Untitled Story - Signs of Intimidation !

Paper huwa khatam aur ab baari hai sabke chuttiyon ki . Soniya ne naa toh mujhse baat karne ki zaroorat samjhi aur na main hi usse baat kar paya . Chalo ! jo huwa so huwa , ab main kuch badal toh sakta nahi . 
Shaam ka samay hai . Main apni khidhki se suraj ko doobte huwe dekh raha hun . Shayad suraj ke doobse se aur mere soniya ke dur hone ka koi mel hai tabhi mujhe suraj ka jaana khal raha hai . Kash ! aaj yeh suraj na doobe aur aasmaan me aise hi chamakte rahe . Iski roshni ek junoon paidaa karti hai jisse nikalti urjaa mujhe aur bhi shaktishaali mehsoos karwaati hai . Raat ke saaye mujhpe haawi toh hote hai par galat raah dikhaate hai . Bas aaj ki raat aur uske baad agli subah main apne shaher gorakhpur me dekhunga . Aaj ki raat hostel me phir dus dino baad hi dekhne ko milegi . Matlab ki dus dino ke baad hi soniya se baat ho payegi . Kyu aisa hota hai jab kisi ki sabse jyada zaroorat hoti hai tabhi woh humse sabse jyada dur kyu ho jaata hai ? 


Kaheen dur pataal ke ek kone me aag ka zalzala macha huwa hai - 


" Yeh nahi ho sakta . Woh itne asaani se jeevit nahi reh sakta . Nahi ! "  Ubel ka krodh poore pataal ko jalaa raha hai aur ussi aag me jal rahe hai saare mrit shareer . Uska krodh aisa hai jiske taap me poora pataal bikhar raha hai . Saabu hi hai ek jo ubel ke krodh ki wajah jaanta hai - " Sarkar ! Huzoor ! aap apna sayyam banaaye rakhiye kyuki aap mahaan ho , sarva - shaktishaali ho aur ..." 
Isse pehle ki saabu apni baat poori karta ubel ne apne haath se aag ka gola seedha uske muuh pe chala diya jisse saabu ki bolti bandh ho gayi aur uska chota par kaala chehra aur bhi jyada kaala ho gaya - " Sarva-shaktishaali hum nahi , woh ladka hai . Hum jaante hai ki ab sansaar ko uska maseeha mill gaya hai . Par hum uss maseeha ko amar nahi hone denge , nahi hone denge ! "  Ubel ne gusse me phir apne haathon se aag ke gole chalaana shuru kar diya par iss baar nishaane par saabu nahi balki woh kasch hai jisme mrit insaan kaid hai . Aag ke gole kisi ko nahi bakshte hai . 
" Main uss ladke ka jeena dubhar kar dunga . Jeete ji usko mrityu lok ki sair karaunga usse main . Kya hota hai shakti ka galat upyog , yeh main usse karwaunga , main . " 


Hostel ke room me mujhe ab udaasi hi bhari nazar aa rahi hai . Tabhi aarav aata hai aur mujhe piche se pinch karke kehta hai - " To kab nikal raha hai ghar ko ? " 
Bas aaj raat ko hi nikalna hai . Kal subah hote hi ghar . 
Aarav aur main itne pakke dost ban chuke hai ki hum ek - doosre se kuch bhi nahi chupaate - " But tune soniya se toh baat kee nahi na ? "  Mere mann me kya hulchul ho rahi hai , usko aarav jaan jaata hai . Shayad yeh humari dosti hai jo hume sochne pe majboor kar deti hai .
Ab kar bhi nahi sakta na yaar . Lets see ki kab tak aisa chalega . Har baar mujhe hi adjustment karne ki zaroorat kyu padti hai ? This time she should understand her mistake na ! 


Dono hi jagah kashma - kash hai . Vishnu jaaye yaa na jaaye , yeh soch raha hai aur Ubel yeh soch raha hai ki usko agla nishaan kaha lagaana hai . 
" Humaara naag ka saara zeher usne aise nikaal diya jaise kisi kuwe se paani nikaala ho . " Itna kehne ke baad ubel ne saabu ki taraf  ishaara karke usse apne paas bulaaya aur kaha - " Saabu ! tumhare paapi dimaag me koi raaz hai toh usse mere samne pesh karo . Mujhe toh zeher pe hi shaq ho raha hai ab ! " Ubel gusse me hai par apni tedhi baaton ka sahara lekar saabu se naya upaay puch raha hai . Saabu jo pehle se hi ubel ke aag ke gole ke nishaan ko mitaa raha tha woh ubel ke paas jaata hai aur kehta hai - " Sarkar ! paap hi paap karega raaz . " 
Saabu muskuraate huwe ubel ke pairon me gir gaya aur wahi se kehne laga - " Huzoor ! zara ek drishya pe gaur kariye . " Aisa kehke saabu ne ubel ko woh raat yaad karne ko kaha jab uss naag ka vishnu se saamna huwa tha . Ubel  apne dimaag pe poora zor daalne laga taaki jo huwa usse saaf - saaf  dekh sake . Aankhein bandh hai ubel ki par jo paapi dimaag khula huwa hai usme bahut jaan hai . 
Tabhi ubel phir apne andaaz me wahi krur hansi barkaraar rakhte huwe kehta hai - " Nishita ...."  Bas , apne zubaan se nishita ka naam lete hi ubel zor - zor se hasne lagta hai aur iss baar saabu bhi uska saath deta hai . 
Shayad unhe mill gaya unka raasta vishnu ko phasaane ka ! 


Aarav gaya hai baahar se mere liye kuch khaane ka saamaan laane . Main station par kisi gandi si seat pe baitha hun aur yehi soch raha hun ki mere jaane se yahaan kuch badlega toh nahi . Pata nahi mann me aise - aise vichaar kyu aa rahe hai ? Ghar hi toh jaa raha hun aur woh apne , apne mummy - papa ke paas , apne ghar . Phir bhi lag raha hai ki kuch galat hone wala hai yaa jaise main kuch galat kar raha hun . Aisa kyu lag raha hai ki main yahaan kuch jaal bunke jaa raha hun , jisme mere apne phans chuke hai aur shayad mere jaane ke baad aur bhi buri tareeke se phans sakte hai ! Station pe chehel - pehel machi huwi hai . Kuch log train ke aane ka  intezaar kar rahe hai . Kuch log abhi - abhi baahar se aaye hai dehradun . Kuch log apne pyaar , apne parivaar yaa apne doston ko chodhne yaa lene aaye hai . Sabko kuch na kuch kaam hai station pe . Par sirf main hi hun jo aise faltu baithke ut-pataan soch raha hun . 
Ruk jaa mann ! ab mat kaam kar itna . Maine socha ki ab yeh bhaaripan apne sar se utaar dun . Kuch aur bura na mann me phanse isiliye maine apni aankhon ko kaam de diya . Idhar - udhar dekhne laga . Logo ko aate - jaate dekhne laga . Mausam achanak se sard hone laga . Shaam aur raat ke beech ka yeh samay bahut sard hota hai yahaan . Aisi sardi me maine sirf ek shirt pehan rakhi hai . Thand ke maare shareer kaanpne laga hai . Aise me mera mann kiya ki ek cup chaai ki chuski le loon . Maine jab chaai ka stall ke liye apna bag uthaake aage badha tabhi koi train platform pe aaker rukti hai . Maine train ke aane pe jyada dhyaan nahi diya kyuki mujhe toh chaai ke stall tak jaana hai . Par jo bheedh train ke aane se huwi usse meri nazar apne aap hi train pe chali gayi . 
" Ae hatt " Main shayad kisi ke raaste me khadha tha toh uss insaan ne mujhe dhakka maarke piche kiya taaki woh aage jaa sake . Uske dhakka maarne se main thoda piche hatt gaya aur mera bag haath se chut gaya . Hawa me sardi aur bhi jyada badh gayi hai ab . Hawa ka rukh mujhe apni ore khichne sa laga hai . Par mujhe inn hawaaon se kya vaasta ! Maine jhukke bag uthaaya aur jaise hi khadha huwa toh aas - paas ki bheedh gayab ho gayi thi . Maine bilkul bhau - chakka ho gaya ki saare insaan kaha gayab ho gaye . Idhar - udhar mudke dekha par koi nahi nazar aaya . Yeh achanak se saari bheedh kaha gum ho gayi ? Main phir train ki taraf dekha jisme se bahut se log utar rahe the . Par abhi to poori train sunsaan lag rahi hai . Ek jaan nazar nahi aa rahi station pe . Aarav bhi nahi dikh raha . Yeh kya ho raha hai yahaan ? Sab kuch ruk sa gaya hai . Maine apne bag pe apni pakad majboot ki aur train ki taraf badha taaki dekh saku ki yeh train apne saath kya laayi hai . Main dheere -dheere khamosh kadmo ke saath train ki ore badhne laga . Badan pehle toh sardi ki wajah se kaanp raha tha par ab kap - kapi ki wajah darr bhi hai . Mere kadmo ki aahat bhi mujhe sunaai de rahi hai   . Sannaata aur woh bhi ek railway station pe , bahut ajeeb baat hai . Achanak se main apni jagah pe ruk gaya kyuki platform par jo train jo ruki huwi thi woh cheekhne lagi . Train ne apni seeti bajaani shuru kar di . Ab yeh kya naya jhamelaa hai ? Abhi tak koi nahi tha aas - paas . Phir yeh achanak se train ko kaun chalaane lag gaya . Train dheere - dheere apni jagah se khisakne lagi . Woh aage jaa rahi hai . Main kaha jaaun ab ? Main pehle toh train ki taraf jaa raha tha par ab jab train hi jaane lagi toh main kaha jaaun ? Ab kya main uss chalti train ko roku yaa usse jaate huwe dekhta rahu ? Par yeh train aise hi khaali jaa rahi hai . Mera dimaag yeh kaisa rahasyamayi khel khel raha hai mere saath ? Aisa kaun sa drishya hai jo meri aankhon se chupa huwa hai ? 
Itna kaafi nahi tha jo mujhe rail ki patri pe ek anjaan ladki khadhi dikhi . Woh rail ki patri ke beecho - beech khadhi hoker ajeebo - gareeb harkat kar rahi hai . Shayad woh kisi ka intezaar kar rahi hai . Par agar usne thoda aur der intezaar kiya toh train usko kuchal ke nikal jaayegi . Train seedha ussi ki taraf chali jaa rahi . Ab yaa toh woh ladki train ke raaste se hatt jaaye yaa phir train hi patriyon se hatt jaaye . Train toh seedhe jaa rahi hai . Iska matlab uss anjaan ladki ko hi hatna padega patri par se . Par woh doosri ore muuh kar ke khadhi hai aur saamne ki taraf dekh rahi hai . Train piche se aa rahi hai toh usse dikh nahi raha par kam se kam woh sun toh sakti hai . Train lagaataar apni seeti bajaate aage badh rahi hai par woh ladki mudke nahi dekh rahi aur na hi hatt rahi hai . Mujhe laga ki mujhe kuch karna chayiye . Par jab tak main aage badhta aur usko bachaata tab tak woh train me samaa chuki thi . Main darr ke uski taraf daudte huwe chillaaya - Ruko ! . 
" Ae ! baawra ho gaya hai ke ? " Mere haath kisi insaan se takraaye aur woh mujhe meri jagah pe hi rok deta hai . Main wahi ruk jaata hun . Samne phir wahi pehle jaisi chahel - pehel hone lagi . Station phir se bheedh se bhar gaya . Train apni jagah se jaa chuki hai aur patriyaan khaali hai . Jiss insaan ne mujhe pakad ke roka hai , woh kehta hai - " Kidhar jaa raha hai yede ? Aage marna hai kya ? " Woh mujhe aise kyu bol raha hai ki marna hai kya ? 
Jab maine saamne dekha toh main patri pe kudne waala tha . Itna hi nahi balki ussi patri pe train bhi aa rahi hai . Agar woh insaan mujhe rokta nahi toh train ke niche aa jaata . Main usse haath chudhwaaya aur sorry kehke piche chala gaya . Aas - paas ki bheedh me bilkul akela mehsoos karne laga main . Yeh mere saath aakhir ho kya raha hai ? Aise - aise cheejein dikh rahi hai jinka koi wajood hi nahi . Mere maathe pe pasine ki baadh aa gayi hai . Itna darr aur itna pareshaan main pehle kabhi nahi huwa tha . Main abhi bhi unn kalpanik drishyon me khoya huwa tha ki  piche se kisi ne mere kandhe pe apna haath rakh diya . Main piche mudta ki usse pehle piche se hi aawaaz aayi - " Kya huwa , vishnu ? " Aawaaz ne hi yeh saaf kar diya ki mere piche aarav hi hai . Maine mudke usko dekha toh uske haathon me chaai thi . Main kuch bolne ki haalat me nahi hun abhi isiliye chup - chap khadha raha . Aarav dekhta hai mere sar pe itna pasina aur chehre pe itna darr toh woh bhi ghabraa gaya - " Kya huwa tujhe ? Kaha jaa raha hai tu ? Chal teri sawaari aa gayi hai . " 
Uske aadhi baatein toh mujhe sunaai hi nahi de rahi hai par itna zaroor sun liya ki jiss dabbe me mujhe baithna hai woh bagal me hai . Jiss train ke aage main kudne jaa raha tha wahi meri sawaari hai . Maine apna bag usse liya aur apne coach me ghus gaya . Seat dhundhte huwe , apna bag apne pairon ke niche rakhkar main shaanti se baith gaya . Aarav ne mujhe water bottle pakdaaya aur jaane se pehle - " Chal yaar ! main nikalta hun aur teri gaadi bhi 5 minute me niklegi . Bye and take care aur ghar pahuchke hum sabko ek call kar lena . Bhoolna nahi , saale ! " 
Aarav ne itna kuch keh diya par maine ek shabd bhi muuh se nahi nikaala . Aarav mujhe dekhke samajh gaya ki kuch toh huwa hai mujhe warna main kabhi itna ajeeb bartaav nahi karta - " Tu theek toh hai na saale ? Yeh itna tensionised kyu lag raha hai ? You okay ? " 
Aarav ki baatein mere kaan ke pardo se takraa toh rahi hai par takraane ka koi asar nahi ho raha . Phir mera dimaag mujhe beeti baaton me le gaya -


Kal jo tumne kiya , woh sahi nahi kiya ! " Remitente mere room me pehle se hi khadi thi . Woh samay saamne aane laga jab nishita ke baare me remitente mujhe bataane aayi thi . 
"Woh ladki surakshit nahi hai . Itna jaanna zaroori hai tumhare liye . " Itna kehte hi woh  gaayab ho gayi thi .


Par inn baaton ka kya matlab hai ? Aarav ab bhi mere paas khadha hai - " Vishnu ! kuch bolta kyu nahi hai ? " 
Maine aarav ki taraf dekha . Woh mujhe fikar bhari nigaahon se dekh raha hai . Main usko dekhte - dekhte pooraani baaton ke baare me bhi soch raha hun . Remitente ki baatein ab mujhe lagi . Unka kehna tha ki meri wajah se nishita ki zindagi khatre me pad gayi hai . Phir ek aur baat mere zehen me aayi ki agar main aise naazuk haalaat me nishita ko yaha hostel me akele chodh ke ghar chala gaya toh kaheen usse koi khatra na ho ? 
Main nahi jaa sakta aise . Bilkul bhi nahi jaa sakta . Mujhe waapis hostel jaana hoga , nishita ke liye . 
Mere hote kisi ko kuch bhi nahi hoga. Yehi kaha tha maine jab remitente mujhe sandeh karne aayi thi aur agar main hi yaha se chala jaaunga toh kaun mere dosto ka khyaal rakhega ? 
" Vishnu ! tu hosh me toh hai ? " Aarav tab se bole jaa raha hai  . Maine usse sirf ek baat kahi - I m not going alone .
Itna kehne ke baad main apni seat se utha gaya aur apna bag leke baahar aa gaya . Aarav bhi piche - piche bhaagte huwa aa gaya . Woh nahi jaanta ki main aisi harkat kyu kar raha hun par filhaal mujhe bhi nahi pata ki ab main aage kya karoonga . Ghar pe kya jawaab dunga ki kyun nahi aaya ? 

formspring.me

Popularize urself by asking me ! http://formspring.me/Vishudishtaar

last phone call? &around how long was it? :L &who was it with?

Yaa.....a National call to South.......for arnd 30 mins.......coz cnt afford more dan dat !!!!!!

Popularize urself by asking me !

ever kissed the opposite sex?

Ohhhhhhh ! I wish ...........

Popularize urself by asking me !

do you have a dog?

I can be a bettr dog than a pet dog .......Coz i bite !!!!!

Popularize urself by asking me !

Do you like Pink?

Yup .......I lyk pink weneva my GF wears it !

Popularize urself by asking me !

Do you like kiwi? :L

I always lyk kiwis ........weneve Newzealand lose in a cricket match with INDIA !

Popularize urself by asking me !

when was the last time you went shopping/

Jus a few mins before

Popularize urself by asking me !

favourite drink?

Nothing but WATER !

Popularize urself by asking me !

Today we announced that 25 million people have signed up for Formspring - pretty cool! Of the 25 million, what's your favorite Formspring account and why?

My own dude !

Popularize urself by asking me !

If you were a Transformer, what would you transform into?

A perfect machine , i guess

Popularize urself by asking me !

• »The Iѕнтααя - Rιgнтѕ !!! « •: The Big Buzz : Mission Impossible 4 - Ghost Protoc...

• »The Iѕнтααя - Rιgнтѕ !!! « •: The Big Buzz : Mission Impossible 4 - Ghost Protoc...: "Mission Impossible Series is Back !! We have witness all those impossibles before but this tym, RE-THINK THE IMPOSSIBLE !"

The Big Buzz : Mission Impossible 4 - Ghost Protocol !!!

Mission Impossible Series is Back !!

We have witness all those impossibles before but this tym,

RE-THINK THE IMPOSSIBLE !

Untitled Story - Cant Even Assert !!

Ek - ek din ek saal jaise beet raha hai . Poora din sirf yehi sochta rehta hun ki kyu maine soniya se uss din ulta - seedha kaha . Kyu maine gusse me soniya ko itna kuch keh diya ? Agar uss din khud par thoda sa bhi kaabu paa leta toh aaj na toh soniya mujhse naraaz hoti na hi main yun gehri soch me pada hota . Pyaar ke ruth jaane pe usko phir se manaana bahut mushkil hota hai . Aur jab pyaar soniya jaisa koi ho tab toh mushkil aur bhi jyada hoti hai . Har din hum dono college me milte hai par sirf aate - jaate raaho me takraate hai . Kabhi baaton se apne zasbaat bayaan nahi kar paate . Hum sirf takraate hai kyuki jinki manjile ek hoti hai , woh raaho pe hi toh takraate hai . 


Humaara aakhiri paper hai aaj . Aaj ke paper khatam hote hi hume dus din ki chuttiyaan mil rahi hai . Iss baar mujhe chuttiyon me apne ghar bhi jaana hai . Bas aaj ka din hai jisme sab kuch suljhaana hai . Ruthi huwi soniya ko aaj hi manaana hoga warna kaheen der na ho jaaye . Chuttiyon me jab main ghar chala jaaunga toh na toh soniya sath hogi aur na hi woh paas hogi . Ek hafte se humne ek baar bhi baat nahi kii hai . Pehle kya karoon ? Paper shuru hone se pehle soniya se baat karoon yaa paper khatam hone ka intezaar karoon ? Shayad mujhe thoda aur intezaar karna chayiye ? Nahi , agar paper ke baad mauka nahi milaa toh kya karunga ? Abhi baat karni hogi . Jaise hi woh mere samne aayegi , waise hi usse baat karunga . Main exam hall ke liye campus se hote huwe guzar raha tha ki samne se soniya aate dikhi . Yehi accha mauka hai usse kuch bhi bolne ka . Woh mere samne se aa rahi hai . Hathon me kitaab liye . Kaandhe pe dupatta sambhaale huwe aur lambe - khule baal jo hawa ke sath udaan bhar rahe hai . Main dheere - dheere uski taraf badhne laga taaki woh mujhe apni raah me mujhe khadha paaye . Chalte  - chalte woh mere bilkul kareeb pahuch gayi .
Soniya ! 
Maine usse pukaara par woh mujhe ansunaa karte huwe aage badh gayi . Itne kareeb se guzri mere par phir bhi mujhe dekha tak nahi . Kitna krodh bhara hai soniya me ! Maine turant piche mudke uski taraf dekha par woh nahi mudi meri taraf . Jitna bhi badi ho jaaye yeh par iska gussa ab bhi choti bacchi jitna hai . Par maine bhi haar nahi maani . Main jaldi se uske piche gaya aur uska haath thaam ke usko roka -
Soniya ! I need to talk to you . Please ! 
Mere haath pakadte hi uske chehre ke bhaav badal se gaye . Ek pal mujhe laga ki woh mere ehsaas me kho gayi hai par doosre hi pal khud pe kaabu paa liya usne . Kaabu paate hi gusse ki aadh me mujhse boli - " Leave me ! Dont create yet another scene . Le me go ! " 
Uski baaton se mujhe bahut chot pahuch rahi hai par main yeh usse dikhaana nahi chahta ab . Jab usko khud ehsaas hoga ki jo huwa usme meri galti nahi thi tab woh khud - ba - khud samajh jaayegi . Maine uska haath chodh diya aur woh bina kuch bole chali gayi . Aas - paas jyada log maujood nahi hai par jitne bhi log hai unhone dekha sab kuch . Shayad sab samajh bhi gaye honge ki yeh sab kya ho raha hai mere aur soniya ke beech me . Main bhi waha se hall ki taraf jaane laga , thoda sa hataash aur thoda sa maayus . Andar ek tak gussa bhi hai aur ek tak aag bhi lagi huwi hai . Dill me dard bhi hai ki soniya itna naraaj ho gayi aur apne se nafrat ho rahi hai ki main khud ko sambhaal kyu nahi paaya uss din .  Kya zaroorat thi mujhe kabir se ulajhne kii ? Ab jo ho gaya usko main badal toh nahi sakta par aage kuch aur kharaab na ho jaaye uska dhyaan rakhna hoga . Main hall ki taraf jaane laga . Sar jhuka huwa hai kyuki apne se sharm aa rahi hai mujhe . 
Main nahi jaanta ki kisi apne ne yeh sab dekha ki nahi par nishita kaheen dur hoker bhi humaare beech ki dooriyon ko dekh sakti hai . Usne dekha abhi jo huwa par aage aane ki koshish nahi kii . 


Jab main hall me pahucha toh jo dekha uspe mere andar ka gussa baahar aane laga . Kabir mere aane se pehle aa chuka tha aur woh wahi kaam kar raha hai jise main bilkul bhi bardaasht nahi kar sakta . Muskuraate huwe woh soniya se baat kar raha hai . Soniya bhi uske sath khoyi huwi hai . Arre ! abhi kuch der me exam shuru hone waala hai , ek - doosre se time-pass karne ke bajaay dono padh lete toh jyada faayda hota . Ek pal toh mann kiya ki jaake soniya kabir se dur karke kabir ki naak tod dun . Lekin phir gusse me kiya gaya kaam hamesha galat hi hota hai isiliye maine kuch na karne ka socha aur chup - chap apni seat pe baith gaya . Main apni aage waali seat pe baith gaya aur sabhi mujhe aise dekh rahe hai jaise ki maine kuch galat kiya ho . 


" Soniya ! i hav heard that there is something wrong between you and vishnu . Is this really true or just a flying news ? " Kabir jaisa baatuni ladka kabhi kisi ladki ke sath chance maarne ka mauka nahi chodhta . Dono aapas me baatein kar rahe hai aur mujhe har minute apne badhte huwe gusse ko kaabu me karna pad raha hai . Mushkil hai aise chup - chap baithe rehna aur soniya ko kabir jaise ke sath baatein karte dekhna . Tabhi mere paas aarav aata hai aur jo main piche ghumke dekh raha hun wahi mujhe samne se bataa raha hai - " Ae Vishnu ! woh dekh kabir kitna has - has ke soniya se chat kar raha hai . " Aarav ko sunte maine uski ore dekha aur bola - Toh karne de na , tera kya jaata hai ? 


" No kabir ! we are absolutely fine . Nothing is wrong actually . " Soniya ne kabir se jawaab me kaha . " Are you sure na ? Mujhe bata sakti ho tum . I just want ki tum dono me koi mis-understanding ka create ho jaaye bas . " 
Dono ke chehro se toh lagta hai ki woh padhaai ke baare me toh nahi hi baatein kar rahe phir kya topic ho sakta hai ? Jo cheej mere dimaag me chal rahi hai , wahi cheej aarav bhi soch raha hai - " Abe dono kya batiya rahe honge ? Tu kuch karta kyun nahi be ? " Aarav dar - asal sahi keh raha hai ki main kuch kar kyun nahi raha . Main ab piche nahi dekhna chahta isiliye kitaab khol ke padhne laga aur aarav se bola - Main kyu kuch karu ? Tujhe kuch karna hai toh tu khud karle , mujhe padhne de . Main dono ki baaton nahi sunna chahta isiliye kitaab padhne laga . Aarav dono ki baatein sunna chahta hai par sun nahi paa raha aur mera dimaag khaa raha hai . 


" Bola na ki we are fine . Aur vishnu ki taraf se main tumse sorry kehna chahti hun . That day he just crossed his limit actually so  m sorry kabir ! " Meri ki gayi galti ki maafi soniya maang rahi hai . " Oh man ! no need to be sorry . Chill ! yeh sab chalta rehta hai between us . Waise main bhi that day thoda out of control ho gaya tha . So ! just chill . " Kabir ki toh poorani aadat hai ki kisi bhi ladki ke sath flirt karna hi hai warna ladki bura maan jaayegi . 
Idhar aarav aankhon - dekha haal mujhe diye jaa raha hai - " Vishnu ! abe kabir ne soniya ka haath pakad liya hai , Dekh ! " Jab aarav ne bola ki kabir ne soniya ka hath pakad liya toh main bhi kitaab se nikal ke baahar aa gaya aur piche mudke dekha . Aarav sahi bol raha hai . 
Main poora pak gaya baithe - baithe aur apne aap hi main uthke seedhe unki taraf gaya - Soniya ! hey listen to me .
 Maine soniya ka haath kabir se chudhaate huwe usko apni ore ghumaake kaha - When i asked you to talk , you refused me . And yaha tum iss lichar ke sath baat kar rahi ho . Jab maine soniya ka hath kas ke pakad ke yeh kaha toh soniya se pehle kabir bol pada - " Hey dude ! what you doing haan ? " 
Kabir ! i m warning you , stay out of it . 
Mere gusse ko dekhke kabir piche hat gaya . Lekin mujhe mere gusse ka ehsaas soniya ne karaaya - " Leave me vishnu . I said leave my hand ! " 
No ! first you listen to me . Maine bhi uski baat sune bina usko bola ki pehle woh meri baat sune , uske baad main kuch nahi karunga . Par woh mujhe nahi sunna chahti . Main itna gusse me hun ki mujhe ehsaas hi nahi huwa ki maine soniya ka hath bahut kas ke pakda huwa hai . Soniya ne kaha - " Leave my hand . You're hurting me . " Uske chehre pe dard dekha toh mere haath khud - ba - khud piche hat gaye . Mere kas ke pakadne se usse dard ho raha tha aur woh dard uske chere pe saaf dikh raha hai . Mujhe apni galti ka ehsaah huwa .
Did that hurt you haan ? But do you realize how much are you hurting me ? 
Apne dard ka ehsaas toh sabko hota hai par kya soniya mere andar ke dard ko bhaap paa rahi hai ? Yehi baat toh mujhe jaani hai aur main jaan bhi jaata par tabhi SRK hall me aate hai aur - " Sabhi vidyarthi apni jagah pe viraajiye kripa karke ! " 
Sir SRK ke aate hi sab log apni seat pe baithne lage . Mujhe bhi apni baat ko adhoora chodhne pada aur soniya bhi apni seat pe chali gayi . Main bhi dheere - dheere apni seat pe chala gaya aur baith gaya .  

Untitled Story : The Mis-Understanding Perpetuates !

Jaise hi exam khatam huwa , main fauran soniya ke piche - piche bhaaga . Khud uske muuh se sunna hai mujhe ki uska paper kaisa gaya . 
Soniya ! wait . 
Maine piche se aawaaz di par woh mujhe sun ke bhi ansuna karte huwe aage badhti rahi . Main samajh gaya ki kuch toh zaroor hai . Shayad woh mujhse naraaz hai , par kyu ?
Main thoda tej aage badhne laga taaki soniya ko rok sakun .
Soniya ! wait yaar . What happened ?
Main uske paas jaaker uske haath ko pakadte huwe bola taaki iss baar woh mujhse dur na bhaag jaaye . Par haath ki narmi , chehre ki garmi ko nahi dikha paayi . Uske chehre pe wahi poorana gussa hai jo kuch saal pehle maine dekha tha school ke samay me . Usne ussi look se mujhe taaka , main samajh nahi paa raha ki yeh expression kis liye hai .
Kya huwa tumhe ? 
Yeh sawaal ek ghabraahat ke sath pucha maine ki kaheen kuch theek nahi shayad . Mujhe fikr hone lagi ki soniya aise kyu jaa rahi hai . Jawaab ke bajaay usne kaha - " Shall we go to canteen now ? "
Maine bhi sar hilaa ke haan kaha aur phir hum canteen me chale gaye . 


Idhar baaki ka group apne me mashvara kar raha hai . Kuch baatein paper ke baare me toh kuch baatein kabir ki . 
Aarav toh exam dene ke baad turant hostel bhaag gaya . Kyu bhaaga ? Uska pet jo kharaab hai na . Sanchit haathon pe apni kitaab ko gol-gol ghumaate huwe bola - " Guys ! how was your first exam ? " 
Baap re , itna khatarnaak sawaal aur woh bhi seedhe exam ke turant baad ! Yeh toh aisa huwa ki abhi - abhi shadi huwi aur dulhe ko talaak ka letter mil gaya . Lekin ek hai jo aise sawaalo ke sahi jawaab dene ko hamesha taiyaar rehta hai , Raju - " Abe ! tu toh aise bol raha hai jaise tu Sridharacharya jitna accha paper karke aaya hai . Apna bata na , humpe kyu pistol taan raha hai . " 
Sanchit ko mill gaya na uska jawaab . Abhay tabhi aata hai - " No yaar ! start ke toh questions easy lag rahe the but jab unhe lagaane baitha toh mushkil se ek hilaa tha . " Raju jab abhay ko aise react karte dekhta hai toh usko apne kiye huwe pe bhi shaq ho jaata hai - " Kya bola tu ? Start ke hi questions nahi hile ? Aise ke ho gaya yaar ? Manne toh kewal starting ke hi questions aa rahe the aur woh bhi fast - fast . " 
Sabhi raju ko sunkar khoob hansne lage , tabhi sanchit aarav ke baare me bolta hai - " Hey ! yeh aarav itna instantly kahaan gaya ? Paper jaise khatam huwa , waise hi woh bhaag gaya . " Iska bhi jawaab raju ke paas hai , bhale hi galat hai par phir bhi kuch hadd tak sahi hai - " Arre ! gaya hoga apni priya ke piche - piche . " 
Sahi laga na jawaab , aarav jo bhaaga hai woh bhale hi priya ke liye nahi par wajah priya hi toh hai . Maafi chahta hun , aadhi wajah golgappe bhi hai . Iss maamle me sabse accha jawaab sanchit ke paas hai - " Dude ! agar meri bhi koi priya jaisi girlfriend hoti na , toh main toh padhai me top karta , top . Din bhar ussi se tuitions leta . "  Abhay sanchit ko aisa jawaab deta hai jisse sanchit ki bolti bandh ho jaati hai - " Suno beta ! girlfriend bana lo chahe one , two ya four  par zindagi ki jo bail - gaadi hai usse padhai naam ka bail hi khichega na . " 


Idhar main aur soniya canteen me ek corner ki seat pe baithe hai aur baatein kar rahe hai . " Was that really needed that you did in the hall ? " Itni der sath baithke pata chala ki soniya ki naraazgi iss baat se hai ki main kabir se kyu ulajh gaya . 
" Abhi examination time hai , sabhi professors firaak me hai ki kahi koi student mill jaaye jisse woh exam me nibtaa sake aur aise crucial time me tum kabir se haatha - paayi karne ko taiyyaar ho gaye . That was really immaturish . " Main tab se soniya ki khari - khoti chup - chap sun raha hun par iska matlab yeh nahi ki soniya kuch bhi bolti jaayegi aur main sirf sunta jaaunga . Lekin main soniya ke gusse ko aur badhaana bhi nahi chahta isiliye tej aawaaz me baat karne ke bajaay maine dheeme swar me kaha - Nahi ! main bhi yeh baat jaanta hun soniya . I know ki aaj main thoda out of control ho gaya tha but tumne shayad kabir ko nahi dekha . Agar tum meri jagah hoti toh shayad wahi karti jo maine kiya . 
" The point is not ki main tumhare jagah kya karti . The point is ki jo bhi tumne kiya that was totally wrong . I hate people who show off for some kind of  mean stuffs . Tumne jo kiya , mujhe bahut buraa laga usse . " Soniya bina kuch jaane kuch bhi bolti jaa rahi hai . Mujhe bolne ka mauka tak nahi de rahi . Aisa kya kar diya maine jo itna react kar rahi hai ? Sirf kabir ka collar hi toh pakda hai , usko jaan se thode na maara hai . Mujhe laga tha ki soniya iss baar mera sath degi par jiss tareeke se woh mujhse baat kar rahi hai , woh mere nahi balki kabir ke saath lag rahi hai . Mujhe pehle tanik bhi gussa nahi aa raha tha par jab soniya ne yeh bola ki maine jo kiya woh sirf dikhaane ke liye kiya tab mere se bhi raha nahi gaya - Listen ! you think that i did that for show - off . Waao ! maine socha tha ki ab shayad tum mujhe samajhti hogi par No . You are still that old soniya that i knew during school days jo sirf khud ki feelings ko importance deti hai and she dont even care ki doosre kya feel karte hai aur kyun . You are wrong this time and you will come to know the reason why . 
Shayad main kuch jyada bol gaya par iss samay main yeh nahi soch paa raha hun . Maine jo bhi bola , woh sirf soniya ke gusse se milaate huwe bola . Na toh inn baaton ka koi wajood hai aur na hi main khud ab inn baaton ko maanta hun . Mere itna bolte hi soniya seat se uthke - " Accha ! toh aakhir tum yehi sochte ho na ? Thanks for that honest opinion of yours , now i think i should go . Bye ! " aur canteen se baahar jaane lagi . Maine bhi usse rokne ki koshish nahi ki kyuki woh ab rukne waali nahi . Kuch bhi bolta toh galat hi lagta . Jab soniya canteen se jaa rahi thi toh woh humaare group se takraa gayi , Nishita ne usse dekhke - " Hii ! where are you going  ? " Usne haste huwe soniya se bola par soniya jiss haal me hai , uss haal me usne nishita ko jawaab dene ke liye rukna sahi nahi samjha aur aage chalti rahi . Soniya ko itna gussa dekhke sanchit bolta hai - " Isko kya huwa hai ? " Sabhi yeh soch rahe hai ki soniya itne gusse me kyu jaa rahi hai . Phir jab woh log canteen me ghuse toh unki nazar mujh par aayi . Main wahi baitha hun sar jhukaa ke aur thoda gusse me . Woh sab meri taraf aate hai aur thoda hich - kichaate huwe par puchte zaroor hai - " Kya huwa vishnu , yeh soniya aise kyu jaa rahi hai ? " Mujhe khud pe itna gussa aa raha hai ki main kuch bhi bolunga toh zeher lagega isiliye main unse kuch bole bina uthke chala gaya . 


" Lagta hai aaj subah jo huwa usse dono ke beech kuch huwa hai ? " Nishita samajh gayi humaare mood - off hone ki wajah ko . Soniya ek ore baithi hai aur main doosre kinaare par humaare beech me bahut doorie hai . 

• »The Iѕнтααя - Rιgнтѕ !!! « •: Untitled Story - Exam-Shikxam , Haayo Rabba (Part ...

• »The Iѕнтααя - Rιgнтѕ !!! « •: Untitled Story - Exam-Shikxam , Haayo Rabba (Part ...: "Likhte - likhte toh hosh hi nahi raha mujhe ki humara ek sathi toh yahaan hai hi nahi . Golgappo se yaad aaya ki aarav kaha hai ab tak ? Ag..."

Untitled Story - Exam-Shikxam , Haayo Rabba (Part 2) :

Likhte - likhte toh hosh hi nahi raha mujhe ki humara ek sathi toh yahaan hai hi nahi . Golgappo se yaad aaya ki aarav kaha hai ab tak ? Agar hum sab yahaan paper de rahe hai toh aarav ko bhi yaheen hona chayiye paper dene ke liye . Aarav kahaan reh gaya ? Paper ko huwe ek ghante beet gaye magar aarav abhi tak hall me nahi aaya . Waise subah ko dekha jaaye toh - 


Soniya ke ghar se nikla aur seedhe hostel ke main gate pahuchaa . Par apne room me ghusne ke liye agar main gate se jaata toh gate-keeper mujhe pakad leta aur shayad puchta - " Oye ! itne subah - subah kahaan se chale aa rahe ho ? Kya night bar me cabre karte ho tum ? " Issi darr se maine main - gate se jaane ke bajaay , piche se ghusne ka socha taaki seedha khidhki se apne room me pahunch jaaun . Bas ek baat ka khyaal rakhna hai ki room me ghuste samay koi mujhe dekh na le . Aaraam se par jaldi se main room me dabe paav entry karke dekhta hun ki aarav apne bistar pe nahi hai . Oh God ! iska matlab hai ki aarav ko ab tak pata lag gaya hoga ki main kamre me nahi tha . Pata nahi dekhte hi kitne sawaalon ki jhari lagaa dega - " Kahaan tha ? Raat bhar kya kiya ? Kahaan gaya tha itni raat ko ? Kyu gaya tha ? Kab ? Kyun ? Kahaan ? Kaise ? " Hey Bhagwan ! iske pehle woh mujhse puchna shuru kare , mujhe behra bana do .    
Phir mujhe dhyaan aaya ki itne subah aarav ko bahut kam hi hosh rehta hai . Subah jaise suraj ugta hai waise hi aarav bhi bas uthta hai par apna dimaag wahi bistar pe chodh deta hai . Main uske waapis andar aane se pehle room ke bathroom me ghus gaya . Main andar tha aur aarav ke aane ka intezaar kar raha tha . Mera intezaar khatam huwa aur mera yaar room me aa hi gaya . Aate hi bathroom ka darwaaza zor-zor se khat-khataane laga - " Oye ! jaldi baahar nikal . Jaldi nikal ! Mujhe badi zor ki lagi hai . " 
Main toh socha ki woh baahar se hi sawaal puchega par woh toh khud bathroom jaana chahta hai . Main bhi ussi waqt baahar aaya aur woh andar ghuste darwaaza bandh kar leta hai . 
Oye Aarav ! kya huwa ? 
Woh andar se hi jawaab maarne laga - " Yaar ! mera pet kharaab hai , ekdum solid kharaab hai yaar . Tu jaa ! " 
Kamaal hai ! subah - subah kya khaa liya tune ? 
Andar se kaam chaalu hai , aur sath hi sath mujhse baat bhi kar raha hai - " Aaj se nahi . Kal se yaar . Woh priya ko golgappe bhot pasand hai na , toh humne golgappe khaaye the kal . Usko toh aadat hai golgappo ki magar mera pet jal gaya yaar . Raat me sirf dard tha laga ki subah tak sahi ho jaayega par aaj subah pata chala ki dard aaj ke toofan ke aane ki wajah se tha . " 
Uski baat sunte mujhe poora yakeen ho gaya ki usne bilkul bhi mere na hone pe dhyaan nahi diya . Khair ! manaaya maine aur shukar hai priya ka jo usko golgappo ka itna shauk hai . Shukar hai uss golgappe waale ka jisse masaledaar paani daalne ka shauk hai . Shukar hai ki aarav ka pet jal raha hai aur uska dimaag ubal raha hai . Main toh apni aur golgappe ke connection ke kahaaniyaan aage apne baccho ko bhi sunaaunga . Maine aage usko disturb nahi kiya kyuki aise kaam akele hi kiye jaate hai . Waise bhi kaamyaabi aur bathroom ki badboo dono hi tabhi bardaasht hoti hai jab dono khud ki ho . Main usko exam ke liye der na karne ko kaha aur taiyyar hoker hall me aa gaya . 


Lekin mere room se nikle aur abhi tak me itna samay beet chuka hai phir bhi aarav nahi aaya . Main bas soch hi raha tha ki tabhi aarav daudte huwe hall me aata hai - " Sir ! may i come in ? " 
SRK sabse piche khadhe the aur aarav ki aawaaz sunte hi fauran aage aaye - " Yess ! janaab aap iss waqt padhaar rahe hai ? Sirf 1 ghanta bachaa hai pariksha samaapti me . Jaldi se viraajiye ! " 
Aarav question paper aur sheets leke mere paas se jaate - jaate kehta hai - " Abe ! kya likhun paper me ? " 
Bolne ke liye jyada samay nahi tha toh maine bhi keh diya - " Time nahi hai answer likhne ka toh question paper hi poora utaar de . " 
Woh mujhe sunke aur bhi baukhla gaya aur piche nishita ke paas pahucha -  " Jaldi se meri help karo , please ! " 
Jab usko meri madad nahi mili toh ek ladki se cheating karne ko kaha par nishita bhi itne jaldi maanne wali nahi thi - " Rumb nalli illa , vella null illa . " 
Nishita ki kannad sunke aarav ka phira huwa dimaag dahi jaise jam gaya aur woh nishita se dur gaya aur phir sanchit ke paas gaya . Ek - ek kar ke woh apne saare patte dekh raha hai ki kaheen kisi ek paate me uska ikka nikal jaaye . Sanchit ke paas khadha hoker kehta hai - " Abe ! kya likhun ? Bata na ! " Sanchit woh ladka hai jo khud ke paper me kuch nahi likhta toh woh aarav ko kya kehta - " Dude ! late kyun pahucha wahi story likh de with some anti-climax scenes . Examiner samajh jaayega . " Phir apne jeb se 100 rupaiye ka note nikaal ke aarav ko thamaa ke kehta hai - " Aur story ke end me yeh note chipka diyo . Examiner tera dard bhi samajh jaayega . " Aarav uss jagah pe thoda jyada hi der khadha tha toh SRK ne tej aawaaz me bola - " Jajmaan ! aap pariksha dene aaye hai ki apne mitro ke haal lene aaye hai ? " 
SRK ki taraf mudke aarav bahaana deta hai - " No sir ! main bas yahaan ki jal - vaayu ka prashikshar kar raha tha . Sorry ! " Itna bolte hi woh apni seat pe jaake baith jaata hai aur likhne ke liye pen toh uthaata hai par chalaata dimaag hai - " Zaroorat padne par sacchi me koi kaam nahi aata . Kya karu main ? Kya likhun paper me ? Yeh saare questions toh out of course lag rahe hai . "  Itna dimaag chalaane ke baad aarav likhaai karta hai - 
NAME __ Aarav Saxena .
Itna likhte hi woh apne pen ka dhakkan bandh karke baith jaata hai . Main bhi kahaan lag gaya . Phir apne paper pe concentrate karne laga . Sabhi aakhiri ghante me aur bhi teji se likhne lage . Sabko paper accha karna hai kyuki sabhi ko acche scores chayiye . Mujhe bhi kuch hadd tak yehi chayiye . 
Hum likh hi rahe the ki SRK ne hall ke sannaate me apne daant peeste huwe kaha - " Vidyaarthiyon ! aapke paas 1 minute shesh reh gaye hai . Jaldi kare ! " Paper apni samaapti par hai . Jitna likha hai , sahi likha hai . Ab bas ek nazar dekhna baaki hai . Sabhi pen ko aur bhi teji se ghisne lage taaki kuch bhi likhna baaki na reh jaaye . Mera kaam toh ho gaya hai par dekhte hai ki baakiyon ka kya haal hai - 
" Finished . Jaise paper kiya hai maine , waise toh number atleast 70 aane chayiye . Thank you god ! " Soniya ka paper accha gaya yeh sunke mera mann bahut khush huwa . Chalo ! raat ka koi asar nahi pada uske paper par . 
" Hey bhagwan ! aaj jaise - taise paper kar diya . Bas aage bhi aise hi chalte rehne dena . " Sanchit ka bhi paper theek - thak gaya iska matlab ki pappu pass ho jayega . 
" Oh shit ! question paper itna chota tha ? Aisa paper banta hi kyu hai yaar ? " Aarav ke mann ko padhte mere mann me hulchul mach gayi . Usko paper chota laga ? Aisa kaise ho sakta hai ? Doobta huwa insaan nahaane ka majaa kaise le sakta hai ? Phir aur suna toh kahaani ka conclusion pata chala - " Ek baar saare questions chaap diye phir bhi do hi page laga . Issi wajah se ek hi paper ko 4-5 baar likhna pada . Bhagwan ! this time bachaa lena , i shapath next time golgappe nahi khaaunga . " Oh ! toh yeh baat hai . 
SRK ne sheets collect karni shuru kar di . Hum dheere - dheere hall se baahar nikalne lage . Chalo ! ek padaav toh paar huwa ! Aage ka next time dekhenge .

Untitled Story : Exam-Shikxam , Haayo Rabba (Part 1):

Examination hall me bahut chahal - pahal machi huwi hai . Machegi kyun nahi , humare papers ka starting jo hai aaj . Sabka maatha garam hai . Sabke haath - paav chal rahe hai . Koi apne haath me pen liye huwe notes likhte jaa raha hai . Koi apne pairon ko massage de raha hai taaki doosro ka notes maang kar padh sake . Toh koi hai jo library se choti se choti kitaab leke pehli aur aakhiri baar padh raha hai . Sabko tension ho rahi hai kyuki pehla paper hai aur kehte hai na ki jab kisi cheej ki shuruvaat acchi ho toh ant tak sab kuch accha hota hai . Sabki nazrein kitaab pe gadhi huwi hai . Dekhne waali baat toh yeh hai ki jo ladke saal - bhar sirf ladkiyon pe aankhein sekte hai , aaj woh bhi kitaab me ghuse huwe hai . Yeh darr bhi insaan se kuch bhi karwa sakta hai . Jaise in sabko fail hone ka darr hai toh sab padh rahe hai aur mujhe bhi fail hone ka darr hai par mera darr exam me fail hone ki wajah se nahi hai . Mera darr hai kaheen main apne kaam me fail na ho jaau . Woh kaam jo ek mogul ko karna hai . Darr sabko lagta hai . Tension sabko hoti hai par darr ke aage jeet hai . Socho toh aisa hota hai ki darr ke aage jeet hai . Hum ek jagah pe khadhe hai . Jahaan hum khadhe hote hai uske piche khaai hai , gehri khaai . Ab aage jaane me darr hai par agar safal huwe toh jeet pakki . Piche hate toh khaai me gir jaaoge aur piche maut pakki bina kisi prayaas ke . Faisla humpe hai ki hum koshish karna chahte hai yaa phir bina koshish ke hi marna chahte hai . Ek aur baat jahaan khadhe ho , wahaan zindagi bhar khadhe bhi nahi reh sakte . Sabse saral upaay yehi huwa ki hum aage badhe . Main bhi poori jimmedari ke saath aage hi badhunga . 
Main hall me apni alloted seat pe baith gaya . Meri seat iss baari sabse aage hai toh cheating ka koi sawaal hi nahi uthta lekin main waise bhi kabhi cheating nahi karta hun . Tabhi sanchit aaya hall me , uske haath me bhi ek kitaab hai . Bade hi dhyaan se padh raha hai . Mere paas aaker wahi poorana ghisa - pita sawaal puchta hai - " Dude ! sab prepared hai ki nahi ? " Aur maine bhi wahi poorana ghisa - pita jawaab sanchit ko de diya - Nahi . Soche the ki din me padhenge par soo gaye phir jab raat me kitaab khole toh apne aap hi neend aa gayi . Jo padhe hai , abhi subah padhke aa rahe hai . 
Phir sanchit piche gaya apni seat dhundhne . Samne se Raju aur abhay aate dikhe . Raju pehle aata hai . Uske haath me bhi ek kitaab hai . Main dekhke hairaan ho gaya ki raju toh kabhi bhi kitaab ko haath tak nahi lagaata tha phir aaj kaise ! Maine usse roka aur jab dekha ki woh kaun si kitaab liye huwa hai toh saara shak dur ho gaya . Kitaab ka naam hai - Hidden Pleasures ! Ab yeh toh aadhi duniya jaanti hai ki hidden pleasures kya hote hai . Maine socha kuch na hi puchun toh sahi hai . Sirf ek thumbs up ka ishaara kiya uski taraf aur woh piche chala gaya . Abhay raju ke piche hi khadha hai . Abhay hi toh ek ladka hai jo humaare group me hoker bhi padhai me mann lagata hai . Uske paas toh ek nahi balki do kitaabe hai  aur dono se hi padh raha hai saath - saath . Dekha  ! isko kehte hai padhaku banda . Woh kuch bola nahi par ek baar dekhke aur haath milaake piche chala gaya seat dhundhne . Mujhe jiska intezaar hai woh abhi tak nahi aayi hai . 
Soniya kahaan hai ? Sirf ussi ko toh dekhna hai , exam toh chalte rahenge yun hi . Par darwaaze se soniya nahi nishita enter ki aur seedhe mere paas aaker boli - " Hey ! kise dhundh rahe ho ? " 
Main uski taraf dekhke bola - Nahi , kuch nahi . Woh aarav nahi aaya abhi tak . Ussi ka intezaar kar raha hun . Maine jhooth bola kyuki agar main sach keh deta ki meri nazrein soniya ko talaash rahi hai toh nishita ka yeh paper toh kharaab hi jaata . Phir chehre pe wahi gussa le aati aur exam bhi bemann deti . Lekin uske liye accha score laana bahut zaroori hai . Woh mujhe all the best kehke piche chali gayi . Par turant hi phir mere paas aayi aur puchne lagi - " Soniya kahaan hai ? Where is she ? " 
Maine bhi anjaan ban ke keh diya - Pata nahi ! exam dene toh aayegi hi . Aati hogi ! 
Bas uska zikr hi huwa ki soniya samne se aa gayi . Baal khule huwe jo hawa ke saath mad-mast udd rahe hai . Haathon me ek kitaab aur ek pen . Gulaabi rang ka uska top aur uspe ek pyaara sa short - jeans ka jacket . Muskuraate huwe woh hall me entry karti hai aur mere se thoda dur khadhi par mere saamne hi khadhi hoker apni kuch dost se hii - hello kar rahi hai . Baatein unse ho rahi hai par nazrein mujhpe tiki hai . Waise toh hamesha soniya aisi hi dikhti hai par na jaane aaj kyun woh mujhe kuch alag si nazar aa rahi hai . Lag raha hai jaise ki hum phir se naye tareeke se samne aaye hai , aise jaise pehle kabhi nahi mile the . Woh ishaaron - ishaaro me mujhe apni ore bulaa rahi hai . Main samne desk pe kitaab khole baitha hun par meri nazrein sirf soniya ko dekh rahi hai . Sab humari hi baatein karte hai isiliye sabke samne hum jaan - bujh ke kareeb nahi aate . Zamaane se darte nahi par zamaane ko dikhana bhi nahi kuch . Kal raat ki haseen jhalkiyaan abhi bhi aankhon me chamak rahi hai . Uska sparsh ab bhi mere zehen me hai . 
Ruk bhai ! abhi kitaab khola hai toh kitaab me dekh . Pata nahi soniya ne kuch padha bhi hai yaa nahi . Mera kya hai , main toh kaise bhi score kar lunga par soniya ka score kharaab na ho yehi duua karta hun . Maine soniya pe se nazrein hataayi aur apni kitaab ko dekhne laga taaki soniya bhi exam ke liye taiyyaar rahe aur baaki baaton pe dhyaan na de . Main niche hi taakne laga . Nishita theek mere piche baithi hai kyuki uski seat hamesha mere piche hi alloted hoti hai . Pata nahi aisa kyun hota hai ? Tabhi soniya apne doston se kinaare hoker mere paas aane lagi . Woh meri hi taraf badh rahi hai . Par main bhi usko nahi dekhunga . Sirf kitaab ko padh , vishnu ! 
Woh theek mere samne aate hi thoda ladh - khadhayi aur seedha meri baahon me aaker gir gayi . Aadhi class hume ghoorne lagi . Nishita bhi mere piche hi hai toh yeh sab uske samne huwa . Soniya mere baahon me hai aur mere haath uski kamar pe hai . Uska face mere face ko touch karta huwa aur usne pata nahi anjaane me yaa phir jaan - bujh kar mujhe gaalo par kiss kiya . Uska kiss karna itna chupa huwa tha ki nishita ke alaawa aur kisi ne gaur nahi kiya . Maine phir usko uthaaya aur uske kitaab ko usko thama diya . 
Are you okay ? 
Pata hai ki woh bilkul theek hai par koi galat na samjhe isiliye maine soniya se pucha . Usne bhi haste huwe jawaab diya - " Yaa , all the best . " Itna kehke woh piche baithne chali gayi . Maine palat ke uski ore dekha aur woh bhi mujhe mudke dekh rahi thi . Mujhe ek smile dete huwe woh apni seat pe baith gayi . Usne mujhe anjaane me kiss kiya yaa phir jaan - bujh ke ? Shayad anjaane me ho gaya hoga . Yaa phir usne jaan - bujh ke aisa kiya , meri taang khichne ke liye ? 
Soniya jaisi pyaari si khushboo piche gayi toh samne se gutter ki badboo jaisa kabir aa gaya . Kabir aur kitaabe nahi par uske saath chalne waale uske chele jinka koi naam bhi nahi jaanta . Hall me ghuste hi uski nazar mujh par padi . Main hi toh hun jisse woh har baar haraake top karta hai . Hum dushman toh nahi hai par hum dost bhi banne laayak nahi . Usko mujhse jalan hai aur mujhko uski iss baat se gussa hai . Woh mere paas aaker apne hi andaaz me , jaise ki woh hamesha kehta hai - " Aur beta ! mera wait kar rahe the kya ? " Woh jaan ke aise behave karta hai ki main usse behas karu par khud ko itna toh main control kar hi leta hun - Haan ! tum hi toh topper ho . Sab tumhara hi wait kar rahe the . 
Uska chehra itna banaavati lagta hai ki mann karta hai ki ek dun kaan ke niche . Woh bhi aaj mujhe challange karne aaya hai jaise - " Hey ! ready for yet another defeat ? " Defeat ? Jo maine har baar jheli hai kabir ke haathon . Par iss baar main usko haraa sakta hun . Mere paas kuch aisa hai jo uske paas kabhi nahi hoga .
Listen Kabir ! main tere muuh nahi lagna chahta so please , back off ! 
Jaise bhi kaha , bas uske samne kaha ki woh mere se dur rahe . Jaise pichli baar huwa tha , main nahi chahta ki iss baar bhi wahi ho . But kabir apne ghamand se bol raha hai jo chup nahi hoga - " Dude ! main darr gaya . M scared . Tu kyu jal raha hai itna ?" 
Dekh ! main tere se jal nahi raha hun . Apni safety ke liye mujhse dur chale jaao . 
Par aaj exam hai toh kabir jaisa ladka apna muuh khole bina nahi jaayega - " Dekh ! mera safe side har jagah hota hai . Tujhe uski koi tension lene ki need nahi hai . Aur sun ! main jaanta hun ki jabse teri behen aayi hai college me tab se tu bahut fly karne laga hai . But I dont give a bloody damn to you and your sister . Ab dhyaan se sun ! tu mujhse jyade marks leke dikha kyuki yeh kaam tere bas ka nahi . Samjha ! " Uske itna bolne se saare students ekattha ho gaye humaare charo - ore . Unhe darr hai ki kaheen main aur kabir ladne na lag jaaye . Nishita beech me aati hai hume rokne ke liye - " Vishnu ! hang on . Kabir ! please aaj toh rehne do . Please yahaan se jaao . " Nishita ne kabir se request ki woh chala jaaye aur koi hungama na khadha kare . Mujhe yeh dekhke ehsaas huwa ki shayad mujhe bhi chup ho jaana chayiye warna kuch galat ho sakta hai . Isiliye main seat par hi baitha raha aur kuch nahi bola . Par kabir phir se bola aur iss baar nishita ko usne kaha - " Hey Slut ! you better be away from this . " 
Usne tej aawaaz me nishita ko bura - bhala kaha . Mujhse yeh suna nahi gaya . Mera aapaa kho sa gaya . Main ussi samay apni seat se utha aur kaske kabir ka collar pakad liya . Main itna baukhla gaya ki mujhe kisi baat ki nahi padi ab . Uski himmat kaise huwi ki woh nishita ko kuch bole aur woh bhi mere samne . Main toh bas uske do lagaane hi waala tha ki soniya ne aake mujhe rok liya - " Vishnu !! Nooo . " Uske naa kehte hi mere haath bhi ruk gaye . Maine tabhi realise kiya ki main phir se galti karne waala tha . Phir se main apni shakti ka ek galat use karne waala tha . Main phir wahi galti karne waala tha jo maine pehle ki thi kabir ko maarke . Par soniya ne ain waqt par mera haath uthne se rok liya . Maine kabir ka collar chodh diya . 
Sab log apni jagah pe settle hone lage . Nishita bhi mere piche waali seat pe baith gayi . Soniya mere se kehne lagi - " Vishnu , tum bhi baitho ab . No way i m gonna allow you to get involve in a fight . " Soniya ne bhi thode se kathor bhasha ka upyog kiya mere se taaki main apni marzi na chala paaun . Main kabir ko nazar - andaaz karte huwe apni jagah baith gaya . Phir soniya ne kabir ki taraf mudte huwe kaha - " Kabir ! be a sport but not a rowdy . Please ! ab aaj ke liye itna kaafi hai , i guess . Go search your spot ! " Soniya ne ussi lahajje me kabir ko bhi fatkaara . Main soniya ko sunke apna gussa bhoola chuka hun . Maine kabhi soniya ko aise baat karte nahi dekha tha . Kabir ki wajah se maine soniya ka dominating roop bhi dekh liya aaj . Kabir iske baad shaanti se chala gaya . 


Khair ! ab baari hai exam dene ki . Professor hall me aate hai dher saare question papers aur sheets ke saath . Hamesha jab bhi pehla paper  hota hai toh humaare hall ke incharge Sir SRK hi hote hai . Aur iss baar bhi wahi hai . Dono haath gacha - gach bhare huwe . Seedhe table pe sab kuch patakte huwe aur apni pant ke jeb se apna rumaal nikaalte huwe . Rumaal nikaalte hi sir SRK itni zor se cheekhein ki rumaal bhi chota pad gaya unki naak pochne ke liye . Unki "Aanchhuuu" se poora hall hill sa gaya . Sabne apni kitaabe bandh kar li . Jaldi se hall me SMS aata hai aur papers baatne lagta hai . Ek haath se udhar , phir ek haath se idhar aur dono haathon se har kidhar , usne sabko paper aur sheet de diye .
" Ghadhi me baje 9 aur baccho paper karo ." , yehi hai sir SRK ke bol-vachan . Samay shuru ho gaya aur sabhi likhne me lag gaye . Kuch mann se likh rahe hai . Kuch dimaag se likh rahe hai . Kuch sirf apni pen ko chala rahe hai par bhagwan bhi pata nahi lagaa sakta ki yeh kya likh rahe hai . Aur bache huwe log likh toh rahe hai par woh jo unke bagal yaa samne wala likh raha hai woh . Main bhi jaldi - jaldi pen chalaane laga . Questions bahut asaan hai shuruvaat ke par mujhe ek baat yaad hai ki mujhe kabir ko piche chodhna hai iss baar . Abhi bhi dimaag me uski ek baat chal rahi hai ki main usse har baar haar chuka hun . Aaj main usko majaa chakhaunga . Dikha dunga ki vishnu se pangaa lena kitna bhaari pad sakta hai usko . Sabhi likh rahe hai aur woh badnaseeb kabir bhi likh raha hai . Badnaseeb isiliye kyuki abhi jo bhi naseeb hai uska , main kharaab karne waala hun . Woh theek mere bagal waali row me baitha hai aur bade hi aaraam se jawaab likhte jaa raha hai . Maine socha ki kya karu jo iska paper spoil ho jaaye . Main jo likh raha hun woh toh likhunga hi par kabir ko nahi likhne dunga main aaj . Woh jitna teji se pen chala raha hai , utna hi teji se dimaag bhi chala raha hai . Mera mann shaitan jaise sochne laga ki kabir ko pareshaan karna hai aaj . Aisa kya karu jisse kabir kuch likh na paaye ? Tabhi mujhe ek jaadui tarkeeb sujhi .
Jiss pen se woh likh raha hai maine apni shakti se uski refill khatam kar di . Idhar kabir likhte jaa raha tha par achanak se ruk gaya - " Oh god ! iss refill ko bhi abhi khatam hona tha . But no issues , i have another one with me . Kabir is great ! " 
Mann me khud ko mahaan keh raha hai . Par woh jaanta nahi ki uska paala greatness ke guru se huwa hai . Usne doosri pen nikaali par jaduu toh dekhiye - " Yeh kya ? Maine yeh pen toh aaj subah hi lee thi phir bhi nahi chal rahi . " Kabir turant pen ko kholke refill check karta hai - " Oh no ! refill toh blank hai . Ab kya karu ? Kisse likhun main ? Time is running out , man . I got to do something . " 
Pen nahi khud ki phir kaise dega paper . Mujhe pata tha ki yeh kabir apne chamcho se hi pen maangega aur usne yehi kiya - " Hey  ! shhhiiii ........Sun be ! ek pen pass kar chupke se . " Maine socha ki agar usko iss samay SRK dekh lenge toh kya karenge . Par SRK toh apni sardi se pareshaan hai aur kabir par nazar hi nahi hai unki . Kabir ko ek pen mill hi gayi . Usne phir se likhna shuru kar diya - " Yuppiee ! pen mill gayi . Ab dekhte hai kaise questions hai jo mujhe answer karne hai . "
Kehte hai ki jung me sainik ka asli sathi uska hathiyaar hota hai . Ussi tarah exam me ek student ka pen hi uska hathiyaar hota hai . Hathiyaar toh sath hai kabir ke . Agar pen chal jaa rahe hai toh kya huwa , agar woh khud hi naa likhe toh ? Maine uske mind ko divert kiya , bina kuch bole sirf jaduu se - " Oh ! mujhe toh aaj golgappe khaane jaana hai . Par main yahaan baithke kya kar raha hun ? Agar abhi nahi gaya toh golgappe wala bhaiyya mujhse naraaz ho jaayega . " Itna sochne ke baad woh apni seat se uth gaya . Apne dono chamcho ko aawaaz dete huwe - " Boys ! lets go rite now " Usko golgappe khaane hai par uske chamcho ne ek swar me usko jawaab diya - " Kabir ! hume paper dena hai . Sorry ! " 
Kabir dono ko chodh ke chala gaya hall se . SRK bhi dekhte reh gaye ki yeh kabir ko kya huwa . Sabhi hairaan hai ki kabir jaisa ladka paper chodh ke bhaag gaya . Kuch toh log kahenge . Logo ka kaam hai kehna .
" Arre ! yeh kabir kaha jaa raha hai ? "
" Isko kya ho gaya achanak se ? " 
" Is he gone mad ? Paper left and gone out ? " 
" Pagla gayo ke kabir bhaau ? Paper kon dijo ab ? " 
Jitne log , utni baatein  aur jitni baatein , utni uljhanein .

formspring.me

Popularize urself by asking me ! http://formspring.me/Vishudishtaar

do you have a youtube account? do you upload videos?

Account iz dere but uploads aint ......U cant see me !

Popularize urself by asking me !

do you eat breakfast?

Always every morning !

Popularize urself by asking me !

thoughts on bob the builder?:L

Kar ke dikhayenge

Popularize urself by asking me !

weirdest name?

Balam har jaai !

Popularize urself by asking me !

What word or phrase do you use too often?

Kya yaar !

Popularize urself by asking me !

Untitled Story - Clock Strikes X0X0 !

Uff ! thak gaya hun apne dimaag me chal rahe toofan se . Ek toh baahar ki duniya itni khatarnaak lagne lagi hai aur uss par upar se yeh exams ka tension . Kabhi kabhi toh mann karta hai ki jab mera bhavishya hi andhero se ghira huwa hai toh padh - vadh ke kya ukhaadh lenge . Lekin aise khyaal baar - baar na pareshaan kare isliye padh leta hun . Main chaah ke bhi aisa nahi kar sakta . Apne shakti ke hone ki wajah se main apni padhaai nahi chodh sakta . Kyun nahi chodh sakta hun ? Woh isliye kyuki yeh jo shaktiyaan mujhe daan mili hai , inka koi astitva nahi hai . Aage kisi ne nahi dekha ki kya hoga . Agar khuda na khasta , meri yeh shaktiyaan samaapt ho gayi kabhi toh apna guzaara apni padhaai se hi chalaana hoga . Toh beta , padhte chalo , kaam karte chalo aur zaroorat pade toh marte chalo . Kal hi hai pehla paper . Waise toh itna pakka hai ki score kam se kam 100 honge kyuki bheja itna jyada chal raha hai mogul banne ke baad ki koi soch bhi nahi sakta . Par main aise beymaani  karke score nahi karna chahta isiliye mann laga ke raat bhar padh raha hun  . Kitaab me kuch shabd lag rahe hai mere subject ke par kuch shabd mere se aankh-micholi khel rahe hai . Kabhi ek shabd apni jagah se uddke doosri jagah chale jaata hai toh kabhi shabdo ki banaavat badal jaati hai . Kitaab ka ek panna mujhe subject ki cheejein dikha raha hai  par kitaab ke doosre panne par mujhe soniya ki tasveer dikhayi de rahi hai . 
Kehte hai ki ek baar jab kaheen dill lag jaaye toh phir kisi aur kaam me kuch nahi lagta . Saala ! jab dill hi kaamchor ho toh insaan mehnat kaise karega . 
Maine jaldi se doosra panna khola aur phir panne ki kaarigari mujhe pareshaan karne lagi . Kabhi soniya ki kaali  - ghani zulfein nazar aati hai toh kabhi soniya ka hasta huwa chehra saamne aaker atkheliyaan karta hai . 
Hey Bhagwan ! insaan ka dimaag itna banaaya toh zaroor par ispe kaabu karne ka button kyu nahi diya ? Aur dimaag toh dimaag , iss dill ka kya kiya ? Dill aur dimaag jab dono hi cricket khel rahe ho toh insaan umpire banke sirf khel dekh sakta hai , khiladi ki tarah khel nahi sakta . Koi toh rok lo mujhe warna main padhunga kaise ! 
Soniya se mile poora ek din ho gaya . Aaj chutti thi aur aaj hum mill bhi nahi paaye . Nishita ke sath samay toh guzar gaya din ka par yeh raat akeli jo itne yaadon se ghiri huwi hai , kaise beetegi ? Maine kitaab ko bandh karke table pe phenk diya . Ho chuki meri padhai , kyuki jab yaad sataaye toh mann kaun lubhaaye . 
Room me sirf main hun aur aarav jo adhmara pada hai apne bistar pe . Din bhar itni mehnat ki hai aarav ne toh raat me chain ki saans le raha hai . Padhai nahi kiya hai , woh toh priya ko leke ghoomne - ghaamne gaya tha toh thak gaya bechaara . Ab toh seedhe subah uthega toh padhega . Kehte hai na we remember only the last moment studies . Yehi baat ko maante huwe woh har paper me sirf examination hall me ghusne se pehle hi padhta hai . Kehte hai ki har intelligent ladka class ke door tak kitaab padhte huwe jaata hai . Aarav bhi yehi karta hai magar wo ek class ke door se apne class ke door tak hi padhta hai . 
Main room me baithe - baithe aur bhi jyada bechain ho gaya . Ab soniya ko dekhne ki dill- i - chah nikal rahi hai jisse main rok nahi sakta . Mann toh kar raha hai ki abhi soniya se milne niklu . Par kaheen aarav jag gaya toh ? Kaheen Kumbhi ne dekh liya toh ? Kaheen raaste me kuch ho gaya toh ? Kaheen soniya ke ghar me koi jaan gaya ki main usse milne aaya hun toh ? Aur sabse jyada kaheen soniya ko buraa laga toh ? Itni kashma-kash hai par dill hai ki maanta nahi . Room me  ajeeb si hawa chalne lagi . Na jaane kitna pyaar leke beh rahi hai yeh hawa . Itni sard hai baahar magar mere andar jo garmi hai uska kya ? Raat me sadak poora sunsaan hai . Sirf ped hill rahe hai tej hawa ke kaaran . Dill se ek aawaaz aayi ki soniya se jaake mill . Ab dill bezubaan hota hai magar jab uski aawaaz sunaai deti hai tab insaan bad-dimaag ho jaata hai . Main ab rukta toh mere dill ki  izzad pe ban aati . Mera jo pyaar hai woh yaa toh itni raat me soo raha hoga yaa toh mann lagake padhaai kar raha hoga . Aisa bhi toh ho sakta hai ki jaise main yahaan uske baare me soch raha hun , woh bhi waha mere khyaalo me doobi huwi hogi . Ho sakta hai , par yeh pata karne ke liye toh soniya ke ghar jaana padega . Ghadhi me dekha toh abhi sirf 2:30 baj rahe hai . Iss samay insaan toh soo hi jaate hai par mujhe toh neend hi naseeb nahi ho rahi . Maine socha agar woh soo rahi hogi toh sirf usko ek baar dekh ke waapis aa jaaunga chup - chap bina usse pata chale . Hostel se baahar nikalne ki aur woh bhi aadhi raat me , mujhe aadat toh nahi hai . Dekha ki khidhki se jaana jyada asaan hoga . Bhale hi mera room second floor par hai par mere liye yahaan se kudna mushkil nahi hoga . Maine bina koi aawaaz kiye room ki khidhki se challaang laga di . Aarav toh mast - gehri neend me jakdaa huwa hai . Usse toh kisi baat ki khabar nahi iss samay . Niche se kahaan jaana hai ? Hostel ki bas ek deewar hai mere raaste me . Unchi deewar , itni ki ek aam insaan chadhne ki soch bhi nahi sakta . Par na toh main aam hun aur na hi main insaan hun . Main ek hi baar me hostel ki unchi deewar phaand ke baahar nikal gaya aur chal pada soniya ke ghar ki taraf . 
Mujhe toh yeh pata hi nahi  ki soniya ka ghar kahaan hai . Phir main jaaun kaha ? Lekin apne pyaar ko mehsoos karte - karte main aage badhta chala . Raat andheri hai aur sabhi jeev - jantu sooye huwe hai . Mujhe dekhiye , main shaher ki sadko pe akele chala jaa raha hun . Jahaan - jahaan mujhe soniya ki khushboo milti gayi , wahaan - wahaan main chalta gaya . Par tabhi mere kadam ek ghar ke samne ruk gaye . Mujhe ehsaas ho raha hai ki yeh ghar hai jahaan soniya rehti hogi . Main gate se andar aaya toh dekha ki ghar ki saari battiyaan bandh hai . Matlab sab log soo gaye honge aur soniya bhi . Uske mom-dad soo gaye par soniya kis room me hogi ? Maine baahar se apni nazrein phiraayi toh laga ki woh kinaare aur upar hoga soniya ka kamra . Pipe ke sahaare main uske room ki khidhki pe chadh gaya aur khidhki ke kaanch ke aar - paar dekha toh soniya apne bed pe soo rahi hai . Uski aankhein bandh hai . Shayad kisi ke sapno me khoyi huwi hai , kisi aur kya mere hi sapno me hogi .  Khidhki bhale hi bandh hai andar se jisse koi bhi aam insaan andar nahi ghus sakta bina aawaaz kiye . Par mere liye kuch bhi nahi hai yeh . Na toh main aam hun aur na hi main insaan hun .  Main kaanch ko paar kar sakta hun aur woh bhi bina kaanch ko tode . Apne makhmali bistar pe soniya leti hai . Haaye ! neend me toh yeh aur bhi jyada pyaari lagti hai . Uski aankhon ko khula dekhta hun toh kho jaata hun . Par jab uski aankhein aaj bandh hai toh aur bhi jyada madhosh kar rahi hai . Aisa lag raha hai jaise koi rajkumari apne shaahi palang par aaraam farmaa rahi ho . Aisi rajkumari ko main kya koi bhi dekhega toh bas dekhta hi reh jayega . Woh aisi meethi muskaan liye soo rahi hai ki mann karta hai ki main uski yehi muskaan banke iske chehre pe khill jaaun . Jitna bhi dekhlo , utna aur dekhne ko jee chahta hai . Main dabi - dabi aahat se dheere - dheere uske kareeb gaya . Uske paas jaaker main uske bistar ke side pe baith gaya . Mujhe soniya pe itna pyaar kabhi nahi aaya jitna abhi aa raha hai . Main apne dill ki dhak - dhak yahaan tak sun sakta hun . Soniya ne achanak meri taraf karvat badli . Uska chehra seedhe meri aankhon ke samne hai . Isse pehle ki soniya ki neend khul jaaye mujhe waapis jaana hoga . Kaheen yeh jaag gayi toh pata nahi kaise react karegi ? Meri neend udaa ke kitne chain se soo rahi hai yeh ! Isko toh main kal subah dekh lunga . Uske chehre pe uske baalon me se ek latt bikhra huwa hai . Maine apne haathon se uss latt ko uske kaano ke peeche kiya .Ek  - nazar jee bhar ke dekhne ke baad maine waapis jaane ka socha . 
I love you , soniya . 
Jaise hi main waapis jaane ke liye mudaa toh soniya ne mera haath pakad ke mujhe rok diya . Woh soo bhale hi rahi thi par usne meri aahat ko mehsoos kar liya  aur uthte hi mera haath thaam liya -  " Waapis jaa rahe ho ? Mujhse milne aaye ho aur bina baat kiye jaa bhi rahe ho ? " Main jo soch raha tha sahi hi soch raha tha . Jab meri neend udi huwi hai toh soniya shaanti se kaise soo sakti hai .
Mujhe laga ki tum soo rahi ho ? 
" Kaise soo sakti hun ? Aaj ek baar bhi tumse mili nahi  . Tumhe dekhein bina main chain se kaise soo sakti hun . " 
Mujhe bhi shak tha . Tabhi toh check karne aaya hun . 
Soniya aur main jab bhi baat karte hai toh samaa alag sa ho jaata hai . Charo - ore  sirf ishq ki hawa chalti hai . Soniya bhi neend me thi par ab  woh jag gayi - " Toh check kar liya na . Ab go ! " 
Usne seedha mujhe kaha ki jao . Mujhe laga ki usko bura lag gaya ki main bina - bataaye itni raat uske ghar ek chor jaise aa gaya . Main kuch kahe bina waapis mudaa taaki khidhki se baahar jaa sakuu . Par soniya ne phir se mera haath thaam liya aur kaha -  " Ae ruko ! I was just joking . Mat jaao na , saath raho mere . " 
Oh ! mujhe laga ki tum bura maan gayi mere yahaan aane se . 
" Oh c'mon ! kya ek pyaasa kabhi paani ko naa keh sakta hai kya ? You are my need  and i want you . " 
Hey ! main hun yahaan . Tumhare paas hun , hamesha . 
Woh uthke bistar pe baith gayi aur main bhi uske bagal me baith gaya taaki hum dono ek - doosre ko samne dekhte huwe baat kare - " Vishnu , promise me ki jaise abhi tum mere kareeb ho waise hi hamesha mere kareeb rahoge . Promise me ki kabhi koi bhi cheej hume ek - doosre se judaa nahi karegi . Promise me ! " Soniya dheere - dheere gambhir aur mere liye chintit hote jaa rahi thi . Toh mujhe laga ki iske chehre pe jo seriousness ke baadal chhaa rahe hai , unhe khol diya jaaye - Kyu aisa bol rahi ho ? Hum itne dur hone ke baawjood mile na , toh ab kaun maai-ka-laal hume judaa kar sakta hai . Tum ratti bhar bhi tension na liya karo . Kyuki jab tum pareshaan hoti ho na toh tumhare face pe se woh glow gaayab ho jata hai . Samjhi . Maine uske gaal pe haath phiraate huwe kaha . 
Woh bhi apne chehre pe mere haath ke sparsh ko mehsoos karne lagi - " Bas ! aise hi apna haath mere chehre pe rakhe raho . Main apni poori life tumhare baahon me bitaana chahti hun . Aise hi har raat hum saath rahenge . " 
Sirf raat me hi saath rahenge ? Kya khyaal hai madam ? 
Pyaar bhari baaton ko maine thoda sa halka kar diya aur mere itna kehte hi soniya khilkhilaake hasne lagi aur mere kandho pe apna sar rakhke boli - " Jo bhi tum socho . I can do so any time . " 
Hum dono bilkul kareeb hai , woh mere kandho pe sar rakhke baithi hai aur hum dono behad kareeb bhi hai . Abhi tak hum dabi - dabi aawaaz me baatein kar rahe the taalo hume koi sun na le . Par  aage na toh main kuch bola aur na hi soniya kuch boli . Khamoshi sarhade todne lagi . Fiza me mohabbat ka rang bharne laga . Ek ajeeb sa sukoon mill raha hai hume ek - doosre ke kareeb hoker . Khidhki bandh hai par kamre me phir bhi madhdham roshini phail rahi hai . Shayad yeh woh chaand ki roshini hai jo kamre me ujaala kar rahi hai . Raat ka nasha hume aur kareeb karne laga . Main soniya ki aankhon me dekh raha hun aur soniya meri aankhon me khoyi hai . Main khud ko bhoola raha hun uski aankhon me . Hum dekhte hi dekhte kareeb aane lage . Honth hum dono ke sil se gaye . Lag raha hai jaise ki ek choti si khanak bhi humaare hosh udaa sakti hai . Uski kaali chamakti aankhein mujhe uski taraf kheech rahi hai . Main chahu toh bhi soniya ke dur nahi jaa paa raha . Pal do pal ke humsafar jaise lag rahe hai hum dono . Isiliye aaj khud ko ek karne ki chaah jag rahi hai . Hum aur bhi kareeb aane lage . Itne ki na toh woh mujhe sunaai pad rahi hai aur na hi woh mujhe dikhaayi pad rahi hai . Main sirf usko mehsoos kar paa raha hun . Soniya ke honth mere honth ke kareeb hai , itne ki piche hatne ka koi sawaal hi nahi uthta ab . Raat me uski khoobsurati ki shoki ghulne lagi aur hum dono ke honth ek hone lage . Ek makhmali khwaab sa lag raha hai pal . Hum ab ek ho rahe hai . Humaare honth ek - doosre ko chhuu rahe hai , mill gaye hai . Meri toh aankhein hi bandh ho gayi aur mujhe kuch dikh nahi raha kyuki sirf iss pal ko mehsoos karna hai hume . Na main ruka aur na soniya ne mujhe rokna chaha . Dill sambhal jaata toh pyaar naa hota aur pyaar naa hota toh yeh raat yaheen rukti nahi .  Pyaar me ek hona isi ko kehte hai shayad . Phir ek thandi hawa ka jhoka aaya aur hum na chahte huwe bhi alag huwe . Meri aankhein khuli aur soniya bhi thoda sa jhijhakke piche ho gayi . Mujhe samajh nahi aa raha ki main kya bolu . Aisa pal maine pehli baar mehsoos kiya hai toh thodi si na-samjhi toh ho hi jaati hai . Soniya apna pair pasichne lagi . Usne apne haath ko apne god me rakh liya . Woh bhi kuch bolne me jhijhak rahi hai . Uski nazrein niche jhuki huwi hai . Woh mujhse nazrein nahi milaa rahi hai . Aisa lag raha hai jaise humne kuch galat yaa ganda kaam kiya ho . Par hum dono jaante hai ki sirf thode der ke liye kareeb aana galat nahi . Bas ! pehli baar shayad sochne ki shakti kaam nahi karti . Uski nazrein abhi bhi jhuki huwi hai aur honth bandh hai . Woh niche zameen pe apne paav ko dekh rahi hai . Maine apne haath se uske chehre ko apni nazron ke samne kiya aur kaha - I love you . 
Kuch aur bolta ki soniya turant apni jagah pe se uthke mere gale lag gayi . Humare dill takraa gaye aur dhadhkane ek ho gayi . Uske itna kareeb hona hi na jaane kaisa  nasha sa lagne laga . Na toh kuch paane ki chah aur na toh kuch khone ki fikr . Sirf main , soniya  aur humaara pyaar . Woh mere gale lagi hai aur maine majaak me keh diya - Tum raat me bhi lipstick laga ke soti ho kya ? 
Meri yeh baat sunke hum dono ka mann halka aur shaant sa ho gaya . Jo uljhan thi woh mit gayi phir . Usne pyaar se mujhpe apna haath chalaaya aur sar niche karke hasne lagi . 
Sama itna suhaana hone laga ki hum bhool hi gaye ki samay beet bhi raha hai . Uske kamre ki ghadhi subah bajaa chuki hai . Baahar suraj aur chaand aakaash me ladaai karne lage hai . Baithe - baithe subah bhi ho gayi aur dhyaan aaya ki exams hai aaj . 
Oh God ! exams hai aaj . Tune padha ki nahi ? Mujhe nikalna chayiye warna room me aarav paglaa jayega ki main kaha gayab ho gaya . 
Usne bhi mera haath chodha aur main turant khihdki ke raaste se baahar bhaag gaya . 
Bye ! exam hall me milte hai . 
Mere aage badh jaane ke baad soniya bhi chilla ke kehti hai - " I love you , byee ! " 

The Ishtaar - Rights !!!: Untitled Story :Vishnu - Nishita Panels It Down !

The Ishtaar - Rights !!!: Untitled Story :Vishnu - Nishita Panels It Down !: "Ab tum theek toh ho ab ? Aaj college bandh hai kyuki do din ke baad humaare exams shuru ho rahe hai . Exam se jyada important hai nishita..."

What do you think the next Question of the Day should be?

how to delete farmspring account ?

Popularize urself by asking me !

Movie Pack-Up Tym - READY !!!

SALMAN KHAN
READY
"Ek baar jo maine commitment kar di , uske baad toh main khud ki bhi nahi sunta . "
"Hum tumme itne ched karenge ki confuse ho jaaoge ki saans kaha se le aur paade kaha se ."
After Wanted & Dabangg , Fans were eager & super - excited for Salman's next READY . Jaise do dumdaar dialogues humne sune , waise hi dialogues hum phir se sunne ko betaab the par Ready iske muqable thoda fiki padti hai . Agar short me kaha jaaye toh not a fitting Salman's outfit .

Jitni highs movie ko milni chayiye utni popularity aur collections toh Salman bator hi lenge kyuki abhi tak fans pe Dabangg ka jaduu chadha hai par weekend ke beetne par yeh demand kam ho sakti hai kyuki naa toh yeh movie Dabangg kar paayi aur naa hi jyada der Wanted rahegi . Lets start with the story -

The movie starts with a family mis-conception . Padosi ki shadi me Prem aka Salman Khan dulhan ko bhaga le jaata hai , Zarine Khan . She plays a guest role for Sallu . Phir aata hai Character Dheela , song jo aapko apni seats se uthaa deta hai not to go out & leave but to move & groove with its tune . But phir pata chalta hai ki prem ne dulhan bhagaayi toh par khud ke liye nahi balki kisi aur ladke se shadi karaane ke liye jisse ladki pyaar karti thi . Court me shadi karaate hai Sanju Baba aur dulha bante hai Ajay Devgan . Too many ishtaar casts to help the movie's star rise . Then there is a happy family of prem jisme papa hai , mummy hai , ek bade chacha aur chachi aur ek chote chacha aur chachi . Bhagwan ki daya aur guru ji ki kripa se do sundar naukrani bhi hai . Baat aati hai prem ki shadi ki toh guru ji america se bhejte hai ek sundar sushil kanya jiska naam pooja hai aur jiske samaan koi na duja hai . But co-incidently airport pe pooja ki jagah prem ghar laate hai sanjana aka Asin . Sanjana apne mama aur mama ki gang se bhaagkar ghus jaati hai prem ke sukhi parivaar me . Sabse apni asliyat chupaake sanjana banke rehti hai pooja . Prem ko nayi pooja acchi toh lagti hai par shuruvaat toh hamesha hi ladne - jhaghadne se hi hoti hai na . Eventually , prem sach ka pata laga leta hai kyuki movie me prem Salman hai aur prem sab kuch kar sakte hai . Kabhi trees pe monkeys jaise jump kar sakte hai , kabhi fast cars aur bikes chala lete hai toh kabhi gundo ko akele hi coma me pahucha dete hai . Man , dabangg ka thoda toh hang-over hoga hi ready me . Phir jab prem aur sanjana ki prem kahaani shuru hoti hai toh sanjana ke dirty mama usko dhoond lete hai aur usko le jaate hai . Ab aage ki kahaani yehi hai ki kaise prem sabhi dons se sanjana ko bachata hai aur apne prem ko haasil karta hai . Prem dono hi mama dons ke saath shuru karta hai bluff games aur dono hi mamas ki hell life ko heaven banata hai - " Dono dons ki zindagi ko hilaa - hilaa ke hell kar dunga . " 

After his flop Thank You , Anees Bazmee presents the Salman starrer Ready but phir unki kharaab direction ki wajah se ready ready hote hote reh gayi . Film bahut badi block-buster ban sakti thi agar woh movie me Salman ka formula sahi tareeke se use karte . Fans jab Salman ki movie dekhne jaate hai toh yehi expect karte hai ki out & out action hoga aur drama hoga . Movie me family drama toh bahut hai par jab baat aati hai action part ki toh ready lacks the plot . Agar action scenes me thodi si jaan dikhti hai toh woh sirf Salman ke jhatko ki wajah se hai . Prem ko present kiya gaya ek seedhe , spectacles lagaate huwe tie aur full shirts pehne huwe jiski wajah se Salman look disturb ho jaata hai . Fans ko yehi baat sabse jyada dissapoint karti hai . But still salman is the reason for all the hype surrounding this movie . He did his part so well and used his superb sense of humour to light up the scenes . Asin ka bhi role utna impactful nahi tha kyuki Salman ke aage sab paani kam chaai lagte hai . Baaki bahut se characters hai movie me aur sabne chote - chote roles me theek - thak kaam kiya kyuki usse jyada unke paas scope hi nahi tha . 

Ready ko log kyu pasand karenge apart from Sallu's stardom ? Movie me do aise hit chartbusters songs hai jo aapko theatres tak khich hi laayenge . Start with CHARACTER DHEELA , is gaane ne aisi peepri bajaayi ki movie ko shuru me hi taaliyaan aur waah-waahi mill gayi . It was really refreshing to admire the gorgious Zarine Khan after a long break . Veer se bilkul hatke get-up aur make-up tha par Zarine Khan pulled the opportunity with both hands . The second but the best song , keh sakte hai ki year 2011 ka outstanding dance number hai DHINKA CHIKA . The song is a bollywood smash hit , with his favourite tunes influenced from south indian masala tunes . These two songs are the saving grace along with Salman's magnetic screen presence . Unke dance steps bhi ek formula hote hai movie ko hit karne ke liye . Pritam ka music ready ko block-buster banane ke bilkul kaabil tha . 

To sum up , yehi keh sakte hai ki Ready ko Readymade block-buster opening toh zaroor mili par phir naiyya doobne ke bahut chance hai bhai . Ek family entertainer drama , jisme thoda sa romance hai aur usse thoda sa comedy hai aur usse bhi thoda sa action hai , not a jaunar of Salman but still movie ka only plus point wahi hai . Agar movie ke action aur scenes pe thoda kaam kiya jaata toh ready bhi dabangg macha deti par ab pachtaye hott kya jab chidhiya chuk gayi khet . Kitna dhamaal machaaya prem ne sanjana ke khatir , uske liye main Ready hun dene ke liye Ready ko sirf 2.5 pure gold . For Salman's superb sense of humour , kuch diamonds aur silver ke bracelets bhi ready ko . A movie good , neither the best nor the worst .