeh aapki payment . " . Pizza boy toh gaya . Ab dekhte hai ki 3 bade dibbo me kitna maal hai . 
Yeh pizza kyu order kiya hai papa ? 
Maine pucha toh Papa se hai par har baar ki tarah Mummy hi jawaab deti hai - " Poora shaher jaanta hai ki tumhe pizza kitna pasand hai . Tum jaise aaye , waise hi maine aur tumhare papa ne order de diya . " 
Mummy ne jaane - anjaane me meri ek aur pasand ke baare me bataa diya . Nishita bhi yeh jaankar khush si ho gayi - " You really like pizzas ? I did not know that ! " 
Haan ! Pizzas kisko nahi pasand hote i mean . Jab chota tha tab pizza mera fav fast food huwa karta tha . 
Maine yeh sabko sunaane ke liye kaha isliye pehle 3 shabd Papa ko dekhte huwe , baad ke 3 shabd mummy ko dekhte huwe aur aakhri ke shabd Nishita ko dekhte huwe kaha . Koi bhi mere baad bol sakta tha par Nishita ne kamaan sambhaali - " Fav huwa karta tha means ? Not now ? " 
Yehi socha tha maine ki yeh ladki nahi samjhegi - Means chota huwa karta tha . Not ki pizza fav huwa karta tha . I like pizza even now . 6 mahino se ek bite tak nahi lee hai maine iski . 
Iske baad baaton me samay vyarth na karte huwe hum sabne pizza ke ek - ek piece ko khaana shuru kar diya . 
   

do yoou have a secret that no-one knows about?

Yess......even i dont know about it much .......

Popularize urself by asking me !

Do you like to be the center of attention?

I wud luv to be the centre of attention ......It comforts me more !

Popularize urself by asking me !

• »The Iѕнтααя - Rιgнтѕ !!! « •: Untitled Story : Home-Standing -- Acepto Home :

• »The Iѕнтααя - Rιgнтѕ !!! « •: Untitled Story : Home-Standing -- Acepto Home :: Aur baaton hi baaton me hum apne ghar pahuch gaye , suryavihar pahuch gaye . Rikshaw wale ko uske 25 rupaiye diye aur usko chalta kiya . Hu...

Untitled Story : Home-Standing -- Acepto Home :

Aur baaton hi baaton me hum apne ghar pahuch gaye , suryavihar pahuch gaye . Rikshaw wale ko uske 25 rupaiye diye aur usko chalta kiya . Humne apna - apna bag uthaaya aur ghar ki taraf chal diye jo sirf kuch hi kadam ki doorie pe hai . Waise main Rikshaw wale ko 25 rupaiye dete huwe kaafi ukhdaa huwa dikha kyuki sach me station se suryavihar ka kiraaya 20 rupaiye hi hota hai , 25 nahi . Jab woh waapis ghumaaker apna Rikshaw chalaake jaane laga tab maine sirf yehi kaha ki - Kash ! kisi tarah atirikt 5 rupaiye uske kisi kaam na aaye . 
Bhale hi gusse me par meri soch ke hisaab se yeh bilkul sahi duaa hai . Jab tak uska Rikshaw sadak paar karke mere nazaron se dur nahi chala gaya tab tak main usko dekhta raha . 
Nishita aas-paas ke gharo ko aise dekh rahi hai jaise kabhi aise ghar naa dekhi ho - " I wish i was born here , this place . " 
Yeah ! You could have wished that .
Phir chalte - chalte hum mere ghar pahuch gaye . Waise koi bhi darwaaze pe khadha nahi hai humaare swaagat ke liye . Shayad yeh isliye kyuki kisi ko pata hi nahi ki main kab aane waala hun yahaan par . Aur shayad yeh bhi nahi socha hoga kabhi ki aaunga toh akele nahi balki apne saath ek ladki ko leke aaunga . 
" No one is out here to welcome us ?  " Nishita bhi yehi soch rahi hai par uski soch jyadatar sawaal banke saamne aati hai . Jaise ki abhi usne sawaal kiya . 
Maine bell bajaakar andar maujood sabhi logon ko yeh aagaah kar diya ki senapati aa chuka hai aur baahar darwaaze pe intezaar kar raha hai . Ghanti baji . Mujhe bhi sunaai di . Nishita ne bhi suni kyuki woh mere bagal me khadhi hai . Jab baahar bell bajaane waalo ne sun liya toh andar AC me baithe logon ko bhi sunaai diya hoga . Main bas yehi soch raha tha ki darwaaza khula aur humaare saamne , darwaaze ke doosri ore Papa aur Mummy dikhe . Mummy ke haath me ek badi si thaali bhi hai . Thaali me pooja ka saamaan hai aur shayad in sabhi saamaano se meri pooja ki jaayegi . 
" Aakhir itne samay baad magar tum ghar aa hi gaye . " Mummy ne dekhte hi woh poorana emotional senti sa dialogue bolkar swaagat kiya . 
Maine sar hilaaker andar jaane ke liye kadam badhaaye tabhi Mummy ne mujhe roka aur bola - " Ruko ! Pehle teeka toh lagaalo . "  Papa hamesha ki tarah Mummy ke piche khadhe hai aur shayad mere aane ki wajah se unki aankhon me aansuun bhar aaye hai . Magar woh aansuun andar hi hai kyuki - ' He is the man of the house . And men don't cry . ' .
Mummy ne bade hi pyaar se mere maathe par laal teeka lagaaya . Phir unki nazar mere doosri ore khadhi ladki par gayi . Mummy ne thaali pe rakhe teeke pe phir se ungli chhuuaayi aur usse sawaal kiya - " Tum Nishita ho na ? " 
Nishita ke mann me kya chal raha hai woh toh main nahi jaanna chahta par mera tilak - abishek dekh ke uske aankhon me bhi aansuun aa gaye . Aur kitni emotional ladki niglegi yeh ! 
Mummy ke poochne par usne apne sar ko upar - niche hilaate huwe haan kaha . Mummy hamesha se bahut milansaar rahi hai isliye unhone nishita ke bhi maathe pe teeka lagaaya . Magar sirf teeka hi nahi , mummy ne Nishita ke sar pe haath bhi phiraaya aur mujhe dekhkar bola - " Chalo ! ek toh dost tumne banaaya jo itni khoobsurat hai . " Woh teeka Nishita ke maathe pe jyada der tak nahi tika aur kuch laal rang uske kapdo pe bhi gir gaya .


Rikshaw wala apna teen pahiya chala hi raha tha ki uski gaadi thoda aage jaaker ruk  gayi . Toh woh rikshaw chaalak dekhke bhi utarta hai aur phir utarker yeh dekhta hai ki kaheen piche ke pahiye puncture toh nahi na ho gaye - " Yeh aagey kaahen nahi badhat hai ? Kaa ho gayil ab ? " 
Woh piche ke pahiyo ko dabaaker dekhta hai - " Hawa toh hai isme ! " . Phir bhi rikshaw aage nahi chal raha . Woh thoda piche hatke phir jhukkar dekhta hai ki kya ho gaya . Tabhi piche wala ek pahiya zor se aawaaz karta hai . Ek pahiya blast . Rikshaw wala yeh dekhkar wahi gir padta hai . Tabhi piche ka doosra pahiya bhi zor se aawaaz karta hai . Doosra pahiya blast . Rikshaw wala jo pehle se gira huwa tha , woh uthke bhaagta hai rikshaw ki doosri ore . Aur pahuchke yeh dekhta hai ki piche ke dono hi pahiye blast kar chuke hai . 
Uska jo aadha thaka huwa dimaag tha woh yeh dekhkar aur bhi jyada choor ho gaya - " Arre Baap re ! Yeh keise ho gaya ? "  
Woh yeh soch hi raha tha ki aagey ka pahiya bhi zor se aawaaz karta hai . Teesra pahiya bhi blast . Rikshaw wala toh teeno pahiye blast ho jaane par yehi chilla ke kehta hai - " Haaye Raam , humaare 5 rupaiye ka nuksaan ho gayil ab toh ! "  Isko kehta hai - Paisa bhi Vasool ho jaana aur apna haath bhi ganda na hona .


" Ab andar bhi toh bulaao . " Papa ne sahi kaha kyuki ghar ki baatein ghar ke andar hi karni chayiye warna baahar bheed jamaa ho jaati hai . 
Sabhi itne pyaar se muskuraaye jaa rahe hai aur bas baahar darwaaze pe khadhe hai . Papa ne jab yeh yaad dilaaya ki ghar ke andar bhi jagah hai toh mummy ko khayaal aaya - " Haan Aao ! " . 
Mummy ! Meri sena jung jeet gayi . 
Mummy ne itne taam - jhaam kiye humaare swaagat ke liye toh mujhe yehi laga jaise koi raja jung jeet ke apne mahal lauta hai . Itna majaak karna toh banta hai ! Aur aakhir - kaar hum andar pahunch hi gaye mere ghar ke . Nishita bhi yehi soch rahi hogi ki accha huwa ki yeh Family melo - drama khatam huwa .  

Gandhi - Body Perished,Soul Alive ! - FLASHES !! FLASHES !!

MK Gandhi - Nations's Bapuji :

Now , remembered as the Father Of The Nation , this legend was also once the Child of the nation .

A charming and dominating personality when he was young and highly educated and learned too .

Friend to a Friend and even to his enemies , lived all stages as a leader and firm as a stone . Lean and slim to look at but powerful in his mind - set and attitude towards life .

It is true that - ' They dont make such men anymore .' 

A legend he was , a legend he is and an ideal legendary person he ever will be . Though his body was perished long before but his soul is alive somewhere , some part of everyone's Heart !!

Flashes !! Flashes !! to Bapuji and 2nd October , the day we appreciate his coming in to this world - Gandhi Jayanti !!!